[نوف الحلوه]

الله يوفقك

[سر الوجود]

القصر موعيب وعلى قولتك اخلاق ليش لا الله يوفقك يارب

[صمت النار]

بكل صراحة كنت ناوي ارد عليك رد قاسيلكن لما عرفت انك من الرياض تراجعت
لكن اتمنى ماتكون البنت من بريدة ، اخاف تكون من الاعضاء او زوار المنتدى وتقرا موضوعك

المهم

انت داخل على زواج وحياة جديدة فلازم يكون لك الراي وليس لغيرك ، وانتبه من الان وطالع مو كل شيء تستشير فيه الغير

ثم ياعريسنا تعيب على البنت قصرها وانت بنفسك قصير ،

واذا تسال عن العيب من ناحية نظرة الناس واذا جلست تمشي معها ، فهنا اقول لاتتزوج افضل وبدون زعل

لكن اذا تسال عن العيب مستقبلا بمعنى تاثيرة على الابناء فهنا اقولك يعتبر مشكلة ولا نقول عيب وبالاخص اذا كان اخوتها واخوتك جميعهم متقاربين من طولكما
فاعتقد ابنائك بيكونوا قصار والله اعلم ، لكن اقول هالكلام من واقع اقارب لي

اخيرا ،،، اذا قصرها مسبب لك هم وحيرة من الان فنصيحة لك ولوجه الله اصرف نظر عنها افضل لك ولها ، اما اذا انت واثق من نفسك وان مسالة القصر لن تشغل تفكيرك مستقبلا اذا تم الزواج فتوكل على الله وتزوجها

وهناك نقطة مهمة جدا ، احذر احذر من الوسواس ولا تجعل لشيطان طريق بينكما

 

[ونـاسه]

اعتقد ان البنت قصيرة >> بالنسبه لي ..

لكن معليش انت بعد تراك قصير .. والفرق بينكم معقول ( مايتعدا شبر)..

وانا اقولك بما انه لم يخبرك احد بانها قصيرة .. يعني فيما معناهـ ان قصرها طبيعي بالنسبه للنساء ..

ومع ذلك يااخي الكريم لاتطمح بان تلقى فتاة كامله في الجمال .. فالفتيات قليل فيهن الجميل ..



فانا انصحك بانه اذا كان رأسها يصل الى كتفك .. فاستعن بالله وتوكل ووافق عليها ..

واجعل نيتك خالصةً لوجهه الكريم وستتيسر امورك ..


>>>>>>> الف الف مبروك ومنه العيال ومنك المال وحياة سعيدة اتمناهـ لكم <<<<<<<<<

[أملي رضاء ربي]

اممممممم احساسي يقول انك مو صادق .....واذا كنت صادق فغريب رجال يعرض امور خاصة بالنت وانت تدري مين الي خلف الشاشة

مين ؟ عمرة كم؟ اخلاقة ؟ جنسيتة ؟؟ انطباعاتة ( كل مجتمع لة عادات تختلف ) ؟؟؟؟

صحيح بتأخذ راي احد ماتدري مين !! ولا تدري وين !!

ماينفع تسذا ابد.....استشر اهل الاختصاص من المقربين لك هم اعرف بشخصيتك يعرفون هل انت متردد او لا ؟ ويقيّسون على حسب طبعك ::

واذا ماعندك مقربين ينفعون للاستشارات ...فالمختصين التربويون كثّر ولله الحمد وعندهم مكاتب وارقام ...

اشرح شخصيتك وحالتك لهم بالاتصال ويدلّونك على الصائب .....


......................

وبما ان كل الاعضاء عطوك رايهم

فـ (أنا)....... ابقول رأي
"
"
"
"
"


القصيرة املح توحي بالانوثة


ولا تبي قدامك لاعب كرة سلة خخخخخخخخ

والله قهر بنت اجاويد +اخلاق + ادب + حفظ قرااااااااااااااااان

نعممممممممممممممممة احمد ربك وين تلاقي بنت بهالاوصاااااف

انتبة تاخذة إذا كنت بتعذبة يبدو انك راعي تردد ...الله يعينكـ،،، ويختار لك مافية خيرة

[مجرد ذكرى]

أخوي مشعل
أتمنى تطلع من الموضوع أو تطلب من الادارة حذفه
وقسم كل الاعضاء ردودهم بتزيدك حيرة على حيرتك أصلن كيف أنت تكتب مثل كذا هذي أمور شخصيه خاصة فيك مهما تكلمنا حنا وعطيناك الرأي ماراح نكون مثلك يالي شفته بنفسكـــ

أنا مع رد العضوه قماشة والعضو الرجم العالي

اقتباس الإستخارة والدعاء , واحنا ماراح نفيدك بشئ انت اللي شفته وانت اللي تحكم عليها , والله يوفقك لما فيه الخير لك ولها ...

[ابو يزيد.]

والله يااخوي هذي حياة ولاتتعب بنت الناس معك

احسم الموضوع بشكل قاطع


اسمع اذا الفرق بينكم اكثر من 10 سم فهذا فرق كبير برأيي يمكن تراه بنفسك عيب ويعدي لكن لاتترك المشكلة للمستقبل


لاتحتار خذ ورقة معك واكتب النسبة من خلال ماتحس فيه اذا كانت نسبة عدمرغبتك فيها اكثر من 51 % فالبنات ماليات البيوت ولاتظلم نفسك وتظلم بنت الناس معك واسال اهلك عنها

اما اذا كنت مرتاح فلاتتردد

وانت شف نظرتك لهالعيب هل هو برأيك اساسي او ثانوي؟؟

[أبو رُبـــــى]

دين وخلق .. !

توكل على الله بس وتزوج ولا تنس تعزمنا ..

القصر ليس عيباً يكفي أنها ذات دين وخلق ..

[عربي أصيل]

اقتباس المشاركة الأساسية كتبها أبو رُبـــــى دين وخلق .. ! توكل على الله بس وتزوج ولا تنس تعزمنا .. القصر ليس عيباً يكفي أنها ذات دين وخلق ..

بس التناسب مطلوب ..

[فارس 2011]

وش دعو تبيها طويله عندكم مزرعه تبونها تخرف النخل

[عربي أصيل]

اقتباس المشاركة الأساسية كتبها مشعل الليل قبل يومين كان موعد النظرة الشرعية ورأيت من أريد الزواج منها ولكن يعيبها القصر ............ فهي متدينة وخلوقه ومن عائلة محترمة وتحفظ 20 جزء من القرأن ولكنها قصيرة .... هل القصر سبب كافي لرفضي لها .... أنا في حيرة أخشى أن أرفضها فأندم وأخشى أن أقبل بها فأندم .... بصراحة البنت شكلها مؤدبه وأحس سيكون إنسجام بيني وبينها ولكن هناك حاجة في صدري من قصرها .... صليت أستخارة كثير ومازلت حيران .... ياليت ياأخوان تفيدوني .... لازم خلال أسبوع أخبرهم ماأبي أطول عليهم كثير ....

حبيبي والله ...
ما عليك كثير مثلك يحتار ويصاب بالتردد في مثل هذه الأمور .. وأمور أخرى
أولاً : وقبل كل شي واصل الاستخارة ولا عليك إن شاء الله .. << وحاول تتبع راحة قلبك ..
ويا أخوي الزوجة المكتوبة المقدرة لك راح تاخذها غصب عليك وغصب عليها وعلى أهلها وأهلك كمان ..
وإذا ضليت محتار معليش حاول تأجل الرد عليهم أشوي حتى تثبت نفسك .. أهم شي لا تستعجل يا بعدي .
وتراه ما يمنع إنك تطلب منهم شوفتها مره ثانية لعلك بعدها إن شاء الله تتخذ قرار نهائي وأنت مرتاح ..
وأرى أن التناسب مطلوب ..
الله يوفقك بالخيرة المباركة ويرزقك الزوجة الصالحة الطيبة الحنونة يا رب ..

[الخاله]

الله يكون بعونك استخير واستخير اكثر من مره

واذا قررت الموافقه الله يوفقكم واذا قررت الرفض وضح السبب لولي امرها انهاا مافيهااا عيب ولا شي بس انت تبي طويله ,الصراحه راحه وافضل لكم كلكم
الله يكتب لك الخيرة المباركه والجميع

[بنت القصيم مثل النسيم]

عادي اخوي بلعكس الحين اشوف كثير يدورون قصيره
ومادام مشألله متدينه وحافظه من القران زين
وحس ان الطول لرجال والقصر للنساء
الان بزماننا قليل تلقا مثله
الله يوفقك

[فنجان كيف2]

استخر وبعد كذا
هي جميله اذا انه جميله واخلاقه عاليه يكككفي
لاتصير مشكلتك الققصر
لاتتأخر ع اهلها ب الرد