[مهاااااااااااوي]

لامومس ولاشي
بس حنا مانعترف باالمرض النفسي
واضح من غسل اليدين بااستمرار انه مريض نفسي الله يشفيه ويخليه لك
واستغربت من طريقة كلامك انك تتمنى ان يطيعك ولايعصي لك امر
كيف تبيه يطيعك وهويتصرف بغير ارادته
اذهب الى جده اوالرياض هناك اطباء على مستوى والله يشفيه.

[ajmn]

الله يصبرك ولا يبلانا . .

قد تكون أنت أحد أسباب هذا البلاء في ولدك . .

كيف كانت تربيتك ؟!

كيف كان تعاملك معاه ؟!

كيف قربك منه ؟!

كيف و كيف و كيف . .

أسئلة أتمنى تصدق في الإجابة عنها . .

ابنك الآن يحتاج إلى مؤسسة نفسية تحتويه . .

و تربطه بشباب مقاربين له في العمر . .

لو تسافر فيه برا القصيم أفضل لك . .

الله يربط على قلبك و يهديه . .

[شاشي]

الله يشفيه ويرفــع عنه وكل مبتــلى
أقر الله أعينكــم بشفائــه وصلاحــه

[عمار الراقي]

اختي ::

في البدايه الله يجزاك خير ويعطيك الصحه والعافيه ان شاء الله.

ثانيا بالاضافه الى ماذكر الاخوان والاخوات من النصائح


اتمنى منك زيارة مستشفى الصحه النفسيه وعرض ابنك عليهم واعادة تقييمه من قبل الطبيب النفسي لان ماذكرت من اعرض ليس بوسواس قهري. ويجب عليك ذكر هذه الاعراض بالتفصيل للدكتور..


ذكرت انه يكلم نفسه كأن حوله احد((hallucination)

وانه لايهتم بنظافة نفسه ولايفرش اسنانه ((من ضمن الاعراض السلبيه لمرض من يشكو من اعراض ذهانيه))

تصرفات غريبه...


كلها تتوافق مع من يشكو من اعراض ذهانيه وعادة تبدأ بعدم اهتمامه بنفسه ويكون انعزالي وكلام قليل

وبعدين ممكن تتطور الى انه يسمع اصوات او كأن فيه احد يخاطبه او يشوف خيلات او عنده شكوك بالاكل او الناس

وايضا تصرفات وافكار غريبه


يصاحبها تأثير على الوظيفه او الدراسه....



انا من وجهة نظري انه يحتاج علاج غير دواء الوسواس القهري


يحتاج دواء اما رسبيردال او زيبركسا



لكن ياليت اختي تتجهي الى المستشفى وتذكري لهم الاعراض بالتفصيل,,,


والله يعافيه ويشفيه,,

[كفايه جروح]

الله يشفيه ويعافيه والله ييسر امرك

وده لدكتور نفسي ولا كلم دكتور اشرح الحاله يمكن يفيد بالذات ان الولد عنده تذبذب بالشخصيه مره وسخ ومره عنده وسواااس

[زحـل]

اخوي اسأل الله ان يشفى ابنك ويعافيه يارب ..

صراحه تغير الأبن غريب شوي لكن يبدولي ان مشكلته نفسيه لكن ما انصح انك تعرضه بشكل كثير على اطباء نفسيين
لنه وللأسف فيه ناس كثير ماخذين الموضوع بزنس وقد يزيدون من حالة ابنك وبالنهاية يعيشونه على علاجات طول عمره ..

فأنت حاول تبحث عن حلول بديلة لني انا وانت وكل واحد ماوده يعرف انه فيه مرض نفسي .. لا تخليه يستسلم انه هـو فعلاً مريض .. لنه يمكن يكون سلبي اكثر من انه ايجابي ..

حاول انك تخلي اخوياه او عيال عمه او خاله ياخذونه معهم دايم في طلعاتهم .. وكلم واحد خله ينتبهله من نايحه الصلاة ويتوضون جميع وكذا .. يعني الشباب مع الشباب يصلحون واكثر اريحاحيه ..
بس لاتبين ولا احد يبين له يعني بطريقة عادية .. وانت بعد حاول انك تاخذه معك بالبداية اطلع انت وياه والعائلة الكريمة عطه بعض المهمات يقوم به بنفسه .. خله يصلي بكم انت والعائلة الكريمة .. شوي شوي كل واحد منكم يحاول يدخل فيه ويقرب منه لأنه يمكن مايضبط معك انت كوالده يمكن يرتاح مع أمه اكثر او اخته او اخوه وكذا لين يهون شوي همن تقدر تطلع معه لحالك بعد ماتشوف تحسنات وتقبل ..

ولاتنسى تدعيله وتطلب الله ..
لا تضغط عليه ابد ..
لا تقنعه انه مريض نفسي ..
لاتركز على اشياء معينة مثلاً دايم تقوله اسبح توض الخ .. سوها بطريقة حلوة وبدون امر.
ما أنصح بالآطباء النفسيين في هذه الفترة "لأن (بعض) الأطباء وللأسف حتى وهو بروفسور مايعني انه راح يعالج اي حالة فإذا ماعرف يعالج الحاله بدأ بصرف العلاجات"
انصح فقط بالأخصائيين اللي يقدم الإستشارة "هذا في حالة انك ملزم على عرضه على اخصائيين نفسيين.

كلم امام المسجد ان حصل ياخذه معه يتغدون جميع مثلاً او انت اعزم الإمام او المؤذن وخل ولدك بالواجهه مثلاً خل الوالدة تعطي ولدك الشاي والقهوة يوديهن وانت خلك برا اشغل روحك وخل ولدك يقوم بالضيافة طبعاً الامام او المؤذن عنده خبر فبطريقة حلوة يقوله وراه ماحنب نشوفك وإلا يعزمه على طلعه او الطريقة اللي يراها مناسبة وانت تعال اخر نص ساعه وكمل السواليف معهم بس لاتركز عليه خل سواليف مره عادية تسنك تسولف مع ربعك قصص ولف اي شي وان كان ولدك بس ساكت جب طرف سالفة صارتله وخله يكمله للضيف يعني والله يفرج همك يارب.
يعني ابنك مشكلته ماجات جميع فلا تتوقع انها بتزول جميع واصبر ومآجور ان شاء الله.

[حكاية اليمة]

اقتباس المشاركة الأساسية كتبها جنوني بريده لا حول ولا قوة الا بالله اولا واخيرا الدعاء اخر الليل وانت لابد ان تجلس معه وتشوف وش يبي وتسولف معه ميخالف لو تقضي يومك جنبه يمكن يكون تفكيره وفرحته فرحت اطفال وايضا الطبيب النفسي تردد عليه.. ومثل ماقال اخوي روحو للحرم يومين وشكرا

اشكركم جزيل الشكر رد 1 رد 2 رد 3 رد 4 رد 5 رد 6 رد 7 لكم كلم الشكر على التفاعل والله لايريكم مكروه في حياتكم

[حكاية اليمة]

اقتباس المشاركة الأساسية كتبها حربي عابر دربي عمره 22 سنة رجال مهب صغير الله يعطيك الصحة والعافية 1 / احتسبي الاجر واصبري واعلمي ان ابنك يتصرف من غير وعي ( يعني لاتزعلين عليه هو مايقصد يزعلك او يظايقك يتصرف من غير شعور ) فركزي على هذه النقطة يمكن تصبرك اكثر 2 / الدعاء والتضرع لله بالشفاء والعافية وتحري اوقات الاجابة 3 / الاستمرار والمداومة على الرقية الشرعية بالبيت من تشغيل اشرطة الرقية الشرعية بستمرار طول الوقت و المتابعة عند قارى موثوق وذو دين وورع 4 / الصدقة بنيت الشفاء واعمال البر التي تستطيعونها له 5 / حاولوا تعرفون سبب المشكلة ( من داخل البيت او خارجه ) هل كان التغير مفاجئ ــ فقد يكون مس او سحر او نفس خاصتآ اذا كان ابنك انسان طبيعي منذ ولادته الله يشفيه ويعافيه ويجعله قرة عين لك دمتم بخير

اشكرك على ردك الطيب
لكن كان باالابتدائي عادي لكن غير متفوق بدراسته بطلعت الروح ينجح وسعت صدري عليه جداا لين طلع من الصف السادس وبدات مراحل العذاب

[حكاية اليمة]

اقتباس المشاركة الأساسية كتبها خلفان انت تقول من يوم هو بالمتوسط بدأت المشاكل معه يعني يوم هو في الابتدائي كان وضعه ماشي ؟؟ عموماً انصحك بالاستغفار والله يشفيه ويصلحه

سكروب بريدة عطشانة دم خلفاان اشكركم على المرور

[حكاية اليمة]

اقتباس المشاركة الأساسية كتبها thestranger اخوي الله يهديك انت كانك تلومة على شي ماله ذنب فيه هو مريض نفسي واكيد هو يتعذب وتعبان حرام تلقي اللوم عليه بشي مو بيدة انت تلومه لانه يكلم نفسه بالحمام ويسوي تصرفات غريبه بسبب المرض الي فيه حرام عليك بس ايش الي سبب له هالمرض؟ هل انت تعاملت معاه بقسوة أيام المراهقه؟ الحل انك تدعو له وتقرا عليه وتوديه دكتور نفسي زين مو اي دكتور وتستمر معه في العلاج مهما يطول لين يطيب وانك تعاملة برفق وطيب

يوم كان باالمتوسط كثير المشاكل انا وياه كان يطلع مع عيال كل هدفه ياخذ منهم اشرطه ومهمل الدراسه جداا ياله نجح بمقبول باول متوسط

[حكاية اليمة]

اقتباس المشاركة الأساسية كتبها lamooo الله يهديه يارب عندي اقتراح ليش مايفتح قسم للمشاكل الاجتماعيه نبي حلول الاشياء كثيرره ومحتاجين هالشي بقوووه

ياليت الاداره يسمعونك ويافتحون قسم لهذه الحالات

[-| بَشِرُوُهّ إِنُيّ اَبـٌرَحّلْ |-]

يآبعد عيني انتِ..
شوفي يآقليبي خلي ملجأك الوحيد هو الله..كثير نآس تعآفوا وهم ميتين دمآغياً
وهو بسبب الإلحآح الى الله..
مآتدرين يمكن هذا البلى الذي اصآب ولدك آراد الله سمآع صوتك..
الله واسعة رحمته وعنده من الخير الكثير لكن حنآ غآفلين..

(بس اهم شي لاتبينين له انك منزعجه او متضجره)لأنه صدقيني لو انه عآقل فكرياً
مآكآن يرضى بنفسه على هالحآل..

(واذا سألك عبآدي عني فأني قريب)

[حكاية اليمة]

اقتباس المشاركة الأساسية كتبها 1مهستر تحمل فانت مأجور .. دلعه اغادي ينفع به الدلع .. والا من وين جاه الوسواس القهري ..؟؟؟؟ اكيد انه من قهر من شيء ... لاتقارنونه بعيال الناس يتحطم وينقهر .. عليك بالتعبد ... زود من عباداتك ... تصدق .. اكفل يتيم .. الاعمال الصالحه هي من تتكفل بتربية الابناء ..

يؤؤؤ كل شي عملته معه الهوش الطق الطيب كل الاساليب
تخيل اذا رسب بترم الاول اجيب له هديه عشان ينجح بترم الثاني طبعا بلمتوسطه وكان مجنني
الي الان مانسى سالفة الامتحان يوم كان بثاني متوسط داخل الغرفه يذاكر الا ونشم ريحة حريق
الا هو مولع بلكتاب وموزيه بدريشه ومخليه يشتب طيب الامتحان باقي عليه 4ساعات وانت تحرق في الكتب قال اي هذي مهوب علينا تلومنوني فيه

[حكاية اليمة]

اقتباس المشاركة الأساسية كتبها نالا وعليكم السلام ورحمة الله وبركاته لاتحسس الولد انك مهتم فيه وتبغاه يكون مثالي خلك عادي وانت تراقبه من بعيد هل ادى الصلاة هل ادى الواجبات اهم شي لايدري انك مهتم فيه لأنه لو درى بيعاند وبيتطفل عليك لأن هذي مرحلة مراهقه ولازم تصبر عليه طيب بامكانك انك تسافر انت والولد كأنه صديق لك وتعامله كأنك تعامل خويك من الرجال وتكلم عليه بألفاظ حلوه ومحترمه جدا خلك كأنك تخاطب صديقك وشاوره على المحل مثلا قل هاه وش رايك هذا زين وش رايك نسوي كذا بكذا تشوف نفسية الولد تغيرت وتحسنت واصبح واثق من نفسه وهذه الطريقة ناجحه جدا واهم شيء خل معاملتك معه معاملة رجال لأنه بالعمر هذا يبي من اهله انهم يحسسونه بالمسؤوليه وانه رجل البيت واذا اخطأ يوضح له الشيء بطريقة جميله وبهدوء حتى يتقبل اما اذا عاملته معاملة مهتم فيه وخايف عليه هو مايبي كذا لأنك كذا تحسسه بالنقص وتحسسه بالطفوله ... واهم شيء الاول والاخير التجئ الى ربك وناجه بأن يصلح لك حال ابنك وبإذن الله ستلقى نتائج مذهله اصبر وستنجح ربي يصلح ابنك وجميع ابناء المسلمين

الف شكرررر
لكن والله العظيم اني استنفذت كل طقاتي خلاص معاد فيني شدة تدهورت حالتي معه الله لايعيده ولد