[النجم البرتقالي]

اقتباس المشاركة الأساسية كتبها amr1390 اقترح مع الشادة ان يكون هناك جائزة تليق بالمتفوقين مثل اعطائهم منح دراسية مجانا في بعض المعاهد كل طالب حسب رغبته مثل في الحاسب أو في اللغة او اي مجال يرغب به المتفوق وشكرا

ألف شكر لمروك واقتراحك ،،

[كآيدهمـ]

ولا تبون مبدعين يكونو عندنا
ان راح للحفل واعطى هذه الشهادة
يتحطم نفسياً يعني قافل على نفسة
يدفر ولا يطلع ولا يروح ولاينصب موترة
ولا يدور بالنهضة ولا بالدائري
ولا استراحة ولا شقه وقاطع عن العالم والروحات والجيات
واخرها تفرقه عن الي يروح ويجي وينقل منه الواجب
ويغش منه بالاختبارات بنفس الشي ؟؟

ياخي وش ابي بتجميع الشهادات ان كانت مو موضفتني
على المرتبة الي استحقها ؟؟؟
انا احد الي مجمع شهادات والى الان مالقيت وضيفه تستحق شهداتي؟؟!؟؟

اقل تقدير كان قلم رسم من ابو 100 الى 150 ريال سعر الواح
او شنطة دبلوماسية من حقات رجال الاعمال ام 120 الى 180 ريال
وبالجملة يقل سعرها توصل من الـ80 الى 140
او لاب من ابو 1500 يستفيد منه بدراسته

بس الفرق واضح زي فرق الأدب و قلة الأدب ؟؟!؟؟

يحكى ان رقاصة تسوق (( مرسيدس )) اخر موديل وهي على الطريق
قابلت بالصدفة (( نجيب محفوظ )) [ عميد الأدب العربي ] يسوق
( كوكو ( كورولا ) موديل 1968 ) قالت لة شايف يانجيب
الفرق بين الأدب و قلة الأدب ؟؟!؟؟

وتقبل مروري لموضوعك وشاكل ومقدر هم بعد

[أبو خشبة]

فــعـــلاً !

عن نـفـسي كرمت لأول مرة


والنتيجة التحطيم النفسي !
يوم حنا بليا تكريم وحنا أرحم !


شهادة تكتمك ريحتها بالغراء !
وطريقة توزيعها أقبح !


والقهر راصيننا بالمسرح من المغرب



وزاد التحطيم
يوم رجعت الوالدة تقول مجهزة لك عشاء زين حتى تعطين من الي عطوك

[فارس قلبي]

يحمد ربه

[أبو خشبة]

اقتباس المشاركة الأساسية كتبها فارس قلبي يحمد ربه

مبروك زادت مشاركاتك

[عتيبي وكلي فخر]

زي ماقال اخوي الجني العبد والله تبي يجبونلك شهاده احرفها من ذهب ولا ملصعه باذهب اقول اها بس اها هذا زين اذا ما خقولوك مع الباب وشكراا

[احلى الالماس]

السلام عليكم اولا

هذي ثاني مشاركة وياليت تنفعكم

انا ثاني مرة اروح احفل التكريم الصراحة الاولى افضل من هذي

اقولكم ليش الاولى خلونا نسلم على الامير الثانيه خلونا نرفع يديننا وونسلم كننا الكعبة بالاشواط

اما بالنسبه لخوي عتيبي وكلك فخر
انا مابي شي غالي بـ10000ريال انا لو سلام يكفيني بي

طيب انت تقول ماتبي شهادة ذهب وامادري وشو لا انا ابي دورة شهر بالعطله بالمعهد السعودي بس تكفيني

انا كل السنة ادرس واجتهد واذا انقصت درجة اروح اصيح واخرتة شهادة ابو خمسة .

طيب اسئلك لو وزعو على كل طالب قلم ولا ساعة ضرهم شي ياخوي الحبيب او العثيم السنه الماضية تبرع بمليون
ريال والله ماجانا الا الفلس ولا شفنا ولا قرش.
طيب وش الفرق بين الي متفوق واللي ماتفوق ؟ياخوي شوف امراء المناطق الثانية وتعال تكلم عنيزة رجالها يتبرعون وحنا الله يخلف

شكرا لانصاتكم وسماعكم ورؤيتكم لتعليقي

[أبو خشبة]

اقتباس المشاركة الأساسية كتبها احلى الالماس السلام عليكم اولا هذي ثاني مشاركة وياليت تنفعكم انا ثاني مرة اروح احفل التكريم الصراحة الاولى افضل من هذي اقولكم ليش الاولى خلونا نسلم على الامير الثانيه خلونا نرفع يديننا وونسلم كننا الكعبة بالاشواط اما بالنسبه لخوي عتيبي وكلك فخر انا مابي شي غالي بـ10000ريال انا لو سلام يكفيني بي طيب انت تقول ماتبي شهادة ذهب وامادري وشو لا انا ابي دورة شهر بالعطله بالمعهد السعودي بس تكفيني انا كل السنة ادرس واجتهد واذا انقصت درجة اروح اصيح واخرتة شهادة ابو خمسة . طيب اسئلك لو وزعو على كل طالب قلم ولا ساعة ضرهم شي ياخوي الحبيب او العثيم السنه الماضية تبرع بمليون ريال والله ماجانا الا الفلس ولا شفنا ولا قرش. طيب وش الفرق بين الي متفوق واللي ماتفوق ؟ياخوي شوف امراء المناطق الثانية وتعال تكلم عنيزة رجالها يتبرعون وحنا الله يخلف شكرا لانصاتكم وسماعكم ورؤيتكم لتعليقي

حتى مالقيت لي بالنت ولا صورة تسوى على الأقل <<<



أجل الأمير صار تسنه الحجر الأسود


الفرق بين المتفوق وغيره
إن المتفوق رص من المغرب إلى 10 بالليل عشان يمر من قدام صاحب السمو مع إن صاحب السمو جالس يسولف مع الي بجنبه وساحب عليه ^^

والله لو إني قاعد أراجع كيمياء أصرف لي <<دعواتكم الإختبار بكرا وعجزت أدري وش السالفة ^

[الأطلسي]

أعتقد أن مجرد ذكر اسم الطالب في مثل هذا الحفل تكريم بذاته ، وأذكر أن أحد أصدقائي وهو الآن يحمل درجة ( بروفسور ) يقول كنت الأول على زملائي وقد كافأتني إدارة التعليم ب (خمسة وعشرون جنيه مصري ) وكان ذلك دافعاَ قوياَ لاجتهادي .
لذلك قل الحمدلله وأنت المستفيد مستقبلاَ

[أبو خشبة]

اقتباس المشاركة الأساسية كتبها الأطلسي أعتقد أن مجرد ذكر اسم الطالب في مثل هذا الحفل تكريم بذاته ، وأذكر أن أحد أصدقائي وهو الآن يحمل درجة ( بروفسور ) يقول كنت الأول على زملائي وقد كافأتني إدارة التعليم ب (خمسة وعشرون جنيه مصري ) وكان ذلك دافعاَ قوياَ لاجتهادي . لذلك قل الحمدلله وأنت المستفيد مستقبلاَ

سؤال يطرح ؟
هل ذكروا جميع الأسماء أم لا ؟




ثانياً
ماطريقة ذكر الأسماء ؟

[همس شعر]

انشاااءالله يهدونن
بس اهم شي رفع المعنااااااويااات
والتشجيع

[mad AL_nassr]

يأخي من يجتهد لنفسه وليس لأجل الحصول على مبلغ مالي أو غيره

[غندوره]

وش فيكم شرشحتوا الرجال وخليتوه مايسوى هدومه
تراه مجتهد بهاالموضوع وهذه وجهة نظره

[loquacious]

فِعلا ً صدقت لوكان بجوار هذه الشهادة , هدية سواء كانت عينية أو دورة لو لشهر , كانت للتشجيع أفضل للطالب المتفوق ..

ولكن إن كنا لانفعل شيء إلا فقط بمقابل أن نكافأ , فلا نستطيع الإنتاج إذا ً ..