[المقهوره]

اقتباس المشاركة الأساسية كتبها قِم بس قِم بريداوية أنتي توجهين السؤال لنا باعتبارنا حنا أهل بريدة ! ولأنك عندك حكم جاهز مسبق علينا بأننا نفس الطينة اللي أنتي تكلمين عليها وتوصفين به زوجك ! اقو لك : بصراحة تصرف زوجك غريب لطريقة لاتقبل التصديق ! وشلون يبيك تستمرين بوظيفتك وبنفس الوقت مايبي يودّيك ولا يسمح بأي وسيلة توصّلك لوظيفتك ؟ فسريها أنتي ؟ قولي زوجي مجنون ولا قاصد يقفل عليك كل الطرق ويبي يطفشك من وظيفتك .......أقول يمكن......... بس أنتي تقولين إنه يبيك توظفين !! ماتجي بصراحة ......ماتدخل المخ ......... حتى لو كان انسان متسلط مايقدر يحطك بهالموقف ! أنا أحس إنك تبين تطرحين موضوع عن تسلط الرجال ولا عن عنجهيتهم .......... وجبتي هالقصة طيب !! خل نقول إنك صادقة بس مانقلتي لنا موقف زوجك ورؤيته صح ......... تحياتي

يااخي انا مالي هدف اطرح موضوع عن تسلط الرجال وعنجهيتهم
واذا كنت ماصدقت كلامي.. فهذا شأنك.. ومااجبرك على تصديقها..
وانا نقلت موقف زوجي مثل ماقاله هو لي .. هو مايبي يرتبط يوميا بي .. ولايثق بالسائق الاجنبي.. ويكره النقل(لان السائق سعودي)

[المقهوره]

اقتباس المشاركة الأساسية كتبها الحلم البعيد صدق ليش انتم كذا؟؟؟؟ليش ليش ليش؟؟؟؟؟ لا وابشرك يمكن هذا الجيل يقاله مطور واقل جلافه ويعني اني فاهم ياربيه بس صراحه فيه نماذج عندنا صدق لاقالو شين وقوي عين شي يفقع القلب لاتتضايقين اختي وتذكري ان طاعةالزوج واجبه يالله ان الشكوى لك حاولي تاخذين الامور ببساطه <<يقالي جبت الحل ويمكن تكون مشكلتك بسيطه مقارنةمع غيرك تبين احكيلك عن مشاكل غيرك بتنغثين وتقولين يارب لك الحمدوالشكر وكثييييييير غيرك يعاني بس منطمين وساكتين ومالقو غير الصبر

انا عارفه ان طاعة الزوج واجبه .. بس كيف اطيعه؟؟كيف مااترك الوظيفه مع انه مافيه احد يوديني؟؟

[المقهوره]

اقتباس المشاركة الأساسية كتبها مدحت شوقي بريده طيب فيه رجااااااااااااااال يودون حريمهم لمدارسهن على بعد 100 كيلوا يومياً .. وعلى تعميم كاتبة الموضوع .. نبي نعمم ونقول .. إن كل رجال بريدة حبيبين ويودون حريمهم .. دائماً الحكم على العموم مجحف .. فقليلاً من الانصاااااااااااااااااااااااااااااف .. وسلاااام عليكم ..

اسمح لي اخوي اشكك بصدق كلامك
كوني معلمه واعرف بامور المعلمات .. كل اللي يروحن لعملهن بالقرى ولو 30كيلو يوميا عن طريق( نقل خاص) ولاعمري سمعت بحياتي كلها عن( زوج) يودي زوجته لمقر عملها اذا كان بعيد

[المقهوره]

اقتباس المشاركة الأساسية كتبها هلالي وبس والله ذكرتيني بواحد من اهل بريده اعرفه يقول: اذا بغيت الحرمه ماتعصى اوامرك حيرها .. عطها أمر بس صعب عليها الطريق اللي تسلكه.. يقول مثلا: اقول لها منب جاي آخذك بالليل من بيت اهلك وماابغاك تنامين عندهم؟؟ فتقعد المسكينة طول يومها عند اهلها وهي تحوس تدور من يرجعها لبيتها قبل مايزعل زوجها!!!!!! وانا اعترف ان رجال بريدة متشددين بالحيل وغير متفاهمين مع زوجاتهم مقارنة مع رجال الرياض او المدن الثانية.. اجل تصدق اني لما اشوف الرجل يمشي بسوق ووراءه على بعد خطوات حرمه ..اعرف انه بريداوي لأنهم هم اللي يستعيبون ان الزوج يمشي جنب زوجته..

الله ينصفك مثل ماانصفتني بنظرتي لرجال بريده

[المقهوره]

اقتباس المشاركة الأساسية كتبها المملوح يا حبيلك يااااااا مدحت شوقي تصدق صدقت بالموضوع تصدق إني جاي أبهاوش الشرقاوية اللي زوجها ( دعلة ) وحطة كل رجال بريدة زي زوجها يعني إتهاااااام عينك عينك مهب كل الناس زي بعضه وتبون الصراحة أنا أشك في هالموضوع وأحس إنه تركيبة وخربطة لأنه غير داخل العقل بس علشان ( يسبون أهل بريدة ) ولكن بريدة عالية وستظل عالية ومن ناحية إنها من الدمام ( كثريلي منها ) هههههههههههه

يااخوي ليش تحس ان الموضوع تركيبه وخربطه.. والا لأنه مااعجبك.. لأنه عرض واقعكم يارجال بريده وقال الحق اللي يصير من اكثركم في تعاملكم مع نساؤكم .
وتقول ان الموضوع( غير داخل العقل) وش نسوي؟؟ هذي عقول رجال اهل بريده.. والا فيه رجل يتشرط هالشروط .. عجبي ..
وليش يااخوي تشكك اني من (الدمام) تراني ماقلت انا من ( المريخ)

[المقهوره]

اقتباس المشاركة الأساسية كتبها فاصله وعليكم السلام زوجك غريب ...فكيف يخالف نفسه ..يأمرك بالذهاب ويغلق الأبواب ؟؟ لكن أتوقع كلامه هذا صدر منه بعد نقاش حااد وكان مزاجه سيء.. وهو بتصرفه هذا يحاول استفزازك .. ربما وأنت بالمقابل ابتعدي كل البعد عن استفزازه برجولته ..أو بانتمائه ....؟ ولكن ((كسريله التلج ))كما يقول أخواننا السودانيون ... لا تحاولي التشديد على الأمر ..<< أرخي شعرة معاويه>> كان الله بعونك ..وسهل أمرك أفا مقهوره ... الله لايقهرنا ...أجل رجال بريده ((مايرحمون الحريم ولايهتمون فيهن ولايعطونهن قيمه ولااحترام)) اسمحيلي حكمك بالتعميم جااااائر ..وربما انك ما عرفتي غير زوجك من رجال بريده ولذلك أخذتي انطباع سيء .. ,,,واعرف والله من نزلت لها وظيفه وقريبه من سكنها ..ولكن زوجها البريداوي رفض ..يقول لها ارتاحي وشوله تتعبين نفسك غثاء وغرابيل ..وانا ما راح اقصر عليك .. فلذلك أنا أبقول ((رجال بريده كلهم سنافيين ويشد بهم الظهر ،،و فيهم حسن تبعل وحنيه ...))

يااختي كلامه هذا ماجاء عن نقاش حاد ولاكان مزاجه سيء ولاعن عناد.. المسأله كلها تعبر عن (قناعاته) هو كما يقول .. ومبدأه في الحياة .
واللي انا اعرفه يااختي عن رجال بريده ( هالحين) ان اللي يبي يتزوج يدور على ( موظفه) فوشلون تقولين ان الزوج اذا نزلت وظيفه لزوجته وقريبه من سكنها رفض علشان راحة زوجته؟؟؟؟؟؟؟؟؟

[المقهوره]

اقتباس المشاركة الأساسية كتبها دار حاتم السلام عليكم كيفكـ..اختنا المقهـورهـ.(الفـاضله.... ان شاء الله تمام" ماعندي شي اقوله علي رد موضوعكـ." فوق الكلام الي ذٌكـرمن الاعضاء الي قبلي." ((عطوني انطباع سيئ عن اهل بريده كل زوجات يشتكون)) ((ياحبي لك يا حـــــائــل الكـرم والــوجود.")) \\ وعنوان موضوعكـ ظهر لي بصدفه." بس حبيتـ تلميحاتـ لكـ وامسكـ في ايديكـ علي برا الامان." ".". حكمـي عقلك بشؤون اموركـ كلها ودعي عنكـ المشوراتـ بين من يقف بجانبكـ ومع من يكون ضدكـ." ابحثي الحلولـ..\(من رب العزهـ بدعاء وخلي عنك البشر".. ثانياً: وكلمي اصحاب الحكمه ذو الراي السديد من اهل زوجكـ.. توكلي علي الله...وما عليك الا السمع والطاعه للزوجكـ." انتي الي تكسبين في الاخير." . دنيا واخرهـ علم من علم وجهل جهل

مشكور على النصايح

[مدحت شوقي بريده]

اقتباس المشاركة الأساسية كتبها المقهوره اسمح لي اخوي اشكك بصدق كلامك كوني معلمه واعرف بامور المعلمات .. كل اللي يروحن لعملهن بالقرى ولو 30كيلو يوميا عن طريق( نقل خاص) ولاعمري سمعت بحياتي كلها عن( زوج) يودي زوجته لمقر عملها اذا كان بعيد

إذا كنتي تشككين في صدق كلااااااااامي ..
فمن باب أولى أننا نشكك في صدق كلاااااااااااامك ..
فكيف إن الرجل يقول :
( مايبيك تتركين الوظيفة .. وما يبي يوديك .. ولايبيك تروحين بالبااااص .. ولايبي يجيب سواق .. )
وشلون تجي هذي .. أحس إن مخي نبت فيه دمل .. توجع المخ ..

ممكن إن الواااااحد يحط أقل شي إختيااار واحد .. أما كذا ..
قاأقول يمكن يمكن ليه لا ..

سي يو ..

[قصي100]

أختي / مقهوره

بدال مايقهرك ويحيرك إقهريه وحيريه

وخيريه بين جلوسك بالبيت أوتدبير أمر ذهابك وإيابك من الدوام

خليكِ قويه وقدمي إجــازه وحددي له وقت للتفكير

@@@@

على فكره هذي المشكله تواجهها أكثر الموظفات
والرجال هداهم الله يعلمون بأن المتعلمه ماتضيق عليها
وبتدبر عمرها بأي وسيله ..

مثل اللي يقول لزوجته ما أبي أقدم شغاله
ومانيب دافع أجــار لشغاله
ويبي بيته نظيف وأكله جاهز وملابسه نظيفه
ويقارن نفسه باللي جايب لحرمته شغالتين

وليته يشكر بعد ...

أدري بديت أخــور بالكــلام بس لاتلوموني من اللى في قلبي

[ajmn]

الموضوع لا يستحق أبدا كل هذه الردود . .

لكن المواضيع 00 الوردية . . عليهن سوق . .

[الصااعق]

وعليكم السلام ورحمه الله وبركاته
اولاً انا مع راي اخي swelem مشكلتك لاتحل هنا لان المشكله ليست عامه فانا أرى انك تتفهاهمين مع زوجك مره واثنين حتى تصلون الى الحل المناسب وبالتوفيق انشاء الله والله يهدي زوجك

[saudia]

اللي يقولك طيعي زوجك ليش هو ما يقدملك حقوقك!!

والله لو مكانك اقدم اجازة بدون راتب

شهرين بس ياعيوني وتلاقينه يوصلك وينطق عند الباب ويرجعك اذا خلصتي دوامك

الى متى والحرمة تصرف على البيت اثاث ومصاريف وفواتير والرجال بس يتشطر بالاوامر وتصير طاعته واجبة!!


سعودية وكلي فخر

[المقهوره]

اقتباس المشاركة الأساسية كتبها مدحت شوقي بريده إذا كنتي تشككين في صدق كلااااااااامي .. فمن باب أولى أننا نشكك في صدق كلاااااااااااامك .. فكيف إن الرجل يقول : ( مايبيك تتركين الوظيفة .. وما يبي يوديك .. ولايبيك تروحين بالبااااص .. ولايبي يجيب سواق .. ) وشلون تجي هذي .. أحس إن مخي نبت فيه دمل .. توجع المخ .. ممكن إن الواااااحد يحط أقل شي إختيااار واحد .. أما كذا .. قاأقول يمكن يمكن ليه لا .. سي يو ..

انا ماطلبت منك يا( مدحت شوقي بريده) ان تصدقني .. فلا يهمني ذلك

[المقهوره]

اقتباس المشاركة الأساسية كتبها قصي100 أختي / مقهوره بدال مايقهرك ويحيرك إقهريه وحيريه وخيريه بين جلوسك بالبيت أوتدبير أمر ذهابك وإيابك من الدوام خليكِ قويه وقدمي إجــازه وحددي له وقت للتفكير @@@@ على فكره هذي المشكله تواجهها أكثر الموظفات والرجال هداهم الله يعلمون بأن المتعلمه ماتضيق عليها وبتدبر عمرها بأي وسيله .. مثل اللي يقول لزوجته ما أبي أقدم شغاله ومانيب دافع أجــار لشغاله ويبي بيته نظيف وأكله جاهز وملابسه نظيفه ويقارن نفسه باللي جايب لحرمته شغالتين وليته يشكر بعد ... أدري بديت أخــور بالكــلام بس لاتلوموني من اللى في قلبي

صدقت والله يااخوي .. ياكثر مايحيرون الازواج زوجاتهم الموظفات..