[رُوَاءَالرُّوح]

مساءكم عشق ذاب,,,صباحكم حب عذاب

إحترت معين أبدأ فـدموعي شرشف غطت وجهي
وحزني بطانية تلحف بها جسمي
العشق سكين تنجخ أبوالواهس.
عشقتك والعشق هلاك*** لاتذبحني تعال وإكسرالخطوة

*قصة عشقي للزنجي الاسود من طفولتي حتى الآن:
من أول نظرة حبيته,,وقلبي صار هوبيته
إذا عطشانه يرويني,, وبالاكل يجاريني
كنا إثنين تجمعنا مودة وحب رغم لونه الاسود وجسمه العملاق وكفوفه اللتي
تلفعني ورفساته اللي تنرفزني والآمه اللتي توقضني إلا أنه سحرني وبحبه أسرني .
كنت أعيش تحت رعاية عائلة فري ماكد إمنعوني من عشقه والقعدة معاه ومسامرته بالعكس كان أبوي يعزم الحموله كلها ويجيب أهله وعمومته وخواله
ليل ونهار .
مرقت الايام والليالي وأنا والعبد الاسود << كلنا عبيدًا لله
نعيش بـ أحلى كنف كلماته أرتشفها بشغف
كنا نعيش حياة ولا أحلى إلى درجة إنه يجلس معاي بوجود إخواني وأهلي
عشقنا لبعضنا كان ظاهر .
لكن دائمًا نهاية العشاق مؤلمه ومتعبه ومزعجه وإيــه
يوم من الايام وكاالعادة مسكت حبيبي الأسود وبديت أقعب هطول حروفه بكل لذة... لكن المفاجعة (المفاجأة) كانت مدوية وقاتلة.
كنا جالسين أنا والاسوداني نطالع بريدة ستي ويجيك أخوي خليل ملوي (مسرع) يمسك الاسود ويرميه من الدور الثاني حرام رحمت حبيبي
أنا واثقه إنه ماراح يموت الاسود لانه يتقن الاكشن وأبو سبعة أرواح
بس اللي خوفني وأزعجني إن عشقنا بيتحول إلى حب من خلف الجدران
حب مخفي يتخلله الخوف والرهبة.
خليل/ فدى لاعمري أشوف الاسود يجلس معاك والله لو أشوفه معتب على بيتنا لاأذبحك أنتي .
فدى/ طيب ليه؟ جايكم منه شي.
خليل/قد أعذر من أنذر
فدى/إعذرني ماأقدر أتخلى عنه بهـ السهوله
خليل/أنتي ماتدرين إنه هو سبب ترقيد العالم بالمستشفيات..مافيه بنت ماأسقطه بالهاوية. لمصلحتك يافدى مانبي نشوفه معاك.
فدى/ حبنا وعشقنا ورسائلنا وإدماني عذب كلماته اللي تسير بعروقي
وتنعشني
خليل/إسمعي العلم وخليك مره الاسود ماراح تشوفين رقعة وجهه.
فدى/بعد تنهيدة كبيرة فتحت درج الشفنيرة وأخذت أطالع صورة حبيبي
الاسوداني .
تبون تشوفونه بس لا تنحتونه

وهذي بعد الطيحه طلع مخه يابعدي

بديت أناظر صورته وقلبي يحترق أحبه أقوى شي.
جت العطله وزبرقوا أهلي المخيم . يوم صار يوم الاربعاء
رحنا لـ هايبر بنده قبل ننزل جاء التوعد والتهديد
خليل/ كل اللي ببنده خذوه إن بغيتوا ركبوا المحاسبين بس الاسود لا أشوف أحد شاريه فيسه يناظرن تسذا .
وأنا تدمع عيني هم كلن أخذ حبيبه سفن /حمضيات/ هولستن/موسي/بور هورس << كررررررره لو أبحلف إنهن خمر
وش حيث هذولي مايمرضن. طلعنا وأنا مكسورة الخاطر
ونفسيتي زفت قهر كان الاسود بعطلة الحج له خيمه خاصه هو وأهله واللحين صار مضر.
وضح لي أخوي السبب وهو إن
* واحد من أصدقائه يعالج في ألمانيا (عنده لين بـ العظام)
*وأخت صديقه الثاني في الفلبين (عندها إلتهاب وغسيل كلى)

كله بسبة الاسود < والله ياهي ماتركب
لكن الحب يسوي المستحيل وأطلب من ولد أختي الصغنون يجيب لي كم علبه وأخبيهن بالشنطه. ويجي وقت الظهر والحر وحبيبي اوب مع العالم اللي بالثلاجه مدفون بقعر النفود وأنقز أجيبه وأدربيه من ورى المسحات بكل خوف أومر تشتغل القريحه وأقصد بالاسود
قلت /
قـوم درجني وإمش قدامـي** لاتخاف من أهلي ولا إخواني
لو تشوف اللهثه تحت لساني** كان إنزعجت وجابتك حنيه.

ويطلع بكل قوة لكن لازم تتضح تهمة السرقه جاء خليل ملوي (مسرع) ياويلي ويلاآآآآآآآآآه إليكم مادار بيننا بـ إرجوزه

جاني أخوي طاير يمشي رجليه
رقصوا علي ثيابي ورجفوا إيديا
دبلي بعيونه وشوبر بيديا
قلت إجلس هدي هدي إحكيني شويه
بحلف لك غصبن عني مش إراديا
حب الاسود يجري بدمي سريا
بعرف إنه مضر منب غبيه
بس إدماني فيه لعقلي طرديا
لو ما أجغم منه جتني نفسية
صرت أتلعثم وأخربط تقل هبليه
ياخيي طلبتك تكفى بـ أكمل ذيا
لاتموتني حسرة ويلحق خويه
طالعني بنظرة رحمه كلها حنيه
وقبَل إيديني وقال بحبك يافديا
فداك عيوني وكل أبو الغازيا
بس خايف أفقد طلة وروح رياضيه
ويصير بيتك سرير برى السعوديه
بعده ماينفع ندم لصرتي ضحيه
خجلت وقلت بنبرة حادة وقويه
شكرا حبيبي راح أتركه تدريجيا
ربي مايحرمني حنانك بيا
بكتب معناتي ببريده ستيا
لعل وردة منهم تداوي حزنيا
وخلصت كلماتي الشفافيه
اللي كلها على بعضه ضروره شعريه.
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ
قصة عشق لم تنتهي بعد إحتوت حروفها الالم وأبيات التأليف المهويه.
حتى ألــوان الموضوع نفس لبس العشيق ومن الحب ماهبل .
المطلوب//
1/اللي كانت مدمنة بيبسي وتركته تسدح لي الطريقة والعلاج والتجارب.
2/اللي مازالت تشرب بيبسي وتجاوزت سن الخمسين مابه إلا العافيه تعلمني عشان أستمر مع الاسوداني . ولو مابه ماكينه الاخت.
3/اللي تهرب البيبسي ويطحيون به أهله تنعشنا بموقف فكاهي.

إكتبوها بالجغرافيا أول مـره أهذري بالكوفي..والسبب الاول لاني أبي علاج لـ إدمان الاسود.
أما السبب الثاني تلبية طلب بنت أختي بعد تهزيئة عفويه قالت فيها
** اللحين أنتي وش قصتك ياأما تفلسفين بالساحه وإلا تصحين
ويجيتس تكاك وخنقة عبرة ببنت بريده.
نبي شي مطرطع يفرفشنا
<< .

تــح يــاتي لـج ـميع ورداتي