[ابواسيد]

اقتباس المشاركة الأساسية كتبها غريبة الديار ** بصـراحه أسمحوا لي ~ كثير بنات يشتكن من أخوتهن بتفتيش جوالتهن وهو ينهبل لو احد لمس جواله [ كلن يرى الناس بعين طبعه ] ودايم هالنوعيه من الشباب مب واثق لأنه أصلا ماوثق من نفسه فـ/ طبيعي مايثق باللي حوله ~ ومع زوجته راح يتصرف نفس الشيء ولاحظت بعد / اللي أخوته شباب محافظين [ مطاوعه ] واثقين من خواتهم مع اهتمامهم وحرصه عليهن وغالباً يفتح جوال أخته ويشوف وش بوه ولكن بطريقه غير جارحه أهني اللي أخوه كذا .. لكن أنا الحمدلله ماعندي أخوان كبار فكه منهم أما بالنسبه للزوج / ليش مايسمح لي أفتح جواله إلا أنه أكيد فيه شيء ! وذلك لايعني التنصص والتجسس على جوال الزوج لأن هالحركه تطفر وتقهر وبعذره لو رفض يعطي الجوال ,, والعكس كذلك بالنسبه للزوج مع زوجته وسلامتكــم ،، **

غريبه اخي يمكن هذا الشخص موسوس

[Total ransom eyes]

اقتباس المشاركة الأساسية كتبها الـعـاصـفـة .. .. أنتي خليه تجي .. ونتفاهم بعدين .. .. ..

الله يرج بليسك

طيب هم يقولون لو جت وش راح تسوي

[فتى المدينه]

اي اذا واثقه ومااحسانها مسويه فيها اسلوب تسلط خليها تفتش زي ماودها ..عاد وش بينقصني غير زياده محبتها لي وثقتها فيني اكثر واكثر ..

[هايين]

اسمه جواله
يعني يخصه
واذا يبيني اشوف شي يفتحه هو
ولا اللقافه مهيب زينه

مع انه مخليه بدون قفل

..

[أبو رزان]

أفهم من بعض الردود أن الخصوصية فقط على ماهو منكر أو عنده خصوصية زائدة عن اللزوم !!
هذا فهم خاطئ بصراحة ,,

فالرجل له والدين وإخوه وأخوات وأقارب وأمور خاصة قد لا يرى إخبار زوجته به ,,
وقد تكون في وقت دون وقت فأرجوا إحسان الظن بالأزواج ,,

[General]

اسمح لها تفتش عادي زوجتي وتمون
اصلا ما به شي بالجوال اغبيه عنها
الرسايل كلها من stcوالمكالمات من الاهل والربع
الله يجيبه تأمر وتدلل

[وــلد الــقــصــيـم]

انا اقول مافي شي بين الزوج والزووووجه بما اني ماتزوجت بس اقول انا عاادي بس يعني اللي مايحب متشدد شوي والعذر والسموحه

ودمتم بود

[loquacious]

اقتباس المشاركة الأساسية كتبها أبورزان أفهم من بعض الردود أن الخصوصية فقط على ماهو منكر أو عنده خصوصية زائدة عن اللزوم !! هذا فهم خاطئ بصراحة ,, فالرجل له والدين وإخوه وأخوات وأقارب وأمور خاصة قد لا يرى إخبار زوجته به ,, وقد تكون في وقت دون وقت فأرجوا إحسان الظن بالأزواج ,,

وهذا ماكنت أقصده , زي ما أنا يكون عندي خصوصية , كمسجات من أمي أو أخي يكون فيها موضوع خاص .
فكذلك أقيس خصوصياتي في الزوج , أكيد راح يكون عنده خصوصيات مع اهله أو زملائه في العمل ..

واللي فيه بلا , ماراح يخلي بلاويه في جواله العام على قولة واحد من الأعضاء ,,
فيكون عنده جوال خاص بالسيارة أو العمل يقضي وقت فراغه بجرعات حنان... !!

[فتاة الورد]

اذا كان يفتش جوالَه !
فقبل مايفتشه يسمح لها تفتش جوالُه !
ولا لايفتِش .. ولايفتَش بقشه ~
أما انه ينغبر بقشه ولايبيه تسوي به المثل , !
فهذي قمة الغطرسه .. ولو أنا بمكان الزوجه الي يزين به تسذا
إن أفتش جواله وعيونه طايره ..


متكلف




+ عموماً أنا من النوع الي اكره أحد يشوف خصوصياتي ولو انه تافهه ..
بس بنفس الوقت ما اشوف خصوصيات الآخرين ,

[عبدالرحمن بن محمد]

أنا أقول

غبي القوم ليس بسيد ولكن سيد القوم المتغابي

إذا صار للرجل زوجتين الأفضل أن لاتحاول أن تفتش

أما إذا صارت هي الوحيدة فكذلك لا تفتش حتى لو شكت

لأنها ستدمر حياتها بنفسها حتى لو لم يكن فيه شيء يخاف عليه الرجل

فنصيحتي للأخوات المتزوجات وزوجات المستقبل تغافلن ولا تحطن كل شيء بالبال

فإنكن ستتعبن وتُتعبن غيركن

تغافلوا وتغابوا

وطنش تعش تنتعش ،،،

[السامي البريداوي]

عــــادي كل واحد يطلع على جوال الثاني إذاكان مافي ثقة قل على الزواج السلام .
ولازم الزوج يصير واضح .

[الأمــــورة]

والله انا ابوي ماسلم مني بالتفتيش
الله يعين زوجي علي....

[صمت النار]

شيء غريب جداً جداً جداً

زوج وزوجة يعيشون في بيت واحد وتحت سقف واحد , ويتشاركون الفرح والحزن حتى في فراشهم يتشاركون وليس كل واحد منهم في غرفه ..

ثم نأتي للجوال ونقول أنه خصوصيات ....!!!!!

الزوج العاقل والزوجة العاقله , يجب أن لايكون بينهم خصوصيات لايعرف الطرف الآخر ..

وإن كان ولابد من خصوصيات فلتكن خارج البيت فقط ..

تذكرت اثنين ( ستر الله عليهم )

أحدهم دفعه الفضول لفتح جوال زوجته وقراءة الرسائل ... فوجدها قد ارسلت لأحدهن وتحكي عن أموره الخاصة , يقول : زوجتي هي من تأتي بالشك بها حيث الجوال كثيراً ماتضعه صامت ولا تحمله أمامي , ودائماً ماتقوم بمسح السجل والرسائل .. الزوج يثق بزوجته ثقة كاملة ولكن زوجته تجعل للشيطان باب للدخول بينهم ..

الآخر ايضاً , سنين مع زوجته وبينهم اطفال , لم يقصر معها بشيء بل يعشقها بجنون , وبعد هذه السنين وبالصدفه اراد فتح جوالها ( وليس من باب الشك وهذه متأكد منها ) ويتفاجأ أنها قد ارسلت رسائل لقريبتها وكلها سب وشتم في هذا الزوج المسكين .. بصراحة كانت صدمة بالنسبة له ..

لذلك , نصيحة لكل زوجة وفتاة مقبلة على الزواج :

لاتجعلي الجوال سبب لمشاكل بينكم .. وليكن لديك ثقة في نفسك , ولتجعلي الجوال بين يدي زوجك دائماً وابداً وإجعليه يقلب به كيفما يشاء ومتى يشاء ..

أكثر حالات الطلاق بسبب قلة الوعي من الزوجة وبعض التصرفات الخاطئة وسوء التربية من قبل الأهل ..

اسأل الله للجميع التوفيق

[غريبة الديار]

**
صمت النار
كلامك سليم 100%

وبعدين اللي يقولون طنشي لاتهتمين قوه عشان ماتنصدمين وتتعبين ..!!
أجل وش الفايده أنا زوجته إلا أنه لازم أحافظ عليه حلوه ذي يلعب ويشبع حنانه على كيفه
معـــصي مب على كيفه


**