[/ابوعبدالله/]

اقتباس المشاركة الأساسية كتبها الولاعة

لا عجب اختي الكريمه الولاعة....وشكرآ على مرورك ....ولك خمس درجات لمرورك . الله يعافيك يارب
وعندما اقراء اسمك الولاعه اقول سبحان من امن النار في مكامنها وسلمنا منها فهي برحمة الله كامنه بالحطب والغاز والولاعه والحمدلله

وما اقول الا يمل الجنة البارده لي ولكم ولوالدينا والمؤمنين والمؤممنات الاحياء منهم والاموات.
لك ودي

[/ابوعبدالله/]

اقتباس المشاركة الأساسية كتبها نبع الوفا لم أفهم شيء

اهلين حبيب البي نبع الوفاء : ما سبق لك وسمعت : قضبت العمى شاته ...لهذا واصل طال عمرك بالوفاء لله ولرسوله ولكتابه ولوالديك واخواتك واخوانك وجماعتك وكل محبينك ولكن بالتزان طال عمرك خايف عليك مستقبل إن تنصدم ببعض خلق الله من الناس الذين لا يعنيهم هذا الخلق الراقي.
بارك الله فيك ورقنا وأياك مزيدآ من الفهم لأنه ليس نحن من نفهم ولكن الله يفهم كما فهم سيدنا داود وسليمان عليهم افضل الصلاة واتم التسليم .

بورك فيك من نبع

[/ابوعبدالله/]

اقتباس المشاركة الأساسية كتبها بانوراما2006 حرم من السرير حتى من الحصول على سرير عاااادي

هههههه ياحبيل راسك يسعد صباحك مع مساك طال عمرك حقيقة تستحق 8 درجات لمحاولك العسل ومرورك االشكليت الله لا يخلينا من طلتك المباركه

يابعد تسبدي :: ارنب نطت من منومها تبي منوم غير منومها (يقال) انه اثناء النطقه كان السكف قريب!

لك ودي يالغالي

[/ابوعبدالله/]

اقتباس المشاركة الأساسية كتبها ارا3993

حبيبنا الغالي ومشرفنا القدير أرا 3993 يامرحبا فيك الف...لك أربع درجات وثلاث ارباع الدرجه على مرورك والثلاث ارباع على صورة الهلي ياحبيله وقت الشدايد حطها على يمناك ياسنايدي .

متشكر اوي اوي على مرورك الشكر وبشرني عن صحك عساك انت بخير.

وشلون الدبيش؟ عساه يقشقش بهالبليه الانترنت قص ولصق وتحميل ورفع اعما اعيوننا الله يكفينا شره
لكن ياخوي ما ادري ليش بعض المسؤلين والمشرفين على المواقع يتعاملون مع العضو او الزائر كما يتعاملون مع صفحة ويب اما يصغرونه ولا يكبرونه ولا يحذفونه وهذي كثير .فياليت نصبر على الناس لين نحبهم وإذا ما حبينهم نرحمهم فالأقصى امرن لا ائيده مطلقا بتاتا البتا ابت شي
رغم ان النت.
يكرم رب العالمين والملائكة وتكرم والسامعين مثل حمام المحطه الي بالطريق كلن يكتبه

ياخوي ما ادري تحس بعض المواقع مثل : كلب الهمل ياكل الي معك ولا يالفك

أسف على بعض المفردات ولكن للإضاح جرى وضعه
تقبل اعذب تحياتي وشكري وتقديري لك ولأدارة الموقع المحترمين ولكافة القراء الاعزاء على قلبي
والي ما سجلت بالمنتدى إلا من شان ونستكم الله يديمه ويديم لي ابتسماتكم على محياكم الطاهر
سلملم

[/ابوعبدالله/]

اقتباس المشاركة الأساسية كتبها من بريده becouse rabite afried of you wanna shot her or him and you will eat her on kaatem with kabssah i think you have some thing in you mind you must go to any hospital get some test mybe some trouble on you head my rabit itsnt run away from me to another line and he is stay with me exept when big cat coming thats problemo Dont think this is funny i belive you want some thing or you crazy and dizzy seee you

ياهلا وغلا فيك اخوي من بريده ويسعدلي مساك مع صباحك ... لقد حصلت على 7 درجات وباقي لك 1 3/4 .. يا خوي من الأبتدائية وانا متعقد من وزارة التعليم عند سالفة
عبر عن الجمل وثمانية وثلاث ارباع وراء ما يجبرونه عشره اجمل ويوم كبرنا تعلمنا ان التعبير ليس فقط بالكتابه وعن الجمل بس اكتشفنا ان ملامح الوجه تعبر والورد يعبر والكثير ولكن يالله هكذا علمونا
ياحي الله استاذي ما شاء الله عليك يا من بريده من ربيع الثاني 1424 يعني لك سبع سنوات بالمتدى العظيم هذا..أغديك يابعدي توصطلي عند الأخوان يسمحون لي انزل صور بعارين عندي واجد. وصور توعويه عن الحوادث كلهم يونسن وقلهم الي ما يونس يحذف فقط هذا كل ما بالأمر وانا من
الجمشه سيتي ورغم هذا اعشق الورد امثالكم.تصدق
انا طحت من عيني انا لأني توي هاه مسجل مالي إلا كذا يوم وسويعات ومع هذا سعيد فيكم جدآ لأننا ننتمي لباقة ورد وحده ألا وهي بريده الغاليه الحبيبه الله يشفيها ويعافيها من ما موذيها .
أجل طال عمرك on kattem عمري على الأرنب بالملخويه ياهو شي انشد الاخوان المصريين عن الطبق هذا خاصة مع الثوم وفحل بصل !
وابشرك أنا بخير وطيب أكل التمر وأحلت العبس بفضل الله. وما ينقصن إلا أنك تسامحن وتحللن عن تعليقي السابق بورك فيك
سلمت اخي ودمت بالود سالمآ
وسلملم

[/ابوعبدالله/]

اقتباس المشاركة الأساسية كتبها |..مخاوي الليل..| ماااااااااااااااااادري ولله ما فهمتـ

يامرحب بالغالي مخاوي الليل أولآ لك ست درجات على تشريفي بمرورك وردك الرائع . اعتقد من ردي على الاخوان الي سبقوك اوضحت الصوره عندك يالغالي ولا؟ اتمنى ذلك

وعلى طارئ مخاوي : ودي اوضح للجميع انهم كلهم بلا استثناء أنثاكم وذكركم ابيضكم واسودكم احضريكم واعرابيكم متعلمكم وجاهلكم المستقيم منكم والمنحرف والمتعافي والمريض صغيركم وكبيركم والامير والخفير كلكم بوسط عيني اليمنى والثانيه مغطيكم فيها لا يجيكم نسمة هواء من حبي لكم ياجماعتي واهلي يأهل بريده ولا غرابه وما اقول إلا ما قال الوالد القائد خادم الحرمين الشريفين أنا فرد منكم يسرني ما يسركم ويؤلمني ما يؤلمكم. ومن مميزاتي الخطيره اني لا اخص ولا اعم راعي بعض وبالانجليزي صم .والي على راسه كسره يحسس عليها.

يابعدي الي ما ادري عنه انا سالفة هالليل (امتعنقطين ) فيه اهله والي يغنون اراهنك من حوش بقر إذا ما يقول يالليل ياعين ! عجبه إلا أعجب واجد
والمفروض نقول اللهم اخرجنا من الظلمات إلا النور
وعمري على النومه منول يصلون الاخير وينامون ثم ياسلام صلاة الفجر بالمسجد والقدوع والبخور الكمبودي قبل وبعد الصلاة وشروق الشمس ياسلام تشعر أن الحياة كل يوم تتجدد وتنشرح نفس الواحد
الله لا يحرمنا من فضله .
سعدت يامخاوي الليل بمرورك وسامحن باقي الدرجات نبغاك تحط لنا مثال عن اليل او بيت شعر بيت بس ما نبي قصيده كامله بيت وأن حصل دور علوي رخيص عمد المكتب
تقبل ودي وتحياتي والتحيات لله وحده

[/ابوعبدالله/]

اقتباس المشاركة الأساسية كتبها أراسيل سلمان أممم ماادري والله لكن أظن أختك هيــلة أبخص من مسكـة أيدها لك وبراعتـها في حمل صحن الحنيني..!!<حسيت أنها تعلمت كثير من الحياة وأنها واجهت الكثير فممكن تفيدك اذا أفادتك ممكن ترجع لنا تضيف كلامها هنا وشكراً

الشكر لله ثم لشخصك الكريم طال عمرك وبالأخص روحك المرحه وتواضعك بارك الله فيك يالغاليه
بالنسبه للدرجه ما يحتاج كامله والكامل وجه الله سبحانه وشكرآ ياشكربالعشل.
وبالنسبه لختي الأن بمصلاه ولك على الركيبات ادعيلنا . ولا تصدقين!!يابعدي ان الصوره لي بصحيح بليز انا صغينون اخر تطعيم لي بمستشفى الحبيب الي توه فاتح . يعني كبديا
وحلو اسمك جاي سجع مع تاريخ التسجيل : اراسيل سلمان بشعبان جميل والاجمل الصوره تخلي الواحد ما يوخر عنها لأن هالمشية تنم عن السرور البرئ حركه لا ايراديه في كثير من الاحيان تصدر منا للتعبير عن الوناسه الله يزيدنا وياك منها دنيا وأخره ولا يحرمنا فضله .
ولا يحرمني طلتك يالأخت الكريمه أراسيل وأن انسى فلا انسى اشكرك على توقيعك الجميل ياجميل
تقبلي ودي الصافي الخالي من الشوائب لك ولكل فتياة بريده اقصد فراشات بريده واميراته

سلملم

[/ابوعبدالله/]

اقتباس المشاركة الأساسية كتبها السرهجة واضح تماما مقصدك.. وجميل جدا يقولون : ضلع شايب ولا ضلعين صبي يعني : لو شايب وشاب قاما بعمل واحد... لربما تفوقت همة الشايب... وتعب الشاب.. وهذا نلاحظه في جلب طلبات البيت ، والعزم على كثير من الأمور شكرا

ياهلا ويامرحبا فيك والله يالسرهجه بصراحه معك فقط ابخالف وزارة التعليم وبعطيك عشره على عشره اختي الكريمه السرهجه .
ياسلام عليك بصراحه اعجبني ردك وذوقك واخلاقك العاليه من توقيعك عرفته ومكان تواجدك وبصراحه لا اخفيك سر لا اعرف معنى كلمة السرهجه والمسرهجين ولكن إذا انها تخلي الواحد نفس فهمك واسلوبك فأنا سرهجي إلا النخاع . بارك الله فيك طال عمرك وبالمناسبه ابقولك سالفه بذنك لا احد يسمعنا!!!

يقولك : فيه واحد مواطن من بريده متعود ما ينام بالليل إلا على صوت المكيف حق غرفته المهم الرجال جاه تكليف من اعمله لمدينة ابها يوم راح اهناك عجز ينام الرجال يبغا صوت المكيف وما فيها مكيفات ابها . أتصل على اهله وقال لهم: ابغاكم ترسلون لي شريط كاسيت فيه صوت مكيف غرفتي الجماعه ارسلوه له ما صدق الرجال فرش فراشه وشغل المسجل عند راسه ونام الحمدلله لكن يوم صار اخر الليل الرجال حس بالبرد امار يسكر المسجل اقول هذي ابها قم جب الفروه والبطانية وعساك تسلم
وسلمي وسلمي يالغاليه
وتقبلي جزيل شكري يا ثكر بالعثل.
وسلملم

[/ابوعبدالله/]

اقتباس المشاركة الأساسية كتبها المتفائل بالخير من ترك شيا لله عوضه الله خيرا منه

ياهلا وسهلا فيك ياحبيل راسك على هالأسم الجميل وعلى طرحك المميز حقيقه وما يحتاج كل الثمانية والثلاث ارباع لك طال عمرك تستاهل وكنت اتمنى منك انك تشرحه للأخوان الي لك على فهمهم ..
مع شكري على مرورك وروحك المتفائله بالخير لذا اقولك أبشر بالخير وزد نفسك والاخرين تفائلن فهذا ديدن قدوتنا وحبيبنا المصطفى محمد عليه الصلاة والسلام كان دائم متفائل رغم قساوة الحياة أنذاك .
وأحذر المتشائم فأنك تريه الزهره فيريك شوكها وتعرض عليه الماء فيخرج لك منه القذى وتمدح له الشمس فيشكو حرارتها !!

بورك فيك اخوي وفي مشاعرك الطيبه
دم بود يالغالي
سلملم

[ولد المملكه]

والله مني فاهم بس ترجم الكلام وشوف شو مكتوبdont think this is funny i belive you want some thing or you crazy and dizzy

[مالك نجد]

مافههههههههههههههههههههههههههههههههههههههههههههههه هههههههههههههههههههمت

[/ابوعبدالله/]

اقتباس المشاركة الأساسية كتبها ramy مالله حادك يا بعدي ...

ياهلا بك الف يالغالي وودي تفضل علي طال عمرك بأنك تسامحني وما يصير في خاطرك شي وهذا اهم شي اما الدرجه فلك الثلاثه وثلاث ارباع وبحتفظ طال عمرك وحسن عملك بالخمسه المرورك الثاني الذي سيسعدني ويشرفني اخو رامي ويقولون الاولين وبالمصري بتوع زمان الي ما يعرفك مايثمنك . وبالمصري الي ما يعرفكشي ما يسمنك !
طابت لياليك واوقاتك يالغالي بكل خير.
اللهم اهدنا وسدد رمينا وخاصة اخونا رامي اللماسي
وحاب اقولك ميزه خطيره عندي قبل انام اغسل قلبي على الناس مره بفلاش مره بديتول ثم بالذكر والشكر وحسن العباده والعفوا الشامل هذا توي مكتشفه خلاف الدمار الشامل
العفو الشامل : هو علاج مريح ما يشعر فيه إلا الي يجزم ويصير جزوم مهب متردد بقرارته يجزم ويصدر قرار عفو شامل عن كل الي اجرحوه ويقولهم : سلامة ارماحكم الي جرحهن غالي...وتخسى يابليس
وبالنسبه للارنب الي نطت من منومها تبي منوم غير منومها . أخر المعلومات تشير إلا انه كان طافي الكهرب عنده وكانت اخته انفسا عنده فتضايقت فنطت والله اعلم وش سبب نطته.
دمت بعز وخير يالغالي . لا عدمنا ابتسامتك طال عمرك
وسلملم[/CENTER]

[ولد المملكه]

من بريده شو هاذى ههههههههههdont think this is funny i belive you want some thing or you crazy and dizzy

[/ابوعبدالله/]

اقتباس المشاركة الأساسية كتبها غ ــموض ح ــائر

ياهلا وغلا فيك وجزاك الله خير على تذكيرك للمعوذات وللورد وش احنا بدونه سلمت اناملك ياعازفة قيثار الغموض وش رايك لك الدرجه كامله وخاصة الثلاث ارباع لا تخلينهم .

سلمتي زادنا الله واياك العلم النافع ونفعنا بما علمنا .
تقبلي ودي وشكري ياشكر ياشكاكر
سلملم