[wméédh]

اقتباس المشاركة الأساسية كتبها الصباخ هو صحيح الزحمه موجوده، لكن الإنسان الذكي هو اللي يعرف مواعيدها وأماكنها ويتحاشاها. أنا ولله الحمد ماعمري بلشت بزحمه أو وقفت فيها فترة طويلة،

هالولد ذا مايجوز عن الهياط

[الصباخ]

اقتباس المشاركة الأساسية كتبها wméédh هالولد ذا مايجوز عن الهياط

ههههههههههههههههههههههههههههههههه .
تصدق أنا كاتبه وأنا على نياتي.

[بندر 1430]

اقتباس المشاركة الأساسية كتبها أبو غــلا الرياض حلوة ومن يجلس فيها يتحمل الي يجيه ـآلله يعييننا ويآك

من ناحية الحلا فهي حلوة لكن اللي يخرب عليها الزحمة ..

تحياتي العاطرة لك يا غالي

[بندر 1430]

اقتباس المشاركة الأساسية كتبها مخاوي 7 الصمت يا أخي أنت مواضيعك بكل مكان مهب معقولات <<< تراو يمدح والله يا موضوعك يا بعدي يبيله خيشة فصفص وزمزمية شاهي خادر تسجيل انصراف

وأنت حضورك بكل مكان مهب معقول أبد <<< تراه ما يجامل

تصدق أول مرة أكتب موضوع طويل أحس إن أصابعي يبيلهن خيشة جبس من زود التعب

حبي لحضورك أكثر من إنصرافك <<< يبيك دايم معه

[بندر 1430]

اقتباس المشاركة الأساسية كتبها خوي السرور والله يانت تبالغ أجل روحهـ لبقالة يبيلهـ ساعة لا صح أن الرياض به زحمة .. لكن طرق معينة وأوقات معينة أما بالحواري فمعقول

والله أكلمك من تجارب مأساوية

إذا أنت ساكن بأحياء الشرق خاصة الروضة تبي تكتشف بأن كلامي صحيح لكن أكيد مهب دايم ..

واحد من الزملاء يقول لي إنه كان طالع من بيتهم في حي المغرزات والكلام هذا كان في رمضان اللي فات يبي ياخذ له غرض من كارفور بحي غرناطة وكان باقي على آذان المغرب ساعة ونص .. يحلف إنه ما لحق على أول الفطور مع أهله ..!

تخيل المسافة ما تتعدى 2 إلى 3 كيلو لكن مع الزحمة والفوضى والحفريات و الحوادث يمكن يجلس الواحد أكثر من كذا ..

شرفت صفحتي يا غالي

[غريب احساس]

والله ان الرياض خسارة العيشه فيه
زحمااااااااااات وقلقققققققققق وطفشششششششششششش وحياة زي الززززززززفت

الله يخارجنا منه بأقرب وقت

انا اداوم من النهضه إلى شارع الوزارات تصدقون امشي قبل الدوام بساعه ونص

وانا اذا طولت بالرياض راح امــرض بسكر والضغط

اقول يالبــــــى بــريــدة و شوارعــــــهــــــا

تحــــــياتــــي لك

[دباس]

لاتبالغ بالحيل

[بندر 1430]

اقتباس المشاركة الأساسية كتبها كآيدهمـ هلا والله بدكتور المستقبل منور الكش كووووووول بموضوعك الجميل يالكاتب المبدع والمتميز والمحارب من كل الاطراف انت عارف وانا عارف وانتى عارف اني انا عارف <<< <<اتحدى احد يفهم ذي الشفرة الي بيننا ذذ وش المملكة من غير الرياض؟ ووش الرياض من غير زحمة ! أنا كير المزعجين بحي الروابي والله تراني عاقل ولا اطلع من البيت ابد والدليل سنترتي بالمنتدى واجد بالنسبة لقصة البقالة تراك مبالغ فيها مرة وين ساعه او هذا من طرق مبالغة العرب ياخي في توصيل منازل دق وهم يوصلون لك الفوضى ليست بالشوارع بال من يقود بالشارع كل انسان صاحب مركبة مالة دخل بالي حولة من اشخاص اهم شي اهو يوصل بسلام . تجده يخالف الف مرة ويخطم يمين ويسار ويحد واحد ومدري وش يسوي ويستطيع ان يحل كل هذا الازعاج يشي بسيط وهو ان يطلع قبل الموعد بنصف ساعه حتى لا يتوه بالزحام . الاسباب الي تخلي الزحام بشوارع معينة بالرياض هو 1- جامعه الامام 2- سابك 3- المطار 4- كليات البنات ( جامعه الاميرة نورة ) 5- الفحص الدوري 6- وزارة الدفاع 7- الكلية التقنية 8- جامعه سعود 9- جامعه الامام للبنات بحي النفل الي تحت بعد كم سنه تبي تفتح وتسبب الزحام بعد 1- جامعه الاميرة نورة الي تبى الجديدة 2- جامعه الامام للبنات بالجامعه بالمباني الجديده طبعاً كل ذولي ان كنت من سكان شرق الرياض لابد ان تطلع مع الدائري الشرقي وكلهن على الدائري الشرقي ماعدا جامعه سعود و الفحص الدوري لابد ان تدخل مع الدائري الشرقي وتفرق مع مخرج 8 اما للشرق وهو طريق الدمام ويوديك للفحص او تاخذه غرب ويوديك الى جامعه سعود لكل مواطن سعودي لابد ان يراجع الرياض اما بدوائر حكومية او مراجعات بالمستشقيات او زيارات ولية نطلع منها وما حببنا فيها الى زحمتها وبالنسبة لقل لا اختم اكثر العلامات ما كد شفتهن او ما ادري لية محطوطات

شف اللي باللون الأحمر .. شكلك تمون وبزيادة

أما بالنسبة للأسباب اللي ذكرتهن أنا معك إلا في شي واحد وهو الفحص الدوري .. وش دخله المسكين بعيد و ماله ذنب بالزحمة ..

لكن وبما إنك من سكان الرياض الأصليين .. على وزن الهنود الحمر بأمريكا .. وش رايك تعلن مقاطعة لمدة شهر على قيادة السيارة و تتفق مع كل من تعرف ومن لا تعرف علشان ناخذ راحتنا حنا السائحين

تحياتي لك

[كآيدهمـ]

اقتباس المشاركة الأساسية كتبها بندر 1430 شف اللي باللون الأحمر .. شكلك تمون وبزيادة أما بالنسبة للأسباب اللي ذكرتهن أنا معك إلا في شي واحد وهو الفحص الدوري .. وش دخله المسكين بعيد و ماله ذنب بالزحمة .. لكن وبما إنك من سكان الرياض الأصليين .. على وزن الهنود الحمر بأمريكا .. وش رايك تعلن مقاطعة لمدة شهر على قيادة السيارة و تتفق مع كل من تعرف ومن لا تعرف علشان ناخذ راحتنا حنا السائحين تحياتي لك

اقول والله لو هي
جامعة الأمام محمد بن سعود الاسلامية


ولية الفحص مو على امتداد الدائري الشمالي لجهة الشرق
طيب انت ساكن بالملز معين تروح لة
او ساكن بحي الفيصلية خلف ( ايكيا او الرمال سنتر ) معين تطلع له
وحتى لو ساكن بمخرج 13 او 14 او حتى 15 تبي تطلع على الدائري الشرقي
مو معقولة تبي تروح مع جابر

اما بالنسبة للمقاطعة
انتم قاطعو زياراتكم المستمرة لكي نحيا بسلام ونتمشى بكل راحة واطمنان بشوارعنا الخاصة

والكـ

[بندر 1430]

اقتباس المشاركة الأساسية كتبها مدحت شوقي بريده هلا بالبي بندر .. أجل جيت الرياض .. وجيت الرياض اللي بوسطه تربيت .. <<((== عاشت أيام التوليف .. حبيب البي .. الرياض والزحمة صنوان لايفترقان .. <<((== عاد اجحده وش رآيك بصنوان .. ماتحس انه إسم رويلي بالنسيم .. اعرف لك واحد هو سبب الزحمات بالرياض .. يمسك اليسار بالدائري ويمشي اربعين .. ومن زود الفهاوة اصبعه واصلن المخيخ .. ايقاله هاللحين ضرب بالتفكير .. حبيبي حنا بالرياض اللي نسبب الزحمة لأنفسنا .. لأننا مانمشي مثل الناس ونطبق نظام السير .. ولو التزم كل واحد بمساره وسرعته كان تشوف الطريق يمشي بسلاسة .. <<((== سلاسة .. هذا مصري يقول ثلاثة .. والله يحيك بالرياض يابعدي .. سي يو ..

وش كثر تبي أحلف لك علشان تصدق إني مت من الضحك وأنا أقرأ ردك

أما اللي يفكرون وهم يسوقون تقول بيحلون قضايا الأمة .. أنت ما تدري وش عندهم .. إسأل خبير مثلي ..

هذولا الله يسلمك يسألون أنفسهم ألف مرة قبل ما يتزحزون عن المسار .. أفتح المسار ولا ما أفتح؟!

تقدر تسميها برود بالعواطف <<< عجز يلقى مرادف لكلمة نذالة

نورت موضوعي يا راعي خنشليلة

[بندر 1430]

اقتباس المشاركة الأساسية كتبها أبو رزان ههههههه ,, آمين عسى الله يرزقك على نيتك

آمين وإياك

لكن صدقني النتائج حتى لحظة كتابتي هذا الموضوع تبشّر بالأسوأ

لك

[بندر 1430]

اقتباس المشاركة الأساسية كتبها الصباخ هههههههههههههههههههههههههههههه ياراقل بلاش فضايح . بعدين وش دعوى ساعه علشان بقاله حسستنا إن الزحمه حتى عند باب البيت . هو صحيح الزحمه موجوده، لكن الإنسان الذكي هو اللي يعرف مواعيدها وأماكنها ويتحاشاها. أنا ولله الحمد ماعمري بلشت بزحمه أو وقفت فيها فترة طويلة، إلا إن كانت الزحمه بسبب أمر طارئ يعني حادث أو حدوث أمرٍ ما، لكن الزحمات الاعتيادية ماعمري مريت عليها. الرياض وما أدراك ما الرياض حبها سكن الحشى << أقععععععد . ياخوي مهما رحنا ومهما جينا نبي نحب الرياض ومن سكنها، الرياض تكيّفنا عليها وتعايشنا فيها وتأقلمنا على وضعها. الأسعار طااااااايره فوق والعالم تطييييييير فوق والدنيا كلها تطير، ويا إما نطير معهم أو نتوهق طول عمرنا . أنا أمنيتي شيء واحد بس، وهو إني أجيب سوّاق علشان يسوق بي وأنا أركب جنبه وأقعد أقرأ جريده يقالي رجل أعمال على غفله . حبي وتقديري وأشواقي من الرياض إلى موزمبيق اللي عايش فيها أنت .

بعيداً عن التعليق على مدحك لنفسك لأنك والله أعلم تبي ترشح نفسك لمنصب عمدة حي الخالدية و تبي تثبت للسكان مدى ذكائك و طريقة تعاملك مع الأزمات .. ودي أعلق على موزمبيق يا راعي بيت المندي .. مادري ما زال موجود وإلا لا؟ .. تدري إن الزحمة اللي أنتم فيها دليل على خلل في ثقافتكم في التعامل مع الآخرين؟ .. يا أخي أنا ما شفت أسوأ من شوارع الرياض في كل الأوقات .. ولا فيه وقت يفرق عن الثاني إلا إذا كنت ساكن في عرقه أو الدرعية؟! القضية ماهي قضية كثرة سيارات أو ضيق شوارع .. القضية هي إنكم (يعني أنت يالصباخ) محتاجين لجرعات ثقافة مع كل وجبة فطور ..!

و إسمح لي أرسم لك صورة عن حياتك اليومية و أتمنى تتقبلها بصدر رحب

أنا أتخيّلك طالع من بيتكم الصبح واللطمة مغطية وجهك حتى الجفون ثم تشغل السيارة و تنطلق به من الحارة إلى طريق الملك فهد و لا تستعمل الفرامل إلا إذا بغيت تسلّم على أحد من الشلة حقين الحارة ..

وأول ما تمسك طريق الملك فهد خذ يا ولد إزعاج للخلق و تلحيم للمواتر واللي يشوفك يقول عنده إجتماع في منظمة الأوبك ..!

ثم إذا وصلت لمشوارك تجلس تتكلم للناس و تقول والله يا بعض الناس ما يعرفون يسوقون و تعبّر عن أرائك و إقتراحاتك اللي ودك توصله للمرور مثل وضع مخالفات للسرعة و غيره و ترحب بساهر و أنت أول واحد بالرياض يرصد له مخالفة بواسطة ساهر .. إلا على طاري ساهر .. إنتبه من كاميراتهم عند إشارة العقارية بطريق العليا .. تراهم يركزون على اللي معهم سيارات فورد .. أدري إنك بتقول أنا ذكي و أعرف أتصرف لكن هذا ما يمنع إنك تاخذ بعض النصائح من سكان موزمبيق .. على حسب زعمك ..

ما ودي أطول عليك و إلا بالخاطر أكثر من اللي قلته

[بندر 1430]

اقتباس المشاركة الأساسية كتبها بدر بن عبدالله ^^ وسع صدرك يا حبيلك لو تبتل تدقق كان يجيك ضغط وسكر ، حاول تكون بليد ، تبي تشيب على طول لو صرت تدقق بكل شيء

المهم متى العشاء

[الصباخ]

اقتباس المشاركة الأساسية كتبها بندر 1430 بعيداً عن التعليق على مدحك لنفسك لأنك والله أعلم تبي ترشح نفسك لمنصب عمدة حي الخالدية و تبي تثبت للسكان مدى ذكائك و طريقة تعاملك مع الأزمات .. ودي أعلق على موزمبيق يا راعي بيت المندي .. مادري ما زال موجود وإلا لا؟ .. تدري إن الزحمة اللي أنتم فيها دليل على خلل في ثقافتكم في التعامل مع الآخرين؟ .. يا أخي أنا ما شفت أسوأ من شوارع الرياض في كل الأوقات .. ولا فيه وقت يفرق عن الثاني إلا إذا كنت ساكن في عرقه أو الدرعية؟! القضية ماهي قضية كثرة سيارات أو ضيق شوارع .. القضية هي إنكم (يعني أنت يالصباخ) محتاجين لجرعات ثقافة مع كل وجبة فطور ..! و إسمح لي أرسم لك صورة عن حياتك اليومية و أتمنى تتقبلها بصدر رحب أنا أتخيّلك طالع من بيتكم الصبح واللطمة مغطية وجهك حتى الجفون ثم تشغل السيارة و تنطلق به من الحارة إلى طريق الملك فهد و لا تستعمل الفرامل إلا إذا بغيت تسلّم على أحد من الشلة حقين الحارة .. وأول ما تمسك طريق الملك فهد خذ يا ولد إزعاج للخلق و تلحيم للمواتر واللي يشوفك يقول عنده إجتماع في منظمة الأوبك ..! ثم إذا وصلت لمشوارك تجلس تتكلم للناس و تقول والله يا بعض الناس ما يعرفون يسوقون و تعبّر عن أرائك و إقتراحاتك اللي ودك توصله للمرور مثل وضع مخالفات للسرعة و غيره و ترحب بساهر و أنت أول واحد بالرياض يرصد له مخالفة بواسطة ساهر .. إلا على طاري ساهر .. إنتبه من كاميراتهم عند إشارة العقارية بطريق العليا .. تراهم يركزون على اللي معهم سيارات فورد .. أدري إنك بتقول أنا ذكي و أعرف أتصرف لكن هذا ما يمنع إنك تاخذ بعض النصائح من سكان موزمبيق .. على حسب زعمك .. ما ودي أطول عليك و إلا بالخاطر أكثر من اللي قلته

هههههههههههههههههههههههههههههههههه دقيقة خل بضحك ..
تعاملي مع الأزمات يجعلني مرشحاً قوياً لمنصب بلدية الدرعية، على طاري الدرعية ترى هالديرة اللي جالس أنت تطنّز به له إمارة ومحكمة وكل شيء خاص لها لحالها مع إنه الحين هي داخل الرياض مثل الفاتيكان بالضبط << والله من زين التشبيه..

بعدين من يقالك إن الدنيا زحمه؟ شف هو أنت أحد أمرين:
يا إما إنك ما تعرف تسوق وتعتقد إن الدنيا زحمه، يا إما إنك تشوف شيء ما نشوفه؟
شلون زحمه ياحبيلك؟ جميع الطرق سالكة والأمور تمام التمام، أنا أطلع من بيتنا بالشمال وآصل مثلاً حي السلي بخمس وعشرين دقيقه ولا فيه أي مشاكل، اللهم مابين مخرج 11 -12 فيه بطء بالسير والسبب إن الطريق يرتفع والتريلات تخفف السرعه ويصير المشي بطيء لكن الدنيا سالكه؟
بعدين محد قالك أطلع للجنوب مع طريق الملك فهد!! فيه عشرات الطرق اللي تطلعك للجنوب، بعدين يابندر لا صرت ما تدل بالرياض أسأل أهلها، فأهل الرياض أدرى بشعابها.
ونحن ناس تمرسنا على هذه الأمور وأصبحت هي حياتنا اليومية، فتجد الشاب من أهل الرياض عندما يذهب لبريدة لا يتضايق عندما يخرج من استراحه في الراشديات، بعدين يروح لاستراحه بالهدية..
لأنه يشوف إن هالمشوار هذا تافهة جداً، مع العلم بأن بريدة مستحيل تشوف فيها زحمه....

إضافة إلى أن الجرعات الثقافية يأخذها شباب الرياض منذ الصغر، فالواحد منذ أن يرى الدنيا وهو يشوف الزحمه ويتعلّم من الآخرين، فتجده بعدما يقود المركبة قد تشكلت لديه مخزون ثقافي ومعرفي للتعامل مع الأزمات الثقافيه والإشكالات الاجتماعية والنفسية.

وبعيداً عن هذا كله، تراي داري عن الكاميرات اللي بطريق العليا العام مع تقاطع موسى بن نصير، كل الإشارات بهن كاميرات ساهر والمعلومة وصلت وهم يركبون هالكاميرات .



وبعيداً عن أجواء الرياض وساهر والإشارات، ماودك بس تتأقلم وتتعلم ممن هو أعلم منك، ترى الدنيا تجارب وأنا أخوك .