[ياليت]

يالله من فضلك ياسسوق مايستاسع صدري الا لمن دخلت السسوق

احسس بششعور غريب ماحسسه بمكان ثاني مير لصرت باسسوق الرياض هذي الفله موب هناا
وصرت معي آلبطآقه

[جيهان]

اقتباس عاد ابوي واخواني حاسدينكم ياسكان بريده مافيه الاسوقين وكل شي قريب

وينتس عن بريده شكلتس من زمان عنها اللحين كل شارع به سوق صار اشد من الرياض الله يعين

اقتباس وين عايشة أختي ..؟ إلا ياكثر اللي أعرفهن من هواة التمشي بالسوق .. هذا و أنا منب من النوع اللي ينبش .. لكن تجين العلوم .. و بعدين حنا ما قلنا أنه ممنوع الخروج أبد .. لكن فيه شيء معقول .. و فيه شيء يتعدى المعقول .. و بالنسبة للرجال .. من الخطا بعد أنه 24 ساعة برا .. خصوصًا اللي متزوج .. و كذلك المفترض يوم بالأسبوع الرجال هو من نفسه يبادر و يطلع بأهله .. لو ما طلبوا منه .. لكن كلامنا هنا على الطلعات للأسواق اللي تجاوز حد المعقول ..

اه شف انت قلت من هواة التمشي ترا فيه بعضهم الحمدالله والشكر (بلوى )ترا ودايم باالسوق0
ويرجع للرجل اللي ماله شخصيه

وشف اذا كنت تعتبرها ظاهره مااتوقع ان شاءالله 0

[ريم الجزيرة]

استغفر الله
كثير من الناس كذا الحين
يبي يتمشووون يروحون للسوق يبي يجتمعوون يروحون للسوق اعوذ بالله وش دعوى يعني مايقدروون يعيشوون بدون السوق من ضروريات الحيااة

من علامات التبرج والسفور كثرة الذهاب للأسواق
و ابغض الأماكن الى الله السوق

خوذي حاجتك وروحي
على فكره ترا فيه منتزهاات وشاليهاات واستراحات قضن الأماكن علشان اروح للسوق اللهم عافي المبتلى ولاتبلانا

تشكراااااتي

[البيااان]

***الله عزوجل يقول (أومن ينشَّــأ في الحلية وهو في الخصام غير مبين) طبيعة البنات يحبون الزين فمظطرين يواكبون التغير والتجديد <<بخلاف العيال ثوب وشماغ والحمد لله يعني ما يحتاج التكلف <<والبنت غير الولد تحب الزين بكل شي ...أما كثرة السوق فأنا أشوف ما فيها شي اذا كانت روحتها بالشهر ثلاث مرات أو أربع ؟؟؟لأنها بالمره الأولى من واقع تجربه ما تشتري الا لما تشيك على السوق تاخذلها فره ثم تروح بعده وتشتري ..وبعض البنات ذوقها يكون صعب فتظطر لكثرة روحتها السوق يعني أنا اعرف كثير لما تتقضى ما يعجبها الي عندها تروح للبحرين تتقضى <<<وبعدين الولد يفرح انه يخدم أهله!! بكرا اذا تزوج تلقاه معسكر بالسوق.. الله يوفق الجميع

[تغيب الشمس بيوم حلمي]

والله أنك صادق الحين صايرات البنات كل يوم بالأسبوع يجتمعن باسوق هن وصديقاته ومره مع بنات خلاتهن ومره مع بنات أعمومتهن وهكذا ويبتلن
ياخي مايملن من السوق أنا الحين لارحت مره باشهر أو باشهرين مليت وطقت كبدي منه

عااااد حتى أنتم ماتقصرون الوحده لابغت تروح لسوق مره وحده باشهر أطلعونه بطاعونه تقل نطلب أرواحكم

[طبعي ذبح غيري]

الحمدلله فـ هو قد رزقني كرهـ الأسواق ..
ولكن في الحقيقة أنتم يـ الإخوان بعد طلعة الروح تذهبون بنا إلى الأسواق
ودائماً تقولون :.أنتم يالبنات ماتشبعون من الأسواق ))
وكانت تلك المرة التي ذهب بنا إليه قبل الـ 3 أشهر ..
×.×.×.×.×.×.×
و ربماآ من خرجت إلى الأسواق لـ ترفه عن نفسها لاآ يوجد مكان ترفيه لها إلا السوق
ربما تكون هي لاآ تدرس و الاجتماعات العائلية ناآدرة ..
فـ الأسواق أعتبرهاآ مكان إزعاج وليست تسلية أبداً .. ومن يعود منها يبقى طريح الفراش لـ يومين وفعلاً أستغرب من الفتاة تلك التي تنام و تستيقظ بهاآ ..
أماآ الذهاب لـ السوق لمرة آخرى لـ الترجيع أو التبديل فـ هذه تسمى حالة طارئة ..
فمن الفسق أن أدعها مرمية في ( الدولاب ) أذهب وأتي بـ غيرهاآ أفضل ..

الصمصاآم ..
جزاك الرب خيراً

[قـــصـــيـــة]

موضوع مُمتع بالنسبة لي .. ودّي أرد بإختصار بجملة ( أصابعك مب سوا ) لكن مايطيعني قلبي أسكت هه








وسأرد بطريقة الند للند

اقتباس السوق و البنت .. شيء مقدس و مبدأ لا يُمكن التنازل عنه ،

ربما ذلك .. لكن البنات يختلفن

الشاب والإستراحة
شي مُقدّس ومبدأ لايُمكن التنازل عنه

اقتباس يعني الوضع صار واجب عليك وجوبًا يا أيها ( الولد )

واجب وفرض بعد

إذا كان الوالد هو اللي يصرف بالبيت .. وش خانة الولد بالبيت ياكل ويشرب ويلبس ويطلع << فندق 5 نجوم!
يعني مثل ماأتعب بشغل أكله وشربه ولبسه .. يوديني للي أبي
بعدين شغل البيت أنا اللي أتعب أما هو فالسيارة هي اللي تمشي .. هل السيارة بتوجعها رجلها مثلًا ..!

اقتباس و إذا كان فيه أكثر من أخ ، يحطن جدول ..

الجدول هم اللي يحطونه .. يقول أنا أبوديكن بس دورن من يرجعكن!

وإذا كان فيه أكثر من أخت يحطون جدول أنتِ اكوي ملابسي وأنتِ سوي أكل وأنتِ ....الخ

اقتباس تطلع القطعة مهب زينة .. فملزوم تروح للسوق ترجعه ..

شلون يعني تبون البنت تشيل العباية عند صاحب المحل وتجرّب الملابس مقاسها أو لأ
أكيد إذا رجعت للبيت بتقيسها وتشوف تناسب أو لأ

اقتباس و هكذا يضيع عمر الزوج أو الابن .. بالتودية و الجيبة و المكوث بالأسواق

ضياع مرّة وحدة! هه

إذا كان يطلع يوميًا للإستراحة كثيرة على البنت تطلع للسوق ولحاجتها مرّة كل 3 شهور !!
ويرّفّه نفسه كل يوم وإذا طلبت منه أخته أبروح لصاحبتي قال لأ مب لازم !!!!!

اقتباس و كفاية امتصاص و تبديد لطاقات الأهل ..

وااو تبديد طاقات! .. وشغل البنت بالبيت ملاهي مثلًا ..!!




////////////////////////////////////////






أخي عبدالله .. كما للشاب حاجات ووقت للترفيه البنت لها أكثر بحكم إنها بالبيت 24 ساعة!



وفقك الله

[أحلى صبية]

اتوقع فيه حل اللي هو تحط لهن جدول يوم بالأسبووع تقضي حاجاتهم
مثلا الأربعاااء اطلع من العصر ولا يردكم الا لا صكرت المحلات...

هذا افضـــل حل أما مسأله كل يوم فهي صعبه.,,,

[* شــــذى *]

.












موب من موآضيعكـ = )





..

[راقيه باخلاقي]

مانروح الحمد لله الا بالشهرين والثلاثه
ومافيه شي اسمه تمشي او ترجيع هي طلعة وحده نشري حاجاتنا وخلاص
مابالسوق الا الصداع ووجع الرأس وتطيير الفلوس على غير سنع
مع قلة الطلعات وكثرة اخواني الحمد لله الا اننا نتكسف من يودينا ومن يرجعنا كل واحد يرسلك للثاني لو هو واحد يمكن يصير أبرك

[ّّهمس المحبـــهّّّ]

يعني اروح اتمشى بس الحمدلله والشكر اروح لحديقه احسن

مير أنا وامي وخواتي نطلع بالشهر مره وبطلعت الروح نلقا احد يودينا ولا نروح مع سواق الله يخلف

اما الترجيع سالفه ثانيه اذا قلنا ودونا بنرجع قالو يعني ماتعرفون المقاس انا ابسأل الحين هالعيال ماشاء الله اذا شرو يعني مايرجعون مقيوس عليهم والله انهم يرجعون الف مره وحنا هوااااش اذا جينا نرجع

ان شاء الله بالمستقبل نسوق ونريحكم بس اذا اذن لنا ابو متعب وحنا نلتزم باحجاب ومانطلع بالليل

[anhar]

اذا كان هناك تفاهم تقل المشاكل ..والعكس ..!!

[الفقيره الى الله]

أنا ماأروح للسوق الا اذا بغيت حاجه
فقط 00أدخل أقول بس متى أطلع منه
والبعض يقولون بعضهم تتعشى وتتمشى فيه
والله لو انه شاطيء 000
عاااد تمشي بالسووق وه بس 00

[بنت السفير]

عااااااااااد الله وأكــبر هالســوق كلهن سوقين وكل اهل بــــريده فيه ..

ولاابعد حااااااااسديننا عليهن ..

اجل خلونـــا نسوق أحسن ولااااانطلب منكم شي إلا الفلــوس ...