[المطاول]

ليس من المرؤة كشف الرأس في الأماكن العامة فكيف في المسجد والشماغ لا دخل له في الخشوع لأن من اطمأن قلبه سكنت جوارحه ولكنه السرحان . ولو تم الأخذ برأي الأخ الذي طرح الشماغ فكيف العمل في من يشتغل في انفه اثناء الصلاة ثم ينفض اصبعة على الفرشة ولذااعذربعض المصلين اذا وضع شماغه ليسجد عليه حتى لا يستنشق هذه الحتاحيت .

[خليو بريدة]

?????????????????????????????????????????????????? ??????????????????

[نيوتن]

يا أخي عجزت أقتنع بهالهرج

هالحين وش دخل الشماغ بالخشوع

وعساك تبي ابوصالح "ابو جيراننا "

يمشي هو وصلعته
>> عاد وش تلقاه بصلاة الظهر تلممممع

[بريداوي عز]

اقتباس المشاركة الأساسية كتبها المطاول ليس من المرؤة كشف الرأس في الأماكن العامة فكيف في المسجد والشماغ لا دخل له في الخشوع لأن من اطمأن قلبه سكنت جوارحه ولكنه السرحان . ولو تم الأخذ برأي الأخ الذي طرح الشماغ فكيف العمل في من يشتغل في انفه اثناء الصلاة ثم ينفض اصبعة على الفرشة ولذااعذربعض المصلين اذا وضع شماغه ليسجد عليه حتى لا يستنشق هذه الحتاحيت .

اي مرؤئة تكفى


خل التقاليد بحاله

[أبو شهـــــد]

الحمد لله .. مأكدت أهتميت لها الشيء .. !
مع ان شعري شين ويفشل بس عادي , أهم شيء الوناسه .. !

[أبــوبــاســل 99]

بسم الله الرحمن الرحيم

بالنسبة لي ألبس الشماغ فقط في مسجد الحارة أما إذا ذهبت لمسجد آخر أول ما أشيل العلة الشماغ



لأنه والله عله إن شلته من رأسك قالوا عربجي وإن لبسته وأردت تثبيته بعقال قالوا زكرتي ووقعت في حيره من أمري

فقررت من زمان أن لا ألبسه إلا للضرورة الملحة مثل المسجد المعرف فيه أنا وغيرة أشيله من على راسي


ودمتم على نقاشكم البناء

[ولدالديره]

اثناء دراستي بمدينه بريده عام 1413 قعدت اتمشى بشارع التغيره بدون شماغ وقابلني شايب مصنقر العيون على شكلي وارسل صاروخ ارض جو ( أنت سعودي !!!)
عقبها كلما زرت بريده لابد البس شماغ
اخاف اخطب وينقزلي واحد يقول شايفه بدون شماغ
لكن بعد قرائتي لهذه الردود تأكدت أن بريده تغيرت

[امراه من حديد]

قال رسول الله صلى الله عليه و سلم :ـإن الله لا ينظر إلى صوركم وأموالكم ولكن ينظر إلى قلوبكم وأعمالكم رواه مسلم---
فالقلوب هي محل التقوى ومعادن الرجال وكنوز المعرفة والأعمال هي ميزان العباد عند الله تعالى كما قال سبحانه :ـ ( إن أكرمكم عند الله أتقاكم إن الله عليم خبير ) الحجرات/13 فعجباً لمن يهتم بموضع نظر الخلق فتجده يغطي صلعته ويهتم بشماغه ويكون شغله الشاغل في الصلاة لكي لايطيح وتظهر الفضائح ثم لا يهتم بقلبه الذي هو محل نظر الخالق فيطهره ويزينه نسأل الله أن يصلح قلوبنا ويطهر ألسنتنا ويستعمل جوارحنا في طاعته

[رانسيM]

طيب اذ كان الشماغ مايخليك تخشع بأمكانك تلبس عمامه

[نيوتن]

ايه صح حتى انا أؤيد العمامه !!

وش رايكم شباب ؟!

[رانسيM]

اقتباس المشاركة الأساسية كتبها نيوتن ايه صح حتى انا أؤيد العمامه !! وش رايكم شباب ؟!

اتكلم بجد...وانا أشوف أن العمامه أفضل..يعني تكون مثبته ماتطيح...

[المطيع]

انا اقول شويه مزعج الشماغ بالصلاة واذا مازعج نفسه ازعج اللي بجنبه ولا وش رايكم والله يعين الجميع

[شمعة الفؤاد]

وراك شنيت هجمه على الشماغ هذا زيك واللي يميزك واللي يبي يتحرك بالصلاه يبي يفرك اصابع رجوله الله يكرمك والسامعين ببعض ماوقفت على الشماغ والا فرقعه الاصابع للي طايحين به هالأيام شكله موضه ,,

[دمتم بود]

لوكان كل واحد جدع اللي يشغله بالصلاة
كان انجدعت نص خشوم أهل بريدة
ههههههه