 |
|
|
|
|
17-09-2009, 12:44 AM
|
#1 |
|
كاتبة متميّزة
تاريخ التسجيل: Dec 2007
البلد: بين النبلاء .
المشاركات: 8,290
|
يومي الرمضاني ۩ [ 23 / 9 ]
بسم الله الرحمن الرحيم
السلآم عليكم ورحمة الله وبركآته دخول . أيام رمضان وليالية تطوى طيًا , وضيفنا يوشك على الرحيل ! فشمّر لربّ العالمين واصبر , فاالوقت لايستوعب كسلا . ياهلا وغلا ببــنات بريدة ستي الغــاليات والله اني مادري وش أقول من الفشيلة ابنزل الموضوع من فجر يوم 24 من شدة الحماس بس ضاع وقتي ازين الصور بالفوتوشوب أول مرة افتحه بحياتي ههه يوم صار العصر مشينا لخالتي لأن الوالدة تبي تمشي لمكة الله يحفظهم ولاحصل أتصال وأدبره لعيـــون الغــالية العابرة و بنـــات بريدة ستي وبفضل الله حصل الأتصال . سلمكن الله فجر يوم 23 صليت الفجرية وصورت لكن السجادة < منب أقلد البنات الي حاطتن سجاداتهن ذذ  همن أتجهت للمواعين لتسبيع ! اجمعهن طول اليوم والفجر اسبعهن < وش هاالمزاج وهذي صورة المجلا قبل التسبيع  بعد التسبيع  الفرن قبل التنظيف  بعد التنظيف  < الله يسعد اخيّتي ساعدتن باالتنظيف المهم وارقى فوق أودي اختي الصغيّرة [ ليون ] لدورة المياة - أعزكم الله - واروح أطلع بجامته وهذي الفزامه على قولته  عاد يابنات وانا قاعدتن اصور البجامه واشوف شئ ازرق يدور ههههه اثره ليان لابستن ثوب العيد على ثيابه وتدور من الفرحة به ذذ قلت ابصورة يكركرن البنات معي خخخ  المهم رحنا ننام وقمت الظهر ورجعت اغفي قمت ولاأمدان أصور الحوسة وحنا نطبخ ومختبين وهه واصور لكم الفطور المتواضع ياالله لك الحمد القهوة وهي تغلي  التمر  وهذا فنجال للغاليات مع تمرّ وقشطة   هذي سيدة المائدة - السمبوسة -   سلمكن الله امي ماتحب الزيت والفرن حقنا يبي وقت ووش سوينا .. ؟ غمسنا السمبوسة حليب همن طحين همن قليناه - بإذن الله - ماراح يدخله زيت وتصير مثلثات ذهبية رآئعه بدون زيت . واللقيمات المُشرّبّه باالعسل  وخبز التوست باالنقانق المبشور  والتوت والعصير   همن ضفينا السفرة وحطيتهن بالمجلا مسحنا المطبخ بس التسبيع بعد السحور وقعدنا نناظر البرنامج الرآآئع [ أسرة ناجحه ] كانت عن جرآح القلب العالمي أ.د محمد الفقية وأخوانه الي استشاري والي مهندس - مآشآء الله -يقولون : كان الوالد - رحمه الله - يتمنى يصرون ابنائه أطباء لأنه مهنة أنسانية . وقال د. محمد كلمة رآئعه أ. فهد السنيدي طلب منه أنه يكرره هي [ القاسم المشترك لنجاح .. بذلّ الجُهد ] , همن رحنا انا وامي للمسجد المجاور لصلاة التراويح ياليتي مصورة المسجد بس الشكوى الله ودانا أخوي ورجعنا رجليّه يوم جينا رحنا للسوق انا وخواتي وبنت خالتي نبي أغراض مهمه للعيد الله يتوب علينا مهوب وقت سوق < تقوله عقب ماراحت وشرينا - أكرمكم الله - حذاء لليون مع الفستان الأزرق الي لابسته الصبح خخخ وهذا الفستان مع الحذاء - أكرمكم الله -  وهناك كلن شرى له شين ياكله الي كيك والي ذرة وصار هو العشاء رحنا لبيت خالتي وامي مآشآءالله عليه دقت قالت منب مارتكن الا بعد القيام , رحنا للمسجد الي عند خالتي بس حنا الي نصلي به تخيّلن ! الناس صاروا مايصلون بمساجد الحارات ! المهم مرونا اخوي وامي رحنا للبيت وولمنا السحور الي هو تمر ولبن , ياالله وهذي طاسة لبن للبنات الغـــاليات .  صورة جماعية < وشن عاد تمر ولبن! ذذ  وهذولي سلمكن الله مشريّات عشان اليوم الرمضاني [ وجه مثتحي ] [ المصابيح الرمضانية ]  يابنات لو تشوفن امي انواع الصراخ علينا بسرعه أفتحن اللمبات ههههه وكاس ماء يصبه اخوي الصغيّر للغاليات .  الماء جاهز .  ياخزياه منكن يابنات الصور أحجامهن الي كبير والي صغير ! والخط مرة صغير ومره كبير , أعذرون توي مبتدئة. مصورة أول يوم برمضان وحنا باالسوق بس الصور مادري وينهن وناويتن أسوي شاورما الغالية لجين كل يوم نسوية وسلّطة بااليوم الي ابصورة ماسويناه لأن الوقت كان ضيييق , أعذرون ياعبّور ولجون وبنوتات بريدة ستي . خروج .
غدًا يُقال : مضى رمضان ! اليلة عيد ! غدًا يُقال : يالهناء الفائزين ! غدًا توزع جوائز ربّ العالمين ! غدًا يتحسر : المفرطون النوامون البطالون الكسالى والغآآآفلون ! .
__________________
آخر من قام بالتعديل تباشير المطر ~; بتاريخ 17-09-2009 الساعة 01:10 AM. |
|
|
| الإشارات المرجعية |
|
|
النمط الأحادي