[راقيه باخلاقي]

حلو يكون الاختيار مشترك لكن مايكون له طعم ولا ميزه لأنه شايفه قبل وماراح يتحمس له
وليه مايشتريه هو على ذوقه ويهديه له ويريحه !!
لكن ماضن نسمع احد طبقه حوالينا الا بعد عشرات السنوات
يعطيك العافيه اخوي بندر

[الغائب]

تملكنا العادات والتقاليد ..

وهتاك من يراها ( عيب ) فهم بسبيل ومن يرى فك شفرة العادات والتقاليد في سبيل ..


تشكري حبيبي بندر ..

[خجولةالمبسم]

والله شي حلو بعد عشان تفتك امي من

بس انا ذوووقي صعب مررره اخاف اتهاوش انا وياه بالسوق ونرجع

[•°انكسار الأماني°•]

اقتباس بعض الناس قد لا تكون لديهم المعلومة بأن أشهر مصممي الأزياء في العالم هم من الرجال

صح إشتهروا مصممي أزياء رجال بس مش رجالنا ,
وكذلك إشتهروا خبراء تجميل رجال وفي المقابل لهم ربعنا مايدرون وش قصته ,
أنا لو بتزوج لبناني ماجهزت ولاعود إلا بمشورته أما شاب خليجي لاياأخي ,
إذا بعض بناتنا ماعندهن سالفة بأمورهن فكيف شبابنا

.

[ياحبيلتس يانا]

اولا مجتمعنا مابوه مثل هالامور ولايقبل به ولاحس البنت الفاهمه تبي تقبل بالهشي وين يروح يتنقى الفستان معه مهب من شغلوه اصلن ولالوه دخل هو لويبي يشري سياره مهب مشاوره لونه هي الي تبي تركب معه الليل والنهار وثانيا لنفرض انه راح معه واختار احس ذوق الرجل مهب زين والرجال بهم عاده الا رايهم وذوقهم هو الزين والصح عاد شف الحريم وش يصيرن الحبيبه ياويلي تبي تظطر وتاخذوه وشكواه لله والشيطانيه والجريئه تبي تعيي ولاهيب طايعه عاد حلوه

[بنت الهاشمي]

اقتباس سألتها .. ألا يُمكن ألا يعجبه الفستان في ليلة العمر؟

غريبة يعني الرجال
ينتبهون للفستان ليلة العمر
والله شي حلو انه ينتبه للفستان
لانة حرام تصرف فلوس للفستان والمكياج بالفاضي

[فسفوريه]

صادزه اغلب الرجال اذواقهم مدري وشتبي اخبر اخوي تسدجاب لي شنطه هديه ثلاث ترباعه محازم والربع الباقي فصوص هههههههه عاد يقولي وينه وراتس منتب تطلعين به قلت حسافه اخاف تطيح فصوصه من كثر الشيل والحط ابخليه للمناسبات الكبيره>>زينه قصتي

[ياحبيلتس يانا]

هه هذا الي يجيتس ويقولون بعد خلوه يختار فستان الزفاف عساو يفلح بختيار الشماغ والكبك<للحين يشرا ذا؟
ايه زينه قصصتس هههههههه

[بندر 1430]

أليس الهدف من إقتناء الفستان هو إرضاء الزوج نفسه؟

إذاً ما مالمانع أن يختاره بنفسه حتى لو كان ذوقه لا يتناسب كثيراً مع ذوق زوجته ..
ويمكن حلّ الأمور الأخرى المتعلقة باللون و خلافه بالتفاهم بينهما إن كانت لا ترتاح لها الزوجة ..

وردّاًعلى كلام أختي الكريمة إنكسار الأماني .. الذوق ليس له جنسية أو بلد معيّن ..
ولستُ هنا أنكر أن بعض الأزواج لا يملكون الذوق الذي تتطلع له زوجاتهم .. لكن لا ننس أيضاً بأن ذلك قد يحصل مع بعض الزوجات أيضاً ..!

الحل في نظري بأن تبدأ المرأة حديثة الزواج في تغيير زوجها منذ الليلة الأولى ..

مع الشكر و التقدير لكم ..

[الـعـاصـفـة]

إذا اختار معها الفستان .. مايصير له فايده ..

لأنه هي مشترية الفستان له .. ومن شان تكشخ به عنده ..

وإذا كان هو اللي مختار معه .. وش استفدنا ؟؟

[فجــــر]

^^^^^^^

صاااادق وش فايدة المفاجأة لو اشتري معه كل شي الا
فستان الزووواج ..

ــــــــــــــــــــــــــــــــــــــــــــــــــ