[القنزهـ]

كل يوم طآإُلعتن سإُلفتن لهالمشروعَ .. !!


ولآأدري وش الصدزٍ من التسذب !!..

[ثابت5]

السبب ياحبيبي إنه ما قدروا يستفيدون من وراء الراجحي فبدأت الحجج والملاحظات الغير مقنعة..

سؤال: هل هناك مشروع بدأ وانتهى بنفس المدة المحددة؟
أم أنه التلاعب المشترك من قبل المقاولين والمسؤولين عن شؤون هذه المدينة.
يستلم المقاول أعداد كبيرة من المشاريع، وحفرة هنا وحفرة هناك، ونأخذ لنا مشروع آخر.
تحياتي..

[كتكوته]

الحسد يا اخوان ..هو الدمار لكل شي.

[يربش بريده]

حسبي الله ونعم الوكيل

[إليـن اليـوم..!]

اقتباس المشاركة الأساسية كتبها منصوور خوذوا العلم من اخوكم ليس على كلام اهل بريده لا الدفاع المدني موقفه ولا البلديه على قولتهم الموضوع اكبر من كذا لأن الراجحي يبلش ببلديه ولا بخرابيط زي هاذي العالم فتحوا مؤسسات وجابوا عمال ولعبوا على البلديه والدفاع المدنيه وهم بزران مو عاد الراجحي اللي علاقته بالملك والامراء والوزراء الموضوع الاكيد ومن المقربين جدآ من المسوقين بمشروع صحار يقول بالحرف الواحد ان اللي ماسكين المشروع هم من الجنسيه المصريه (شباب الثوره) طبعآ من شباب ميدان التحرير هههههه يقول انهم لاعبين بالقش ومكلفه الفله مع السرقه فوق المليون يوم جو يبيعون شافوا ان السعر خيالي يعمر الواحد ازين منه ماتكلفه ولا 900,000 ريال وبالموقع اللي هو يبغى مو بالمشروع نفسه جنبك واحد من جيزان , جنبك واحد اجنبي . جنبك جنبك جنبك يعني مو الجار اللي على كيفك كنه شقق مجموعين غصب لذلك شافوا ان التكلفه فوق المليون يعني كم المكسب اقل شيء 200.000 يعني مو معقول العرض ابد كذا لذلك الان فيه لجنه للتحقيق بذلك من قبل الراجحي نفسه طبعآ اللي ماسكه ابنه عمر اسمه ولا يدري مقر الشركه حقت المشروع بالرياض لذلك ماعمره طب بريده شكله لكن عسى الله ينجزهن ويخفون الناس من الايجارات علشان ينزلن شوي وانا شايفه بمؤتمر صحفي قبل كم شهر يقول بعد كم شهر سيعلنون ابنائي عن الحراج للمنازل الموجوده بمشروع صحار الله يرزقه والله يوفقه هذا ماسمعت من زميلي

[ابو حمد 2007]

اقتباس المشاركة الأساسية كتبها no problem الموضوع كله أخطاء إملائية ودي أدري منه المدرس اللي نجحك بالاملاء......

حبيبي الكلمة اللي باللون الأحمر ناقصها همزة والصحيح (بالإملاء) ؟؟؟

[امنيتي عزة امتي]

سمعت ان السبب في التوقيف اهل عنيزه يريدونه يستثمره عندهم والله اعلم

[الشكش]

مع التحبة لكاتب الشاركة موضوع الاسكان في اي مكان كان

بريدة للجميع ولا فرق شمال اوجنوب المهم يتم التنفيذ ليفك الازمة

بالنسبة للابراج لا من خارج القصيم ولا خارج بريدة المشكلة عنننننننندكم

تحياتي للجميع

[no problem]

اقتباس المشاركة الأساسية كتبها ابو حمد 2007 حبيبي الكلمة اللي باللون الأحمر ناقصها همزة والصحيح (بالإملاء) ؟؟؟

أنا قاصد هالشيء و أنت الوحيد اللي لاحظ
لو تشوف الكلمة الأولى كانت بهمزة والثانية بدون همزة

عموما
أنا ما عندي مشلكة إن الواحد تكون عنده أخطاء إملائية إذا هو يكتب بالعامية
لكن إذا الشخص يكتب بالفصحى فيجب أن يحترم اللغة ويكتبها صحيحة

[رمز الوصل]

واضيف كذالك:
ان ايقاف مثل هذا المشروع في مدينتنا الغاليه
يجعل اي مستثمر يتردد في الأستثمار في بريده الغاليه
وعن سبب الايقاف فهو بسبب الأمانه والدفاع المدني
وليس بسبب ارتفاع تكلفة البناء لان المشروع مدروس جيدآ
وليس بالسهل وقوع مفأجات بالشكل هذا من مهندسيين اوغيره
هو توقيف من دوائر حكوميه
تحياتي

[الرجم العالي]

والله ينتم ماتفهمون اللي يقول البلديه واللي يقول الأمانه ،،واللي يقول الثوره وكلكم تولفون علينا !!!!

وفيه عضو يقول اهل عنيزه اللي موقفينه (انا سمعت إن اهل البعيثه هم اللي موقفينه): d

المشروع مٌعد لتاريخ معين سوف يٌجري البيع فيه ،، ياحبيبي انت وياه تحسبون اللي عامرن (ابوعزيز) ماصدق انه

يطلع اسمه من البنك على شان يعمر !!!هذا الراجحي !! اجل هي خذني جيتك الدعوى..

تحياتي ياصاحب الموضوع ..وبعدين زين خطك المره الثانيه

[اميربنظرتي]

اقتباس سمعت ان السبب في التوقيف اهل عنيزه يريدونه يستثمره عندهم والله اعلم

هههههههههههه والله ياخوان مركم عجيب جدا
انتم ياالبريداويه ماعندكم الا قوه تصريحات
كلن يصرح من عنده اللي يقول البلديه واللي يقول واحد مشتكي عليه على شان البرج كاشف على بيته
واللي يقول مافيه مواقف
خلو عنكم هالتصريحات والكلام الفاضي واهتمو وأنشغلو بأموركم احسن لكم. لاتنشغلون بأمور مالكم فيها والكلام هذا مطبق علي بعد
اخير تحياتي لكم و مبروك عليكم الشهر

[km0311]

اشكر جميع من شارك في الموظوع

ولا اشك في سبب ايقاف المشروع سوى ناس متتخصصين في العقار (( هوامير عقار )) ومتنفذين في البلد

لن لو عمل ونجح هذا المشروع سوفى يحل من مشكلة الاسكان في مدينة بريدة بنسبة 20%

واذا نجح المشروع وخفظ الاسعار الايجارات الي 20 او 30 % كيف يكسبون مساكين وكيف يبيع اراضيهم بشمال وشرق وغرب بريدة

اراضي مكنوزه الوحدة تصلح مطارات لنه بالكيلاوات مجمدينه ليش (( والمصيبة انه منح وشرهات واحيى زراعية ))

الراجحي رجل شرا الارض بقروشة وبناهة لخدمة (( بريدة )) وهذا مايجازا يوقف مشروعه بحجج وهيه

رجل ليس ابن بريدة بل ابن البكيرية ونفع بريدة ويحاسب بهذه الطريقة

جيبولي ابنا بريدة من يملك كيلوات الشمال اراضي بيض او بختصار مطارات الشمال

ماذا قدم لبريدة نسمعة اسمة فقط لامشاركات اجتماعية ولا غيرة نشوف يترزز ببلاش ببشت ماكلفة 1000 ريال ومغسول الف مره

وكلنا امل بصاحب السمو الملكي الامير فيصل بن بندر ونائبة الامير فيصل بن مشعل حفظهم الله
بوظع النقاط على الحروف في المشاريع التنموية لمدينتنا العزيزة

[Ricky]

صحيح مشروع الراجحي موقف من نفس المالك ولا للأمانه دخل وللدفاع المدني دخل ..
لأنه شاف ان المكسب زهييد بالنسبة لقيمة وتكلفة المشروع واتوقع انه قرر بإيقاف المشروع لعل وعسى يجيه الفرج من رب العالمين ويرتفع العقار ..
يعني يبي له كم سنه لين يجي لبريدة كثر اللي موجودين به اللحين ..