[بسكــآتي أذلك]

سبحان الله

ردود تؤيد وردود تعارض

يعني لو ان المرور ماطارده قلتوا وين المرور

ويوم طارده قلتوا ليش يصدمه

بكل الحالتين غير راضين انتم

نصيحتي لرجل المرور
خل اللي بيفحط يفحط وبقريح وبزنه
لا تدخل في متاهات بعض الابآء مثل صاحبنا هذا .. لو ان ولده صادم له نخله او ماصورة جاء للمرور وقال انتم مقصرين .. ويوم صدموا ولده اللي مشغل خلق الله بالتفحيط جاء للمرور يشتكي على العسكري

باختصار
شوارع بريده أصبحت دايفر او حرامي السيارات

الله يصلح بعض الشباب اذا فيه صلاح او يهلكه لأنه مشغل خلق الله بالشوارع والحارات

[لا تنساني]

^^^
لا يا حبيبي قلنا الحد من ظاهرة التفحيط و ليس صدم المفحطين ليخرج لك غداً من يتحدى بقوة
لو إن فيه مرور يدور بالشوارع و يحترمون عملهم (يعني ما يتهربون و هم مطالبين بهذه المواقع)
أنا موجود أثناء التفحيط و لمدة ساعتين متواصلتين ما شفت و لا مرور مر من عندنا!!
يعني الشارع ما به عسكري مسؤول عنه ؟؟!!
الشي الثاني سوو الطريقة المعتادة تشتيت و مرابطة دوريه في الشارع
ما عندنا غير أربع شوارع ببريدة

[رمال بريده]

بصراحة تالي صاير التفحيط بكل وقت حتى انهم بساعة متأخرة من الليل يفحطون ويزعجون ***ومع ذلك مانبي المطاردات الي ضررها أكبر من نفعها

[abonwaf]

ليته مطلق عليه النار كان افضل
الان المفحطين يعرضون حياتنا واولادنا وانفسهم للخطر ولهم وجه يشتكون
اذا قوبلت شكواه بالقبول هذا المفحط والله لن ينتهي التفحيط والتهور بارواح المسلمين
وبعدين المرور جهه حكوميه منظمه اذا لم يستجب لتوقف مصيبه افرض يكون جاني او مجرم او تاجر مخدرات ليش مايقف لو يضطر باطلاق النار عليه
زمن غريب يعملون الخطاء وكانهم ملائكه

[العقيل]

اقتباس المشاركة الأساسية كتبها نفود الهامل نرجو من المرور سجن الاب وسجن الابن بعد خروجه من المستشفى والاب له وجه جاي يطالب والله مافسد المبزره الى مثل هذا الاب وغيره والمفروض يعطى الجندي وسام لانه فك المسلمين من شره

لا والله ماتكلفت على ها الرد شكل العسكري اخوك الاب ماراح يفتح تحقيق الا انه شاف ولده قدام عينه بين الحياء والموت
!!!وبعدين الي يقول ايه خل المرور يصدمه وش لوون يبي يوقفه!!! هذا يدل انه مافي الا مرور واحد جالس يطارده لو انه الي يطارده شبكه كامله كان احجروه وامسكوه ولا كان فيه اصابات ولا شيء

لابعد العسكري يوم صدمهم وانقلبة السيارة تحسبه راح يتطمن على المصابين راح يلاحق السواق على رجلينه

والي بالصوره المصاب من اعز اخوياي قسم بالله لو تشوفون حالته تقولون الله لايوفق العسكري

[515]

الله يجزى العسكري خير ويكثر من أمثاله ماينفع مع ها الأشكال الى كذا

[المشاغبة]

‘


من الأول محد قال لهم يفحطون او يهربون اذا لحقهم المرور ..
ماشاء الله بس جيدين على العسكري تقولون له من أمن العقوبه اساء الادب ما كأن هالشباب اسآئوا الأدب لأن ما فيه عقوبات صارمه لهم

يالله قوه عليهم ..

اضغط ‘ـي هنا وترتاح ‘ـين

[عنيزاوي منصف]

لا حول ولا قوة إلا بالله العلي العظيم

[عمدة نجد]

اقتباس المشاركة الأساسية كتبها ولـــد العـــوده مع احترامي لشكوى المواطن سائلا الله أن يشفي ابنه لكن من الوضع المزري الذي خرج عن طوره بسبب التهور الزايد من الشباب والتفحيط االذي اصبح يشكل خطر كبير على المجتمع انا من هذا المنطلق اناشد المسؤولين بأن يصدر نظام بأن من يفحط اويسرع ويعرض نفسه ومن برفقته للخطر ولا يستجيب للوقوف لرجال الأمن بأن دمــــه اومايصبه ومن معه يكون هدر فهو الجاني على نفسه ويحمل وليه مسؤولية السيارة التي اعطاها ابنه لغرض ايذاء الغا فلين الآمنين فوالله اذا موضع حد صارم لأستهتاروطيش الشباب وتخلي الأباء والأمهات عن المسؤولية أن تنتشر الفوضة وتداس مهابة رجال الأمن فرجل الأمن يجب أن يحترم

صدقت

[xox--2011]

اقتباس المشاركة الأساسية كتبها نفود الهامل نرجو من المرور سجن الاب وسجن الابن بعد خروجه من المستشفى والاب له وجه جاي يطالب والله مافسد المبزره الى مثل هذا الاب وغيره والمفروض يعطى الجندي وسام لانه فك المسلمين من شره

نرجو سجن رجل مرور اعتدا على مواطن

[فهد - الرسي]

لا حول ولا قوة إلا بالله العلي العظيم.

[مطيريه والفخر ليه]

الله يقووم الممصاب بالسلامه والبلاغ ماله داععي كككلش !
اصلا احد طق الولد على ايده وقال له فحط !

[مرآم]

وه الله يهديييم بس
قسسم بالله الا الفجر دايم تفحييط شوي اقول حسبي الله عليهم وشوي اقول لا الله يهديهم
متى يكبرون ويعقلون طيب فحطو بقريح بس موب بوسط الاحياء حنا نبي ننام والله صارت 4 الفجر مانمت
كل شوي اقول دخل بحوشنا > وه معانات

[اموت ببريده]

الله يقوي رجل المرور
على المفحطين المراهقين