[(خيال الروح)]

والله انا الحمد لله راحت علي كلمه انصب السياره وغبرها ورزها عند شارع النهضه


انا كنت على وقت الكبري المقطوع ودائري الربيعيه وتحت كبري الجامعه والدوران في الصفرا

في ها الوقت الي كنت مرررراهق فيه قسم با الله ما انبسط الا اذا شفت تفحيط ودوران وهيصه ولاكنا نعرف انصب وزين وعدل بس كانت ايامنا ايام هباال بس اشوف الشباب الحين هادييين شوي اللهم مجرد نصب فقط

وانا من وجهه نظري ان النصب شي عادي واهون من اننا نستفز الشباب بعدين يتجهون للتفحيط والرفع وقله الحيا

انا اقول خلوهم ينصبون السيارات ولا يبهذلوننا في الدائري والصفراء وكثره التفحيط والخرابيط

[بروق الوسم]

.

قرار غبي ..
يعني ضاقت المواقف .. !!

وش المانع اذا كانت السيارة موقفه .. وصاحبه ماله ومال الشر .. !!
إذا طبّق هذا القرار .. سيكون ردت فعل من الشباب .. تفحيط ودوران ومواكب وغيره ..

المشكلة في كل مكان يلاحقون الشباب .. ضيقوا علينا بالديرة .. طلعنا للربيعية .. ولحقونا هناك .. وش تبون نسوي ؟؟!!!

المرور ما يقدر إلا على اللي ينصبون ويغبرون ويظللون .. << اللي مالهم وماللشيطان طريق ..
أما اللي يفحطون وأصحاب المواكب لم ولن يقدروا عليهم ..


يبدو لي أن الحل بالتفحيط ..

.

[**ابو علي**]

اتمني كل بريده تنصب خنرتاح من الزحمه اشوي

[قاهر المواقع]

السلام عليكم
والله شنبات
ياخون ماتدرون مايدور خلف الذين يوقفون سيارتهم على الشوارع
من ضمن القصص
واحد تقولها أمه ودنا لخلتك ثم يرد عليها تكفين ودي سيارتي يشفونا اصدقائي على الشارع
وقد وقف السيارة في طريق القناة ؟
غريب بعض الشباب ياليت المرور يخذون السيارة لمدة شهر حتى يطلع قلبه

[~RAHAL 8347~]

على فكره شباب ترى مخالفت النصب 900ريال

[حربي القصيم]

لو صدق ذا القرآر

رآآح يرجع الشبـآب يطردون موآكب التفحيط ..

وتذكرون آول كل آربعـآء وخميس تفحيط

بس من بعد النصب آغلب شباب القصيم صـآرو ينصبون

وتركو طرررد الموآكب ..,

[ا ب د 7772]

تدرون وشو احسن شي انهم حطو انذار او تنبيه
احسن من انك تروح تاخذ سيارتك وتتفاجى ماهي موجوده بالحجز

[ابــو صــدام]

طيب ذا راعي الموتر اخذ موتره وقعد يدور ويبدى يزاعق ويذي خلق الله

لا يارجال خله دامه بمواقف خله انشالله موتره يصدي


{ اقسم بالله اني ماحب اللي ينصبون مواترهم }

بس دام ذي { الطفه } ماتضر الناس ولا راعي الموتر الحمدلله

ومثل ماقلت { طفه } وتروح


تحياتي

[الاشهب ابوشنب]

شباب دائمين ينصبون سيارتهم قدام محلي وكم مرة هرجتهم بعدين كلهم راحوا ألا واحد عاند وكلمته يوم شفت مافيه فايدة معه نسمت كفراته ولاشفته لكن والله كفوووووووووووو هذا الشغل والا بلاش من مرور عنيزة يالله يامرور بريدة طبقوا القرار ومتشكر ياجنرااااااااااااااااااااااااااااااااااااااااااااا اااااااااااااااااااااااال بريدة

[القبعــــــــة]

هذا مرور عنيـــزة !

مرور بريــــــدة بدون أي انذار على طول حجـز القـــــــرعاء .

[مستر مناحي]

أتمنى والله انه يجي ملقوف ويكتب على أي سيارة منصوبة وبالبخاخ الأزرق

السيارة للبيع

[بهاجر مالي مقاعيد]

مساء الخير

من وجهة نظري النصب اهون من غيره اقل شي اهون من التفحيط
ومن المواكب التي تسبب حوادث بالجمله وتقتل كثير من شبابنا



( لكن يمكن البانزين ما مشى سوقه هاليومين ويبي يمشونه )

[اسم مستعار]

طيب ممكن تفهموني وشو النصب هذا لو تكرمتوا

[مراسل بريدة ستي]

خلوهم ينصبون خل تقل الزحمه.