[أمل الحياة]

بالتوفيق لكم .. صراحة أعجبتني الفكرة .. بس اليوم زواج ولد عمي ...

[درة القصيم]

بما أن اليوم فاتنا يابنت ليه مانخليها الخميس من الاسبوع الجاي

.

[بنت بريدة]

لو مكان غير الملاهي كان صرت معكن
بس شلون تعرفن بعض لارحتو

[أنوار المنتدى]

تراه اليوم أبروح للحضاري

[بنت العميد]

اقتباس المشاركة الأساسية كتبها بنت بريدة لو مكان غير الملاهي كان صرت معكن بس شلون تعرفن بعض لارحتو

بمكان محدد مثلاًعند السفينه كل وحده تجي وتحط فراشه وقهوته وتجلس,,,,,,,,,,عندي لكم خوش مكان بس انتم اجزمو ................. او بالحضاري

[درة القصيم]

اقتباس بمكان محدد مثلاًعند السفينه كل وحده تجي وتحط فراشه وقهوته وتجلس,,,,,,,,,,عندي لكم خوش مكان بس انتم اجزمو ................. او بالحضاري

خلاااص اجل بنخلي المكان عليك مادام عندك خوش مكان

والله يااااليت يابنات نجتمع والله انا متحمسه ودي اشوفكم ونستااااااانس

[أنوار المنتدى]

رحت اليوم للحظاري فيه وحده راحت؟؟؟؟؟

[ملاك الورد]

لالالالالااااااااا

ولله العظيم جتن الصيحه وانا اشوفكم تخططون على طلعه بالقصيـــم


ياناااس ودون للقصيم ودي بس اويدز عليه شوي واشوفه ماكد رحت له الا وانا بزر عمري خمس سنين
ولا بعد ثلاث ايام وجينا للرياض

واذا قلت لـ الوالده نبي نروح للقصيم تقول الله يحوم تسبتس وش تبين به< لأننا للأسف مالنا اقراب قريبين فيها يعني اذا رحنا لازم ناخذ شقه مفروشة


واذكر مره صجيت امي وعليتها بهالسالفه وقالت الله يصج عدوتس جعلتس تاخذين واحد من الخبوب ولا تطلعين منه ابد علشان تتوبين تقولين ابي اروح لبريدة





طيب
وش حيثكن تطلعن وحنــــا لا

وينكن يابنات الرياض خــل نتشاوف حنا بعد ياحبيلكن ،،

[بريده حياتي]

بنات في الحضاري في القسم النسائي احسن مكان نتجمع فيه وش رايكن

ودي اتعرف عليكم ونكون صديقات

اذا قررتو علمون

[بنت العميد]

ترحمين ملاك الورد .........خلاص بخطبك لخوي,,,,,,,بس تراه يشتغل باالرياض ويجينا خميس وجمعه,,,,,هاه وش قلتي

[نونو بريدة]

ندا إلى بنت العميد....
ألو:هل تسمعينني أنا أبستفسر عن دورة التجميل /دورة مكياج أو شعر أو كلهن ؟وبكم الشهر؟ وستفدتي منها ولا لا؟وبكم الشهر ؟ سوري جااااااااايه متأخره.
أرجو الإفاده..

[القلب الوردي]

اقتباس المشاركة الأساسية كتبها ملاك الورد لالالالالااااااااا ولله العظيم جتن الصيحه وانا اشوفكم تخططون على طلعه بالقصيـــم ياناااس ودون للقصيم ودي بس اويدز عليه شوي واشوفه ماكد رحت له الا وانا بزر عمري خمس سنين ولا بعد ثلاث ايام وجينا للرياض واذا قلت لـ الوالده نبي نروح للقصيم تقول الله يحوم تسبتس وش تبين به< لأننا للأسف مالنا اقراب قريبين فيها يعني اذا رحنا لازم ناخذ شقه مفروشة واذكر مره صجيت امي وعليتها بهالسالفه وقالت الله يصج عدوتس جعلتس تاخذين واحد من الخبوب ولا تطلعين منه ابد علشان تتوبين تقولين ابي اروح لبريدة طيب وش حيثكن تطلعن وحنــــا لا وينكن يابنات الرياض خــل نتشاوف حنا بعد ياحبيلكن ،،

ياحيــــــــــــــــــــاتي مرة رحمتك
يلا وين تبيننا نروح؟
وش رايك نروح للملتقى؟ مع إني رايحة له أمس بس نرووووح عشانك :D

[بنت الشماسية]

هلا بملاك الورد والقلب الزهري

وشرايكـــ(ن) نروح بكرة للملتقى ؟؟

أنتظر ردكــ(ن)

واللي تبي تخاوينا يالله ونتفق بالخاص على الطلعة بكره إن شاء الله

[القلب الوردي]

لا انا بكرى ما اتوقع بس يمكن يوم الخميس ان شاء الله عشان محاضرة د.شريفة السنيدي وانتم شوفوا عاد وقرروا:D