[أم جحا]

اقتباس المشاركة الأساسية كتبها غ دير المح ـبة كلامك فيه شي من الصحة .. ولكن في المجتمع الذي نعيشه ,أغلب الفتيات تتزوج من زوج غريب عنها وربما كان من منطقة أخرى ,, في هذه الحالة يصعب على الأهل السؤال عنه وبدقة .. وأيضاً هناك من الأزواج من يصبح مدمناً من بعد الزواج.. أشكرك أختي عالمشاركة ..

أختي الغالية إذا صعباً السؤال عن الخاطب
المفروض مايوفق عليه ولي أمر البنت
لأن البنت أمانه عنده

وأذكر وحده أعرفها أخذت واحد من الجنوب وهي من نجد وطلقتها
قال أبوي الله يعين >>> هذا للي يزوج بنته واحد مايعرفه
المفروض مايعطي واحد من خارج منطقته <<< حتى لا يصعب السؤال عنه

واذكر كلام شيخ من مشايخنا رحمه الله
فيما معنها ...

يقول إذا تقدم خطيب لبنتك من خارج المنطقه يجب عليك السؤال عنه جيدا
لانه ليس من منطقتك وهنا يصعب السؤال
وإذا طول السؤال عنه لمدة ثلاث شهور لايمنع ذلك .

[باريسيه]

الله لا يبلان بواحد منهم
انتي ذكرتي الصفات اللي دايم ادعي ربي ما تصير من نصيبي

[هايين]

لن اختار احد

كل مر واشرب مر
ولاتعاشر مر

الوحده خير من جليس السوء

يارب ماعيش مع احد من هولا

[انسانهـ لا أكثر]

انا اخترت المريض النفسي ...واحسه اهونهم .....
والسبب
ان البخل والشك ..صفات من الصعب تغيرها
اما المدمن والمريض.. فهذه اشياء عرضيه ممكن معالجتهم
وافضل المريض النفسي على المدمن ....لان المريض ما يلحقه عار مثل المدمن
مجرد راي

[الجمان]

اذا انا مخيرة
طبعا مااختار ولاواحد منهم
لأن ذولا شواذ والأصل ان الرجال اسوياء
فليش تفترضين انه مايجيني الاواحد من هالشواذ
اما ان طاح الفاس بالراس ع قولتك وماعرفت عنه الابعد الزواج
اممممممم
والله ماادري ممكن افضل الانفصال خصوصا اذا ماكان فيه ابناء...
والله يكون بعون زميلتك ..

,,
تقبلي مروري,,,

[سلا ف]

اختار المريض النفسي..
لانه يعتبر كمريض السكري وغيرره.. والمريض النفسي افضل من غيره ..

ان اتعامل معه كشخص عادي...
اعطيه الامان والثقه بالنفس..
ان تكون شكواه سر بيني وبينه..

[loquacious]

اذا كان على الإختيار مستحيل أختار واحد منهم .. وأجلس في بيت ابوي معززه مكرمه

وإذا ابتليت بالأكيد اختار ( البخيل ) ان شاء الله اتوظف واستغني عن قعاطته ..


أما في حال زميلتك الله يعينها بس لازم تصبر وتدعي وتعرف كيف تتصرف ولكل حاله تصرف خاص والشك مراتب حتى شي قوي وشك خفيف وشك لسى في بدياته وشك يمكن انتي اللي جايبته له ..

واذكر قصه لوحده من قريباتي سألوا عن الولد ومافيه أي عيب المهم تزوجت ,,, تقريبآ رابع يوم من الزواج بيطلعون يتعشون في مطعم طبعآ البنت طقت الزين بما انها عروسه ,, هِنا الزوج وقف لها وبالبيت قبل مايطلعون نشب بالأسئله ليه حاطه كحل وليه لابسه خاتم وليه وليه ... البنت عمرها 26 وعرفت ان الوضع هذا شك في شك وكيف راح تكون نتيجة الشك (وقلت عمر البنت لأن لو هي عمرها 20 كان ما يجي على بالها الشك ) .. على طول طلبت الطلاق وعقب ذيك الأسئله راحت لبيت أهلها ومارجعت منه .. لكن ارتاحت من عقليت الرجل .. وزينة الشكاك تبين فيه من أول شي لأنه غريزه فيه مايقدر يمشيها أو يمررها عليك حتى لو هو طاف فيك ...



اللهم ارزقنا الزوج الصالح ....

[تباشير المطر ~]

حبيبيتي غدير
خيـــاراتك كما يقال [ أحلاهما مُر ]
لكن ربمــا الشكاك أهونها .. !
وفقك الله دنيــا وآخره ياغالية

[رُوَاءَالرُّوح]

الغلا غدير....
مجرد إفاده فقط والا ماراح أتفائل على نفسي
**المريض نفسيا**
السبب/لانه مو كل من وضع بالنفسيه مريض قد يكون وهم اوهمه الاطباء
او من شدة ذكائه وداهيته لايستطيعون الشعب فهمه فأُتهم بالمرض فعاش هناك
لذلك يقبل زوج
عكس الحمدلله والشكر شكاك مهما بلغ من الدين والعلم مايتعدل
بخيل لو امتلك اموال الدنيا لن يمد كف العون ولا للمحتاج
المدمن نسأل الله السلامه أحسن شي فيه المخ جديد لم يستخدم

[شاطئ الذكريات]

ولا واحد منهم كلهم العيش معهم تعذيب بس اهون واحد اللي هو البخيل احاول اقتصد وبعدين اكيد اهلي بيعرفون انة بخيل وماراح يقصرون معي بس الباقي صعب الحل معهم ويمكن المدمن بحيث اني اتفق معة على انة يعالج نفسة بالمستشفى حق المدمنين

[ام سامي بطل العالم]

بسم الله علينا

ولا واحد كلهم مرض

بتوفيق

[برنسيسهـ]

بصرآآآحه مافي احد خالي من العيوب لاكن انا لوخيروني بختار او بصوت للمرض نفسيا لان المرض مثله مثل غيره يتعالج ويطيب .. اما الطباع ماراح تتغير
يسلموووو ع الموضوع ..

[ياسمين القصيم]

والله اختي جميع الصفات التى ذكرتها تندرج تحت مسمي المريض نفسي فما الفرق والداعي لا ختار منهم ؟؟؟؟؟(الله لا يبلاني بواحد منهم ))كل واحد مثل الثاني راح يسود عيشتي
بعدين الي قالت المريض النفسي ووووووو وانو ارحم ((((؟؟؟؟؟(((( يلا بدن يتفلسفن حبيباتي مادمك ماتزوجتن لا تخربطن انت ما تدرن عن الوضع وش راح يكون لانك بنات ماجربتن الزواج(((الزوج العادي عسان نعبر اغلاطه مو مريض نفسي)))اكيد ماحد خالي من العيوب بس عيب عن عيب يفرق وينعبر بس الاصناف المذكورة صعبه جد تعبيرها....وبعديننننن............................. .
الله قال لا ترموا بانفسكم بتهلكه وش حادكن بس شفاحه على العرس؟؟؟؟؟؟
اانا والله مابي ازعل احد بس من واقعي الاجتماعي اعرف قريبات منها الي زوجها( بخيل )
(والشكاك)
(والمدمن)
والاعظم المريض النفسي
حبيباتي كلهم يستعملون او كلهم على طريقه نفسها يعني وهذا من كلام واقعي والله الشاهد::::

كلهم راح يخلون عيشتك على قرن شيطان***** وكلهن يتحسفن على اليوم الي تزوجن فيه
ويقولن يليتنا متركنا اهلنا وتزوجنا (والله اهلنا كانو مدلليننا))
وكلو كوم والمريض النفسي كوم((انا ماقول هذا الكلام الي من تجربه قريبه))نصيحه لاني اشوف وحده من قريبات عايشه انواع العذاب ولا ياليت بعد مقدرين تصرفها ،،،
وحده من اهلنا خطبت وسالوا عنه(صلاة)واخلاق بس تعرفون(((المريض النفسي ))مايعلم بمرضه او بلاخص مجحود ::: المهم تزوجت والله من اول ليله شافت الويل تقول:لليله الزواج مايتكلم ويصدد قالت يمكن مستحي ؟؟؟وظال اليل بس يطالعها ؟؟ مرت الايام وبدت تلاحظ ان يقوم من نومه ويتكلم قالت اسمي عليه واقول عسي ماشر وبدا يتلفظ ويهدددوفي يوم من الايام لقت في سيارته حبوب كثيرةواخذت بعض منه وسالت الصيدلي وقاله هذي حبوب لانفصام الشخصيه وعلمت اهله قالوا لا ولدنا مافيه شيء انت الي جننتيه انت الى مرضتيه(يدارون على ولدهم))والله زعلت وراحت عند اهلها وبعدين اكتشفت انها حامل واضطرت ترجعله وتقول يبنات والله اني ماعرف طعم النوم اخاف منه يتكلم ويشيش ويتقمص شخصيات ساعات مثل الطفل يبكي ويتبول (اكرمكم الله))واغيرله وساعات تقولوا هذا مجرم يبي يذبحني على اتفه سبب وولدت وجابت بنت ومرت الايام على ها الحال الين ما جاء يوم تقول كاعادته قام بليل ويتكلم مع نفسه وتقول قمت اسمي عليه واكلمه بس الرجل ماهو في وعيه وقام معصب وراح للمطبخ و تقول وان الحقه وعرفت انو رايح للمطبخ وخفت وتقول اخذت بنتي وطرت للباب دون عبات وهجيت الي جاء هو وراي وانا اركض
والحمدلله تقول وقف ورجع على دخلت اذان الفجر والا ابو سابع جار يطلع واصرخ واخذ اشماغه واقوله السالفه واتصلوا بهلها ولحين اهي مطلقه تقول الحمدلله انو الله فكه منه والله انها شافت ليالي الله لايوريكم..
خواتي اناوالله ماذكرت القصه هذي الا للعبرة عشان تفكرن يمعشر البنات الف مرة وتسالن زين قبل ماتتزوجن!!!!!هذي حياة مو لعبه(ولااتتفلسفن ياصغيرات)الي ايده في النار مو مثل الي في ماء...
الحمدللهاللهم لاتبلانا... اسال الله ان يرزقنا وجميع العزابيات ازواج صالحيين تقيين حنونني ويبعد عنا (الاصناف المذكورة)..

[أمــلـ يوااسيني ـي]

ويا سؤالك غثيث وصعب شوي
#الشكاك...راح اتعب نفسياً منه من ناحية كثرة اسألته أو...تفكيره....أو...
يعني بينكد علي الدنيا خاااااااااااصه أذا صار له سلطه علي
#المريض نفسياً....هذا بتكون حياتي معه مهدده بالأنقراض(يمكن يقتلني بأسباب تافهه) وصعبة طرقة فهمه اي شي أقوله راح يفهمني غلط****
[COLOR="Teal"]#المدمن... بتكون حياتي كلها رعبxرعب يمكن يقتل او يسرق او يفعل اشياء ما نتوقعه......[/COLOR]
# البخيل.... يازينه زيناه عند اللي قبل البخيل كااااااافي خيرة وشره اصبر عليه وما اقول إلا(((الله لا يحيج إلا لوجه)))
الله يكفين وياكم شرهم ويجعل ضروفنا ما تحدنا على ذولا ياااااااارب
الله يريح بال صديقتك يارب ويسعدها ويوفقها ويرزق زوجها الثقه به يا حي يا قيوم
***مشكوووووووره اختي ياسمين قسم بالله انه قصه مفيده خاصه للبنات اللي اختاروا ((المريض النفسي)))