[غدا أجمل*]

اقتباس المشاركة الأساسية كتبها ابو خميس ان ماقلت شي بس بدال المقاطعه والحملات وتكبير الموضوع وهو اصلا لايحتاج الى تكبير .. الحل الانسب هجر منتجات شركة المراعي حتى تنخفض مبيعات الشركة وتحس بالخساره وترجع السعر الاول حل سهل .. تحياااااااااااااااااااتي

الحمدلله
وش الفرق بين الهجر والمقاااااااااااااااااااااطعه؟؟؟؟

[يازين الحر]

.

وه
أول مره ابدئ رأيي بهذا المقاطعه
ان شاءالله تصير قعاطه بمقابل شركه طماعة
المشكله لبنهم زين <<

[ابو صالح .]

اقتباس المشاركة الأساسية كتبها ابو خميس طيب اذا هجرت انت وغيرك منتجات شركة المراعي تهقا تبي ترفع سعره ؟؟ والا تنزله ؟؟ اخلي لك الجواب انت تجاوب ... تحياااااااااااااااااااتي

أنا فااهم قصدك انو بدون ضجه إعلامية وتكبيرللموضوع

واقولك أحنا شعب نفسي نفسي وهالحملة جت كالمعجزة
وكمان أحنا شعععب مافيه ثقاافة انو رفع السعر يتركو لا يشتريه ويقول انا واحد وش اشكل طبعا هوعنده القدرة المالية لكن يخاف يرتفع زيادة لحد مايوصل سعر مابيقدر عليه لكن يحبط ويقول خلها على ربك اناواحد والي يشترون كثير

فلما يشعر إن العالم كلها مقاطعة يتشجع ويقاطع لأن شعر أن الناس متكاتفه ويقدرون على إنزال الأسعار وتأديب المتلاعبيين .

[أبو رُبـــــى]

بس ولو

[أبو رُبـــــى]

طيب أنت تبين أرد على موضوعك صح ..؟

طيب .. يا حبيلك لو كل واحد قال مثل ما تقول كان تلقى كل يلعب علينا ويرفع السعر ولا نقول شيء ..

يعني ينهبوننا ونسكت نقول همن عاد ريال وش يضرنا ..؟
لا يا حبيلك يجب مقاطعة كل من يتلاعب بالأسعار ويستهتر بالمواطن ..
وأنا سمعت أنه فيه حملة في الفيس بوك أو منتدى جديد لمقاطعة كل من يتلاعب بالأسعار .. والله يقويهم .

يعني مقاطعين مقاطعين ..

[[ أمــيــرة ]]

صحيح كلآمك ..

ريـآل ريـآل أشغل البعض؟! ..

[خادم الوطن]

حبيبي أبوخميس أتمنى أنك بصحة وعافيه ..
حبيبي أنا ولا شك في هذا أني أقدر وجهة نظرك وأحترمها .. لكن ربما أنك من الناس المشغولين حتى تحظى بفرصه للدخول للنت إلا ما بين فتره وفترة مما تسبب ذلك لك بهذه التساؤلات <<< كما أعتقد أنك لك هواية لبعض المواضيع المعينة التي تعطي لنفسك فرصه بالإطلاع .. لذلك قد يخفى عليك الكثير من ما استنكرته ..
بما أنك طرحت هذا الموضوع ووضعت عدة تساؤلات حوله .. أرى أنك لو تطلع على كل المواضيع التي نزلت في هذا المنتدى تخص هذا الموضوع ..
ولا تنسى منتدى المقاطعة أن تطلع عليه وعلى مواضيعه .. وأنا واثق أنك سوف تجد إجابة لتساؤلاتك ..
أخوك ...

[ماجد عبدالله .]

الريال يسوي بلاوي يعني لو معك مليون واخذت منه ريال كم يصير ؟
لو تحلم مراح يصير مليون من غير متزود ريال واحد < عرفة اهميته الحين .

[فنجان كيف]

لو صار كل مواطن يدفع ريال زياده بيكون بدال ما المكسب 7 ملايين يكون 8 ملايينوبعدين لو نسكت نخاف يعدين يصير 15
اتمنى من الاشراف حذف الموضوع الي ماله دااااااااااااعي

[مامونه 2002]

كلامك صحيح الي مأيبي يشتري يربط له بحوش بيتهم بقره ويبداء يسوي شغله <<<مبالغه .

بس اياكم وقطع الارزاق
((قطع الاعناق ولا قطع الارزاق))

[إسـتـفـهـام؟]

هههههههههههه شكلك تشتغل بالشركه وعلشان كذا مقهورر بعدين وش اللي حارق رزك نقاطع مانقاطع وش علييك الا إذا كنت من العاملين بالشركه هذا موضوع ثانــي

أولآ اللي قاطعوا الشركه أقولهم كفوووو
اليوم يرفعون ريال وبكرا خمسه ريال

[سندرلاالفايزيه]

اقتباس المشاركة الأساسية كتبها ابو خميس بسم الله الرحمن الرحيم .. تسيف انتم عساكم زقيح ... اشوووووف في هالايام موضوع تردد كثير وهو مقاطعة شركة المراعي يعني استغرب من العالم يقاطع شركة علشان انه زودة ريال بس ريال هي قعاطه مثلا يعني ؟؟؟ :: اللبن منول بـ 6 وصار بـ 7 ولا قلتوا شي واسكتو ... والعالم بدت تشري لاقاطعة ولاشي رغم انه كل الشركات زادت ... وهالحين زودة شركة المراعي بديتو تقاطعونه وراه علشان انه زودة ريال غريبه والله ... يعني انت يالمواطن يالمستلك مابه شركه الا المراعي علشان تقاطعه يالله لك الحمد مليااااااااان شركات ماوقفت هي على اللبن او الزبادي او الجبن او اي منتج من شركة المراعي ... يا اخي المواطن هاذي شركة المراعي تبي تشري منه اشر منتب شاري بكيفك موب تسوي على الشركة حملة مقاطعة وانا استغرب من الاعضاء اللي مسوين تواقيع حملة مقاطعة للشركة يا اخي تسوي حملة مقاطعه علشان ريال هههههههههه كل ذي قعاااااااااااااااااااطه .... اعذرووون يوم يرسم الدنمركي الكلب عن المصطفى اللهم صلي وسلم عليه ماقطعتوا المنتجات الدنمركيه الا بعضها وبعض المنتجات موجوده الان بالسوق بس شركة المراعي تقاطعونه علشان زود ريال هههههه صدز شر البلية مايضحك صدق الفلوووووس تغير النفوووووووووووووس ... اعذرووووووون الصدز الموضوع عندي مقفل لانه ماله داعي انك تحارب شركة علشان ريال ..... وتراي ادري ان الموضوووووووووع يبي يحذف بس مايخالف متعود تحياااااااااااااااااااااتي

مع الاسف...طرحك يعني عدم احترام المجموعة....المسألة ليست زيادة ريال أنما هي مبدأ...والسوق عرض وطلب وللشركة حق أن ترفع ,,,وللمواطن_ أأوأكد_ ع_ المواطن,, ابن البلد.,,..أن يشتري أويبدل خط الشراء,,,ورأيك يخصك ,, لك الحق أن تطرح رأيك ... وليس لك حق ان تفرضه علينا... ياأخي القلم أمانة ,,والوطنية مواقف يقاس بها الوطنيون...وعلم أن يد الله مع الجماعة...هداك الله...

[خادم الوطن]

بغض النظر عن الفتنة التي ممكن أن تحصل بل وحصلت جراء رفع شركة من الشركات سعر أحد إنتاجياتها ومن ثم الإقتداء بها من الكثير من الشركات سواءً تشابه نشاطها أم تخالفه ..
هل تعلم بأن زيادة هذا الريال الذي تتحدث عنه يشكل هذا الارتفاع 13% من قيمة عبوة اللبن هذه .. ولا شك أنا هذا ارتفاع يعتبر ضخم وثقيل ..
من المفترض نحن أن لا نقيسها على القيمة والنظرة بل يجب منا أن نقيسها بنسبه الزيادة المقررة .
مثال : لتوضيح الصورة لنفترض أن قيمة سيارة مئة ألف ريال لنوع من أنواع السيارات .. وقرر الوكيل المورد لهذه السيارة رفع سعرها من قيمتها 13% ليكون سعرها مئة وثلاثة عشر ألف .. ألا تعتقد أن هذا الارتفاع يعتبر كبير نوعاً ما ء ..
باعتقادي أنها تقاس بهذه الطريقة ..
غير أن التلاعب بالأسعار هو بالفعل ممارسه الصوصية في هذا الوطن ومحاولة العبث في متطلبات المواطن وإثقال كاهله ..
حبيبي نحن نخشى أن ما فعلته هذه الشركة من ارتفاع يعد سهلاً وبسيطاً من وجهت نظرك أن يوافق هذا الارتفاع سلسلة من الارتفاعات للمواد الغذائية لشركات آخري كما قلت إقتداءً بها .. ثم بعد ذلك تلحق وتنتقل هذه الآفة إلى باقي الصناعات التي يستهلكها ويحتاجها المواطن ..
يا غالي آمل منك إعادة النظر في ما ذكرته حتى تكون عوناً لإخوانك في هذا الوطن ..
حبيبي تقبل مروري وتعليقي مع شكري وتقديري لك ..

أخوك ؛؛؛

[غزال وان]

يا اخي انت تدور وترجع على هجر منتجاتهم وهي هذه المقاطعة لكن بثوب التعاطف.
وبعدين تذكر ان لكل فعل ردة فعل والمقاطعة هي ردة الفعل وردع لمن لا يهمه المواطن لايهم الا زيادة المكسب باي طريقة كانت.
لكن تذكر كلام عمر رضي الله عنه واحكم.