[على طريق الأمل]

.. عجزت أستحمل .. وقتها .. وأرسلت له رساله بالجوال قبل ما أنام .. وكتبت له:[/color][/right][/size]

( ترى الشعب السعودي متضامن معكم قلباً وقالبا وهم كلهم بدون بس بشكل مخفي ..وتكفى لا يدري أحد ترانا جاحدين !!)

وسلامتكم ،،،،

[/quote
هههههههه

[أطوي جروحي بضحكتي]

اقتباس المشاركة الأساسية كتبها m7md 2010 والله احس انا نظامنا هو الصحيح لانه يساعد الشباب على الشغل ولو حطو السعوديه مثل ماقلت لاصبح الشباب كلهم عاطلين

كــــــــــلام سليم 100%

[نــــــــــــوف]

اااااه ليتي كويتيه
وميخالف بدووووووووووووووون

:

[سراج اللوذه]

اقتباس المشاركة الأساسية كتبها m7md 2010 والله احس انا نظامنا هو الصحيح لانه يساعد الشباب على الشغل ولو حطو السعوديه مثل ماقلت لاصبح الشباب كلهم عاطلين

نعم للأسف يساعد على الشحططه اللي ما تليق .. بأبناء أغنى بلد بالعالم ..
ربما ... لا تسطيع إدراك معنى أن تعمل عملاً لا يتوافق مع مؤهلاتك ..أو مع محيطك وبيئتك ..
أو ما تعي حجم العناء .. الذي يكهل .. قوى من يعاني الفقر النسبي .. <<ومع الأسف هذا النوع من انواع الفقر .. يعاني منه ثلث المجتمع بالسعوديه ... حتى الموظف .. !

الله يوفق الجميع يارب ،،

[سراج اللوذه]

اقتباس المشاركة الأساسية كتبها أمير القوافي ماقول إلا تضيق وتضيق وتضيق ثم تنفجر بإذن الواحد اللي ماتنام علينه

ههههه أضحك الله .. ضرسك أمير القوافي .
والله العظيم أني مت من الضحك

أخاف ما تنفجر الا وحنا بقفاه ... همن عاد .. وش ينكسنا عليّه ههه

[غــــ م ــــوض]

إرفع رآسك أنت سعودي غيرك يتجر وأنت تغوصي

[الحائر]

بدون ونفتخر ماعلينا من احد ...

[teacher]

الموضوع فيه اشياء غير حقيقيه ومبالغ فيها

لازم نحمد الله على اللي احنا فيه

كل ماذكرته عن المملكه غير صحيح ....

لازم نشوف اللي اقل منا ونحمد الله على اللي احنا فيه

رحت البحرين وشفت الهوايل هناك الشعب منتهي واحد يقولي ( احنا محسوبين على الخليج بالاسم )
والتكاسي مافيه ولا اجنبي كله بحارنه والرواتب تقريبا 2500 ريال ويعتبر حلووو هالراتب هناك


زرت الاردن ولقينا عسكري بالطريق يأشر وركبناه معناه مع انه لابس البدله العسكريه
سألناه عن الوضع هنا قال راتبي 700 ريال تقريبا

واعلى الرواتب عندهم اللي يعتبر كنج 1500 ريال


السعوديه .....

بلد كبير لايقارن بمليون نسمه او 3 مليون

والرواتب هنا تكلف تقريبا 183 مليار على مااتذكر اني قريت

يعني اكثر من 40 بالميه من الدخل للرواتب

ولاتنسى ان النفط المصدر يكون خام فقط ولايتم تكريره هنا وهذا مكلف

لان البنزين اللي عندنا يعتبر من الخارج وكل المنتجات النفطيه من الخارج بعد تكريرها

خساره كبيره يعني ...

مميزات السعودي ....

- التعليم والصحه مجانا
-الجامعات مجانا بعكس اغلب دول العالم بما فيها الخليج والبحرين ( البحرين يدفع الطالب بالترم للحكومه يمكن 1000 ريال )

- استخدام الطرق السريعه المكلفه جدا ( لانك تعيش في قاره ) واستخدامها مجانا عكس دول العالم اللي تفرض رسوم

- لايوجد ضرائب

والعديد من المزايا اللي يتغاضى البعض عنها لااعرف مالسبب !!!




-

احد الاخوان اللي يقول ان السعوديين كلهم تعبانيين ماعدا المدرسين

احب اقول فيه مثل يقول صيت الغنى ولا صيت الفقر

هم اللي يربون الناس ويعلمونهم

وصدقني شغلهم متعب ومرهق

ولو خذوا ملايين يعتبر بناء للوطن ....

اما دخلهم الشهري ابشرك

اصغرهم ياخذ 8000 ريال شهريا اللي جديد

ويوقف السلم على 19800 ريال تقريبا يعني قريب العشرين الف


فااذا عندك زياده في الحقد تفضل اطرحه


نسيت شي اقوله ودايم اسمعه وهذا اللي خلاني اعدل في الرد ....

دايم اسمع ان السعوديه اغنى بلد في العالم

وهذا الكلام غير صحيح يااخوان

صحيح المملكه اكبر مصدر للنفط في العالم ولكن ليست اغنى بلد في العالم

يعني تعتبر دوله ناميه وليست متقدمه او غنيه

الكلمه هذي تزعجني كثير وبعس اللي يقولوها موعارفين شي

كيف اغنى بلد في العالم

وين امريكا والاتحاد الاوروبي والماني و و و و و الخ

[العاشقه الولهانه]

اقتباس المشاركة الأساسية كتبها سراج اللوذه صدقتي .. مع أن المدرسين .. رافعين ضغطي بقولة والله حنا نتعب .. ومادري وشو .. والواحد منهم ماعنده الا أربع دروس او خمسة .. ونصفهن سواليف مع البزارين .. لا وراتب الواحد ... يعادل قرض .. لراتب حارس الأمن اللي منشوي من الشمس .. اهلاً بك في زمرة البدون .. اللي معهم جواز ويحبون وطنهم ويفدونه بالروح والدم ..

انا ضدك بذي النقطه كوني معلمه اتحداك تلاقي احد يتعب ويشقى زي المعلم والمعلمه شوفهم من فصل لفصل مقابلين البزران اللي منهم مافهم واللي موراضي يفهم لذالك انا اقولك اجمع اخوانك الصغار بالبيت واشرح لهم اي موضوع صدقني راح تتعب ماوصلة لهم المعلومه فمابالك بفصل فيه من 25 الى 35 طالبه مقابلهم 45 دقيقه غير الوقفه والتعب يعني الموضفين الاخرين بالدوائر الاخرى جالس على مكتب ومكيف ويقابل ناس متعلمه وفاهمه انا الان راتبي يفوق 7000ريال مستعده ابادل اي موضفه بدائره حكوميه غير تعليميه وربي راضيه براتب 4000 بس اكون مرتاحه وهذا للمعلوميه شعور الكثير من موضفين التعليم والى الان المعلم والمعلمه لم ينصفوا بحقوقهم تخيل عندك يوميا على مدار الاسبوع خمس حصص وربي ان تكره حياتك والمشكله الادهى والامر اننا محسودين وحنا مكروفين اتمنى من كل قلبي اي شخص ينزل لميدان التعليم ويزوال المهنه حتى يحس بالمسؤليه والتعب الذي يبذله المعلم والمعلمه في مجال العمل بالتعليم عمل مافيه راحه اسفه على الاطاله تقبلوا مروري.
-للايضاح فقط ولو انني خرجت عن الموضوع.

[سراج اللوذه]

اقتباس المشاركة الأساسية كتبها زيز و جزاك الله خير

الله يجزانا وأياك ووالديك الجنه .. اللهم امين ..

شكلك .. تحسبه نصيحه .. وماقريتها ..زين ..

[سراج اللوذه]

اقتباس المشاركة الأساسية كتبها البراء المقدسي الله يعين

الله يعين .. العين اللي ما تقدر تشوف الجبين ..
الله يعين .. أيادينا ورجليننا .. على المشي الرزين ..



آنست وشرفت .. حبذا .. لو تشعرني بقراءتك للموضوع وتبدي رأيك .. عن أسعار الرز على أقل تقدير

[AZo0oZ]

..




أحمــــد ربــــك . . .


<<< teacher كلام سليـــم


..