[فيري]

الرجال اللي يقولون شغل البيت مو كثير خليهم يمسكون البيت اسبوع بس ونشوف شيقولون

[C R Λ S H]

كلامك سليييم اخوي والمشكلة والطامة الكبرى

يجونك الآبوة والرجال ويشتكون بالمجالس من غلاء المعيشه ويبون زيادة رواتب ..

وخذ هرج المجالس اللي ملينا من كثر ما نسمعه .. ولو تجي وتشوفه تلقاو حاط شغالات وسوواويق

ومرفه روحه على اعلى مستوى وهو ليس بحاجة هالترفية .. ويشتكي !!


وتصدق ياخوي قبل فترة كنت اتناقش مع ابو عايلة يشتكي وهو راتبه ممتاز .. وعنده شغالتين

وسواق وهو ليس بحاجتهم لإن عنده بنات وعيال .. طيب ليش تشتكي وفر هالآشياء الغير اساسية


مع الآسف شي يقهر الشغالات .. صارت الدعوة [ مجاكر ] وش حيتي اختي معه شغاله !! وش حيت فلانه عنده وحنا لا .. قسم بالله صارت الدعوة تقليد ومجاكر ... ومع الأسف في ناس يجاكرون وهو نفسهم داجين او على قد حالهم ..


واعذار الحريم البيت كبيرة ولا ماقدر .. والله العظيم بساعة وحدة ترتبين البيت ..وش هي تبي !!

المشكلة منول البيوت اربع وعشرين ساعة يجونك ناس .. الحين المجلس والغرف تقعد اشهر مغبره ماحد يطبه ..

يعني الحريم عجزات يرتبن كم غرفة ولوازم المطبخ والغسيل وانتهت الحكاية ..


واللي يقهرك يخلن هالشغالات يطبخن .. بالله عليك عجزنا نهضم المطاعم وهو يطبخون لنا .. اهضم شغاله تطبخ للواحد كل يوم .. كيف يشتهن طبخ !! لكن العجز يلعب دورها بالبنات ..

واللي يقهرك ان البنت بالبيت لا شغل ولا مشغلة .. مو مثل الشباب طلعات وما يقعد بالبيت ..

وش عندك كل الوقت وش تسوين ؟؟؟ بدال هالفضاوة زيني امور البيت ..


قسم بالله يالعجز يلعب دوره ببنات الجيل التالي .. بنات الدلع .. الله يعيينا حنا الشباب لا تزوجنا بس ..

واللي يقهر ان المرآة تجيب شغاله وهي بالبيت لحالها مع زوجها بس .. تخيل اجلس بالبيت انا زوجتي ومعي شغاله

ولا جيت اروح واجي معي !! .. كيف تآخذ راحته بالبييييت ..


الحين قسم بالله كثرت فتن ومشاكل الشغالات ومع الأسسسسف الحريم مغفلات .. يعني زيادة على ذلك

لازم تنتبه للشغاله لإنه خطر .. والمشكلة بعض الحريم تخليها تمسك البزران .. وشلون تخلين طفلك مع خدامه

نقول الموظفات بعضهن معذورات ( فترة الصباح ) .. لكن المشكلة باللي تخلي ولده مع الشغاله دايم .. وتكلف كل شي على الشغاله

وهي ماغير تتبطح وسوالييف وفضاوة .. طيب ولدك من لحمك ودمك تسوين فيه كذا ..


والله الهرج يطول لكن ما اقول إلا الله يعين على بنات الجيل التـآلي ( مو كلهن )

[C R Λ S H]

اقتباس المشاركة الأساسية كتبها النااااعم وليش بعض البيوت اللي عيالهم كبارين يجيبون سواااق ؟؟؟

هل تقارن عدد السوواويق بعدد الشغالات

السواق ما يجيبونهم إلا المضطرين فقط , اما الشغالات اتحداك تخلى بيت منهن ..


مع إحترامي مقارنتك باطلة

[فيري]

اقتباس المشاركة الأساسية كتبها عبدالله الخالدي واعذار الحريم البيت كبيرة ولا ماقدر .. والله العظيم بساعة وحدة ترتبين البيت ..وش هي تبي !! وش هي تبي؟ طيب رتب البيت وغسل الصحون واطبخ وغسل الملابس وامسح الغبار تقدر تسويها في ساعه؟ المشكلة منول البيوت اربع وعشرين ساعة يجونك ناس .. الحين المجلس والغرف تقعد اشهر مغبره ماحد يطبه .. يعني الحريم عجزات يرتبن كم غرفة ولوازم المطبخ والغسيل وانتهت الحكاية .. واللي يقهرك ان البنت بالبيت لا شغل ولا مشغلة .. مو مثل الشباب طلعات وما يقعد بالبيت .. وش عندك كل الوقت وش تسوين ؟؟؟ بدال هالفضاوة زيني امور البيت .. طيب اخوي الشباب وين يطلعووون؟قل لنا عشان نطلع مثلكم ولاتصير حجه لان نكلف بامور البيت قسم بالله يالعجز يلعب دوره ببنات الجيل التالي .. بنات الدلع .. الله يعيينا حنا الشباب لا تزوجنا بس .. واللي يقهر ان المرآة تجيب شغاله وهي بالبيت لحالها مع زوجها بس .. تخيل اجلس بالبيت انا زوجتي ومعي شغاله

طبعا يااخ انا احس لو كل اهل البيت تعاونوا راح يكون الشغل اخف بكثييير ومحد بيحتاج شغاله

بس القهر لجاوا هالشباب وقطوا الاكو والماكو على هالبنات (مو كلهم)

[أحآسيس بكت من هم]

،

للأسف أعتقد وجود الشغآله ( شر لآبد منه ) وشي ضروري رغم مضرته بكل شي بالحيآة فيه مضره
ومنفعه مو بس الشغآلآت والله يآفيه شغآلآت وش زينهم بس كلن وحظه فيهم : )

[ثلاثينيه رايقه]

سؤالي الحين يوم تكتب موضوعك متأكد ان بيتكم ما فيه شغاله
اقطع ايدي اذا ماعندكم بدل الوحده ثنتين

[طفلتك شــابت]

مـــآ أقول إالا مثل مآقالت إميمتي

((يـآزين المال على المتفرجين))

!!!

همـآكم مآجربتوو الشغل وبس تناظرون من بعيد , تقولون وش يبيله

وبساعة وحدة تزينن كل .. أويل قلبي بس

بعدين أغلب البيوت لآصــآر آخر الاسبوع يجونهم بناتهم وعيالهم ويالله عاد

تنتلي بيتهم وياحول ياهالبنيات مايستانسن مغيرمراكض ورا هالبزارين والاطبخ ونفخ

يعني عليهم دآخل وطآلع ومنتب حآسن بهن يآرعاك الله ..

عسى الدنيآ ماله وآلي .. والعمريقضي والشغل مآيقضي

[طفلتك شــابت]

اقتباس المشاركة الأساسية كتبها عبدالله الخالدي واللي يقهرك ان البنت بالبيت لا شغل ولا مشغلة .. مو مثل الشباب طلعات وما يقعد بالبيت .. وش عندك كل الوقت وش تسوين ؟؟؟ بدال هالفضاوة زيني امور البيت ..

^^

أجل يحول الله يعينكم على وناستكم وطلعآتكم اللي ماتخليكم تحكون روسكم

عذر ٍ أقبح من ذنــــب

[الزين يفرض نفسه]

أنتهت المواضيع الحين ؟
عقول فارغه إلا من رحم ربّي

عذراً لوقتي : )

[Ghdo]

خلنا نستانس وانت وش حارق رزك
لاحقين على الكرف ببيوت رجالنا .. (=

[C R Λ S H]

اقتباس المشاركة الأساسية كتبها فيري طبعا يااخ انا احس لو كل اهل البيت تعاونوا راح يكون الشغل اخف بكثييير ومحد بيحتاج شغاله بس القهر لجاوا هالشباب وقطوا الاكو والماكو على هالبنات (مو كلهم)

التعاون مطلوب بين الشباب والبنات في امور البيت

يعني الشاب يضبط حوسته ويرتب غرفته واكله

والبنت كذلك صدقني ما راح نحتاج شغالات

[C R Λ S H]

اقتباس المشاركة الأساسية كتبها ghdo خلنا نستانس وانت وش حارق رزك لاحقين على الكرف ببيوت رجالنا .. (=

تجبين خدامة غريبة بالبيت وتوليد لنفسك العجز شي يونس !! غريب امرك

بعدين البنت لا تعودت على العجز وهي ما تزوجت .. صدقني إذا تزوجت راح تستمر

وتطلب من زوجها خدامة ..

وترانا كلنا شفنا مثل هالهرج ويوم تزوجوا الشغالات معهن ..

والله اعرف حريم معهن شغالات وهي حتى ولد واحد ماعنده ..

لا تلعبن على رويحتكم بهالهرج

[سلطة فواكه]

كلامك ذكرني أول ما طلع الريموت كنترول حق التلفزيون .. جدتي الله يرحمها كانت تنتقد وبشدة وجود الريموت بأيدينا جالسين نتحكم عن بعد !!! بنظرها هو مدعاة للكسل وزيادة الوزن بل ومرض القلب والسكري !!!

على العموم حاجتنا للأشياء اختلفت بحسب ظروف كل بيت وكل شخص .. وان كان لا بد فلا افراط ولا تفريط .

وبالشكر تدوم النعم ..

[$خارق الجبال$]

اقتباس المشاركة الأساسية كتبها ثلاثينيه رايقه سؤالي الحين يوم تكتب موضوعك متأكد ان بيتكم ما فيه شغاله اقطع ايدي اذا ماعندكم بدل الوحده ثنتين

متى اقطع يدك
قسم بالله انه ماعندنا ولا شغالة ببيتنا

جاوبي على سؤالي متى اقطع يدك؟؟؟