[متصفحة]

هااايين مثلك مثل المثل اللي يقول

ياخبر بفلوس بكرى ببلاش

وأنا بشارك بعد بهالأمثله

1- تزربة منشقة > يقال لمن تكب عشاااه وغداااه وكل أبو قشه

2- الهرج تسثير والصامل تزليل > يقال للي يكثر القرق ولا يشتغل يعني يقول ابسوي كذا وبحط كذا وهو بس كلاااام
> أبوك يالشرح

3- لافا مافا > خخخخخ جد رهيب هالمثل مب مثل يعني كلمة تقال بالسوالف وهي تعني > بالفصحه بين الفينة والأخرى , > يمديكم على اللغة

4- حظ أمك صره بكمك > عااااد مادري وش معناااه بس شكله فاااله شين

[بنت الهاشمي]

اقتباس اللي مايعرفك مايثمّنك

هههههههههههه عرعور انا قلته قبل جدتس الله يحسن خاتمته وخاتمتنا مبلشتس عنده دايم اقوله

اقتباس 2ـ إذا حجّت البقر على قرونه |

اقتباس يوم أنا صغيرة كل يوم أدعي أقول يآرب تحج البقر على قرونه عشان يصير كل اللي أبيه

تبين الصدق منكثر ماتشربين من لبانه صرتي تهذرين به
ـ حرّك ,, تبلش |

اقتباس بعض الناس الله يعافيهم ولايبلآنا ماودّك تحارشه

اقتباس صدز حرّك تبلش ..

وانتي صادقه

رورو حبي خشم جدتك وه ياملحه
عرعور انتي وموزوعك فله

[تباشير المطر ~]

وعليكم السلام ورحمة الله وبركاته
أتعبني طموحي كلتس على بعضتس تجوزين لي ياحبيلتس ياخيتي
ونااااااااسه يازين الأمثال والحكم يختصرن سالفة طويلة ويقولن الي بقلبتس .
وضحكت من قلب يوم قلتي : عندكم حكم زينات مثلي خخخ وه بس ياطعمتس
وعندي مشكلتن كبييرة اانتي قلتيه وهي التناقض بـ أمثال
وكلهن يهبلن وواقعيات مثل الي قالت جدتك .

اقتباس اللي مايعرفك مايثمّنك ومن عرفك حقرك

والي قلتي ..

اقتباس خوذي مثلاً .. معروف بالأمثال العربية هذا المثل .. (زد غبّاً تزد حبّاً ) همن جاتس واحدن طآآآير من حقيننا وقال : ( البعيد عن العين بعيد عن القلب )

وبعد أزيدك من الشعر بيت ..

وشلون تجمعين بين

( إن الله يحب أن يرى أثر نعمته على العبد )
( أقضوا حوائجكم بالكتمان )
وووو ياكثرهن ، بس تبي واحدن فهيم ويعطي كلن مقامه ومناسبته .

نرجع لموضوع طموحي
ابقول موقف هدية مع المثل ذذ
خالاتي هاك اليوم يسولفن ، قالت خالتي لخالته ( فهمتي هههه )
المهم قالت : وراه ماعزمتنا فلانة ياخاله وعازمتن فلانة
قالت خالتي : عازمته لأن ذيك ماتنساه بمناسباتهم
وعلى ماقال الدنيا لدنيا والأخره مستاخره » هذا المثل » توه تجيب الزبدة خخ
يعني ان الناس يعزمون الي يعزمهم ويقدرون الي يقدرهم
ولا ماهنا شي للأخره ( طبعًا إلا من رحم ربي ) يارب الشرح صح علي
وبسس ياطموحي كثثثثري لنا من تسذا وه بس

[أتعبني طموحي]

..





فتآة الورد ~

وه بس لبّى الورد ,,

إلاّ صادقة تحسينه يخوف من كثر ماهو ذهين

اقتباس آوومير .. شفت نك نيمش .. وخشيت علطوول

وه يآنآس وأنا والله بعد وآوومير شفت نك نيمش رادّه وخشيت على طول





..

[طيب شمر]

ياحوبي لك انت وجدتك وسواليفك وه بس <<جمعت الأخت
عندي مثل <<<أوب مودبه عاد
اللي على رأسه ريشه يتحسس منها <<يقال إذا كنت تتكلمين عن موضوع ولم تقصدين أحد وتجيك وحده من البنات وتنط عليك تحسبك تقصدينها وانت نيتك بيضاء <<<اوب شرحي احسن من شرحك<<<واضح
هذا مثل مصري
ذكرنا( الأط أم بينط)ذكرنا القط قام ينط <<<<عندما تتكلمين عن أحد غائب وبعدما تنتهين من كلامك صار قدام وجهك

[القلب الوردي]

يه يه
موضوعك رهيب ياعسى طموحاتك كلها حقيقة
وأهم شيء به شرحك السهل الممتنع

حبي له جدتك .. ترى فيه فرق بين المثلين [ اللي مايعرفك مايثمنك , من عرفك حقرك ] الأول يقصد مممم << بلشت مثلاً طالبة متفوقة بدارسته وذكية وتقريباً هي الأشطر على مستوى الفصل أو القاعة جت أستاذة جديدة ووافق ذاك اليوم البنت ماذاكرت زين واتهتمه الأستاذة بالكسل والتبلد , هنا نقول [ اللي ما يعرفك مايثمنك ] .
المثل الثاني وأصله [ من عرفك صغير حقرك كبير ] وهذا يبين قوة التشجيع والاهتمام بالمواهب والطموحات من قبل مجتمعنا السعيد << العكس طبعاً يعني مهما الشخص كبر بدراسته ووظيفته وعلمه مايلقى من مجتمعه القريب منه سوى الحقران وكلمة [ إيييه فلانة يوم كانت بزر مافيه أغبى منه , فلانة بالإبتدائي ما تنجح إلا بالدف , أخبره ذيك كانت ما تعرف تفرق بين الألف والباء ] والحمدلله إنهم قليل اللي بهالشكل .

ومثل متفائلة .. ليت بنتي رفلا ولاهيب مهينة
صححي معلومتك يا ستّي
وتعريف المثل على لسان أمي الرفلا يطلع منه حاجة بعكس المهينة اللي يروح يومه وهي تقول هه هذاي قمت

متصفحة
حظ أمك صرّه بكمك .. يقصد إن حظ البنت دايم يطلع على حظ أمه , وسبحان الله كثير ما أشوف هالشيء .


راجعة بكومة أمثال بإذن الله

[أتعبني طموحي]

..



α7Łα αŁм3αиỹ

هلا وغلا ,,
آميـــن يآآآرب ,,
حيّـــاكِ ياحلوة [ ]


..

[أتعبني طموحي]

..


شجون ~
هلا فيك ,,

..

[أتعبني طموحي]

..

بسمة تحدي ~

هلا هلا ,,
ههههههه ياحبي لتس ( إياك أعني واسمعي ياجارة )
ياأختي شكله مب شكل الأولين على نظام التالين ذا ,,
تقول جدتي ماأعرفه
بس أتوقع إن (مزحة بـ ردحة ) نفس المعنى تقريباً !
وإلا تهقينه غلط ؟!


شرفتي حبيبتي


..

[أتعبني طموحي]

اقتباس المشاركة الأساسية كتبها 乂♥ متفائلة ♥乂 ههههههههههههههههههههههههههه * ليت بنيتي مهين ولاهي برفلة < فيس يناظر شهود ويتذكر سقوط الغداء من بين يديها * النوم للكلاب والهلباج والنساء مايهتني بالنوم سرحان ذيبه < الله يمسيك بالخير ياأبو خالد آشرحي لنا ياأبلاء

..

ميـــتو لو سمحتِ لاتخربطين بالأمثال ترى
بنادي لتس جدتي تقبصتس < عآد والله ان تصيحين اسبوع



ليت بنيتي رفلة ولاهي بمهين :
يطلق عندما تأمر الأم بنته سنه والبنت طيب وطيب
هنا تقول الأم بغضب شيد : ليت بنتي رفلة ولاهي بمهين

ــــــــــــــــــــــــــ

النوم للكلاب والهلباج والنساء مايهتني بالنوم سرحان ذيبه :

وعووووك عاد لاجوتس رجآل الأولين أنواع شوفة النفس
تقل ملائكة لاإله إلا الله يعني قصده النوم للحريم والكلاب واللي مهنا تكانه بس
الرجآل ماينامون كررررره




وبس


ميتو يكفي إننا شفناتس ولو أنتس ألفّتي شوي
بس طلتكي بـ تكفّي



..

[أتعبني طموحي]

اقتباس المشاركة الأساسية كتبها نونه شي خطير الأمثال ياحليلك أنتِ وجدتك .. " << وه اشتقت لجدتي ..

..

الله يخلي لتس جدتس نونه



..

[أتعبني طموحي]

اقتباس المشاركة الأساسية كتبها هايين مدهش الي بالقدر تطلعه الملاس هذا سلمك الله اذا ودك تعرفين شي ودك تصبرين روحك لانه بيطلع فلانه انخطبت ولا علانه احملت ..

..





بس مشكلة الملّاس يبطي مايجي أحياناً


هآيين




..

[乂♥ متفائلة ♥乂]

ـهههههههههههههههههـ واللي حاقت آبو المثل

آصلاً أنتم مافهمتوا

دايم آسمعه من آمي كذا ليت بنيتي رفلة ولاهي بمهين
عاد أنا أعكسه وأقول لا يمه الرفالة موب زينه كان أكسر لتس كل صحونتس
قالت أحب لي من المهانة
وبتلت حافظته كذا

طيب وش رأيك باللي يقولون ( لابغيت تضمه إسآل عن أمه )
وإشرحي لنا < مطولة

[أتعبني طموحي]

اقتباس المشاركة الأساسية كتبها متصفحة هااايين مثلك مثل المثل اللي يقول ياخبر بفلوس بكرى ببلاش وأنا بشارك بعد بهالأمثله 1- تزربة منشقة > يقال لمن تكب عشاااه وغداااه وكل أبو قشه 2- الهرج تسثير والصامل تزليل > يقال للي يكثر القرق ولا يشتغل يعني يقول ابسوي كذا وبحط كذا وهو بس كلاااام > أبوك يالشرح 3- لافا مافا > خخخخخ جد رهيب هالمثل مب مثل يعني كلمة تقال بالسوالف وهي تعني > بالفصحه بين الفينة والأخرى , > يمديكم على اللغة 4- حظ أمك صره بكمك > عااااد مادري وش معناااه بس شكله فاااله شين

..

هههههههههههههههههههه
متصفّحه تجنن أمثالتس تقول جدتي حبي رويسه ذي

أمّا بين الفينة والأخرى هذي شيء ثااااني ذذ




كل أبو دآيم تعالي بذا وقولي اللي عندتس






..