[درر الوداعين]

اقتباس المشاركة الأساسية كتبها الواثقة والله حرااااام توه صغير ومراهق ويعني اكيد بتزوجونه وحده اصغر منه بالله كيف بيدبروون امور حياتهم وهم لسى بهالعمر حاولي تقنعين رجلك وفهميه ان مساؤى هالزواج اكثر من فوائده شي عجيب ...., : (

اكويد بتكون الزوجه 16 او 17

والله عجزت اقنعه يقول انتي ماتفهمين بكره اذا طاح بشئ تحسفت
انا ابغى طريقه كيف اقنعه

[درر الوداعين]

اقتباس المشاركة الأساسية كتبها برق برقان اختي .. في هذا السن يستحيل عليه ان يتدبر امور معيشته .. 1-كيف يتزوج وهو ماعنده راتب او وضيفة .. <<يعني من راح يوافق على تزويجه 2-إذا كبر وفهم الوضع قال الله لايبارك في اهلي وش مزوجيني ,,؟؟ 3-اتوقع بمثل هالسن ما عنده اي سالفه في الزواج ..؟؟ تستطيعين اقناع زوجك بقولك له ..: زوجي العزيز ان ابننا إلى الآن وهو يدرس وقد يؤثر الزواج عليه في إكمال دراسته وإحتمال كبير يترك الدراسه ثم ننفق عليه بدل ان يكمل دراسته وينفق علينا ,, وإنني احتاجه في خدمتي فأنا اولى ان يخدمني لا زوجته .. وانا اتوقع بأن ابننا ليس له اي خبرة في امور الزواج لافي تربية الأبناء ولا في المعامله مع الزوجه .. >> تقبلي تحياتي <<

مشكوووور على المرور
مشكله الصرف يقول انا بمشي له راتب شهري

[هايين]

انتظرو عليه قليلا

مازال صغير
وشباب هذا الزمان لايستوعبون المسئوليه


موفقين

[درر الوداعين]

اقتباس المشاركة الأساسية كتبها شهلول * * العمدة في الزواج ليست على السن فليس هناك سن مناسب للزواج سواء كان للرجل او المرأة ولكن هناك إنسان مناسب للزواج فمثلا إذا أحس الشاب أنه بلغ مبلغ الرجال، وقادرعلى تحمل المسؤلية والقيام بحقوق الزوجة ويرغب في الاستقرار فعليه المبادرة بالزواج والسعي إليه قال الرسول صلى الله عليه وسلم: "يامعشر الشباب من استطاع منكم الباءة فليتزوج فإنه اغض للبصر واحصن للفرج" فلم يحدد الرسول صلى الله عليه وسلم السن بل الإستطاعة والقدرة أرجو تقبل مروري بقبول حسن

الف شكر على المرور
وكلام صحيح

[درر الوداعين]

اقتباس المشاركة الأساسية كتبها اابو معاذ المكي وعليكم السلام ورحمة الله وبركاته اختي الفاضله لاشك ان الزواج هو استقرار ولايخلو من المسئوليه ولو كان راي يختلف عن بقية الاخوه والاخوات فانا ارى انك تزوجينه وحخاصه نحن في زمن كثرة فيه المغريات ولكن عليك قبل تزويجه ان تسدلي له بعض النصائح التي تكون عونا له في الحياه اسال الله ان يوقفه ويملأ حياته سعاده

الله يجزاك خير وهذا هو رائي والده

[درر الوداعين]

اقتباس المشاركة الأساسية كتبها بلف الكاتم بالنسبة لي و أنا أخوض في ميدان هذه الأعمار .... الشباب يختلفون .... و طبعا أغلب الشباب في هذا الوقت لا أستطيع أعطيه غنم .... وفيه من الشباب وهم قليل أعتمد عليه بأشياء كبيرة ... باختصار : أنت أدرى من غيرك بولدك

المشكله اني محتاره حتى في ولدي اذا شفت كلامه وتفكيره تقول انه رجال واذا شفت اهتمامه في السيارات مادري
وهو ولله الحمد محافظ ومتحمل مسؤليتنا وحتى مسؤليت زوجه ابيه ولا ودي ازيد عليه المسؤليه

[درر الوداعين]

اقتباس المشاركة الأساسية كتبها فورتشنر والله يا ختي في الله انا واحد من اخواياي ابوه الله يفك اسره نفس ابو ولدك بالسجن المسيكين زوج ولده يوم حس انه بيمسك علطول بنت خالته ومسكه محله والولد مشاء الله الحين عمره 20 ومعه 3 بزارين وله محل مشهور بالصفراء لا وازودك من الشعر بيت زوج بنته اللتي كان عمره 15 سنه اقول وجهي ولدك وانصحيه والله يارب البيت يوفقكم ويكون بعونكم بس احرصي على ذات الدين

ماشاء الله تبارك الله
البنت مو مشكله زوجي زوج بناته ثنتين وحده 16 وحده 15

والله مادري كلامك زاد حيرتي

[درر الوداعين]

[quote

اقتباس المشاركة الأساسية كتبها رابعة يبدو ان زوجك وده يشوف احفااده .. لكن اختي انتي بإمكانك تحددين هو قد العرس ولا لا واضح ان ولدك ماجاب طاري العرس فاليش تفتحون عقله لهالامور صحيح ان الوقت كثرت المغريات ولكن كثرت لمن بحث عنها واصبحت شغله الشاغل .. الاستخارة وارى لو تصبرون الى ان يبلغ 20 سنة افضل لان من بيصرف عليه الحين .! فاصبروا حتى يدخل الكلية ويتزوج وحدة بالكلية ويمشون امورهم ويكونون نضجوا شوي ..!! واطلبي من زوجك يستخييييير ويتفاائل خيرااا ,,, موووفقين..

لالا زوجي خاااايف عليه بس لانه مو عنده ولا يدري عنه يقووول والله مشغل بااااااااالي مررره
وكلامك صادق بقوله يستخير والله يكتب اللي في الخير

[درر الوداعين]

اقتباس المشاركة الأساسية كتبها اميرة البحار الـ7 اختي دار الوداعين ماعندي اكثر من اللي قالوه المتفضلين قبلي بس ازيد واقول ولدك وانت ابخص به وبمراجله اذا تشوفينه كفؤ للزواج ويعرف قدره زوجيه وبالتوفيق لاتنسين تعزميننا

مشكوووووووره اختي على المرور وابداء رئيك

[درر الوداعين]

]

اقتباس المشاركة الأساسية كتبها أبو جـــهـــاد . . . ألاحظ هنا أن الشباب مؤيدون أما الفتيات فمعارضات ,, أما أنا : فمؤيد وبقوة .. الدكتور هاني عبد القادر يطالب بتزويج الشباب في عمر 15 ويعقد الدورات لذلك وأنتِ تتسائلين عن 17 لم نسمع أن زواجا فشل بسبب صغر العمر .. سؤال بسيييييط لماذا جعل الله البلوغ في الـ15 أو قبلها هل جعله ليشقي الناس ؟؟سبحانه و تعالى عن ذلك ..؟؟ وإن كنت تظنين أنه < مايدبر ولا يعرف > فالحياة ستعلمه ,, زوجيه ولالالالا تترددي وإن شاء الله يلحق بركب أبيه ركب الأبطال المجاهدين .. . . .

كلام صحيح
جزاك الله خيرا وبارك فيك والله يكتب اللي فيه خير

اقتباس المشاركة الأساسية كتبها عروسه ابداااااااا ما يصلح بهالسن مرره صغير وانتي تقولين همه السيارات يعني ما يعرف للحريم والمسؤليه وووو وانتبهي تزوجينه وهو مو مقتنع ترى مايصلح واعرفي ان هالزواج مأله الى الفشل

لا هو عادي عند احياناا يقول ابغى اتزوج واحياناا يقول اني صغير وانا ادري انا يبي الزواج بس كأنه مستحي من صغر سنه فقط

اقتباس المشاركة الأساسية كتبها شيبة الهلال اذا كان عمره 17 اكيد يبي يعرس على بنت عمره اقل من 17 ومن يبي يزوج واحد عمره 17 ولا عنده وظيفه ولا شئ

اكيد وهذا اللي مقلقني زياده اقول يمكن مالقى له زوجه
اما الوظيفه الرزق على الله وابوه يقول بأمشيله راتب شهري لين الله يرزق
الف شكر على المرور

اقتباس المشاركة الأساسية كتبها تركي بريده بزرررر حرام عليك وشو 17 خليه يتهنى بشبابه بس بلا غثى ومبزره وغرابيل وهذاك تقولين انه طافح لم السيارات واللصقات والخربطه والله انتي اللي بتبلشين به بيجيب لك بزرن مثله وتقعدين تربينهم هم وبزارينهم

والله مدري حيرتوني
الف شكر على المرور

اقتباس المشاركة الأساسية كتبها بـنـت الدلع توه بزر الزواج مسئوليه وهو صغير ما يقدر يفتح بيت ويصفصف عيال وهو ماعنده وظيفه ! وبعدين اذا العريس عمره 17 ، المدام كم بيصير عمرها ؟

الوضيفه مو مشكله الرزق على الله وابوه يقول يبي يمشيله راتب ويحطله شقه مستقله بجنب البيت
الف شكر على المرور

[درر الوداعين]

اقتباس المشاركة الأساسية كتبها أحلى صبية والله لا تزوجينه وهو صغير ومهنته التلزيق تجيه وحده تلزق معه....؟؟؟ البنت لو تزووجت صغيره اهووون ... لكن الولد يتزوج صغير صعبه حيل اللي اكبر منه عجزوا عن مصاريفهم من رأيي ان الولد توه بأول شبابه اصبروا عالأقل لحد مايأمن مستقبله بشغله اي شي,,,

الف شكر لك
لو تجيه وحه تلزق معه اهون يكون نفس الاهتمام ولا يصير تنافر بينهم
الله يسر الامر ويقنع ابوه على الاقل يصير عمره عشرين

اقتباس المشاركة الأساسية كتبها ضايق الصدر بكل حقيقه وواقع الفتى لازال صغير , لكن قولي لوالده يتريـٌث حتى يبلغ الـ 18 وبعدها يحلـها الف حلال ..

مشكور على المرور والله يهدي ابوه لي سنه وانا اماطل فيه ولو طعته كان من عمره 16 مزوجه

اقتباس المشاركة الأساسية كتبها بهولة ، أعتقد أن 17 سنة مو صغير وكمان مو كبير، وحتى إذا كان صغير أو[مراهق] الزواج رح يعقله و يكبره. وكأني فهمت إن زوجك[فك الله أسره] يبغى يزوجه منشان هالسبب يعني منشان يـكـون قد الحمل، وهو على حق. لأن ولدك إذا اليوم همه السيارات! صدقيني إذا تزوج رح يكون همه أكبر من هيك بكثير. وإذا ماتزوج رح يظل هذا همه ! أما بالنسبة للعروس فكمان 16أو 17سنة مو صغيرة [صغيرة] ، لكن مين اللي بـ يزوج بنته بهالعمر ؟! بس لو تنتظرون سنة وحدة ع الأقل يـكون أفضل، حـاولي تقنعين زوجكـ بهالفكرة ، وحطي المدرسة كمان حجة ! .. وفقكم الإله لما يحبه و يرضاه... ،

صراحه كلامك مرره ممتاز وداخل راسي ان شاء الله ابوه يصبر سنه
الله يفك اسره ويحفظ لي ولدي يارب
الف شكر على ابداء رايك

اقتباس المشاركة الأساسية كتبها ارا3993 مستحيل تزوجونه بهل العمر 17 وشلون بيروح ويجي وشلون يكون مسؤل

مسأله يروح ويجي هو متحمل مسؤيله بيتين ولا يودينا ويجبنا الاهو
لك جزير الشكر على المرور

اقتباس المشاركة الأساسية كتبها أبو محمد النجدي أولاً أسأل الله أن يفك أسر زوجك من معتقله , وأن يمن عليكم برؤيته سالمًا غانمًا . بالنسبة لابنكم فأعتقد أنه صغير جدًا على الواج في هذه السن , وليس مرد ذلك إلى أنهُ جاهل أو لعوب , بل ربما هو من الرجال الحسنة أخلاقهم , ولكن يا أختي الفاضلة , هناك أمور وأشياء لا تُدرك إلا بتقدم العمر , ولا تتضح إلا بعد مجاوزة عمر معين , فبعد النظر ,لا يأتي إلا مع تقدم العمر . النبي صلى الله عليه وسلم منذ شبابهِ وهوصادق وأمين وخلوق , ولكن نبوته لم تأتي إلا بعد أن بلغ الأربعين من عمره , وهو سن اشتداد الرأي . وأعتقد أن زوجك - فك الله أسره- يعيش ظروف بالغة الصعوبة في السجن - لا شك - وهذه الظروف إذا تكالبت على الرجل أفقدته اتزانه ورأيه , وربُما ظروفه السيئة في السجن تؤثر على رأيهِ , وأنا لا أقول أن تتركوا رأيه أو أُشكك في سلامة رأيه , وإنما للظروف التي يعيشها تأثير على رأيه . وكما نعلم أن القاضي لا يجوز له أن يُحكم وهو حابس لبوله أو جائع . رأيي يا أختي الفاضلة أن تشغلوا ابنكم - أصلحه الله - بمناشطِ الخير من طلبٍ للعلم , وملازمة أحد المشائخ , والسعي في طلب العلم , أو إشغاله في تجارةٍ تحفظ عليهِ وقته بدل أن يكون فارغ البال , ثم إذا بلغ العشرين ورأيتم فيه رجاحة في العقل زوجوه . أما الآن فأرى أن سن غير مناسب , لا يحتج أحد بأن أسامة بن زيد قاد جيشًا في عمرٍ السابعة عشر , فذلك جيل له مميزاته , ونحن جيل آخر . ذلك جيل تربى في المدرسةِ المحمدية , ونحن جيل شبابنا في العشرين بعضه في نزق وطيش فما بالك بالسابعة عشر ! إن للزواج أحمال لا تنظر إلى صلاح الرجل , وإنما إلى تكوينه العقلي والنفسي الذي يصمد أمام متقلبات الحياة الزوجية , فكم من رجل صالح لكنه سيء الرأي , قليل النظر , والعكس كثير .

كلام لاغبارعليه
اشكرك اولا وأخرا على ابداء رأيك
وصراحه هذا هو رأئئ واتمنى اني اشغله في تجاره او طلب العلم
جزاك الله خيرا وشكرا عل مرورك

[نجدية حرة]

اختي بصراحة انا استغرب وحدة معمرك تشاور عالم ماتدري عنهم شي لا اعمار ولا ثقافة ولا حكمة كل هذا لا نعلم عنه شيئ!!!

هذا منتدى عاااااااااااااام يعني اللي يدخله من كل اصناف المجتمع ولو اني اعتقد انه اغلب اللي يدخله اللي لسى بالمدارس حتى ماعندهم خبرة للحياة!!

حبيبتي اذا كنتي مو قادرة تتخذين قرار شاوري احد حكيم وتثقين فيه من اهلك افضلك!!

ولو اني من رأيي الخاص اشوفها مهزلة حقيقة كيف تزوجين واحد عمره 17سنة وفوق هذا تصرفاته لسى طفل!!

حبيبتي اعتقد مايبيلها مشاور(من وجهة نظري الخاصة طبعا) ارفضي تزويجه وان كان على الخوف عليه فأعتقد ماظر العزاب اللي لسى فوق الثلاثين يظر هالمراهق؟!

فكري بعواقب الامور لانك بعد تزويجه بتتحملين مبزرته هو زوجته مو هو بس لانك بتكونيين مسؤلة عن زوجته واظن الزوجة طبعا بتكون مراهقة مثلة وبسنه الا اذا بتزوجونه وحده اكبر منه بخمس سنوات على الاقل!!

اذا كان زوجك لايحسن التصرف ومتهور ولايتحلى بالحكمة فهو لم يفكر بعواقب الامورحتى! فهنا يكون ابنك مسؤليتك انتي وحدك الان ليأتي دور الزوجة لتتصرف بحكمة وتكون هي الممسكة بزمام الامور اللتي تتطلب مواقف صارمه!

انا لن اقول استشيري صاحب الشأن فهو لم يصل لسن تجعل منه رجلا مسؤلا عن قراراته بل انه ماسيدفعه هو عواطفة المجردة من الاحساس بالمسؤلية!!

لاتدمري مستقبل ابنك فأنا ااكد لك اختي فشل هذا النوع من الزيجات لاسباب عدة

وان كان والده يريد منه ان يكون رجلا يعتمد عليه
فالحل ليس تزويجه بل بناء الثقه فيه وتعزيزها من خلال ترديد هذا النوع من الجمل اللتي ستجعل منه رجلا يعتمد عليه مثل: انت رجل البيت من بعد والدك الله يفرجله..... او ياوليدي لاتخلينا بلحالنا انا وخواتك البيت مايصيرله هيبه بدونك.... اوياوليدي حنا نبني عليك امالنا ومستقبلنا .... ومن هالكلام!!

الزواج مو حل بل دمار لمثل سن ابنك صدقيني والدليل ارتفاع نسبة الطلاق!!

[درر الوداعين]

اقتباس المشاركة الأساسية كتبها شيخة*نـدى*التمايمه طيب الحين قولي لزوجك أبشر خلنا ندورله عاد انتي بتلقين بيوم وليله البنت شهووووووووووووووور وانتي مالقيتي وبعده ان الله وفقك ولقيتي اللي تصلح اخطبيه وخلي ملكتهم سنه بيكون عمره حول الـ19<<تراي تعبتن على المخمخه الله يوفقه يارب ويسعدكم بعيال عياله

انا لي سنه وانا اوعده مره ومره اقول توه صغير ولا لو على كلام ابوه كان من عمره16 مزوجه
الله يوفقك ومشكوره على المرور

اقتباس المشاركة الأساسية كتبها بنت عبدالله ودلبس ياختي الله يوفقه يااارب ويقر عينك فيه

الله يوفقك ويجزاك خير على الدعاء والله اني بحاجه دعاء من اخواني المسلمين

اقتباس المشاركة الأساسية كتبها ابو تسنيم والله المسالة كبيرة الولد مو صغير لكن مو قد المسؤلية لان همه السيارة وكم واحد كان مثله وعقَله الزواج والوقت مخيف لكن يا ام الولد لو حصل لاقدر الله شيء للولد مثل قضية(أخلاقية)وش تقولين بعدها ........ياليت زوجتك وطعت ابوك انت صاحبت القرار الاخير

وهذ اللي مخوفني
الله يحفظه بحفظه ياااارب الف شكر لك اخوي

اقتباس المشاركة الأساسية كتبها حرة بنت الاحرار لا ااا نصيحة لا تزوجين ولدك توه صغير وش فهمه بالزواج والمسؤلية والحياة الزوجية وبعدين أنتي تقولين انه مو متحمل المسؤوليه ولا عنده سالفه للزواج همه يلصق ويقشع في هالسيارات وبس يعني انتي عارفة ولدك فما له داعي تزوجينه واضح انه مو لم زواج خليه يعيش حياته بدري عليه المسؤلية صدقيني لو ولدك يبي يتزوج بيجي بنفسه ويقولك يمه زوجيني وفي هالموقف أنا من أول المؤيدين انك تزوجيه واتمنى لك التوفيق عزيزتي والله يفرج لأبوكم ويجمع شملكم ويبلغكم في عيالكم

هو فعلا مو منشغل مرره مع الزواج بس ماعنده مانع بس مستحي
الله يجزاك خير ويوفقك على الدعوات الحلوه

اقتباس المشاركة الأساسية كتبها البروفسوره لالالالالالالالا توه صغير حرام عليكم مو قد مسؤلية الزواج حتى راح تزوجونه صغيره وين راح تحمل حرام عليكــــــــــــــــــــم وحاولي تقنعين زوجك

ياليت زوجي يقتنع الي العشرين بس لاكن انا بعد اخاف يصير شئ لاقدر الله بعدين اندم
وخاصه ان ماعنده ابو يتابعه

[درر الوداعين]

اقتباس المشاركة الأساسية كتبها كـــــلاش زوجيه ولا تترددي انا تزوجت وعمري 16 سنه ووالله صار لي خمس سنوات متزوج وعندي ولد وبنت ووالله مرتاح ومعتمد على نفسي الحين الزواج يكبر سن الرجل ويعلمه الحياه واهم شي تكون البنت صغيره ومتدينه علشان ما تاثر عليه تحياتي

ماشاء الله تبارك الله الله يوفقك ويبارك لك
وهذ ما بحث عنه انموذج حي
طيب كيف كانت اهتماماتك قبل الزواج
وهل كنت تهتم بزوجتك او ماتزوجت يعني وانت عملرك 16
و لا حسيت مسؤليه زايده عليك يعني ما تثاقلت تحمل المسؤليه
وكيف تعاملك مع زوجتك تتعامل بتفكير ولا تتحسف على بعض الامور
الف شكر لك وارجو انك ترد على تساؤلاتي وتطمني