[غرور]

يموووووووووووووووووووووووت ولا يتزووووج

[! ۉرۉدگ تذبـل !]

اقتباس المشاركة الأساسية كتبها loquacious~~ دامه قرر بيغير على وحده غيري , حتى أنا انسانه زيي زيه ابغى اغير , تم التصويت / طلب الطلاق مهما كان , وأتزوج زيه , ماراح ينفعني لا هو ولا عياله .

^
اعجبني ردك يجنن

[! ۉرۉدگ تذبـل !]

اقتباس المشاركة الأساسية كتبها سامي بريدة هل فكرت بما بعد الطلاق ؟ ! ما ذا سيكون حالك ؟ وماذا سيقول المجتمع عنك ؟ ما مصير تربية أولادك ؟ أنا معك بهذا الحل إذا عرفت و تيقنتي تمام اليقين بعدم عدله معك وأنه سيهمل أولاده وتربيتهم وسيقصّر بالنفقة عليك وعليهم أما غير هذا فالبقاء بذمة رجل أفضل ألف مرة من ليلة بلا رجل فمجتمعك المحيط بك لايرحم وأول من يتخلى عنك هو وأنت أعلم بالسبب حفظ الله أخواتنا من كل مكروه ورزقهن قبول الحق والرضا بما قسم الله . وليعلمن أن ما أصابك لم يكن ليخطئك وأن الأمة لو اجتمعت على أن يضروك بشيء لم يضروك إلا بشئ قد كتبه عليك . . .

اظن عندي اهلي الله لايخليينا يعني الدنيا ماراح توقف على رجل اللي يبيعني بضره ماعتقد لي غلا عنده وشووله اصدع براسي واجلس عنده
انا ما اتحمل الضره واعتقد نص الشعب مطلقين وعيالهم ماماتوا من الجووع الحمدلله على كل حال

[على طريق الأمل]

تم التصويت،،،
يتزوج ويحقق العداله بيننا
الرجل محلل له بالشرع أربع
ليش أعترض على الشرع؟؟

[عبوود]

النص الشرعي في إباحة التعدد:-
قال الله تعالى في كتابه العزيز : ( وإن خفتم ألا تُقسطوا في اليتامى فانكحوا ما طاب لكم من النساء مثنى وثلاث ورباع فإن خفتم ألا تعدلوا فواحدة أو ما ملكت أيمانكم ذلك أدنى ألا تعولوا ) النساء/3 .


وأما العدل في المحبة فغير مكلف بها ، ولا مطالب بها لأنه لا يستطيعها ، وهذا هو معنى قوله تعالى : ( ولن تستطيعوا أن تعدلوا بين النساء ولو حرصتم ) النساء/129 .

الحكمة من إباحة التعدد :

1- التعدد سبب لتكثير الأمة ، ومعلوم أنه لا تحصل الكثرة إلا بالزواج . وما يحصل من كثرة النسل من جراء تعدد الزوجات أكثر مما يحصل بزوجة واحدة .

2- تبين من خلال الإحصائيات أن عدد النساء أكثر من الرجال ، فلو أن كل رجل تزوج امرأةً واحدة فهذا يعني أن من النساء من ستبقى بلا زوج ، مما يعود بالضرر عليها وعلى المجتمع

3- من الرجال من يكون قوي الشهوة ، ولا تكفيه امرأة واحدة ، ولو سُدَّ الباب عليه وقيل له لا يُسمح لك إلا بامرأة واحدة لوقع في المشقة الشديدة ، وربما صرف شهوته بطريقة محرمة .

* أضف إلى ذلك أن المرأة تحيض كل شهر وإذا ولدت قعدت أربعين يوماً في دم النفاس فلا يستطيع الرجل جماع زوجته ، لأن الجماع في الحيض أو النفاس محرم ، وقد ثبت ضرره طبياً . فأُبيح التعدد عند القدرة على العدل .



اعتراض :

إذا كنتم تبيحون التعدد للرجل ، فلماذا لا تبيحون التعدد للمرأة ، بمعنى أن المرأة لها الحق في أن تتزوج أكثر من رجل ؟

الجواب على هذا الاعتراض :

المرأة لا يفيدها أن تُعطى حق تعدد الأزواج ، بل يحطّ من قدرها وكرامتها ، ويُضيع عليها نسب ولدها ؛ لأنها مستودع تكوين النسل ، وتكوينه لا يجوز أن يكون من مياه عدد من الرجال وإلا ضاع نسب الولد ، وضاعت مسؤولية تربيته ، وتفككت الأسرة ، وانحلت روابط الأبوة مع الأولاد ، وليس هذا بجائز في الإسلام ، كما أنه ليس في مصلحة المرأة ، ولا الولد ولا المجتمع " . المفصل في أحكام المرأة ج6 ص 290.



والله أعلم,,

[طيب شمر]

لو انا متزوجه
إذا تزوج ثانية طلبت منه الطلاق مهما كان معي من الأولاد

بس مو توصل أني أدعي عليه يموت وأقول الله لايجيب لي هذا اليوم انا واميمتي وأخياتي

[وطني الأغلى]

الله لا يجيب ذاك اليوم
قبل يومين حلمت انه جالس يخطب قدامي بغيت اموت قمت من النوم وانا اصيح بس حظه زين انه رايح لدوام اول ما قمت من الحلم

ولا كان فيها جنايه

[أحلى صبية]

عيشتي في بيت أبي أفضل لي من ذلي في بيته مهما كان لا أتحمل الجوار,,,,

[طائره من ورق]

الله لايجيب هاليوم ويسخر هالرجال الحريمهم

راح اطلب الطلاق اكيييييييييييد واعيش مع عيالى والدنيا تغيرت مو مثل اول وتغيرت نضرت المجتمع للمطلقه
بالعكس كثير من المتزوجات تعيش ضيم وقهر وحرمان باسم الزوج فقط وتحسد المطلقه على طلاقه
والله يسعده ويهنيه هو اختار هالطريق

[رحيل ,,]

والله يابعض الحريم أنواع الرصة

وشو يموت ولا يتزوج عليك !!

أو تطلبين الطلاق ! تحسبونه سهله طلقن والسلام !!

فكروا به شوي ! تراه موب مسلسل وراح يخلص ؟؟

صح كل حل أمر من الثاني .. بس يتزوج علي ويعدل أهون من إنه يموت أو أتطلق !

الأصل في الزواج التعدد ..

../

[ياحبيلتس يانا]

وعليكم السلام... استغربت من ردود اغلبية البنات انه تطلب الطلاق طيب وعيالتس وبيتك كل ذولي تبي تخلينهن لغيرتس..!! فكرن بعقولكن صحيح اهلينا مهب مقصرين ولاهب ذاخرينن علينا بس ترا مهما كان لاصار معتس عيال وبزران منتب قاويتن تاكلين وتشربين ببيت ابوتس وتحرمين عيالتس منتس ومن العيشه بين ام وابو حالهم حال غيرهم انا ماعرست و بسم الله علي لو يصير لي والله لايجيب هاك اليوم ابقعد ببيتي وعند عيالي وبقريح يطير بوه هو والمره ان عدل اهلا وسهلا ماعدل فقعدتي عالشان عيالي اضغط على نفسي وارخص كل شي لعيونهم ولاتفكرن بس بسعادتكن وانفسكن فكرن بهالعيال الي تبي تجيبونهم ياما حريم متحملاتن كل شي وصابرات عالشان عيالهن اجاهد واعمل المستحيل عالشان سعادة عيالي اما سالفة الموت ماتقوله الا وحدتن الله بالخير ومهنا مخ ........... الله يجزاك خير جداا راقي موضوعك (تم التصويت على الخيار الاول)..... بالتوفيق للجميع

[ام الزلمات]

اقتباس المشاركة الأساسية كتبها ياحبيلتس يانا وعليكم السلام... استغربت من ردود اغلبية البنات انه تطلب الطلاق طيب وعيالتس وبيتك كل ذولي تبي تخلينهن لغيرتس..!! فكرن بعقولكن صحيح اهلينا مهب مقصرين ولاهب ذاخرينن علينا بس ترا مهما كان لاصار معتس عيال وبزران منتب قاويتن تاكلين وتشربين ببيت ابوتس وتحرمين عيالتس منتس ومن العيشه بين ام وابو حالهم حال غيرهم انا ماعرست و بسم الله علي لو يصير لي والله لايجيب هاك اليوم ابقعد ببيتي وعند عيالي وبقريح يطير بوه هو والمره ان عدل اهلا وسهلا ماعدل فقعدتي عالشان عيالي اضغط على نفسي وارخص كل شي لعيونهم ولاتفكرن بس بسعادتكن وانفسكن فكرن بهالعيال الي تبي تجيبونهم ياما حريم متحملاتن كل شي وصابرات عالشان عيالهن اجاهد واعمل المستحيل عالشان سعادة عيالي اما سالفة الموت ماتقوله الا وحدتن الله بالخير ومهنا مخ ........... الله يجزاك خير جداا راقي موضوعك (تم التصويت على الخيار الاول)..... بالتوفيق للجميع

ياعيني عليتس..بقريح يطير به هو وعروسته,,ان جاء اهلا وسهلا وان راح بقريح.
انا الحين مستغربه من هالردود.ياختي تلقين الوحده عمره 25 ماتزوجت وان تزوجت خلته هو حياته كله..طيب هذاك عشتي ربع عمرك بدونه.والحين ماتبينه يغيب عن عينك يوم..عجبي والله
لو الوحده تفكر بلعقل بعيد عن العواطف كان مالقيتي ردود الحريم كذا.

[صوت انسان]

برأي الطلاق إذا كانت تحبه لأنها لن تسطيع أن ترى أحدا يشاركها فيه
طبعا إذا لم يكن لهامنه أولاد أما إن كان لها منه أولاد ربما ترضى أن تبقى معه من أجل أولادها
ولكن ستبقى جسد بلا روح لأن زواج الرجل على زوجته بالنسبه لي نهاية الحياه بينها وبينه في مشاعرها وإحساسها

[سامي بريدة]

اقتباس المشاركة الأساسية كتبها نجديــــة مآدري .. بس ترا الجوار صعب صعب صعب صعب ياعالم صعب .. ص1

ومن يقول غير هالكلام غلطان

لكن بالصبر والاحتساب والرضا بما قدّر الله يهون بإذن الله

وكذلك تهوين الأمر بالنفس فهو نفسيا أكثر من أن يكون واقعيا

فلو أن رجلا تزوج ولم يخبر زوجته وعاش أكثر من خمس سنوات

وهو في أحسن حال مع الأولى ولم تلاحظ عليه أي تغير

تخيلي حالها بعد أن تعرف أنه متزوج ستنقلب رأسا على عقب

وتبدأ بكيل التهم لزوجها بالتقصير وأنها لاحظت منه كذا وكذا

ألا يكون هذا نفسيا أكثر من أن يكون واقعيا ؟