[نونو الحلوه]

الشرهه مو عليه الشرهه على أهلها
لا بعد توني جاااااااايه من حياة مول مريت بيرشكا
أبغى تي شيرت بدون صور مالقيت
لقيت تي شيرت صورة كلب كل أغلبها
أقول لزوجي في أجد يلبسها يقول بصيغه هذي هذولي الكلاب يلبسنهن
والله العضيم سعوديات لا بعد هرجهن قصيمي فاتشات
اللهم ثبتنا
يامقلب القلوب ثبت قلبي على طاعتك

[عربي أصيل]

والله الصراحة الكلام محزن وأول مره اسمع فيه وصلت إلى هذه الأمور
لا حول ولا قوة إلا بالله ..
اشكرك ألف أختي على غيرتك وعلى الجهد الذي قمتي به لكتابة الموضوع واسأل الله أن يكتبه في موازين حسناتك وأن ينفع به ..
تقبلي مورري .. والسلام عليكم ؛؛؛؛

[أراسيل سلمان]

السلام عليكم ورحمه الله
أختي الغاليــه حنونــه هذه الجزئية من أسمك جميلــة طيبة ..!,
في زمن قاسي<< الرسول صلى الله عليه أمر بالفأل ..
وكأني أشتم فيه سب للدهر .. الا توافقينني ؟
والحديث صريح وصحيح في حكم سب الدهر كما نعلم ..

بخصوص تعليقي على الموضوع والمعذرة على الاطالة
العبايات هذي اللي أنتي تكلمتي عنها ماسبق شفناها مع اننا نخالط المجتمع ونروح ونجي ونطلع
فهل ممكن تشيرين الى مكان محدد او صورة محدده ممكن نجد فيها شي من هذا ؟!

آخراً بخصوص نهاية موضوعـك

اقتباس هل تتفقد اختك ؟؟ زوجتك ؟؟ عند الخروج ؟؟

أن المرأه يجب ان تبنا فيها قناعات ذاتيــة وترسخ وتطبقها بوعي

واما مافعلتـه ملزمــة فهو ليس بدين ولا أخلاق..
وبلا شك هو مؤقت متى ما فقد الاب او الزوج تغير كل شي !!


الامر الاخير ان الأخ ليس ولي على أخته الا في حالــة ان الاخت غير متزوجـة و الاب متوفي لا قدر الله وهو أكبر الأخوة

ثم أن المرأه تخاطب بخطاب العاقل الفطن لا بخطاب السفيـه الغرير الذي يتصرف به وليـه

وأشكر لك غيرتك وحرصك واتمنى ان تتقبلي مني هذه الكلمات بقبول حسن

وفقتِ

[نجدية حرة]

اقتباس المشاركة الأساسية كتبها عالم آخر ليس كل الحل الدعــآآآء لاتنسي قولة تعال((كنتم خـير امة اخرجت للنآس تأمرون بالمعروف وتنهون عن المنكر)) لو استشعرواالخلق هذة الاية وعلمو المدح فيها وأي مدح من رب الارباب وخآلق العبآآد..((؟ اما الصمت((تشاهدي المنظرولم تبآدري بالنصح))>>فهذااكبرذنب لك والله يهدـي جمـيع شأبآت وشبـآب الاسلام آآآمين,, آآمين ..

ياأختي أنا معك وأعلم ان الدين النصيحة مافيه شك طبعاً وهذا اللي قصدته بكلامي!!

انا قلت الدعاء او الصمت بحالة ان كنا نبي نعلق ونتمسخر تعليقات لاتودي ولا تجيب وبس؟!

اما ان كان الواحد نيته الخير ويبي النصيحة ينصح بأسلوب و بشكل مباشر لمن يحتاج للنصيحة بدون تعليقات سقيمة!!

هذا اللي قصدته وبس!

[عبووود]

لاحول ولاقوة الابالله
الظاهر ان اكثر شي يجعل البنات تلبس زي مو حب في الظاهره هذه ,,, وانما لاتعلم مايكتب على عبايتهاا
مااعتقد فيه بنت عاقله وتعلم مايكتب على عبايتها وترضى بالشي هذا.
مجرد رأي

[حتى ضحكتي ماركه]

ايه الله يهديهن
مالنآآ حيله غير الدعآآء
والشكوى لله
بس المفروض على اوليآآء الاموور ينتبهون على بنآآتهم
واذا تركوا البنآآت على حالهن بينحرفن عشآآن كيذآآ لاآآزم اوليآآء الأموور يآآخذون كل الأحتيآآطآآت
وتسلمي حنونه رووعه

[~اجهلك~]

الله يهدبهن

[مطرق الريحان]

الله يهدي الجميع

[البيضة]

غرايب وعجايب

[للصمت ضجيج !]

..
.
.

الله يهدي الجميع يعني موضه الا سلعه للبيع مجانا
( أتحدك تلمسني ) وبعد جاك واحد ولمسك
وش راح تسوين حلفة ضرب أنت اللي طلبتي هالشي بطريقه غير مباشره
يعني قلة عقل قبل الدين وبالاصح بنت رخيصه {

مشكوره على الموضوع حبيبتي
للصمت ضجيج .
.
.

[ليندا]

الله يهديهن ويفتح على قلوووبهن...

[حنونه في زمن قاسي]

اقتباس المشاركة الأساسية كتبها ام الموذي والله ماخليت سوق مادخلته.ماشفت هاللي تقولين الا اذا كان وحده بين الف بنت بعدين الله يجزاك خير على النصيحه وترى فيه شباب ينفتن بأسم العضويه اكثر من هالعباة اللي وصفتيه

ليه انت مغمضه وانتي فالاسواق احنا نشوف الهاويل من لبس غيره


ومانقدر نقول الا الله يهدينا اجمعين


ومشكوره على النصيحة بس مااعتقد احد بفتن بالعضوية الا ناقص عقل وماعنده سالفه


وفاضي اول مره اسمع بهالشي عـالعمو جزاك الله الف خير00000

[حنونه في زمن قاسي]

اشكركم جميعا عالمرور والله والله يهدينا اجمعين

[عربي أصيل]

اقتباس المشاركة الأساسية كتبها ام الموذي والله ماخليت سوق مادخلته.ماشفت هاللي تقولين الا اذا كان وحده بين الف بنت بعدين الله يجزاك خير على النصيحه وترى فيه شباب ينفتن بأسم العضويه اكثر من هالعباة اللي وصفتيه

وش تبينها تسمي نفسها ( متوحشه في زمن قاسي ) بالعكس على الأقل الأسم له معنى ومعناه طيب .. لكن اسم العضويه حقك معناه للأسف سيء ( أم الموذي ) يعني مو بس موذي لا أم الموذي .. أكبر من موذي .. والظاهر يا أختي انك على لقبك هذا موذية .. لأنك ما تخلين أحد .. الله يهديك ويوفقك .. وأعتذر إذا أخطأت في حقك .. تقبلي نقدي ولك مني كل تحية وتقدير .. والله يحفظك ويرعاك ؛؛؛؛