[سيف الحقيقه]

اقتباس المشاركة الأساسية كتبها وسـ اـــــــام اهلين قريت الموضوع وبعض الردود فالقيت صاحب المو ضوع الله يهديه مسوي حملة مقاطعه على اسواق النخيل...........؟ليه وش السبب اقسم باالله اني انصدمت منك ومن بعض الاعضاء من كلامكم على النخيل .تخيلت النخيل مجمع الراشد الي في الخبر او الفيصليه او .......اي مجمع خارج القصيم الحمدلله انا دايم اروح لنخيل وكل اغراضنا من النخيل لاننا ملينا من قبة رشيد والصناعه وملابسه الي ماتنفع من غسله وحده تخرب ماصدقنا على الله احد يعبرنا ويفتح لنا مجمع يبيع الملابس الزينه الماركات العالميه الي لو تكرف البس 5سنين ماخرب ولاتغير.........ولاعمري شفت شباب يعاكس ابدا اصلا كل مارحت مافيه احد الناس يعدون بلاصابع بعدين انا اشوف الحرس يمنعون دخول الشباب الا الي معه محرم وبعدين الي معه محرم مو فاضي يبي يترك امه او اخته او زوجته ويبي يعاكس ....انا ابري ذمتي واقول شفت بنات الله يهديهن لابسات لبس يفتن تقل بنات الرياض او الشرقيه ولا معبرات احد عباية الفراشه الي مخصره والنقاب الي مطلع نص خدودها .....يعني لومو بناتكم لاتلومون السوق الي يخدم المجتمع والرقي...لا ماراح نقاطعه كلن يتطنز علينا ماعندنا اماكن ترفيهيه ولاعندنا تمشيات وحتى الاسواق الي تفتح النفس تبي تمنعونا منها ,,,,,المفروض تسوي حمله منع العبايه الي على الكتف او العبايه المخسره او منع المعاكسات مو النخيل ......وش ذنب صاحبه تحطون بلاويكم على الناس ..بعدين بصراحه البلا من البنات الحين لو تشوف بنت متستره مستحيل تطالع فيها لاكن الي معربجه بنفسها ولبس وحرركات اكيد كلن يبي يطالع فيها كبير وصغير انا حرمه زين لاشفت وحده لابسه البس هذا تلفت نضري فمابالكم من الرجال .....لاكن اقول الحمدلله والشكر وين اهلها عنها ....اهم شي عجبني كلام سيف الحقيقه ......وكلامه معقول ......؟؟؟الله يهديكم بس كل واحد يبي يتكلم مايعرف وش يقول يروح يفتح موضوع فاشل لنقاش ياخي ياتقول خير او لتصمت ,,,,,,دورلك شي ثاني غير عن الشي الي يخدم المجتمع تخيل عاد نقاطع النخيل وين نروح للقبه الله لايبلانا كلها زحمه ورجال وهنود اقسم باالله لاجاء العيد ازمل الحريم والرجال كلهم على بعض لازم لا جينا نمر بلاسياب الضيقه الي تقل ممر ضب يزاحمونا الرجال وتلمس اكتافهم اكتافنا لا عاد الهنود يحبون يتزاحمون مع الحريم يكفي نرتكب اثم بسبت تحجر عقلكم....القصيم توها تطلع وتونا نحس اننا في ديره مو مثل اول قحط اعوذب الله الوحده لاجت تبي تزوج تروح تعني لرياض بس علشان تجهز الحين الحمدلله عندنا شي يغني عن تعب المشاوير....وبس هذا الي عندي ؟؟؟؟؟؟؟؟؟؟؟

السلام عليكم ورحمة الله

عزيزتي كاتبة الرد شكراً لمدخلتك الكريمه

انا واصحاب الغيره لانريد ان يصل النخيل الى مستوى سوق الراشد او الفيصليه

لأن بوادره شارفت على الظهور وهذا من ملاحظاتي جزءً منها لمستها من الواقع والجزء الآخر

من الأخوات الفاضلات في هذا المنتدا الرائع والكثير اجمع على سوء هذا المجمع

نحنُ نريد التغيير لانريد التدمير وكلً يبكي على ليلاه انتي تريدي السوق نحنُ لم نغلق ابوابه

اختي الغاليه

عن أبي سعيد الخدري رضي الله عنه ، قال : سمعت رسول الله يقول : { من رأى منكم منكراً فليغيره بيده ،
فإن لم يستطع فبلسانه ، فإن لم يستطع فبقلبه ، وذلك أضعـف الإيمان } . رواه مسلم

هذا كلام خير البشر ونحنُ نحبه ونحب من احبه الى يوم الدين فماذا تريدين

نتجاهل احاديثه وللعلمك خلقنا للعباده .. للأخره ..

[جهينهـ]

والل بصراحه انا معك ياسيف الحقيقه

ولا سيما إن صاحبه لا يرغب برجال الهيئه وفي بداية إفتتاحه

منعهم

أنا بصرااااااااحه أكرهه من أعماق قلبي هذا السوق أحس إني إذا رحت لمه أحس إني مذنبه

بس عاااد إذا حدتني الظروف رحت لمه الشكوى لله




وأنا أقول والله العظيم ورب الكعبه إن اللي متستره ولابسه حجاب كاااااامل
إبن إبوه مايناظرها ولا بطرف عين وأتحدى واحد يسوي لها حركهـ وحتى لوكان ما معهم لرجااال...

أما اللي جاايه للخراب وتبي تلف وتدور ه اللي تلقى من يلف مها ويدوور سبحان الله تعرف راعية الخرابيط..

[جهينهـ]

وايضاً أكرر لك شكري يا سيف الحقيقه وياليت كل الرجال عندهم غيره مثللك

[تورتاية]

اقتباس المشاركة الأساسية كتبها narran شوفي قلتي انا وصديقاتي شفنا الكثير من المواقف انا لم اقل عنك شيا لاني لااعرفك ولم اراك فهناك مثلا يقول اذاكنت تسال عن المر فسال عن قرينه

أولاً اللي ذكرته في مشاركتي عني وعن صديقاتي ما يعني أننا تعرضنا للمعاكسة يا فهيم ...!!!


اللي أقصده أننا رأينا بأعيننا شباب يعاكسون بنات والعكس وترقيم مو طبيعي ...



وبعدين لا تقعد تدافع عن شي بالأساس غلط ... إذا ما ودك تقاطع ياخي لا تقاطع ما أحد غصبك ...!!

تدرون يا اخواني وش أكثر شي تعلمته من النخيل.. ان بعض الشباب الله يوفقهم اللي يجون مع أهاليهم فحالهم ..

والبنات هن اللي آخذات دور المبادرة بالمغازل .. عفانا الله مما ابتلاهم به ..



مجموعة من البنات من أول ما يدخلن وهن ملفتات بقوووووووة وواضح عليهن انهن مو راعيات سوق لكن جايات بس.....!!!!

واللي يدل ع كذا مبالغتهن في اظهار زينتهن مثل العباية الكتافية الضيقة وبعض الاحيان مفتوحة إلى ......؟؟؟ واللثمة والتغنج بالصوت والميلان ع بعضهن البعض بضحك ودلع ..

ولما يمرن من عند شاب يصرخن ( وااااااااو يجنن موبايلك من وين مآآخذه ) واذا التفت لهن جدعن الرقم ... وضحكن ومشن ...


وهذا موقف حدث أمامي وبالتحديد قدام زارا بنت يتحدنه اللي معه بصوت مسموع بقوة انه تحط ايده ع خصر شاب كان واقف قدام باب المحل وأتوقع انه سمعهن لأن صوته كان عالي... لكنه ظل واقف لحد ما جت وزينت الحركة وبعدين قالت .. يؤ يؤ سورري ما انتبهت حسبتك ثموووور !! وهو مبلم


,


أنواع القرف والوساخة تكرمون .. وما خلان أقول هالسالفة الا الاخ اللي ما يعرفني ...وإلا ناوي يحكم علي ابن الحلال...


,


و ع فكرة ترى العثيم وقبة رشيد يهونووووووووووووون مع النخيل ..

اذا كان فيها مغازل وحركات بطالية فالحمد لله الهيئة تلقاهم بكل مكان يحدون من انتشاره وعدم استفحاله لكن النخيل مجاهرة بالمعصية بشكل مو طبيعي ..


وااااااااااااااااااااااااضح البنات أو الشباب اللي جايين يشترون واللي جايين ...!!!!!!!!!




.

[المنتهي 2009]

اقتباس المشاركة الأساسية كتبها تورتاية ! ! ! أولاً اللي ذكرته في مشاركتي عني وعن صديقاتي ما يعني أننا تعرضنا للمعاكسة يا فهيم ...!!! اللي أقصده أننا رأينا بأعيننا شباب يعاكسون بنات والعكس وترقيم مو طبيعي ... وبعدين لا تقعد تدافع عن شي بالأساس غلط ... إذا ما ودك تقاطع ياخي لا تقاطع ما أحد غصبك ...!! تدرون يا اخواني وش أكثر شي تعلمته من النخيل.. ان بعض الشباب الله يوفقهم اللي يجون مع أهاليهم فحالهم .. والبنات هن اللي آخذات دور المبادرة بالمغازل .. عفانا الله مما ابتلاهم به .. مجموعة من البنات من أول ما يدخلن وهن ملفتات بقوووووووة وواضح عليهن انهن مو راعيات سوق لكن جايات بس.....!!!! واللي يدل ع كذا مبالغتهن في اظهار زينتهن مثل العباية الكتافية الضيقة وبعض الاحيان مفتوحة إلى ......؟؟؟ واللثمة والتغنج بالصوت والميلان ع بعضهن البعض بضحك ودلع .. ولما يمرن من عند شاب يصرخن ( وااااااااو يجنن موبايلك من وين مآآخذه ) واذا التفت لهن جدعن الرقم ... وضحكن ومشن ... وهذا موقف حدث أمامي وبالتحديد قدام زارا بنت يتحدنه اللي معه بصوت مسموع بقوة انه تحط ايده ع خصر شاب كان واقف قدام باب المحل وأتوقع انه سمعهن لأن صوته كان عالي... لكنه ظل واقف لحد ما جت وزينت الحركة وبعدين قالت .. يؤ يؤ سورري ما انتبهت حسبتك ثموووور !! وهو مبلم , أنواع القرف والوساخة تكرمون .. وما خلان أقول هالسالفة الا الاخ اللي ما يعرفني ...وإلا ناوي يحكم علي ابن الحلال... , و ع فكرة ترى العثيم وقبة رشيد يهونووووووووووووون مع النخيل .. اذا كان فيها مغازل وحركات بطالية فالحمد لله الهيئة تلقاهم بكل مكان يحدون من انتشاره وعدم استفحاله لكن النخيل مجاهرة بالمعصية بشكل مو طبيعي .. وااااااااااااااااااااااااضح البنات أو الشباب اللي جايين يشترون واللي جايين ...!!!!!!!!! .

المقاطعه مو الحل

انت شوف اول شي ايش اللي يجيب الشباب لبس المخصرات واظظهار المفاتن وغيره

لو مافيه بنات كذا ماصار مغازل

الاصلاح يبدى من الاهل وكل مسؤول عن رعيته مهوب يجدعه بالسوق ويطس

لانها مهما كانت الشيطان موجود

والاسواق كلها بلاوي الله يحفظنا بقبه رشيد او النخيل مهنا فرق واسئل الحريم

مجرد راي

[مس ديور]

انا ارى ان المفـروض الرجـال مايروحون السووق مع حريمهم

لانه السوق باالاساس للحريم الحين صاار كله رجال

قصما اني اذا رحت للنخيل اعجز امشي واتفرج على راحتي من النظراات

اكيد بتقولون عبايتس موب محتشمة ,,لاوالله عبايتي ساترة
بس رجال الوقت الله يهديهم مايغضون البصر ,,والبنات مايقصرن باالعري

يعني الحـل الامثـل ان الرجـال يحـط حرمتـه ويـروح مووب يجـي خـامن حـرمته ويضـايقناااا بنضـراته ..

[رنـا]

ههههههههههههههه والله انكم تضحكون يعني المغازل بس بالنخيل ؟؟؟

[مجنونة بريده]

لاتعليق

[Tasting me life]

اقتباس السلام عليكم ورحمة الله وبركاته

وعليكم السلام ورحمة الله وبركاتة

اقتباس اسعد الله جميع اوقاتكم بالخيرت

اسعد الله ايامك بكل خيـــر

اقتباس حافظو على سنة نبييكم صلى الله عليه وسلم

اللهم صلي وسلم عليه واجعلنا ممن يسير على نهجه وهديه ..

اقتباس ينبغي ان نغيير المجتمع المحيط بناء ونجعله يساعدنا على اتباع اوامر ديننا الحنيف

قال تعالى :{إن الله لا يغير ما بقوم حتى يغيروا ما بأنفسهم}

( تغيير النفس وتغيير الغير)
اذا ملك الانسان هذين الامرين فقد وصل الى ما يريد ونال مطلبه !!

اقتباس نريد ان نحافظ على بناتنا عن طريق رفض الأسواق اللتي يوجد فيها معاكسات

عزيزي .. في كل مكان نجد المعاكسات وصلت هذي الآفه بيت الله الحرام وفي رمضان والعياذ بالله
لا نعالجها بالرفض بل يجب على الجهات المختصه بهذه الاماكن تتبع بدقة هؤلاء الشباب والفتيات واصحاب المحلات
وإقامة عقوبه رادعه لكل متلبس بهذه المخالفه الشرعيه..

ايضاً على اوليا الامور الذهاب مع محارمهم إلى الأسواق حتى لا يتجرأ أولئك الشباب علي معاكستهم.

اقتباس نرفض ان يقوم بالمحلات عماله اجنبيه نريد سعودة المحلات وطرد العماله السوريه واللبنانيه من السوق بشكل نهائي ..

المجتمع فيه الصالح والطالح ولا يختلف الشرق والغرب في ذلك ..

لكن علينا ان نتبع مايلي :
1- التربية الصالحة للأبناء والبنات.
2- تنمية المشاعر الدينيه في نفوسهم.
3- غرس روح الفضيلة.
4- المحافظة على شرف وكرامة الأسرة.

لايــسعنى ســوى أن نــدعــي لــشباب الـمسلمــين بــالثبات

اقتباس نريد ان تكون المحلات الخاصه باللنجري نسائيه والمحلات مغلقه ويمنع دخول الرجال

اتفق معك .. فمتى يتم ذلك ؟

اقتباس (يداً بيد للعفاف اخواتنا الطاهرات )

اللهم أصلح شباب المسلمين اللهم أجعلهم عدة لدينهم وأوطانهم ومجتمعاتهم
اللهم أصلح نساء المسلمين اللهم جملهم بالحياء والعفة يارب ...


اشكرك اخي (سيف الحقيقه) على غيرتك الشديده على دينك ووطنك واهل بلدك

أسأل الله العظيم أن يحفظك ويبارك في سطورك ويجعلك مفتاحاً ومنبعاً للخير والعطاء..

[سيف الحقيقه]

سرني تفاعلكم مع الموضوع

شكراً لكم جميعاً

[سيف الحقيقه]

اقتباس المشاركة الأساسية كتبها tasting me life وعليكم السلام ورحمة الله وبركاتة اسعد الله ايامك بكل خيـــر اللهم صلي وسلم عليه واجعلنا ممن يسير على نهجه وهديه .. قال تعالى :{إن الله لا يغير ما بقوم حتى يغيروا ما بأنفسهم} ( تغيير النفس وتغيير الغير) اذا ملك الانسان هذين الامرين فقد وصل الى ما يريد ونال مطلبه !! عزيزي .. في كل مكان نجد المعاكسات وصلت هذي الآفه بيت الله الحرام وفي رمضان والعياذ بالله لا نعالجها بالرفض بل يجب على الجهات المختصه بهذه الاماكن تتبع بدقة هؤلاء الشباب والفتيات واصحاب المحلات وإقامة عقوبه رادعه لكل متلبس بهذه المخالفه الشرعيه.. ايضاً على اوليا الامور الذهاب مع محارمهم إلى الأسواق حتى لا يتجرأ أولئك الشباب علي معاكستهم. المجتمع فيه الصالح والطالح ولا يختلف الشرق والغرب في ذلك .. لكن علينا ان نتبع مايلي : 1- التربية الصالحة للأبناء والبنات. 2- تنمية المشاعر الدينيه في نفوسهم. 3- غرس روح الفضيلة. 4- المحافظة على شرف وكرامة الأسرة. لايــسعنى ســوى أن نــدعــي لــشباب الـمسلمــين بــالثبات اتفق معك .. فمتى يتم ذلك ؟ اللهم أصلح شباب المسلمين اللهم أجعلهم عدة لدينهم وأوطانهم ومجتمعاتهم اللهم أصلح نساء المسلمين اللهم جملهم بالحياء والعفة يارب ... اشكرك اخي (سيف الحقيقه) على غيرتك الشديده على دينك ووطنك واهل بلدك أسأل الله العظيم أن يحفظك ويبارك في سطورك ويجعلك مفتاحاً ومنبعاً للخير والعطاء..

بارك الله فيك

طريقة رد واضحه وعقلانيه

شكراً للتفاعلك للرفع راية الحق

جمعنا الله في دار كرامته

[بريدة دانة العرب]

اعتقد ان لو كل شخص ذهب مع اهله للسوق سواء للنخيل اوغيره لما تجرأ احد على المعاكسات سواء صاحب المحل او غيره وتقبل مروري

[المحوقل]

بخاطري شي ودي اقوله

لو وضع النخيل مفتوح مثلة مثل السوق الداخلي يعني عام

سوف يكون للاهل رده فعل لترك بناتهم بهذه الطريقة في السوق

والحجة أنه عائلي وهذا المسمى أعطاه ثقة عند الاهل السذج

تجد مجموعه بنات صديقات متوعدات في النخيل وهات يا غزل وحركات غير مسؤله

لا وكل وحدة متزينة لصديقاتها وكأنهم في زواج أو عزيمة

صدقوني لو وضع هذا المجمع مفتوحا لما رأيتم المعاكسات وثقة الاهل في هذا المجمع(( العائلي))

سوف تزول تماما (مصطلح عوائل جلب المصائب)

تحياتي لكم

[الحد]

اقتباس المشاركة الأساسية كتبها ام الموذي المغازل بكل بمكان مهوب بس النخيل والله ان السوق الداخلي وقبة رشيد اشد من النخيل ولا بالفرق ................................................ بس انتم ياحول حاطين حرتكم بهالسوري واللبناني طيب هم وش ذنبهم لاصارو مزايين ؟؟؟؟؟؟؟؟ او تبونهم يشوهون ارواحهم علشان انتم ماتضايقون منهم

أم الموذي وش خليتي للعرابجة ؟ !!