[ابوإياد..]

حصلت لبنت خالي كانت تدرس بمدرسة اهلية وبالقياس اطلبوا صورة ...لكن بنت عمتي تدرس بمدرسة حكومية والقياس ما اطلبوا صورة ..مادري الصورة بس لمدارس الاهلية او ان بعض مسوؤلات القياس على يطلبون على كيفهم

[اطلق شخصه..]

معليش فيه مدارس بالرياض خبروا البنات وطلعوا بطاقات احوال
بس اذا كان البنت عندها جوواز سفر يكتفوون فييه
والبطاقه والتصويير للي ماعنده البطاقه الذكيه...معروف من زمان خصوصا للدراسات العليا

[بنت الشيخ صالح]

اف اف اف اف اف اف اف
انا امتحانت بدون تصوير

[أنـ بريداويه ــا]

اخوي رفيقك وبنته فاهمين غلط
قصدهم البطاقه الخاصه بالطالبه لدخول القياس يعني من المدرسه نفسه يطلعونه له
بطاقه كأنه بطاقه صراف فيها معلومات الطالبه فقط دون صوره
هذي البطاقه ماتدخل الاختبار دونه <<اختي نسته ورجعت تاخذه وبس

[سـانـدرا]

لا الكلاام مو صحيح انا امتحنت قيااس بدون صوره بس البطاقه الذكيه

[المثنى]

الذي يقول هذا كذب وإشاعة..أقول هذا الاختبار هو للمتقدمات للدراسات العليا وبما أنكم خطأتموني فموقع الامتحان بمدينة عنيزة وقسما بالله أنني أخذت الخبر من فم والد الطالبة وهو رجل تربوي فاضل

[حلآإهم]

اقتباس وقسما بالله أنني أخذت الخبر من فم والد الطالبة وهو رجل تربوي فاضل

ايه وإذا صار فــآضضل ؟

عـآدي السـآلفه خراااااابيط
انا مختبره قياس قبل كم يوم لا صورون ولا شي !
بس ودكم تهاوشون وتسوون اشاعات !

[أعتز بعقيدتي]

إلى متى
وكل موضوع
واحد يصوب وواحد يخطي

[لمسات]

صحيح وانا بعد اختبرت قياس من كم اسبوع
ولآطلبو لآصورة ولآ غيره

[المثنى]

الذي أغلظ علي القول بقوله أنها إشاعة ويقول تأكد من الخبر أقول لكم أولا : أنا لم أدعي أن هذا مطبق بكل المناطق .
ثانياً : ليت من كذبني يقرأ بعض من رد أيد كلامي قبل أن يرد .
ثالثاً : لم أتعود الرد بالتكذيب ومن كذبني أقول ما أنتم عندي بأوثق ممن حدثني .
رابعاً : أختي كان لها امتحان ببريدة واكتفوا بالبطاقة الذكية . أظن أن المسألة تؤخذ بالتدريج حتى يرى ردة الفعل.
خامساً : الشرهة علي أنا اللي أطرح عليكم موضوعاً أقلقني ، ولن أرد بعد هذا الرد.

[طموح فتاة]

السلام عليكم ورحمة الله وبركاته ..
اولاً : اشكر اخي المثنى على تفاعله بالموضوع ..
ثانياً : الذي يقول اشاعه وكذب على اي اساس قلت وحكمت انه كذب هل واقعت المشكله بنفسك؟!! ..
ومن ثم عدم اصدار الفاظ تقدح بشخصيه انت لا تعلم ولا لك من الامر شيء ..
ثالثا انا بنفسي ذهبت للكلية الادبيه بعنيزه وقبل الذهاب قرأت شروط الموقع وكان احضار صوره لبطاقة العائلة ..
فقمت باخذ الاصل من دفتر العائلة وصوره لها..وقبل بدء الاختبار بساعه قمت بتقديم اوراقي لاكمال اجرات الاختبار والدخول للامتحان فرفضت المشرفه على ذلك وقالت بالحرف الواحد لن يسمح لكي الا بصوره شخصيه توضع مع بياناتك فطلبت منها البصمة بدل الصوره ورفضت ذلك قلت لها ان هذا الامر ليس شرطا واضح من الشروط الموضوعه في الموقع فطلبت مني اذهب معها لمشغل لاخذ الصوره رفضت وبشده وطلبت منها ان تفتح لي الموقع لكي ارى هذا الشرط ومع ذلك رفضت ..

يعني هذا الامر كله صحيح وبالفعل كان معي مجموعه كبيره كلهم ذهبوا لتصوير الا انا وقليل من البنات لم نرضى بالتصوير ...

ع اي اساس هذا الشرط ..على اي اساس هذا التعقيد .. ايعقل تصعيب الامر ,, ايعقل ان يكون بداية لتحرر ..

وبالاخير اتمنى ان ترتقي اخي الفاضل بردك واسلوبك والى متى الهمجيه في الردود ومع العلم ان اغلب الردود الغير لائقة المفروض انهم يكتفون بالمشاهده وليس الرد لان الموضوع لـ اصحآب العقول النيره

وبالاخير اشكر اخي المثنى ع طرحه مشكلة حطمت امال كثير منهن تقدمت معي لهذا الاختبار ..

[ابوإياد..]

اقتباس المشاركة الأساسية كتبها المثنى خامساً : الشرهة علي أنا اللي أطرح عليكم موضوعاً أقلقني ، ولن أرد بعد هذا الرد.

...

خلاص يعني تبي تقاطع المنتدى ..

لا تكفى ماودنا نخسرك...

[قيود من حرير]

إشاعة
لانوه بنت خالتي إختبرت ولاطلبوا منها صورة ولاشي

[قيود من حرير]

اقتباس المشاركة الأساسية كتبها أعتز بعقيدتي إلى متى وكل موضوع واحد يصوب وواحد يخطي

إلى قيام الساعة