[لماذاهذا]

وإذا بدء التلزيم بالحلف والقسم والمصيبة تكمن اذا تلزيم بعضهم بالطلآق ... و..و

التلزيم فن بسيط وحسب الوقت والحآل ونوع الضيف لا إجبارله

..المره الاولى تكفي ...وبعدها إكرام النفس هوآها


حفظكِ الباري .

[أنشودة المطــــر؛؛]

موضوع رآقــي يآ > كآريزمــآ ..
أنــآ مآ أحب ألزم إلأ على نــآس أمون عليهم فقط
عشــآن إذآ عندهم ظروف يقولونهآ لي عـآدي
لأننــآ نمون ع بعض ..

أمــآ النــآس الرسميين >> نو وي ..!
أقول بس ((يآسفــآكم وآلله مر الوقت سريع مآحسينــآ
وإن شآء الله نشوفكم وقت قريب ..؛؛))
فقــط ... من غير تلزيم ..

ثـــآنكيو كآريزمــووهـ ..<

[قريبآ ستمطر ،،،]

اخ بس من التلزيم
واكره شئ اذا كنتي بااجتماع ولااكلتي من الحلا
او قمتي من العشاء الاولى
‏>‏>‏>‏ وراتس ماتعشيتي يابنيتي!!
‏>هو شكله ماجارلتس حلاي!!
،،

بالاخير انتي مسويه رجيم
ولاتبغين احد يعرف!!!
عشان مايزعجونك!!! نحفتي مانحفتي

[@سجى@]

اقتباس المشاركة الأساسية كتبها لماذاهذا وإذا بدء التلزيم بالحلف والقسم والمصيبة تكمن اذا تلزيم بعضهم بالطلآق ... و..و التلزيم فن بسيط وحسب الوقت والحآل ونوع الضيف لا إجبارله ..المره الاولى تكفي ...وبعدها إكرام النفس هوآها حفظكِ الباري .

لله درك

[• إنِدثـار~]

تذكّرت وحدة إذا جتْ تلزّم تقول : علي الطّلاق أن أسوي كذك وكذا , فأستجيب للمطلب من شدّة الضحك : )

أخذت طبعي من طبع الوالد بكلمته التي يرددها دائماً : لا أحد يغصب أحد
حقّاً .. فـ " التلزيم " أحسّه إكراهاً لا إكراماً ..
اريد حريّتي في جلستي وأكلتي , والبعض هداه الله ينغّص عليك لذّة كل شيء بكثرة تلزيمه - اجتهاداً -

كاريزما --> انتبهت ماحطيت يا : )

موضوعك مبدع -

[برنسيسة بريدة]

حبيبتي كاريزما ,والدتي تقول لي : ما تعرفين تلزمين ..!!
وتسعى جاهدة بتلقيني دروسها الجبارة في هذا الفن ..
مودتي لك ..

[برنسيسة بريدة]

موضوع كريزماتي ؛له من اسم صاحبته نصيب ..
أحسنت الطرح ،فنلت التميز ..
مبارك ..وإلى الأمام ,وفقك الله ..

[كَـارِيـزْمَـا ©]

.

ما تهاب :/
ايوهـ التلزيم من شخص عادي أو كبر سنك أهون بكثير من تلزيم كبار السن لأنهم عند كلمتهم ( :
ومثل ما قلتي مرة مرتين .. نفس طريقتي ..

اقتباس موضوعك أعجبني (:

تعجب فيك العافية <-- تسمع بالدعاء
.
.
.
.
ديالا :/
لأ ..
لسه ما ماتوآ .. يمكن اللي حولكم ماتوا .. يمكن ( :
وآخر كلمة من سطرك الثاني ما فهمتها يا بعدي ( :
شكرآ على تعقيبي
.
.
.
.
ٳثمڍ فرζ :/
إنكسار الم ..؟
ماعلة التغيير .. حلو الأول .. يا مملوحة ما فهمت زين نكك الNew ) :
..
إيه .. نفس والدتي الله يحفظها .. بيتكم وين ..؟ <-- هذي ضريبة اللي يشهّر بكرمهم ..
هــــه والله نفس حالتي أحيآنآ .. إذا صرت مشغولة وزآرتنا حرمة من غير موعد
أكره ما أشوف الحرمة اللي ما تدرين إلا هي طاقة باب بيتكم .؟ خير فيه تليفون ..
ع الأقل الناس ترتب وتقدم قبل لا تجي ..!
عاد تصدقين فيه ناس الله يذكرهم بالخير " حمولة " رجال + حريم + بزران .. ماندري إلا هم فِ حوشنآ
ومته يجون ..؟ قبيل آذان العصر ..؟
والله يصير فِ البيت حالة إستنفآر اللي يرتب طريقهم و مكان إستقبآلهم واللي يسوي القهوة ....وو
وبالأخير إذا جهزت القهوة واللي معاها .. قالوا : مع السلآمة ) : ... مو قهر .!
<-- جابت طبلونهآ .. مشكورة غلاي
.
.
.
.
خمائل مختالة / ودي أشارك / ورد البيلسان / قائد المجد
لِ توآجدكم أزكى تحية .. أشكركم

[عبرة الايام]

ياشين التلزيم

والا قلتي ماشتهي المره الثانيه قالوا لاتعطونه ماتحبه ههههههههههه

ياناس قلت ماشتهي مو ماحبه طيب يمكن اني ابي الحين ومشتهيه اكله خصوصا الشاهي دايم الحموله يلزمون عليه وهو شاهيه غسال ويحوم الكبد خخخخخخخخخخخ

[الصمت الهادئ]

.

مانلزم الا للغآلين علينا اما غيرهم فلا نلزمهم لأننآ لانعلم عن ظروفهم وحتى
لانسبب لنآ ولهم أحرآج..

اقتباس المشاركة الأساسية كتبها جنَــاحُ حُلمْ وخلي أحد يلزم علي تحلفين مآيلزم مره ثآنيه من تلزيمه أقعد ولا يالصمت الهآدي

وه فديتكِ أنتي غير ولا نلــزم الآلغلآكِ.. : )




كَـارِيـزْمَـا ©

طرح مميز بورك فيكِ وفي قلمكِ.

[كَـارِيـزْمَـا ©]

.












متصفحة :/
أحسنتِ .. أحيآنآ نلبي كارهين .. ولكننا نأنس بتلك الجلسة وننسى أو نتناسى أشغالنا المعطّلة
.........إيه ذكرتيني بذاك التلزيم " التلزيم في شراء البضاعة " ربما هو أكرهـ أنواعه ) :
يا كثر ما لزموآ علينآ أصحاب المحلآت " ينشب بحلقك " أعوذ بالله ) :
أبوي نوصيه على شيء .. يجيبه ويجيب معآهـ شيء لم نطلبه منه ..
يقول / لزم علي أشتريه واستحيت من تلزيمه واشتريته .. <-- بالغصب يبونه !
+ لحضوركِ أبهى رونق..*
.
.
.
.
للغموض تعبير :/
(معروض العقيلي ) هه ..وش .. معنآهآ ؟؟!
نورتي المتصفح .. وإني أعجب بقلمك
.
.
.
.
النبيه :/
صح .. أحيآنآ تعرف أن الشخص اللي أمامك " يحب " يجلس ...وتكون وأنت وإياه فاضين ..
لذالك لا ملامة من التلزيم ..
وحاول تقلل من المجاملة .. ترتآح أكثر .!
أشكر لك حضورك ..
.
.
.
.
رمز الإبداع :/
صدقت .. عاداتنا كثير منها توآرثنآهآ منها الجميل ومنها " ما لأمه داعي " .!
أشكرك ..







.

[عُباب]

اقتباس المشاركة الأساسية كتبها كَـارِيـزْمَـا © . للغموض تعبير :/ (معروض العقيلي ) هه ..وش .. معنآهآ ؟؟! نورتي المتصفح .. وإني أعجب بقلمك

المشكله إني بالشرح ماعندي ماعند جدتي
معروض العقيلي يعني مثلا أقول لتس تعالي لمنا و أنا ما ودي بس إني أقوله عن قولة ما قلت<< شرح متميز مختصر
+تحية إحترام لذاتكِ

[ذكـريـات الصبـا]

اقتباس هل أنتم من أهل التلزيم ...؟ -- ألآ ترون أن هناك إحرآجآ لـ الملزم عليه ..؟ هل مررتم بموقف " تلزيم " عطّل بعض أشغالكم .. و لبيتم مكرهين

لست من اهل التلزييم , أما الإحراج أعتقد يختلف من شخص لآخر فالبعض يكون هو من يريد أن يُلزّم عليه أما البعض ( أقصد الذي يكون مكره ) يصاب بالإحراج ..

نعم مررت , و انا من النوع كما ذكرتي مره .. مرتين .. لآ أكثر حتى و إن كان غالي و عزيز ,,


كاريزمآ

شكراً لكِ
موضوع رآئع ,,

[سمو احساسي]

موضوع راق لي
وماودي ارد بس ملزَم علي>>هههه دعابه
بالفعل ثقافة التلزيم أرى أنها مفعَله عند الكبار وتخف الفعالية عندي الصغار
وأرى انها ربما سجيه طبعها المجتمع بأفراده من باب التقدير أو إثبات لفعل شيء ما
وعلى طاري التلزيم
ذكرتين بموقف ذات يوم كان عندنا ضيوف وكانوا محارم للوالد المهم ان أحد الضيفات حضرت متأخره إلى حد ما فكنا ع مشارف الانتهاء من احتساء القهوة وما يتبعها من التمر واطباق الحلى والشوكلاته المهم هممنا بتضييفها بحكم تأخر حضورها المهم بدأت عبارة التلزيم تخرج من هنا وهناك لم تتذوقي ذاك الحلى ولا تلك الشوكلاته جربي قطعة الكيك انها....ومن هذا القبيل فنظر أبي نظره وقال للأسف لم يضيع النساء ولم يجلب لهن السكر والضغط الا من جراء ثقافة التلزيم هي تأكل مجاملة ع حساب نفسها والضحية صحتها ...فالتلزيم اما ان يسلب من وقتك او راحتك او يحدث خللاً في برنامجك اليومي
لكن للأسف هناك شريحة من الناس لا ترضيهم إلا سياسة التلزيم حتى في أداء الواجبات اليومية...
سؤال يطرح نفسه<<
برأيكم من هو ضحية التلزيم المٌلَزم او الملزم عليه؟
شاكرة ومقدرة <<كاريزما طرحك الممتع
دمتِ قلم ينبض بالابداع <<يعطيك العافية