[داعيه بس داهيه]

لا الحين ابشرك تطور الامر الى كشتات وبران يومين ثلاثه مايدري عن اولاده حتى ايام الاختبارات
مالانا الا ربنا مافيه رادع المفروض مايعرس الا اذا شبع من السهر وطلعات شو ذنب المسكينه
الي جالسه تنتظره الى الفجر يمكن يجي ويمكن لا ؟؟؟
انما اشكو بثي وحزني الى الله !!!!!!

[لاالي]

اقتباس المشاركة الأساسية كتبها فارس الشعر بسم الله الرحمن الرحيم نزلت بنت موضوع تقول ليش الشباب يتزوجون دامهم راح يسهرون نمشيها ونقول معها حق طيب البنات ابي ادري ليش تتزوج دامها راح تقعد في بيت اهلها يومين في الاسبوع هذي لازم ومافيها كلام ---- يعني حلال عليكن حرام علينا والله قهر

اخوي اذا على الاربعاء والخميس حلال عليه متى ما جاء ويا خذ راحته ويسهر
بس المشكله اذا كان يوميا وبأيام الدوام هذا حرام ما تتحمله المرأه
هذا المقصود من الموضوع السهر بايام الاسبوع ايام الدوام
شكرا لك

[لاالي]

اقتباس المشاركة الأساسية كتبها داعيه بس داهيه لا الحين ابشرك تطور الامر الى كشتات وبران يومين ثلاثه مايدري عن اولاده حتى ايام الاختبارات مالانا الا ربنا مافيه رادع المفروض مايعرس الا اذا شبع من السهر وطلعات شو ذنب المسكينه الي جالسه تنتظره الى الفجر يمكن يجي ويمكن لا ؟؟؟ انما اشكو بثي وحزني الى الله !!!!!!

فعلا ما يحس با النار الا رجل واطيها حسيت انك فهمتي وش انا ابي من كلامي
الله يفرجها لي ولك عاجلا غير اجل مشكوره حبيبتي

[لاالي]

اقتباس المشاركة الأساسية كتبها عمر الرويس [size="4"] الموضوع اكبر من ذلك كل شيء على الرجال وناسين الحريم وامورهن النقاش لابد وان يكون من الاستماع للطرفين[/size]

اخوي انت فهمت الموضوع خطاء انا لا احكم الرجل بعدم السهر ولكن اطلب منه السهر بحدود وساعات محدده ايام نهاية الاسبوع له الحريه بالسهر لكن باقي الايام فهو مطالب بعدم السهر وهذا خطاب موجه لكل متزوج فقط

[ياليت]

بهذه الطريقه تجعلينه يكره البيت اذكان ياتي بآلغصب

اجعليه على رآحته

فطبعآ اذ زآد الامر عن طآقته فتفآهم هو الحل الامثل

مثلآ له فالاسبوع مرتان ياتي متى مأرآد ويسهر على رحته

[حربي عابر دربي]

اختي
اذا كان زواجكم من فترة بسيطة يعني من سنتين وجاي ... لاتشيلين هم كل فترة ويمل ويرجع (لان بعض الشباب يعتقد انه اذا سهر براء يعني شوفون انا ما أخاف ولا ابالي من زوجتي وانا رجال شخصية) ممكن يكون اعتقاده كذا ..... واذا كان كذا لبشرك تراه مامن صمايل سهل عليكي انتي تغييره ببعض الطرق المستخدمة بس ابعدي عن الي يثيره لدفاع عن نفسه فتحصل مصيبة .
من الطرق والله اعلم:
1) حاولي التودد لزوجك بس لاتكونيين لزقه ماتخليينه يتنفس (قاعدة// سطر وسطر)
2) افتحي الموضوع معه بطريقة انكي تخافين تكونيين لوحدك بالبيت وان اي شي يخوفك مثل الاصوات خارج البيت _ طق باب بشكل غريب ) قوليله وهو عندك مو عند ربعه .
3) اذا قالك اوديك تجلسين عند اهلك واذا خلصة اخذكم ... ابشر بخير به رجاء . وافقي وانتي مغمضة وبكل سرور.
4) بعد فترة من روحاتك لبيت اهلك وضحي له انك متضايقة من الروحة والجيت لبيت اهلك لان اهلك يعتقدون ان بينكم مشكلة بس مستحين لا يسالونك او يتدخلون بشوؤنكم .
5) بيني له ان اهلك يذكرون زوجك بالمدح والاحترام وان ابوك ومك وخوانك والحاره كلهم يستحون منه وبكذا هو يبي سوي نفس رجال محترم ويبي يستحي وتحمر خدوده :اذا جاء عند بيتكم ويقلل بتوديتك خلال فترات متقاربة.وكذا فكرة انه يوديك تنحل.
6)وضحي لزوجك انه رجل البيت ومدحيه ولا تصادمينه تراه رجل طيب .
المعذرة على الاطاله ....
هذا ماعندي على وجه السرعة .فالمعذرة ان اخطات
اتمنى لكي حياة سعيدة

[حروف آبجديه]

الله يهديهم بس

[joOojoOo بريده]

اقتباس خلاص المرأه ما تمنعك إنك تسهر وتستانس مع زملائك بس لك وقت محدد تسهر فيه وترجع لها

صح كلام سليم

اقتباس اقتباس صرت أسهر بس مو بالاستراحات لا لا.. أنا صرت أسهر عالنت

سواء تسهر بالاستراحه ولا ع النت المهم انك مشغول عنها
افهموا المره تبي احد يعطيها وجه

[جنوبي مديون]

يعطيك العافية

[ام الزلمات]

هههههههههههههههههه
ياقدمك الى الحين فيه رجال يسهرون والحريم يحترونهن..

بالنسبه لي اسهر مع شلتي..فله ووناسه ..واقوله متى ماطلعت من الاستراحه تعال خذنا..
هو مبسوط وانا مبسوطتين

[شجرة التوت]

ياااااااااختي خليه ليته مايجي ألا بعد الشمس بكيفه ..



بس كبري الوسااااااااده ونااااامي .

[ميمي كاتي]

الرجل في هالزمان كالشبح انصح البنات الي ماتزوجن لايتزوجن
ان اعتقدت ان العنوسه جمر فان الزواج جحيم

[الفقيره الى الله]

يااااناس الدعوى مو بسيطه
ترى الزواج مسئوليه وأمانه
والبنت أمانه في عنقه وكلكم راع ومسئول عن رعيته
احنا مانقول يارجل لاتسهر لا اسهر بس بحدود المعقول
ولاتقصر مع زوجتك وبناتك من ناحية العطف الحنان
ولاتتوقع الحياه هي توفير الماديات لهن والخروج خارج المنزل
للسهر 000
والسهر مع العاائله له طعم راااائع ومأجور عليه ان شاء الله
لانك تدخل الفرح لأهلك 00 قال الرسول صلى الله عليه وسلم
(خيركم خيركم لأهله وأنا خيركم لأهلي )00

[نسناس المساء]

كلام سليم ,,

بس وين الي يفهم كلن يمشي على هواه