[نجديــــة]

السلاااام عليكم ورحمة الله وبركاااته

وبـ ع ـد :

كما عوّدناكم عزيزااااتي ... على بعض المواقف المقلعة + المنسمة من افراد أسرتي
ومن مجتمعي حفظهم الله
وهـ بس أحببببكم كللللكم .. وأحب أرواحكم المرحة النقية الطااهرة يا My Family


بسم الله .. من تااالي مانب أحب المقدماات وكثر القرق الفــاضي

(1)

مرة بناات خالي رايحات لمحل ( ابن داوود بشركة مكة ) يخلصون بعض
الأغراض وهيك يعني
عاد يقولن بينما نحن متفرقات .. وكل وحده خآمة زاويا من زوايا المحل
إذ سمعواا صوت رجل ربما قد بلغ الـ 50 من عمره وهو ممسك بجواله
ويـتكللللم بـصـوت عااالي/
ايه .. ايه أنــا بابن دااايود اتقضى تعااالوا انتم .. لالالا اقولكم
بابن دااااااااااااااااايووود ..أيه احتريكم .. مع السلامة

وهـ بس ياحليله هالشويب شكله مقلع , وماااعنده وقت ابد
أجل ابن داايوود


ع هالطاري يوم كنت بالمدرسة بمادة الحديث .. داايم البنات لاخلّص الحديث
يقولن / أخرجه ابن داوود وابن ماجه
ثم الابلى تقول / ابو دااااوووود .. إلى متى وأنا أعلمكن..؟
آخر شيء بدت هي تقول ابن داااوود

(2)

مرة عائلة عمي عبد الله طلعوا لم حدا الأستراحاات .. !
وله بنت منسسسمة وبه خفة دم أوووب معقولة بسم الله عليه
طبعا صغيرة يمكن كبر فروسي أو أكبر شوي
المهم هي أول مادخلت الأستراحة اتجهت لم مكاان فيه عصيان حديد
أو مير تاخذ واحد منهن وينشلق اصبعه ويبدا يخرخر دماااان
وتبداااء تصااااااااااااااااارخ وتزااااعق وصياااااااااااااااح و تناااااقز
ويجي ولد عمي الكبير .. وياخذه ويطير به لم الأسعاف

عاد يقول / أن اذاني تسددن من صراخه وعجزت اركز بالطريق
حسبت اصبعه انقطع

ومسرررررررع قوووة .. وبدا يقطع الاشاااراااات
عاد كل ماقطع اشارة تقول له / وآآآآآآآآآع وراااك قطعت الإشااارة وآآآآآآآآآآآع

ههههههههههههههههههههههههههههههههههههههههههههههه
هههههههههههههههههههههههههههههههههههههههههههههه
اقلااااااااااااااااع هالبنت .. وش دخلك بالإشاارة , خليك بأصبعك يالحميرة

وع طاااري الإشارات /أخوي فروسي .. إذا كانت الإشارة خضراء من حينه
وتعدينااه .. يحسبنا قطعنا الإشااارة
يعني بقانون سماااحته ..أنك لازم توقف عند الإشارة لو شوي
وتمشي سواء كانت حمراء خضرااء زرقاء
عاد داايم مفضح بأخواااني ...

اذا صرنا بحدا الإجتماااعات وجاء طاري الإشارة يقول/
ترى ناااااصر طقع المٌشااارة قسم بالله
( ترى ناصر قطع الإشارة .. قسم بالله)
بس عنده قلب الأسامي بشكل اوب معقول


(3)

ولد خااالتي يوم كان بالمتوسط الظااهر .. كان مؤذن المسجد اللي عند بيتهم
اللهم لاريــاااااء
المهم ..إن اذا قومته خالتي من النوم العصر علشـا يذن
يقول بالآذان : الله اكبر الله اكبر ... الخ
واذا وصل : حي على الفلاااح .. حي على الفلااااح ...
الصلاااة خير من النوم ..الصلاااااااااااة خير من النوم
.. الله اكبر الله اكبر .. لا اله الا الله
>> يحسب الناس كلهم زيه ينامون الظهر الأخ

(4)

بنت عمتوووو يوم كاانت صغيرة مطرطعة قسم بالله ياحبيله
رايحة لم (مرة ولد عمي) يعني ( مرة ولد خااله )

المهم هذا ولد عمي مطوع ماشاء الله تبااارك الله ..!
قالت له مرة ولد عمي / فوفو .. أيهم أحسن أبونا ولا أبوك ..؟
قالت بنت عمتي / أبووووي .. ولا بالفرق
قالت / ورااااه .. وأبونااا ؟
قالت بنت عمتي / أبوي يلبس ثوب قدّه .. وأبوكم يلبس ثوب مب قدّه
هههههههههههههههههههههههههههههههههههههههههه
تقصد أن ولد عمي قصير ثوبه هماااو مطوع ماشاء الله

ولو بنت عمتي من يوم هي صغيرة سربوته
> ابنجلد شكلي وه بس والله العظيم أني أحبتس


(5)

أنا يوم كنت صغيرة .. يمكن بثالث ابتدااائي وهـ بث ياقعمي
كان لرجل عمتي سارة .. استراحة كبيرة تصلح للمنااسباات
والبيبااان حقااات القااعة كبــاااااار قــــوة بالنسبة لصغر سني
وثقاااال أعجز أفتحه بلحاالي لازم أنادري نورة وومي .. عشان نفتحه

المهم ... عاد يوم أخذنا بالتاريخ عن الملك عبدالعزيز وهو الذي فتح الريااض
على يديه ... كنت أتخيل أن الملك متلطم ومفسر كمومه .. وماسك عروة الباب
حق الرياض زي الباب حق الأستراحة , ويحاااول يفتحه لمين بعد جهد جهيد فتحه ...
أمر يدخلون جيشه للريااااض >أموت ع البراااءة بالتفكير
أجل الرياض به باب عجزو يفتحونه ههههههههههههههههههههههههههههههههه
ياحليلي وه بث

(6)

وع طااري التفكير الطفولي ... جوجو بنت خالي محمد يوم كانت صغيرة
رايحة تجيب سكين من المطبخ ومتجهه لشاشة الفيديو .. تقول أبكسره
عشان يجي كابتن ماجد وسالي وسندريلا يلعبون معي .. ابطلعهم من وسط
الشاااشة .. >> عاد اخوانه كلهم جالسين بالكنب يناظرون متى تكسر الشاشة
متحمسين يبي يلعبون معهم
أبوتس يالتفكير الطفوولي

(7)

ولد جيراننا اسمه عبد الله .. وكل عيال الحارة وبالمدرسة والدنيا كلّه
يسمونه (أبو علي) منذ أن كااان يرقه ... وحتى غدا رجلاً لم يسمّى بأسمه أبداً
عاد مره أخوي يوم كان بالمتوسطه هو صديقه ..راح لم بيتهم وطق الباب
أمر تفتحله الشغالة ..!
قال أخوي / وين عبدالله ..؟
قالت / طوووويب ... أبو ألــــــــــــــــي .. أبو ألــــــــــي , فيه صديق أنت عند الباااب

يقول أخوي قلت عبدالله ع بالي ماتعرف أبو علي ياشطنهن الشغالات
هههههههههههههههههههههههههههههههههههههههههه

(8)

يوم أنا بثاني متوسط .. كنت أتطغى طبعاً
المهم أنا وأخوي جالسين بملحق بيت خوالي
نلعب بالسوني ... وهالملحق خااص لولد خالتي
لازم نستأذن منه علشان يطيع نلعب فيه ..!
المهم بينما كنا نلعب ونضحك ونمرح .. دخل
علينا رجل خااالتي .. ومنذ مبطي ماشفته انا
هماي اتغطى المهم أني تفاجأت قوة وارتبكت
مادري وش اتغطى به ..!
عاد هو يوم انتبهلي قال / هلاااا والله
نجووودي من زمااان عنك تعالي سلمي علي
ويمد ايده غصب وأحب رااسه .. وعطان كليجا قال عطيه خالتك وطلع

يقول ( من عرفك صغير .. حقرك كبير )
ع باله اني صغيرة .. مايدري اني فرحة وطاافه بالغطا ذيك الأيااام


(9)

رجل عمتي الله يصلحه ... دايم اذا حمق من حدى بنااته يسميه (هيا)
هو اسم زين يعني .. بس بما انه كان يلقبنا انا وبنات عمتي بهاللقب
كنا نحس انه شين قوة وفي ذاك الحين مابه وحده تقربلنا
اسمه (هيا) لذلك لم نعلم انه اسم شخص إلا عندما كبرنا

عاد مرة عمتي رايحة لم ام جيرانهم الظااهر .. واسم بنتهم
( هيا ) ..!
قالت ام الجيران / هيا جيبي القهوة من الطبخ
قال ولد عمتي / ورا اسم بنتكم معيارة استغفر الله

ولكم ان تتخيلوا وجه عمتي من شدة الإحراااج


(10)

وحده يوم كنت بالثانوي .. تكلم معي وتقووول /
قبل العام أنتقل شغل أبوي لمكه .. ورحنا لمه وسكنا بحدا البيوت
المهم .. يوم بدت الدراسة ورحنا وسجلنا بالمدارس
كانت لي أخت بثالث ابتداائي .. أومير يوم راحت أول يوم
للمدرسة الجديدة .. أمر ترجع الظهر وهي تصيييح وتقول أبنقل مااابيه
وأمي أبوي يقولون ورااه وشبك .. أحد ظرك ولا شيء ..؟
قالت / لا لا لا .. بس اللي يدرسنن شغااالاات قسم بالله

>> والله يانا أحس انه حميرة وشيطاانية ..
يحول يالبخريات خلتن شغالات وهن وين عند روحهن


:: أخيـــراً ::
ان أصبت فمن الله , وإن أخطأت فمن نفسي والشيطاان
والسلااام عليكم ورحمة الله وبركااااته



لكلّ من مر هنــا ..!