 |
|
|
|
|
12-03-2010, 02:37 PM
|
#1 |
|
عـضـو
تاريخ التسجيل: Oct 2009
البلد: ليتَنآ نُدركـ .. أنّ ( الجَنّة ) هٍي وحدَهآ وطن الأشيآء الحَقيقيّة . .
المشاركات: 786
|
أنــــــــــا عرجــــــــون لاتـــــــــــــهجون >> رحلة تعرجن....,.,.,.,
السلام عليكم
مسائكم(صباحكم) فل ورياحين  أخباركن ؟؟ وش الدنيا بكن ؟؟ كلكم منحين ان شاء الله >>ياشين هالهجه علي  والله وحشتونــــــــــــي كتير .. الموهم مالكم بالطويله والقرق الزايد  أبدخل بالموضوع على طول بدون مقدمات .. ذاك اليوم طلعنا انتعرجن بهاك العطلة الطويله>>امحق من طول مامدانا ولا انغمض  قلت بنات بريده ستي غالياتن على قليبي ولازم يشتركن معنا برحلتنا العرجونيه>>مدري منين هالأسم الاستعدادات للرحله: قلنا بنروح خفافي بدون غداء وخرابيط >>طبعا هالمره مانوينا نطلع من الفجر والا تسان إعلوم..  يعني طلعت أخر الظهر..وحنا نجيتس ونصلح هاك القهيوه و الشوهي والقدوع ((من تميرات و شوكلاتات)) طبعا أخذين خبيزات وجبينات لزوم لو أحد يجوع  وتنطلق الرحله بسم الله ... أول شي رحنا نمر بنيت أخيتي تبي تعرجن معنا>> وخ بس ياطعمتس  >>كل شوي داقه متى بتجون؟؟؟وراكم أبطيتوا ؟؟ والله ياهي تقفتنا.. ونمسك الطريق مع ازعاج وبلبلة البزوره هذي تنشد سرب الحمام والثانيه امي ربة بيت والا آل الأرنب لا أمه >>حافظتهن من كثر ماكررنهن والله ياهن فغن راسي بس ماتقدرين تقولين شيء بوجود هيئة الدفاع " بابا ماما " الله لايخلينا..الموهيم متنا ما وصلنا كل شوي واقفين عند بقاله>>خبركم حر هاك الأيام  ..أوهـ نسيت أقولكن وين كانت وجهتنا كنا رايحين لم " العفجـــــــــه " محل العراجين.. وحنا بالطريق مرينا على بيوت أو ان صح التعبير آثار بيوت طين " بالنبزيه">>النقيه وخ يازين حياة أول >>اقاله مجربه.. .......................................... وآخير ,,, وصلنا !! عاد لزوم الاستعدادات لتلقيط وتصيد العراجين .. خواتي المراهقات افتحن الشنطه اللي وراء وركبن به  >>طبعا السياره جيب.. والبزارين كلن تشعمط له بدريشه بس أنا >>وأعوذ بالله من كلمت أنا داخل السياره اقالي عاقله>>مهب تخاف أبد.. وكلن بدأ يكبس بعيونه ويدور .. وتعال شف ياصراخ.. وقف يبه لقيت عرجون والثانيه يبه لاتدعس العرجون تراوه تحتك.. وتعالو بس شوفوا الهبال. وياعميري يابيي عجز عنا كلما صرخنا قال اسكتن فضحتننا ولكن لاحياة لمن تنادي مع هذا الحماس ..وبعد مالقطنا قليلا من العراجين قلنا استدارت روسنا نبي نريح اشوي ثم نكمل.. وإلنا عقب الحماس ميتين جوع خبركم منبزين من فرشنا.. الجدير بالذكر>>ياعيني على اللغه في هذه الاستراحه رفضت بنت أخيتي تاكل >>لأنه من يوم نركب تسأل أمي يوه معكم غداء وأمي تقول ايه.. بس البنيه ماتبي الا رز ولحم هذا الغدا بنظره ويوم شافت ان الله بلاه بخوالن مهب أهل رز قالت مالي الا أكل من مفطحهم اللي هو خبز وجبن كملنا المسير والبحث والتنقيب عن العراجين .. وبعد ذلك انتهت الرحله بالآتي:  أبشركم اننا لقطنا (111) عرجون>>مميز الرقم كلن صاكه راسه وعيونه تزغلل من التركيز  والبعض مصاب داخلتن بوه شوكه مادرينا به الا يوم صارله اسبوع  >>ساده هذا اللي يفصخ نعاله..طبعا بتقولون اشلون مادرينا الا يوم انتفخت وتغير لون الجلد اللي حوله وبرز راسه أنا من قام بنزعها بعد عمليه جراحيه دقيقه بالابره>>مشكلة الواثقين .,.,.,.,., وهذه الصور تحكي عن الرحله.. الصور بس عراجيين لانه رحلة تعرجن وأرفقت معه كيفية طبخ العراجين .... .. .. هذا العرجون وهو بالارض قبل القطف .. هذي عراجيننا والمتملحات هذولي عراجيين الدموع حبرالعيون .. تربيص العراجين بالماء من أجل التنظيف .. .. هذي العراجين بعد غسله وتقشيره وتقطيعه .. .. الآن قلي العراجين.,.,., العراجين في المقلاة.. .. .. .. ........... عاد هذا الشكل النهائي للعراجين.. .. .. .. وبالهنا والعافيه.. عاد اقالي فنانه فكتبت اسمي واسم حبيب قلبي بالعراجين.. .. .. وهذي البوسه من هذا الجميل للي ترد على موضوعي .... لا لا لا عاد تراي أمزح الحين مأحد يرد اللي ترد له هذا الصحن عافيه على قليبه.. .. وشوكرن الكن على اطلالتكن الحلوه والمعذره على التاخير في تنزيل الموضوع لان عارفه ان الحين خلص وقت العراجين .. لأني صايرتن من تالي مرتن مشغوله >>تتعلمكن انه صارت أبلا >>عاد الله بالدعوات اللي تشرح الصدر وأودعكن كما ودعتنا شمس ذلك اليوم المليء بالوناسه والمغامرات... ..  ..
__________________
.. رَبَّـآهـ .. اُغمُرْ قَلبِـي فَرحًـا الى يوم يبعثون و آتمهـآ ب دخول جنتك ~  العابرة ذكراك باقية فرحمك الله
 |
|
|
| الإشارات المرجعية |
|
|
النمط الأحادي