[mans]

السلام على الجميع للأخ الذي طرح الموضوع أقول له بأنك لاتعلم شيئا عن السوق. يوم كان جني التمور يدار بأيدي سعوديه كنا نحن اهل الخبوب ندفع 800 ريال لليوم الواحد للعامل السعودي الواحد لجني الثمار واذا جئنا للسوق بعنا بخساره كبيره. الآن نبيع الثمر كاملا بفائده كبيره لنا على باكستاني وهو يتحمل المخاطر من خراف وفرز وتسويق كل هذا تحت مخاطرة العوامل الجويه والسقوط من النخله حين الخراف ومخاطرة الآفات الزراعيه واخيرا مخاطرة التسويق. ونحن اهل المزارع قد استلمنا حقنا وفوق وننام قريري العين. اذا يحق لمن هذه مخاطرته أن يستولي على السوق ونتشرف به . أما من يريد أن يطرد الأجنبي فحياه الله للموسم القادم فنحن م على أتم الاستعداد لاستقباله وعليه دفع مبلغ 180000 الف ريال نقدا لمزرعتنا وعليه تحمل المخاطر التي ذكرتها وبهذه الطريقه نستطيع اخراج الأجانب من السوق والنعيق والتباكي لن ينفع شبابنا،،، أسف على الاطاله ,,,,,,,,,,,, والسلام

[الوساااام]

لو تُمنع الأجانب .. كان برز دور السعودي و بقوه ..

لكن كيف يبرز والأجنبي ينافسة على لقمة العيش ..!!

تحياتي للسعــودة ..!!!

[رمان]

ههههههههههههههههههههههه
عساك تبي شبابنا يمسك المزارع من خراف ونقل وبيع
كان يقعد التمر بنخله ولا احد يلمسه
شبابنا جيد يحط المكيف السبلت على درجة حرارة 18
ويكرخ نومه مايقوم الا المغرب
ثم يقوم ويركب الهايلوكس ويأذي عباد الله حتى الفجر ثم يرجع للفراش
احمد ربك الي سخر لك هالباكستانين واستفدت منهم وانت نيم
رجاء خاص لاتدخل السعودي باي شغل تراه بيب يفشل لانه فاشل بالاساس
مانجح الا بالتفحيط والنوم واكل الشورما والرستو وغسل السيارة وتلميعها

[أبو هيا]

الباكستاني ينام الساعة 10 ويقوم مع الفجر .. وشبابنا ما ينامون إلا بعد الفجر .. هذا الفرق بينهم .

ولا تنسى قبل كم سنة ما نشوف العمال بالمزارع راعي المزرعة هو و عياله تحصلهم بالنخل من الفجر وهالحين الشباب الله يصلحهم يموتون على السهر والدوران .

عسى الله يزين الأمووووور

[الغالي 111]

الباكستني لعب بالسوق ، يقول لي باكستني موسم التمر اصير فيه ملك لمدة شهر واحد بعد الموسم ارواح لباكستنا لأن اولادي يتصلون علي يقولون تعال

[الغالي 111]

الباكستني لعب بالسوق ، يقول لي باكستني موسم التمر اصير فيه ملك وأدخل فلوس رهيبه بعد الموسم ارواح باكستنا الى اولادي و أم العيال

[ღ.. متآبع بصمت ..ღ]

. . .


أحد ماسك مع أيدك رح حمل الهيلوكس تمر وبع

الباكستانيين شدوا حيلهم ويشرون ويبيعون


. . .

[MEHWAR]

ياشيخ رح اشتغل بدل منهم ولا لا تقعد تقرق

اجل لو هم ما يبعون من وين نشري تمر

[KAN]

تعقيباٌ على كلام أخو دريحم الله يخلي لنا أبو خلق (الباكستانيون) لوا الله ثم هم كان قعد تمرنا بسطوله
مير البلى على اللي يقول وين الحسيب والرقيب عن هؤلاء الباكستانيون
أقول له ورنا شطارتك ..لقح ,ركب,شيف,أخرف سنجد كلنا
أن هذا الشخص لا يمكنه ان يتعامل مع النخله كما يتعامل معها الباكستانيون وانا هنا لاأبذخ بالمدح للباكستانيون
بأنهم أرباب صنعة في هذا المجال ولاكن هم اللذين أمتهنوها من اجدادنا بدلاُ عنا
وأجدادنا هم الأكاديميون الأوائل في التعامل مع النخلة وكيفية التأقلم معها رغم قدمها
وعراقتها وأختلاف مسمياتها وأنواعها وأحجامها,,,أجدادنا هم فخر التطور لمدينة التمور
هم من أوصلو بريدة لهذا الحد هم من علمو الأجانب التعامل مع النخلة هم وهم إلى آخره, سنجد
أن الباكستاني فقط أمتهن تكريس وقته وجهده للنخيل وهو المصدر الأساسي الذي تتميز به القصيم عامة وبريدة خاصه
عذرآآ يامن تصيح وتقول أين الحسيب والرقيب الباكستاني نمبر( 1 )
شكرآ أخو دريحم على الصراحه ويقول المثل اللي ما ياكلك كله
وفي الختام الله يخلي لنا الأيادي الوطنيه قبل الأجنبيه للرقي في مستوى التعامل مع
النخله والله يخلي لنا أبـــــو خـــلــــق

د/kan

[برنس واسط]

هذا رزقهم ولله يهنيهم

[ابراهيم 2009]

اوف قرقكم كثير الحين وش الاسم الثاني

[عبدالله]

شدوا حيلكم ياشباب وامسكوا محل الباكستانيين إن كنتم صادقين...

والأرزاق بيد الله......