[طيب الاخلاق]

توضيح بسيط لبعض النقاط :
- حمامات النساء في استراحة النساء بجانب عيادة طبيبة الباطنية و الاستراحة ممتازة من كل شئ.. والحمامات عند المدخل للعمالة.
- بعض الاطباء في المستوصف فعلاً دون المستوى ولكن البعض الأخر ممتاز.
- من ناحية النظافة والتعقيم المستوصف جيد جداً وليس كما ذكر البعض .
- صاحب المستوصف رجل محافظ ومتدين ولا يضيره ان كان يمانياً أو قصيمياً فهو مواطن سعودي.
- التبرج والاختلاط وما لاحظه البعض هنا سببه مدير المستوصف وعليه علامات استفهام كثيرة وهو ليس الشخص المناسب لايصال الشكوى بل صاحب المستوصف . ولن أزيد واللبيب بالاشارة يفهم.

[ساري11]

ملاحظة يجب التنبة لها
ولكن مالفت انتباهي قولك اجلس مع العمال ليش العمال مو ناس مثلنا مسلمين ؟؟؟؟؟؟؟

[.حلم.]

مدري بس ما أحس المستشفي شين لذي الدرجه
ماعلية حلو

[قصي100]

مستوصف وضع لذوي الدخل المحدود شئ طبيعي انه يكون بالمستوى هذا عندك مستشفى الحبيب مبنى راقي واستشاريين من احسن مايكون او الطب الشامل ممتاز وقسم نسائي مستقل واتركو مستوصف العمال للعمال

[شيخ القبيلة]

لاحول ولاقوة إلا بالله...
.........

[naelh]

اقتباس المشاركة الأساسية كتبها ساري11 ملاحظة يجب التنبة لها ولكن مالفت انتباهي قولك اجلس مع العمال ليش العمال مو ناس مثلنا مسلمين ؟؟؟؟؟؟؟

عفوا أخي الكريم العمال عسى الله يخليهم لأهلهم بس يفضل وضع قسم خاص للنساء بس دون الاختلاط بالرجال اي كان

[naelh]

اقتباس المشاركة الأساسية كتبها قصي100 مستوصف وضع لذوي الدخل المحدود شئ طبيعي انه يكون بالمستوى هذا عندك مستشفى الحبيب مبنى راقي واستشاريين من احسن مايكون او الطب الشامل ممتاز وقسم نسائي مستقل واتركو مستوصف العمال للعمال

ذوي الدخل المحدود والكشف ب100ريال مثله مثل القصيم الوطني والموضوع طرح لعل مدير المستشفى يفصل النساء عن الرجال بس ,,,,, وقلناه دخلناه ولاراح ندخله ثانية ليس عيب بالأطباء ولكن سوء التنظيم بس

[بريداوي وكلي فـخر]

اقتباس المشاركة الأساسية كتبها naelh ذهبت للمستوصف لاحظت عدة نقاط ارجو من المسئولين اعادة النظر فيها 1_قمة الاختلاط العشوائي كأنك في شارع الصناعة مافي اي خصوصية للنساء 3_الممرضات الفلبينات قمة التبرج وسرداحي مرداحي بين هالعمال والدكتورات مافي غطاء على الوجه بعينه

هذي موجودة بكل المستشفيات ....... فما أتوقع إن هناك مشكلة في المستشفى هذا .. إذا كانت المستشفيات الحكومية فيها نفس الشي

الصراحة لا أعرف المستشفى .. حتى أتكلم فيه

لكن كلمة حق .. أقولها :
أحسن مستشفى رأيته في حياتي (بالنسبة للفصل بين الجنسين) مستشفى بريدة المركزي ..حتى الطبيب إذا بغى يدخل قسم ال، female لازم يرن الجرس ,, وبعدين تفتح له العاملة .. فياليت المستشفيات يسون مثله


______________

أحلى ما في الموضوع .. سرداحي مرداحي هههههه
أمزح طبعاً

[ابوقمر222]

ترى كل المستوصفات مثل هذا واردى بس ماعندنا من يردع لان اللي يردعون يعاملون غير غير غير لان الضمير مازال نائم الله يرزقنا المراقب اللي يخاف الله

[اروفي]

الحمد لله اجل لو تشفون الاستقبال وش تقولووووووون

[القلم الذهبي]

تبوووووووون مستشفى راقي
واسعار حلوووه
وخصوصيه تام للنساء
كان فيه برنامج بقناة المجد ذكر الشيخ اسم المستشفى

(( مســـــــــتشفى الوفــــــــــــاء بعنيزه )) قمه

[عجوز بريده]

أولا : اعوا لهم بالهداية حتى الكافر يدعى لة قالرسول الله (اللهم اهدي دوسا واتني بهم ) متفق علية .
ثانيا: لاشماتة لا على يماني أو غيرة فان البشر ليسوا كلهم في مستوى واحد من ايمان ابي بكر وعمر
ثالثا : الكتابة الى مدير المستوصف بالاسلوب الراقي والمودب والمحترم ودعوتة الى وليمة او كاس شاي والرفق بهم واشعارهم انهم في بلدهم الثاني بل الاول وتقديم النصح لة لا تدريسة كيفية التعامل قال الله لنبية وهو نبية (لو كنتت فظا غليظ القلب لنفضوا من حولك ) فليس بالغصب يهدي الانسان .
رابعا : التوبة الى الله من حق الناس ومن تقصيرنا ومن سواتنا وعيبنا والانشغال باصلاح انفسنا ونصيحة غيرنا على منهج السلف الصالح والله المستعان

[wejdaan]

ايه صادقه اختي انا اشوف هاشي انا صار لي 3 سنوات عندهم مركبه تقويم ودافعه 8500 وايقولون اقساط 300 وربي انشبوو بحلقي لين ما دفعتهن كل شهر 500 بهذلو بي لو مادفعت ما ادخل لا فوق ذاء الشغل زفت وقالو فمك ما يحتاج الا سنه ونص وكل المستوصفات كل كذاء واخرتها 3 سنوات كل يوم دكتوره جديده التقويم وكل واحد تسحب من هندها وربي مهزله كل يوم وحده تجر من جهه بهذلو بي الله لا يوفقهم واخرتها للحين وانا فيه فسم راحت فيها اسناني وتعبت الثتي بسبتهم يمكن 8 دكتورات الي تغيرررن وكل واحد تاخذ معي شهر او شهرين وتجي غيرها وتبداء من جديد و الي قهرني دفعت كل شي لهم مابقى علي ولا قسط مادري وش يبوون كل وحده تبي الثانيه هي تنزله لان اصلا خربووو اسناني ويبوون الفكه حسبي الله عليهم لا وما صار بس كذاء صار حتى المستوووصف ماله امان انوااع المغاازل وخصووصا من السعوودين الموضفين على الاستقباال عيني عينك لا ويقالي افشك يفتح ملفك يطلع رقم جوالك ومعلوماتك يعني كذاء كذاء ماكله تبن خلوني بس اسكت مابي اطلع بلاويهم حسبي لله ونعم الوكيل

[** علومي الغبراء **]

اقتباس المشاركة الأساسية كتبها القلم الذهبي تبوووووووون مستشفى راقي واسعار حلوووه وخصوصيه تام للنساء كان فيه برنامج بقناة المجد ذكر الشيخ اسم المستشفى (( مســـــــــتشفى الوفــــــــــــاء بعنيزه )) قمه

حتى الوفاء فيه الزين وفيه الشين امي ولدت فيه وحـــــــلــفت يمين ما أطبه غير ماطبيته


لكن الصــــــــــــــــــــــــــــــــــراحة لازم نقولها مافيه مستشفى أو مستوصف كامل المواصفات

لاحكومي ولا أهلي لكن صحيح فيه شئ اهون من شئ


بإســـــــــــــــــــــــــــتثناء بعض مستشفياات جـــــــــــــدة مواصفاتها عالمية وليس كلها لكن العيب فيها غلاء اسعارها الباهضة