[اميـr]

يا جماعة الخير .... الزكاة راح تحد من رفع سعر الأراضي
لأن صاحب الأرض مضطر يبيع الأرض حتى لا يحول عليها الحول ويسدد الزكاة على أرض جالسة
والي راح يكون الربح فيها من قيمة الزكاة كل سنه

تخيل أنت عندك أرض الزكاة عليها 50 ألف
وهي قيمتها مليون ونص والربح فيها 150 ألف

يعني خلال ثلاث سنوات ما أنباعت راح يكون الربح راح على الزكاة واذا طالت المده راح يكون خسران فيها
وراح يضطر يبيع الأرض

وأنا أتكلم عن الأراضي الشاسعة فما بالك في الــ 600 متر ونت نازل


بأذن الله راح يكون فيه هبوط حتى لو كان بسيط من أسعار الأراضي
ونقول أن شاء الله

[ممدوح الطرس]

ياليت يكون كلامك صحيح

[جمراوي]

كيف ترخص الاراضي والطلب ااكثر من المعروض وبعدين اللى يبي ينطبق عليها الزكاة الارض الخام والبلوكات اما القطع المترامية فهي املاك شخصية ولا ينطبق عليها القرار ولك تملك الى سبع قطع هذي ما عليها زكاه .طييعا اذا زادت القطع يفرغ مثلهم باسم زوجته واولاده والتحايل كثير اكيد يبي يلقون ثغره يتلاشون منها الزكاة.

المصيبة ان الديره مثل بريده مقبله على طفرة ارتفاع جديده بحكم القادمون الجدد اكثر من 10 الف اسرة تابعة للحرس وهذا يبي يزيد من الاسعار وهجرة اهل الشمال للقصيم المتزايدة رفعة الاجارات ..,
والمشكلة تكمن بالامانه واللى الان لا تعطي ترخيص مخططات بالشمال يقولون بالخطة 1434ه تهذيب الشمال ودخوله النطاق يقصدون مخطط اليحي والنور والصقري المستحوذ على غالبية الجهه الشمالية..

الله يسهل للمسلمين ويعجل بالفرج ويرخص الاسعار..

[عيون ناعسه]

الله يبشركم بالخيررر
ويسعدكم ويسركم
يااااريت والله
هذا يصير
الله يخلي لنا أبو متعب

[اميـr]

اقتباس المشاركة الأساسية كتبها جمراوي كيف ترخص الاراضي والطلب ااكثر من المعروض وبعدين اللى يبي ينطبق عليها الزكاة الارض الخام والبلوكات اما القطع المترامية فهي املاك شخصية ولا ينطبق عليها القرار ولك تملك الى سبع قطع هذي ما عليها زكاه .طييعا اذا زادت القطع يفرغ مثلهم باسم زوجته واولاده والتحايل كثير اكيد يبي يلقون ثغره يتلاشون منها الزكاة. المصيبة ان الديره مثل بريده مقبله على طفرة ارتفاع جديده بحكم القادمون الجدد اكثر من 10 الف اسرة تابعة للحرس وهذا يبي يزيد من الاسعار وهجرة اهل الشمال للقصيم المتزايدة رفعة الاجارات .., والمشكلة تكمن بالامانه واللى الان لا تعطي ترخيص مخططات بالشمال يقولون بالخطة 1434ه تهذيب الشمال ودخوله النطاق يقصدون مخطط اليحي والنور والصقري المستحوذ على غالبية الجهه الشمالية.. الله يسهل للمسلمين ويعجل بالفرج ويرخص الاسعار..

والله الأسر القادمة من الحرس والخاصة باللواء الأول من الحرس
هذي مصيبة (( لحالها يبغى لها ميزانية )) ناهيك عن زيادة الأمور التي لا يحمد عقباها
والله هالخبر يضيق الصدر

[الخفيات]

اقتباس المشاركة الأساسية كتبها اميـr لا وزيدك من الشعر بيت في سلطانه الشرقي خلف وكالة الجزيرة لسيارات حصلت أرض أعجبتني مساحة 600 قلت أبي أسئل عن سعر المتر قال المتر بــ 800 ؟؟؟؟ قلت عسى ما شر الحين الموقع قريب من وكالة سيارات وهذا سعر المتر قال هذا سعر المتر هنا قلت شدعوا والله لو الأرض قبال الحرم

أقولك اشتريها بهذا السعر وإذا خسرت أنا أعوض الخسارة لأن العكيرشة أو خلف قصر العزيزية طريق الشاحنات باعو المتر قبل تقريبا اسبوعين ب 750 ريالا للمتر
وبعدين القرار سوف يطبق على القطع الصغيرة أما التجار فسوف يجدون طريقة للتحايل على هذا لقرار فإذا عندك أرض لا تنهار وتبيع بخسارة وريح نفسك