[الدموع حبر العيون]

[INDENT]

..


سلام من الرحمن يغشاكم

مرت الايـــــــــام سراعــآ

وأخيرآ جاء يومي المنتظر(4/9)

وهانحن نتشرف بضيافتكم في عشيني جوك الرمضاني
ورمضاننا في هذي السنة غير
فنحن نقضيه في مزرعتنا ( ماليزيا القصيم ) كما تسميها ماما


ياهلا ويا مسهلا ويامرحبا ألف تفضلن الله يحيكن

....
بسم الله وعلى بركة الله .. نبدأ ..

مع إطلالة رمضان يبدأ الطبخ والنفخ
واعجني ولا تعجنين
وأناأ لف السمبوسة بس أنتي تقلينه
وفلانه مانبي منتس الا العصير لأنتس تضبطينه
وأنتي ولمي الفطور
وهيه روحي افرشي بسرعة أذن
بشويش على الكاس كسرتيه عساتس للي منب قايله
بنآآآآآآآآآآآآآآآت تعالن ودن الفطور للحوش
وانتي نوني خذي ودي هالصحن للجيران
بنات خرفتن تمر والا مابعد روحن اخرفن علشان يمديه يبرد..

سنبدأ من بعد أذان الفجر ليوم السبت صليت وجلست أقرأ قرآن حتى الشروق..



ثم قمنا نزين الحشوات
وهذي استعدادات الحشوات..



حشوة البيتزا



حشوة الدجاج



طلعنا الى المزرعة نخرف تمر نبي نفتك من الحرب اللي قبل المغرب إخرفي ولا تخرفين قلنا نخرف الصبح أحسن وأبرد

كان الجوا بهذا الشكل ذاك اليوم



هذي النخلة اللي خرفنا منه



..




..



وهذا ماحصلناه من التمر



تمشينا بالمزرعة وقلت مأحرم بنات بريدة ستي من الفرجة على المناظر اللي شفتهن >>والله لو أنهن مناظر بأروبا
فإلتقطت عدة صور من ماليزيا القصيم



لاتفوتكن النصبه والله ياهي شيء



وذولي الدجاج يصبحن عليكن بالخير والله يالديك خايفن على دجاجه عجزت أصورهن بس يطايربهن



وبعدين نكسنا للبيت وقعدنا عند بريدة ستي شوي ثم نمنا

على الساعة ثلاث قامت الدموع وعجنت هاك العجينة اللي تهبل
العقل >>ماشاء الله



وفرشنا الفرشة وبدينا بتشكيل العجينة وكلن عارف شغلته



الخلية خيتوا المليحة أما البيتزا والفطاير راحلهـ


..



وماما قاعدة تلف سمبوسة بالجبن لبعض الناس الحقن اللي مايكلون حشوه فيها بصل >>مدري وش تصير الحشوة بدون بصل



وهذا أرسلناه للجيران بس ياخزياه تأخرنابه شوي



وأخيرآ قرب أذان المغرب

وجهزنا سفرة الافطار


..


ودخلوا خيوا و حرمته وهذا اللي جايبته و تسلم هالديات يارب



وأخيرآ صدح الآذان وأفطر الصائمون تقبل الله من الجميع



وهذي الشوربة تسلم يدياتك مامي عساه ماتمسهن النار



وبعدين ضفينا السفرة..

وجمعنا المواعين بالمجلى



أما وقت المغرب فنزلت السكينة والهدوء على البيت وكلن أخذ ربعته وخم مخدته وشخصت الابصار نحو التلفاز
لمشاهدة ظل الجزيرة ثم برنامج أكثر من أسرة في قناة المجد

وبعد التراويح اشتهينا بلع وقمنا بجمع القطية

أهم شيء لايفوتكم قوطي الشوربة هذي حصالة اخيتي له حول سنتين وهي معه



بعد جمع القطة والا أبيي الله يخليه لنا جايبن مولوخية وقعدنا انقطعة



على الساعة وحدة جبنا العشا وكان عبارة عن معجنات

وأهم شيء كفتة البطاطس اللي مزينه الدموع حبر العيون


.






وعاد هذا أكرهـ شيء بالدنيا (تسبيع المواعين)
>> ترا ماأحد تهاوش عندنا على التسبيع

المواعين قبل التسبيع



المواعين بعد التسبيع



قبيل الفجر جبنا القهوة وتقهوينا هاك القهوة اللي تعدل الراس

وهذي القهوة



ثم تسحرنا كلن اللي يشتهي وعشان تسذا ماصورت مانب فاضية ألاحق كل واحد وأصور وش تسحر

أذن الفجر وأمسك الصائمون وانتهى يومي الرمضاني بما فيه

وفي الختام كان معكم أخواتكن المليحات الدموع حبر العيون و راحلهـ

لا تقولون وش دخل راحلهـ بالموضوع لأني أنا وياهـ توأم مختلفي الأعمار في بريدة ستي

كتبة الموضوع : راحلهـ

وساعدتها وجزمتها على الكتابة : الدموع حبر العيون

ولا ننسى إحريمة أخيي على تحميل الصور ماقصرت الله يعطيها العافية
عاد مأعرف اسمه لأنه عنقريزي

وأعتذر على التأخير في تنزيل الموضوع بسبب هالانترلت خبركم بالمزرعة ولا فيه شبكات وكنوكتن يجيب الزوعة من البطء


نسيت أقولكن الللي بتسير علينا بالمزرعة الله يحيه والباب مفتوح


ملاحظة والله ياني مت مانزل الموضوع ولا بساحة معركة من كثر مامسحت وكتبت بس الحمد الله الذي تتم بنعمه الصالحات..

والسلام مسك الختام

[/INDENT