[معلمة وفاء]

استغفر الله العلي العظيم

والله اني احيانا ما ازورهم علشان ما انشب معه ومع سلامه

بس شكلي بأمد يدي من بعيد واذا قرب بأكح بوجهه

مو تلومنن هذا والله الحل الوحيد اجل اخليه يضم كأني زوجته
استغفر الله بس

[نبويه اخت فتحيه]

ههههههههههههه
ياعومري ياانتي
من النسوان مانطيقه كيف من رجاال
<<بديلك فكره جهنميه غسلي وجهك بمويه صدقيني بيبعدوون

[بشروه اني ابرحل]

ههههههههههههههه

تحفه الموضوع اجل لوتكونين بعالمي وش تسوين

ينشبون بالحلق وين فالنه وين فلانه وكلن يدريبك

عاد لاجاء السلم اللهم ياكافي

ضم وخم ومطخ<<عاد انتي ترجمي

قسم انه فشيله

ولا بعد الشباب جايزلهم الوضع

الله يعدي ايام العيد على خير

[(خـ ج ـل النواعمـ)]

تقبيل ؟؟

امممممممم ماعندنا كذا يعني أنا بصراحه أخواني بهم طبع ينزلون روسهم يعني السلام بالراس مو بالخد هههههههههههههههه

فأحس عادي .. أما أعمامي شيبان حبه ع الراس وقضينا وخالي واحد بس وبعد ع الراس : )

وأشوى ماعندنا تمقل

أنا جد أستحي من بعض عيال خواتي <<بعمري

واااافشيلتي .. لا وبعد هلا خاله! <<كوشخه

وتمطيخ جد الله لا يوريكم أحس وجهي تقل سُفتي

كلش لا حبوا ايدك <<حشى فلم خخخخخخ

[بيساان]

بنات تصدقون ارتحت نفسيا يوم شفت ردودكن يعني فيه كثير مثلي ..كنت اتوقع اني الوحيده اللي ماعجبها ؟؟


على طريق الامل ..عقبال مايتركونها اقاربي

شذى ..مت ضحك على ردك ............

مهاوي تجرح وتداوي..معليش ذكرناك هههههههه مابقي شي بكرى ..

رحيل الفؤاد..صعبه استعجل لان قدامي طابور بنات ووراي طابور ..

[عُباب]

اقتباس المشاركة الأساسية كتبها إمتزـآج روح . والله من الإحراااج أنا مثلك بس بديت أصافحه من بعيد وإذا اسحبن أسبقه وأحب راسه

انا زي كذا اصلا مافي حل الا كذا مع انه كلهم شيبان<<ودتس يسمعونن اقول شيبان
بس ولو صعب حبة الراس تكفي

[بيساان]

دير بالك ..هين سهله الحريم اللي يطولن اسحبي ايدك وتدري انه خلاص ..بس البلا باللي مافي امل اسحبه ياعمري هم يسلمون بذمه ...

مناكير ..نفس الحاله ماتضبط .. تصير نكبه

معلمة وفاء..الله يكون بعونك ..اذا تقدرين ماتسلمين خير شر احسن لك

نبويه اخت فتحيه ..تخيلت شكلي ارطش مياهه ..ههههههههه

بشروه اني برحل ..امين الله يعدي هالايام على خير..حالتكم صعبه قوووه

[بيساان]

خجل النواعم .. حلو تصرف اخوانك ..اما اعيال خواتك رهيبين

الغموض تعبير..ياحبيلهم الشيبان تكفيهم حبة الراس

[~..شيخة البنـآت..~]

أنا مثلتس خوآلي يستحون اكثر منا ,مصافح ويالله يالله
بس عمومتي أزمل مررره لاجيت اسلم بس استحي وش أسوي لا وشباب بعد >_<
اسلم وماباليد حيله
اشوى اثر به احد مثلي
استحي اقول لأحد عن هالموضوع اخاف يضحكون علي

[ام الملايين]

والله انك صادقه ياشين سلام الرجال يزمله
لكن انا عمومتي شيبان مع الراس وقضينا
لكن خوالي الكبار مع الراس والشباب لا والله مع الخد
وكل شي يهون لصار حليق يمخش الخد >>> يووووووجع


اما اخواني مع الخد بس مادري ليش احس انه عادي

[بيساان]

شيخة البنات ..انا حتى خواتي ماقلت لهن بس يوم كتبت الموضوع طلعن كثاار اللي مثلنا

ام الملايين.. هاها حلووه تمخيش ..

اشكر مروركن عسولات ..

[ترانيم دافئة]

هلا وغلا فيك ..

وعليكم السلام ورحمة الله وبركاته ..

زي ماقالت أختي وهج .. ق1

[ღ Miss Chuklt ღ]

عيب و غزياه مثلآ عمتس ولا خالتس عندتس نيه بس مصافح

يعني انا عماني ماشاءلله كثااااارين قووووه وقليييييل اشوفهم بس بالأعياد اسلم عليهم كلهم بس عادي ليش استحي

[قـــصـــيـــة]

الطفل على ماربيتيه .. والكبير على ماعوّدتيه

يعني المرّة الأولى سلّمي من بعيد وأنتي ماده إيدك طبعًا أكيد بيسحبك على كلامك
المرّة الثانية بيحس شوي والثالثة .. والرابعة .. والخامسة .....الخ

بعدين راح يتعوّدون عليك وعلى طريقة سلامك حتى لو كنتِ الوحيدة من البنات تصافحين راح يتعوّدون



من ناحيتي انا أكره لكن وش اسويّ! أعيش بين أُسر شعارها الشك !!
يعني لو أحك عيني قالوا وش عندتس تحكين عينتس! ه ه ه شلون عاد لو ماأسلّم عليهم زين



موفقه حبيبتي ..