[بلبل الغابة]

يخوي ربعنا لو شافو الشده من قبل المدير والله يمشون مثل غيرهم

[طاير بليا جناح]

الأخ : أبو فزاع
أشكرك على مشاركتك ومرورك
الأخ : بلبل الغابة
كلامك صحيح لكن يقال ( لا تكن لينن فتعصر ولا تكن قاسين فتكسر )
ربعنا ما زالت قلوبهم طاهرة يراعون الله في لقمة عيشهم لكن سبب خروجنا نحن الشباب الملل والفضاوة وإلا الربع شغيلين ما عليهم ما قول كلهم أبيك تخيل أنك قاعد على الكرسي ما عندك معاملات وش تبي تسوي أنتر نت وجرايد تمل لكن عندما يكون عندك شغل يطير الوقت ما حسيت وأنت منهمك بالعمل أليس هذا هو الواقع أما أني مخطي

تقبل تحياتي

[الطائى]

موضوعك مش محدد
حدد نقاط ونتناقش فيها
مستحيل الجميع ينحل مرة واحدة

[البرنس455]

شف الدوائر الحكوميه من الألف إلى الياء ياعم في جامعة القصيم وربي رئيس قسم دكتور ووكيل كليه أيضاً دكتور إذا طلبت منه شيء يقول إرجع لواحد فلسطيني موجود بالقسم واللي يرفع الضغط هذا الفلسطيني مو دكتور ولا شيء !!!
يعني معقول دكاتره سعوديين مو عارفين ياخذون قرار وربي شيء غريب !!!

[في داخلي قلب طفلة]

حسبنا الله ونعم الوكيل مابيدي الواحد حل يصلحه

[أبوعبدالملك]

اقتباس المشاركة الأساسية كتبها أبوراشد الأجنبي بالدوائر الحكوميه نعمه ولله الحمد يقوم بعمل عشره من ربعك أحد المكاتب بالأمانه جلست فيه علشان معامله ساعتين وفيه أجنبي واحد و خمسه من (سعوديين) الأجنبي من دخلت الين طلعت وهو بشغله ماكلم أحد ولا أحد كلمه أما ربعك متجمعين على طاوله وهات زنجبيل وشاهي ولا جاهم أحد له معامله قالوا تعال باتسر ولا عقبه ,,,, ,,,

كلامك ملاحظ في أكثر من مكان ..

ولكن السؤال :

لماذا الأجنبي أكثر تفاني في العمل من أبن الوطن ؟!

[طاير بليا جناح]

أخواني الأعزاء
السلام عليكم ورحمة الله و بركاته

أشكر لكم مروركم ومشاركاتكم أعجبني موضوع عميد القسم ووكليه دكاتره شهادات بس والحل والربط عند أخونا الفلسطيني وهو ليس دكتور

اعتقد أنهم قالوا حنا تعبنا بالدراسة ويبي لنا ستين سنة نرتاح والدولة مكلفوه تعطينا رواتب على مظهرنا على الكراسي

كل واحد يأخذ دكتوراة مفروض يكون له دور مهم جدا وليس أسم ومركز والرجال دجاجة خيبر

تقبلوا خالص حبي وتقديري

[جــــمــــس]

اي
والله صدقت
مشكووووور اخوي

[عربي أصيل]

حياك الله اخوي ،، انا مقدر ما تقوله ....
لكن لو تكتب ملاحظاتك هذه وتستند على أدله .. وترسلها لمسؤلين الدولة
اقصد الوزير المسؤل عن الجهه التي واجهت فيها شيء يخالف النظام ..
من الضروري نوصل هذا الملاحظات لمسؤلين الدولة لأنهم لا يعلمون .. حتى لا نترك الملامة عليهم ..
واذا لم تجد تجاوب أكتب لمقام خادم الحرمين الشرفين - حفظه الله ورعاه -..

[ندى الورد]

صدقت ويسلم فمك على هالكلام ويمينك اللي كتبت

[ندى الورد]

وأزيدك من الشعر بيت واحد من اقاربي قدم اوراقه في كل الجهات الحكوميه ولا جاه شي وبالاخير انتهى امره في العسكريه يعني الشغله كلها واسطه في واسطه ووحده قدمت اوراقها في الجامعه واجتازت الامتحان التحريري والمقابله الشخصيه من مصدر موثوق وبالاخير لم يتم ترشيحها والسبب الواسطه والوظائف تعلن فقط والموظفين محجوزين قبل الاعلان عن قولة والله نعلن
مثل الجامعه اللي هي جامعة القصيم تعلن الوظائف والموظفين والموظفات محجوزين وهذا مصدر من الجامعه يقول الوظائف محجوزه شف العجب ......
غير المدارس الاهليه اللي الواسطه تلعب فيهم لاقدمت الوحده اوراقها يتم الاتصال بها ويطلب منها للمقابله شرح درس والمصيبه الكبرى من اللي يقيم المدرسه وحده اجنبيه ومصدر ثاني يقول يتم التقييم المدرسه من قبل الطالبات........ مو قهرررررررررررر

[طاير بليا جناح]

أشكر للجميع المرور والمشاركة
فيه ناس أخذين الكرسي صبرة ولا تم تغييرهم ليش ؟؟؟؟؟؟؟؟؟؟؟؟ !!!!
ناس راحت وناس جت وهم في مكانهم ولا لهم أنتاج و ما نتف ريشنا إلا هم بالروايح العطره وشوارع بريدة كلها حفريات منهم وجيدين بالغرامات وقطع الخدمة والفواتير

[الصريح الفصيح]

ماجبت شئ جديد وين اللي يبي يعلق الجرس كل يوم نتكلم ونناقش بس لاحياة لمن تنادي - اخوي المصايب بالهبل بس عندنا شئ ماشفتوه الله يوفقك وتنقل لبريدة ونشوفك وانا أبعزمك على مطزاز بلحيمة حاشي بمزرعتي اللي كله بق بس تحمل حبيبي - كلامك سليم بدون تفعيل يعني طاير بالهواء

[طاير بليا جناح]

اقتباس المشاركة الأساسية كتبها أبوعبدالملك كلامك ملاحظ في أكثر من مكان .. ولكن السؤال : لماذا الأجنبي أكثر تفاني في العمل من أبن الوطن ؟!

لأنهم مرغوبين عند المسئولين بالدوائر الحكوميه كله على شان يعلبون المدراء ( شبرا أمرا) بالنظام والأجنبي ما راح يقول لا لا أم السعودي ولد قلبك بكل مجلس فاضحاً مصايبهم وهم اللي مكسرين مجاديف الشاب السعودي يجي متحمس ولا يلقى أحد عنده ويصف مع اللي صافين