[دفا.]

طبعا رأيك احترمه

وكل المشاركات مفترض تحترم من الجميع

لان المواضيع تطرح للنقاش
وليس للاتهام كما يفهمها البعض
ويبداء مسلسل
الحذف والايقاف

\
\
\
\

بالنسبه للمهرجانات

بالعكس بريده هذه السنه
توقفت عن الاحتفالات
لاسباب انسانيه

فكيف تحتفل
على انغام ومصائب
اخواننا

مثلا في
الصومال

واخواننا يقتلون في
سوريا

وليبيا لازالوا في محن

ومصر العزيزه

بمعنى العالم الاسلامي
جسد واحد

\
\
\

إذآ

الاحتفالات توقفت
لاسباب انسانية

فالمؤمن يفرح لفرح اخوانه
ويحزن لحزن اخوانه

\
\
\

هنا رأيت ان اذكر سبب توقف المهرجانات

فالعتب المفروض يكون على
أهل جـــــــــــــــــــــــدة

كيف تستأنف المهرجانات
على انغام وحزن
اخواننا
المسلمين


اما مبداء الاحتفال
فكلما توافق
مع الشرع فهو مطلوب
فالفرح في العيد
من العبادة
اي انك تظهر الفرح
والسرور

فالوسائل سواء مهرجانات
او اجتماعات اسريه
هي وسائل
تعبيرية
لاحياء شعيرة
فرحة العيد

الاهم ان تتوافق مع الشريعة



ومسئلة المحاذير الشرعية
المفترض هي الاساس
وهي من مهام ومسؤولية
من يقوم بتنظيم تلك الوسائل

فكلكم مسؤول عن رعيته


على العموم اشكر لك طرحك
للموضوع

ويكفي ان في النقاش
ادراك ووعي

[قــــراقــــوش]

اقتباس المشاركة الأساسية كتبها حفيد اعقيل . . إذ كانت بريـدة لاتعني لك شـئياً وأنا أعلم ذلك , فإنا والله إنه يجري حبها في دمائنا لك الحق أن تمدح ماشئت من المدن فهذا شأنك , أما أن تسئ لمدينتنا وفي منتدى يمثلها وكان الأحرى أن يقدم فيه صورة مشرقة عن هذه المدينة أنت بالغت بالإساءة ولن نغفرها لك حينما قلت الجنة سـاخراً ومستهزءاً وأنا أقول من أين أتيت أنت ؟؟ هي والله عندنا من جنان الأرض .. لاأدري لماذا إذا أراد أحدنا أن يتحدث عن موضوع راق له فإنه لابد أن يقحم بريدة فيه . .

لا لا أخي قلبي
حفيد عقيل..

أنا ولدت في بريده وأحبها وأحب ناسها قليلا لأكون صريح معك

وأحب أرضها .. أقسم بالله انني أشتاق اليها وأنا بها ..

وأود أن أعرف كل شيء عنها..

ولكن أنا أتكلم وأقصد أن أناس بها يحسبون اللعب والركض والوناسة من صفات مايسمون "" الوراعين" وهي خلاف ذلك..

ولا تتهمني بما لايجوز وأنت الكاتب المميز والعضو المتميز ..

حفيد عقيل والله العظيم أنك من من أحترمهم في هذا المنتدى ... فأرجوك ان كنت أخطأت فسامحني وأنا والله لا أقصد الاساءة بقدر ما أقصد النقد البناء والرجاء لمدينتنا بالرقي ولارتقاء دائما..

تحياتي لك..

واسف صاحب الموضوع على الخروج الصغير هذا..

[خطوط ابداع]

الحممدلله حنا بنعمه كبيره ..
وهذا طبع ابن آدم يشوف دايم الي اعلى منه ويتذمر فلو انه شاف الي اقل منه
وحمد ربي على النعمه الي هو فيها كــآن أحسسن .. ...,

[رهين الذكريات]

موضوع في الصميم
شكرا لك

[المنخرش]

اقتباس المشاركة الأساسية كتبها HAH لاننا مازلنا على هذا عيب وهذا حرام (ولاتنسى كلمة والله ياهم فاضين) بالعربي ربعنا مو حقين مهرجانات واحتفالات

وكذلك مثل ماذكر الغالي
شيبان وازعاج

اقتباس المشاركة الأساسية كتبها manedl الحسره واضحه في حروفك . نفس الإحساس والمشاعر عند الكثير نلتقي بجده بعيد الفطر القادم اذا الله أحيانا

قدااام
شيكرن حبيبي

اقتباس المشاركة الأساسية كتبها هيفا بنت القصيم يعطيك العافية أخوي المنخرش على الموضوع الجميل تحياتي

هلا وسهلا ومرحبتين
شرفتي موضوعي

اقتباس المشاركة الأساسية كتبها ناوي اعقل والله وانا اخووك انا مثثلك هالسسنه تعيدت خـآرج القصصيم بس اوب بجدة انا تعيدت بالشرقيةة والله تحس انه يوم عييد صدق تروح للبحر تلقـآء اطفال يلعبون وشباب يسبحون وعوائل يشوون تروح للشورآع تلقاء الززحمه يعني تححس صدق انه يوم يختلف عن بقية الآيـآم اما اذككر العيد العام الساعه 9 احتري يجي الفطور مدري الغدآء علششان بس اكل مجامله لآقـآربي واطلع آروح انام من الكسسل الي بالناس الي قدآمي يعني كان الناس جايين للعيد غصصصب او كانهم داخلين عزآء لا وبعد المغرب كاننا بيوم عاادي يعني بما ان العائله تصير باسترآحه يعني مافيةة مهرجانات مساباقات فعاليييات يعععني على ماقال العييد بس اول نص ساعه حقت السلآم ع النااس همن نكووون كاننا بوسط السنه وطالعين باسترآحه عااديه ">_<" بس وانا اخوك العييد الجااي كودي اجي لجدهـ ونتلآقى هنـآإأك ضض1

هذا هو عيد أغلب المجتمع للأسف
جدعت هم

اقتباس المشاركة الأساسية كتبها بنت قماشه ايـــــــــــه صآدق .,’ عيدنا سلام وعليكم السلام وخلصنا .,’ لكن اعجبوني ناس ماشاء الله عليهم جايين من الرياض واحطين العيد ببيتهم اللي في القصيم (ماشاء الله البيت قصر ) وحآطين مسرح والعاب وطرطعان وحركه ودووشه عندهم < هذولا اللي يحسون بالعيد لادام انهم عارفين ان بريدة مابه الا الدجة

ونعم هههههه
هذولا عارفين وش ينتظرهم

اقتباس المشاركة الأساسية كتبها ابو سك لا عاد حنا عيدنا انواع الملل بس اشوى بعد ماقضى قام ولد عمي وقال اي اقتراح للعيد حنا نبي نستقبله واجيك انا استانس قلت ورا مانسوي دوري بين عيال العم قال ابشر ولا يهمك والله يانا ابعطيهم افكار بتخلي عيدنا احلى عيد : مسرحية وشعر واناشيد ومقابلات ومشكور على البموضوع يالغالي

أجل اعزمنا الجاية عندكم خلنا نشوف حصاد إقتراحاتكم
بالتوفيق يالغلا

اقتباس المشاركة الأساسية كتبها ابو يزيد. كلامك صحيح 100% اشكر لك مشاركتنا هذا الشعور

يسلمك يالغلا

اقتباس المشاركة الأساسية كتبها المتمرس اللهم تقبل صيامنا وقيامنا الصحابة رضي الله عنهم يدعون الله 6اشهر ان يبلغهم رمضان ويدعونه6اشهر ان يتقبل صيامهم وقيامهم ولله الحمد عندما نزور اقاربنا ونصل الرحم وندخل السرور على الأطفال ونجتمع معهم ونتسامر هذا هو العيد الحقيقي وليس العيد بالبهرجة والإسراف يأخي منذ ثلاثة ايام لم نستطع النوم بسبب المفرقعات هنا وهناك وحتى لو وضعوا مهرجانات كما ذكرت هل تختفي هذه الظاهرة بل ستزيد وتزيد وها أنت تقول جدة وجدة هل سمعنا بمهرجانات بالجنوب والشمال وحائل والقصيم عامة

جزاك الله خير

وهل هذا دليل بعدم الاستمتاع والفرح بيوم العيد ؟

اقتباس المشاركة الأساسية كتبها التويجري لا واللي يغثك لاجيت تدّهر نبطوا بك اللي حولك .. وكلهم شيبان وماسكين روسهم .. وكلمتهم وحدة : (انقلع هناك .. ترى روسنا موجعتنا .. ترانا قايمين من الصبح ودايخين محنب مثلك دابخة وجاي توسع صدرك علينا ..) الله يهب لهم قنبلة .. ياخي شيء واحد مشترك بين الجميع لاحظته أنا .. محد عنده استعداد يضحي عشان الآخرين .. محد عنده استعداد يتحمل الازعاج هاليومين ويضغط على نفسه مقابل وناسة الآخرين .. أهم شي أنا لاأحد يزعجن .. طيب رح عش بكوكب لحالك .. وتبي تلقى من هالنمونة بالموضوع ..

صدقت وربي وهم موجودي ومازالوا ولن يزولوا

اقتباس المشاركة الأساسية كتبها جمراوي ما شاء الله عيد سعيد..,~ الحمد لله على نعمة الاسلام العيدفيه دعوة بالقبول و تصفية قلوب وتسامح عما سلف اليوم الاول وفي اليوم التالي نبدى مره ثانية بالسحوور واللصيام حتى منصف شوال ما بين صيام الست ومن عليهم قضاء وبعدة تبدى الدومات والمدرس .. اما بخصوص المفرقعات وحججهم ليست الا مسألة اقتصادية تعرف الامانة مساكين ما عندهم فلوس يرممون الشوارع ويكمل المشاريع المتعثرة عشان يشترون طرطعان!!!!..,~

شكراً لك ياغالي

اقتباس المشاركة الأساسية كتبها الابريق فيه احد شاكيلك من بريدة يبي مهرجانات

ليش .. لازم أحد يشكيلي ..؟
متحدث رسمي أنا عشان أنقل كلام الناس ؟

أنا ولد بريدة ولي الحرية في التعبير والكلام كما يحلوا لي بحدود
إما أعطينا رأيك .. أو أكتفي بالمشاهده

اقتباس المشاركة الأساسية كتبها ...< الساحر >... اول شي الحمدلله على نعمه العفو والعافيه وكمال نعمته علينا بالصيام ونحن في بريده بنعمه وقضينا عيدنا بمسرات وسعاده لا تهمنا المفرقعات فا الفرح في القلوب بالوصل ففي هذا نفرح بصله الاقارب وجمعاهم وانت تفتخر ببعدك عنهم من اجل بعض المفرقعات والاشياء الشكليه فرحه العيد تنبع من قلب مؤمن فرحته بكمال الصوم ولقاء الاحباب وليس الاسراف والتذير والمبالغه في التجمعات والاختلاط وغيره من مظاهر الفرح المزيف اذا كنت سعيد في بعدك عن ديرتك من اجل مظاهر زائفه فا اقول لا تعمم نحن سعداء في بريده وعيدنا من اجمل ما يكون والله يجعلنا من عواده

المفرقعات ليست لك فقط
بل للأطفال والصغار والنساء وغيرهم .. فهم لهم الحق في الفرح
أنت تفرح بالسواليف وتنبسط بالمفطح
غيرك يبي ينبسط بالمشاهده والمهرجانات
والمفطحات ماخلت قاصر عليكم رايحه جايه يالله أنك تديمها من نعمه


لم أفتخر ببعدي عنها
فقد أُجبرت على البعاد عنها ولا أراك الله البعد عن أهلك

ولكني لما أجبرت رأيت العالم ونقلت لكم ماشاهدته ..

والحمد لله قضينا رمضان كله في مكه وهذا فضل من الله
ولكن أليس العيد حق لنا بأن نفرح ؟


أنت لك جوك بالفرح وأخذته كامل
لكن غيرك لا حُرم من لذة الفرح في يوم العيد


وهل كل مهرجان في محضور ؟
تستطيع أن تضع مهرجان دون محاضير شرعية
والاسراف والتبذير
في
اللمبات الشوارع في يوم العيد إذا مولعه ليل نهار رح أنصحهم
والكشافات والدنيا ذي كلها إسراف وقفت على هالطراطيع والمهرجانات ؟

اقتباس توجيه للشيخ صالح آل الشيخ حفظه الله حول هذه الألعاب - من ناحية السرف المترتب عليها ، لا من ناحية الأضرار الصحية - فقال الشيخ كلاما مفاده - أنقله من الذاكرة الكليلة - : أن هذه المفرقعات إن كان من اشتراها مقتدرا لا يؤثر في ماله شراؤها ، مثل تلك المفرقعات التي تقوم بها الجهات البلدية او المنتزهات الكبيرة ، والتي يقصد منها - اي المفرقعات - ادخال السرور على الناس ولايترتب عليها أضرار صحية فلا بأس بها .

امر أخر

اقتباس فا اقول لا تعمم نحن سعداء في بريده

قلت لاتعمم ثم تعمم أنت هههههههههههه
شكلك مانتبهت

وأنت ليش عممت أن كل بريدة سعداء أنهم ألغوا المهرجان ؟

رح شف موضوع حق السلمان عشان تعرف ليش تكلمت

وأنا ولله الحمد لم أعمم بل قلت (نصاً)

اقتباس هذا هو واقع أغلب من أقاربي وأصحابي

فأين التعميم ؟

بل أنت من تعمم وأنا خصصت شريحتي ومن أعرفهم ومن أخذت رأيهم

اقتباس المشاركة الأساسية كتبها عبدالعزيز المسلم وفاة الجد والجدة واحيانا موت الأخ الأكبر وهنا تتفرق الأسرة وتكون ( الأمور بروتوكولات ) بين عيال الأخوة

صدقت

للأسف هذا حالنا

اقتباس المشاركة الأساسية كتبها ...< الساحر >... الله لا يقوله يصير عندنا سينما والله يعز الامير نايف اللي منع السينما بالسعوديه بطلب من المشايخ وبعدين كيف تقول وش علاقتنا بالدول المجاوره استغفر الله العظيم انت مسلم يا اخي اينك من حديث نبيك اللهم صلي وسلم عليه (المؤمن اخو المؤمن اذا اشتكى منه عضو تداعى له سائر الجسد بالسهر والحمى ) واخر شي لا نسمح لك تتهمنا بأننا متخلفين ومعقدين فرجاء نحن لا معقدين ولا متخلفين

نظرة متخلفة فعلاً
وتقولي لاتتهمنا بالتخلف


هل تعلم أنه لدينا سينما كل سنه في بريدة ؟
هل تعلم أن النوادي الصيفية والمراكز الصيفية يقيمون سينما كل نهاية حفل ؟
هل تعلم أن السينما تستطيع أن تعرض عليه فلم اسلامي ؟


لماذا نظرتك للسينما نظرة من حطه


قارنها قبل سنوات بسيطة (بالدش)

نظرتك له كانت كريهه وعفنه ومتفق على أنها حرام ولاتدخل منزلك


خرجت قنواة اسلامية والكل اقتناها
والان أصبحت عادي


السينما نفس الحكاية
لكن يريد من يتغلها للخير قبل أن يستغلها الغير بالشر (وقبل ماتهايطون عند الاعلام)

هي فتره زمنية فقط وسيدخل ليس السينما فقط .. بل الشر معه كاملاً
لأن سياسة المنع لم تفلح ولا في أمر واحد حتى الآن

بل ينفجر بالأخير فيدخل بخيره وشره

سنه سنتين وستراهـ

ولكن نريد اسغلاله بالخير والبرامج والافلام الهادفه قبل أن يتخذه أهل الفساد

اقتباس وبعدين كيف تقول وش علاقتنا بالدول المجاوره استغفر الله العظيم انت مسلم يا اخي اينك من حديث نبيك اللهم صلي وسلم عليه (المؤمن اخو المؤمن اذا اشتكى منه عضو تداعى له سائر الجسد بالسهر والحمى )

ماشاءا لله تبارك الرحمن

والعام مافيه فلسطين تقتل ؟
ولا افغان وعراق محتله

ولا كأنهم مسلمين ؟

جاء الآن الحديث ؟
جاء الدين الآن ؟

وينه من زمان ؟
ولا على هوياتكم ؟

حبيبي لاتحتفل بالعيد ورح ابكي عند كفر سيارتك لأن الدول المجاوره فيها قتل

ولاتضعك واوعض من حولك بألا يضحكوا ويتذكروا اخوانهم

ووقف الدوري السعودي لأنه بدأ وقلهم لاتلعبون لأن الدول والمسلمين يقتلون

ياعمي
وأحنا كد عشنا بعز ؟
كل شي ممنوع ومحروم ولا

تجي انت تكمل الناقص ؟ هههههههه

يعني لو سويت مهرجان حرام ؟
لأن اخوانك يقتلون ؟

اقتباس المشاركة الأساسية كتبها المملكة الصحراوية اخي الفاضل المنخرش اولاً كيف عرفت أن الناس ببريدة في حزن وكآبة ووالله إن الذي فرط في إغتنام شهر رمضان ولم يقم بحقه فجعلوا رمضان شهر نوم بالنهار وسهر بالليل لاصلاة مع المسلمين ولاقراءة القرآن فهم فعلاً بحزن وكآبة وهل تعلم أن الشيخ بن باز والشيخ بن عثيمين رحمهما الله وجميع المسلمين حرموا هذه المهرجانات وهم أعلم من غيرهم بأمور الدين

اقتباس اولاً كيف عرفت أن الناس ببريدة في حزن وكآبة ووالله إن الذي فرط في إغتنام شهر رمضان

خبرتكم في موضوعي كيف عرفت وكيف عشت أنا نفس الحال

لانتكلم عن هذا الحزن فنحن قمنا وصمنا ولله الحمد وعسا ربي يتقبل صيامنا وقيامنا ..
ولكن ليس هذا موضوعي فموضوعي مختلف كامل الاختلاف عن كلامك وردك

وهل تعلم أن علماء أيضاً أحلوها لأنها فيها حد للخطورة ووسائل سلامه
وقد ذكرت كلام لأحد المشايخ أيضاً ..

فهذا اختلاف طبيعي بين العلماء

هل تعلم أن ابن باز حرم التصوير ؟

هل تعلم أن بعض المشايخ حرم مشاهدة كورة القدم


ياخي خلاص عرفنا هالأمور ماتمشي علينا


على الأقل لو ولد السلمان قال أننا الغينا المهرجان لأنه حرام .. تنهضم شوي يعني لا بأس
يعني أنت أخف منه شوي وأهون كمه ياغالي

اقتباس المشاركة الأساسية كتبها نوتيلا زماني والله احمد ربك على العافيه الحمدلله شبعنا من الطرطعان كل سنه يزعجوننا ازعاج والعافيه زينه

اللهم لك الحمد والشكر

اقتباس المشاركة الأساسية كتبها يربش بريده اجل مارحت لدبي توهم جيين اخوياي انوووووووووووووووووع الوناسه وفعليات اكثررر من جده وشقق ارخصصصصصصصصص وهذا اهم شي

يارجل خلنا قريبين وعسانا نفتك من التعقيد والتخلف .. مهب عاد نروح لهالأمور







أقولها وأكرر

يوجد لدينا متخلفين جداً (ولست أعمم) بل أقول يوجد

ومعقدين الأمور بسيطة ونسوا أمور أعظم وأكبر وأجل بألاف المرات

لكن يتبعون هواهم (كـ شيبان الأولين) .. يأتيك بالدين بأي طريقة إذا بلش (بس ولو)





كل الشكر لكل الردود والمشاركين ..

[بريداوي 7]

مشكور أخوي المنخرش .... على الموضوع الرائع
أخوي كيف يصير عندنا عيد مثل جدة أو الرياض أو الشرقية وحنا لا منتزهات حلوه ولا ملاهي وغيرها
منتزة الحضاري والله أنواع الملل فيها ولا تقول ملاهي النخيل حوشنا أكبر منها حتى أخواني الصغار يضحكون لو قلتلهم نروح للملاهي النخيل ...

[جرماني]

ههههههههـ


احلى ما بالعيد انك تنام لين العشاء محد يقومك يقول المغرب قم افطر

[ام البنات99]

صدقت والله بريده منفيه من الفرح باالعيد
العيد فرح واعلان والمفروض يكون غير
وبنسبه لقولهم الظروف لدول المجاوره الحمدلله حنا ماشلنا رشاشات ورحنا نحارب ضدهم ولادعينا عليهم باالعكس كل رمضان والمساجد تدعي لهم والله يقبل ومن عمر الدنيا فلسطين يذبحون مامنعهم من الفرح
وبعدين هذا عيد لازم الفرح والتغير
شوفو بااليوم الوطني وش يسووون انواع الهبال مادرو عن احد

[جرماني]

مربوش (اللي كاتب الموضوع نكك كيذا)

قدام قدام عليك بهم

[أخر حروفي]

الله يخلينا بريده
بس لو حنا بعزاء اهم شي الصحه والعافيه

[ـالتُفاحة الورديّة]

غالبية العوائل أحتفالهم عائلي فقط
منهم مايسوونه ليلة العيد او صبح العيد او بالليل
وبعدين يروح نصف اليوم نوووم

[كاسبر القصيم]

والله درر

وكلامك سليم

بس كل شي عند التجاااااار

جيدين برفع الاسعار

[عزتي في شموخي]

والله ياخوي معاك حق بكل كلمه قلته

ولا حد يجي يتفلسف علينا لا بريده حلوه اقول ماعندك سالفه ابد لان لو تعايد بره بريده كن تكره اليوم اللي جلست فيه ببريده

والله اللي خالقتني اني اتكلم من الحره اللي فني
ابي نستناس نفس جده ولا بتلفزون جايبن احتفلات المناطق
عاد احتفال منطق بريده مشفر هع <<علي قولت وحده من الا عضاء لو يحلتون جثه ماحد درو عنها

انتهي عيدنا الصباح نبي نستناس طلعنا مافي تقل بعزاء<<طبعن هذي معانتن مع كل عيد يارب لك الحمد
رحنا بمسطحات الاستاذ قسم ضيقه ذبحتني ابو اونس نفسي عجزت اقول يالله ان شالله الحين بطلقون العاب ناريه
للاسف ماصار فيه العاب ناريه بسبب السلمان الله يسامحه

وين رحنا للعثيم
والله لو تشوفن الدور الثاني جمهوريه مصر العربيه ترحب بك
انا امشي احس نفسي غريبه بينهم تفشلت من جد مافي سعودين الا نااااااااااادرن جدا
والعثيم تحس انك بعزاء

ياناس نبي نصير مثل احتفالات العالم

فعلن مره من السنين سافرنا بالعيد لجده ثاني عيد وكانك باول عيدد مافاتك شي

متي قريده اقصد بريده تطور<<بس لو يخلوني ا نضم الحفل ياسلام كن تدعو لي ليل ونهار اخلي بكل شارع حفل حتي بالخبيب عشان الهنود يستناسو مو يصير مثلي مايدور وين تعيد


المفروض العيد يصير مثل اليوم وطني لا بعد 3 ايام وناسه والله خساره بس

من جد ربي يجزك الف خير علي الموضوع اول موضوع بحايتي يعجني

[أبو إياس]

بكل صراحة ،، الأعياد والزواجات عندنا لاتفرق عن مراسم العزاء إلا أن العزاء مايقال لك عند السلام " هذي الساعة المباركة اللي شفناك فيها " وأذكر إن أشرت للكلام هذا في موضوع لك أخي المنخرش عن المحرمات التي أصلها العادت دون دليل شرعي .

بل حتى الدف الذي أباحه الشرع في الاعياد وفي الزواجات أصبح محرماعند كثير من النساء لدرجة إنها تتورع عن العرس اللي فيه دف لكن تبيح لنفسها الحش بالناس والقيل والقال وشفتي فلانة وشفتي علانه ،،