[المدلع]

مشكور عالمجهود الرائع

[ما أجمل الاخلاق]

اخوي الصباخ
بارك الله فيك ونفع بك ولك
الحقيقة انه واقع مؤلم وكثير ما يحصل للشخص مواقف في كثير من الاسواق (تضرب معه الفيوز ) ويضيع وشوله هو رايح للسوق من القهر والحزن والهم والغم لحال هؤلاء النسوة رحمة بهن ورئفه لحالهن وما وصلن اليه من تساهل في الحجاب (عند الاجنبي )
اين المحارم ... اين الخوف من الله .... اين الغيره
والله لو اردت ان اسرد القصص والمواقف التي حصلت لي لمللتم من القراءة ولذلك لذهابي برفقه الاهل للسوق وكثيراً ما تخبرني زوجتي بتغير نفسيتي قبل ان ننتهي من الشراء وما ذاك الا حزننا للواقع المؤلم والتصرفات القاصمة التي تحصل من بعض النساء هداهن الله وستر عليهن
موضوع رائع
وبنفس الوقت يبث الاسىء والحزن في النفوس ...
نسأل الله للجميع الهداية والستر والعفة

[حبر الألم]

أخي وحبيبي الصباخ :

بعد العودة أود أن أقول ألا يجب علينا في مثل هذه المواقف أن نبدي ولو الشي اليسير من النصيحة لبنات جلدتنا وأن نأمرهن بالحجاب والتستر وأن هذا الأمر غير مسلط على رجال الهيئة فقط حتى لو لم يكن على الشخص ظاهر الإلتزام فالدين النصيحة وليس محصوراً على أناس محددين


أرجو أن تكون وصلت فكرتي


والله يحفظك من كل مكروهـ

[ahoak2002]

اشكرك على الموضوع الجيد لكن ما اقول الا الله المستعان الان الوضع عادي عندهم بعض البنات لا يهمهم سعودي او غيره انا كثير من المرات ادخل محلات والوضع عادي لا تتغطى وفاتشه اذا كانت من الاول فاتشه لكن ليتهم فاتشات احسن لكن الان نقابات ووروجات وكحل وووو شي شي فاتن الله يهدي بناتنا بنات المسلمين يارب

[ツحـبـر شـفـافツ]

اقتباس حبر شفاف أجل صار غير العربي ما يهم بالنسبة لك إجابة تنم عن فكر ؟؟؟؟؟ وإلا وش يفرق الرجل العربي عن غير العربي ؟!!

أخوي محمد أنا قلت في الكلام معه بس ,,, << شيء نفسي ..

اقتباس وبعدين كلامك يالصبااخ غريب كيف تناظر وحده تسبح ولاتغض عنه <<<كلامك متناقض جدا

الشيخه حنين هو رجل يجوز يسوي أي شيء لو كانت طارحت الموضوع بنت كان شفتي اللعن والشتم ..
كل الردود تجاهلوا هالشيء ماكأنه قال دخلت المسبح وشفت بنت عليها مايووه وجلست أتابعها << المفروض بس زوجته يشوفه بالشكل هذا .. خليها على ربك ..

اقتباس الشي اليسير من النصيحة لبنات جلدتنا

وشباب جلدتك ياحبر الألم ؟؟

للمعلوميه هذي وحده معي بالجامعه رزقها الله عيون جذاابه تقول والله أني أفتح نقابي بس بقهرهم :D

تقول سااده ماحد قالهم طيروا عيونكم الأجانب مايلتفتون مثلهم << صدقت بهذي

وأكبر دليل القصه هو يتابع البنت السباحه والاوروبي مسكر عيونه ..

فرديت عليه وقلت والله يافلانه حسافه شبابنا يشوفون هالعيون ...

يخلف الله بباي ..

[تالي حياتي موووت !]

اقتباس المشاركة الأساسية كتبها أبو يحيـى الله يخليك لعينن ترجيك يالصباخ على هالمااضووع أولا تراك ظلمتي البنات بالتعميم ! ماعممت أنا اقول اللي يفتشن للأجانب بس .. وثانياً انتي تقولين ان البنات ما يتغطون الا عشان لا أحد يعرفها فقط ! يعني موب طاعة لله واستجابة لأوامره .. لا والبنقالي واليمني ما يعرفونه يعني مايخالف طيب لو كان الرجال السعودي ما يعرف البنت بتفتش ؟ :D والله من زين التفكير . سلامي على عقلك يا مطوعة ! :D :D

مب اعني نفسي انا .. مافهمت علي ..

يعني اللي فتشت للأجنبي هذي مابها دين ولا حياااااااء ..

وهي ماتغطت عن السعودي كله دين لا والله بس انه يعرفها ..

أيه مطــــــــوعه واللي مب عــاجـبـــــه ينـتـــــــــف حـــواجـبــــــــــه ..

اقل شي انا ماسبحت مع رجال مب مثل اخينا صاحب الموضوع ..

[الصباخ]

والله العالم حماس ..

عاد تدرون .. توي طالع من الاختبار .. وأنواع الروقان .. ويوم اكتب الموضوع كنت أدرس .. وأخذت فسحة لمدة ثلاث ساعات ..

تعرفون من كثر الدراسة .. مليت .. همن كتبت الموضوع .. ورجعت مرة ثانية للدراسة ..


وهذا توي طالع من الاختبار .. يارب إني أنجح ..


قولوا آمين ..

[الصباخ]

اقتباس المشاركة الأساسية كتبها تالي حياتي موووت ! اولاً :: أول مره اشوف رجل قراااااااااااق خخخخخخخخخ ثانياً :: ترا البنات مب يتغطون عشان سواد عيونك يالسعودي لا والله تخاف تكون تعرفها وبس .. اما البنقالي واليمني مايعرفها .. مشكـــــور عـ الطــــــــرح .. تحياتي ..

اقتباس اولاً :: أول مره اشوف رجل قراااااااااااق خخخخخخخخخ

أنا مانيب أقرقرك أبد .. كل التعب على الكيبورد ..

:D ..

اقتباس ثانياً :: ترا البنات مب يتغطون عشان سواد عيونك يالسعودي لا والله تخاف تكون تعرفها وبس .. اما البنقالي واليمني مايعرفها ..

أعوذ بالله .. صارت تتغطى علشان البنغالي مايعرفه أو اليماني .!


يعني ماصارت تتغطى علشانه تخاف من الله .!


أعوذ بالله .. نسأل الله السلامة والعافية ..




يارب إنك ماتصيرين مثل هالبنات ..

اقتباس ترتااااح ومعك بنت .. أعــــــــــــــــوذ بالله .. الله لايواخذنا بك وبأشكاك .. اللهم اني بريئه منك يالصباخ .. وش هالكلام الحياء بريئ منك بصراحه ..

كد سافرتي برى ؟!

اللي يسافر برى .. ويشوف المسبح كل مليان عالم .. يدري إني يوم قلت إني برتاح .. المقصد إنه مافيه زحمة ..

يعني يوم كان فيه رجل وحرمة .. اعتبره كان فاضي ..


أضيفي أيضاً أن المشهد كله .. ما استمر أكثر من دقيقة واحدة ..

بس تعرفين الكتابة .. تحسسك إن المشهد له نص ساعة ..


أيضاً .. أنا يوم كتبت هالمشهد .. متوقع مثل هالرد .. ولو إني خايف من ردك .. ما كان حطيت هالمشهد ..


فهمتِ .!

اقتباس عاجبك الوضع ..!! (( قـل للمـــــــؤمــنين يـغضـــــــوا من أبصـــــــارهم )) هذا المطوع اللي ينصح ويوجه .. ايه والله مطاوعة آ آ آ آ خــــــــــر زمــــــــــــن ..

ماقلت إنه عاجبن الوضع ..

أيضاً المشهد كله ما استمر أكثر من دقيقة ..

يعني دخلت .. البنت اختبصت .. ولفت روحه بالفوطة .. وطلعت ..

أنا جلست بشوف وش راح تسوي بس ..

بس كذا ..

ولا يعني قولتي إني جلست أشوف وش راح تسوي .. إني مبقق عيوني .. وقاعدن أشوفه تتلبس أو غيره ..

بس مجازاً ذكرت هالكلام ..



أما بالنسبة للمطاوعة ..

فأنا .. أولاً: مانيب مطوع ..
ثانياً: لا أمثل المطاوعة ..
ثالثاً: أنا أمثل نفسي .. ونفسي فقط ..


فهمتِ .. فلا تقولين مرة ثانية .. يامطوع .. أو ياشيخ ..

أنا لا أمثل أحد .. أنا أمثل نفسي فقط ..

اقتباس مشكـــــور عـ الطــــــــرح ..

العفو ..

اقتباس المشاركة الأساسية كتبها دلووووووني خابرك اعلم من كذا اخوي الصباخ انت ما تدري ان لبعض المحلات محارم ثاني مرة لا بغيت تدخل محل تنح نح وقل يا هيش ياولد !!! علشان يتغطون !! الصراحة الظاهرة هذه موجوده في بعض بناتنا وللاسف احد اصحاب البقلات يحكي لي ويقول : اضطررت يوما ما ان اعمل في البقالة مع العامل الموجود لسفر الاخر وقلت انا ساتولى توصيل الطلبات ، يقسم لي ان احد الطلبات عندما اوصلها للبيت وطرق الباب فتحت له امراة لابسةقميص النوم .. اخر يعمل في شركة الاتصالات فني تركيبات وطبيعة عمله تلزم لبس قميص وبنطلون يقول اننا نشوف الهوايل !!! نعم الحجاب متى ما كان عادة سهل التنازل عنه . اللهم احفظ نسائنا ونساء المسلمين اجمعين شكرا اخوي الصباخ على هذا الطرح

يارجال .. بلاوي هالحريم .. الله لا يبلانا ..

بعضهن .. تعتبر البنغالي أو السوري .. أو غير السعودي بشكل أصح .. محرم له ..

والسبب سخيف للغاية .. تقول هذا مايعرفن .!

أنا أبي أعرف من وين جايبين هالفتوى الحريم .!

الدين مافرق بين سعودي أو غيره ..

الدين يقول حرام على الرجال الأجانب .. ماقال على السعوديين بس .. وغير السعوديين حلال ..

مشكلة والله ..


شكراً دلوني على المداخلة ..

يعطيك العافية يا ألبي ..

[الصباخ]

اقتباس المشاركة الأساسية كتبها اخو دريحم الموقف التاسع صديقي في الرياض سواق ليموزين تراه مهووووب انا اسمر وطوييييييل ومطلوب تسلم 280 ريال في اليوم الباقي يخصم من راتبك واراتب 2000 ريال والزود لك يقول ثم ندووج الرياض ونحصل رزق ولله الحمد لكن بعض الايام يخصم علينا ما حصلناه . يقوول اذا لبس الشماغ لم تركب البنت ولا الحرمه معي تقول ما اركب مع سعودي واذا لبست البدله والكرفته صرت زي السوداني طويييل واسمر تركب البنت والنساءواحصل على الفلووووس دبل الدبل يقول لي قصص مع النساء يطول الكلام وليس هذا المجال لطرحه او بسطه... والسلام.

يارجال مساكين راعين الليموزينات ..


معاناة والله .. لي صديق لي يقص لي قصص تحدث لهم .. والله إنه تشيب الراس ..


وأهم شيء إنه يلبس بدله ولا يلبس أبداً ثوب أو شماغ ..

ولا يتكلم علشان مايدرون إنه سعودي ..

بس الله يستر ..



شكراً يا ألبي على المداخلة الحلوة ..





تشكرات كتير ..

اقتباس المشاركة الأساسية كتبها ツحـبـر شـفـافツ التهاون البسيط اللي يحصل من البعض مثل العيون واليدين الى الكتف يطلع .. << ماتصل يطلع الوجه يمكن فيه فرق بين السعودي وغيره .. انا بالنسبه لي العرب كلهم سواسيه عندي يمكن العجم مايهمونن ,, طبعا خلني أتكلم عن الكلااام مع الرجل في المحل ,, << اما مسالة الكشف هذي مستحيل أنا لو في المحل عربي ماحاسبت أنا ,, ارسل أختي لكن أجنبي أنا أحاسب وأكاسر بعد ولا أي سعودي مثل بعض يعني اللي من منطقتي غير << شي نفسي بس حتى لو ماتكلمت معه ولاشيء ,, فشيله ياشيخ يمكن يصير قريب لي والا من جيراننا ,, اللي بعيد وش عرفن به .. مشكوور والله يهدي الجميع ..

الدين ياشيخه حبر شفاف .. مايفرق بين سعودي أو عربي أو غيره ..


الدين يقول الرجال جميعاً .. وإلا لو فيه فرق بين السعودي والأجنبي ..

كان جاء الشرع وقالنا كذا ..


شكراً لمداخلتكِ ..


شكراً جزيلاً لكِ ..

[المنسية]

مشكو اخي الكريم موضوع اكثر من رائع

[الصباخ]

اقتباس المشاركة الأساسية كتبها يوسف 5 اعوذ بالله والله يا انا تعبت من القراية يا خي بنات هالوقت اعوذ بالله بعضهن ما عندهن حيا ابد لكن الله يرحم الحال شكرا لاختصارك الموضوع

يارجال ماشفت شيء ..

أنت لو تسافر برى السعودية .. تبي تشوف البلاوي ..


الله يحفظنا بس ..


شكراً يا ألبي على قراءة الموضوع حتى نهايته ..


تشكرات كتير يا ألبي ..

اقتباس المشاركة الأساسية كتبها بس أنـا الصرااحه الموضووع مهم لا ويقهر القلب بس تصدق هذي من هيبتناااا بس ولو يعني صار الحجاب على المراءه بوجود السعودي والمواقف كثيره وخذ من مواقف الخياطين لا دخلت غطت وجهه الله لا يبلانااا يسلموو الصباخ على الموضووع الراائع بس صدق أخوي دلوووني لا زم تنحنح لدخلت محل لانك انت سعودي ... بس أنـا

أنت هيبة لأنك سعودي ..

ياخي تصدق جازت لي :D ..


توي أفكر به .. صدقت والله .. شكل الدعوى هيبة :D ..


بس تبي الصدق .. مافيه مكان وتدخله إلا لازم تنحنح .. لأنك رجل ..

واللي داخل المحل .. إما باكستاني أو بنغالي .. أو غيره .. موب رجال بالنسبة لهالحريم .!


غريب تفكيرهن هالحريم والله .!



تشكرات يا ألبي على التعليق والتعقيب ..

[راما<]

انا بنظري انه حالة البنت بالسوق يحددها خوفها من ربها

يعني على قد الدين بقلبها بيكون غطاها عن اجنبي او سعودي

حتى الاجانب والله العظيم انه يقشعر الجلد لننظراتهم ويحملون من الخبث مالله به عليم

والحرمة ماتحس بالامان بالمحل الا بوجود الاجنبي فقط الله المستعان..

الله يستر علينا ويحفظ لنا تاج سترنا (الغطاء الكامل )

موضوع قيم.......تقبل مروري

[الصباخ]

اقتباس المشاركة الأساسية كتبها دلووووووني بعد يوم دراسي في فكتوريا الساحرة في اقصى الغرب لكندا ونحن عائدين للسكن بواسطة الباص وبعد الحديث والضحك توقف الباص عند احد المحطات واذا باختنا المجاورة لنا تقول : يالله السلام عليكم !!! انها من بنات جلدتنا ولكن ما درينا !!! الصدق اخذت علمونا .. في اديمونتن في الجزء الشمالي لكندا وعاصمة البترول ، واثناء خروجنا من احد المراكز التجارية واذا بسيارة فان تقف وتقودها اخية لنا متحجبة حجاب كامل تكاد لا ترى عيناها. واثناء ذهابنا للصلاة في المسجد واذا باطفال اعمارهن لا يتجاوز الثامنة قد حضرن بحجابهن لاداء الصلاة في ظل ثلاث فتيات اعمارهن من الخامسة عشر الي عشرين وقد خلعن الحجاب ولا تتسطيع تمييزهن من الجنسيات الاخرى رفضن البقاء في المدرسة التي ندرس بها بحجه ان فيها سعوديون . فالصالح موجود والطالح موجود وتبقى التربية هي الفاصل .

جميل هو ماقلته يادلوووني ..

وتبقى التربية والدين هي الفاصل والفيصل في مثل هذه الأمور ..

اللي عنده دين وتخاف من ربه .. هي اللي راح تتغطى بأي مكان .. ومهما كان اللي قدامه ..

واللي ماتخاف ربه .. إذا شافت الناس غافلين عنه .. فتشت وطلعت مع فلان وطلعت مع علان ..


صديق لي يعمل ابن عمه في السفارة السعودية في أمريكا .. يقول نتلقى يومياً العشرات من الشكاوي لطالبات سعوديات تعرضن للاغتصاب .. والسبب ماهو .!

غياب المحرم .. والسفر لوحدها للدراسة في بلد كفار .. التبرج والسفور .. وإلى ذلك من الأمور المخلة ..

شكراً لإضافتك يا ألبي ..

اقتباس المشاركة الأساسية كتبها مدحت شوقي بريده هلا بالبي الصباااااااااخ .. هلا بدينوا المنتدى .. اقول يالبي والله يانت قديم بعد .. يالبي هاللحين يقولن ( تغطن جاء مطوع ) والا غيره يفتش لوه .. سعودي والا غيره .. سي يو ..

هلابك يا حلو ..

هلا بالحلوييييييين كلهم ..

هلا حبيبي أبوإبراهيم ..


يا ألبي وين اللي تقول عنهن ذولي .!

ماشفت منهن شيء .!



دامك سعودي .. حرام تشوفه .. دامك غير سعودي حلال تشوفه ..


..

[●غزآل العآرضية~]

الصباخ .. دائما مواضيعك تضرب على الوتر الحساس لمجتمعنا ..

ولكني في هذا الموضوع أود أن ألفت انتباهك إلى أن المسألة لم تتوقف على كون الشخص سعودي ..

أو حتى ( مطوع ) كما ذكر البعض ..

وسوف أسرد لك موقف حصل معي وأقسم بالله العلي العظيم أني لم أبالغ في وصفــــــه ..

في عيد الفطر اللي طاف , يعني السالفة بتكمل سنة إن شاء الله , كنت في مركز المملكة مع ماما وخيو ..

المهم كنا واقفين عند السلم الكهربائي وناخذ بعض الأكياس من أخوي مشان نكمل اللي ناقصنا فوق عند مملكة المرأة ..

نزلوا شلة بنات وأنواااااااااع الضحك والهبال ووحدة منهم طالعت أخوي وبدلع الدنيا تقول .. يآآآآآآآآآآي لا يفوتكم ياصبايا توم كروز عندنا بالمملكة !!!!!!!!

وقسم بالله بعدين فتشت ونثرت شعرها وهي تطالع فيه وتقول .. لايقة عليك ؟؟ أعجبك ؟؟؟؟؟

وصديقاتها بيموتون من الضحك والتعليقات .. ولا كأن شي حراااااااااااااااااام صاير ..

بعدين أشروا لنا وكملوا طريقهم !!!!!!!!!!!!!!!!!!!!!!!!!!!!!

للأسف الحيااااااااااااا معدووووم صفرررررررر

وياليت أسمع في هالزمن تغطوا جاكم سعودي !!!

اقتباس المشاركة الأساسية كتبها الصباخ [align=justify] ملاحظة: اللي يبي يسرق الموضوع .. يقول إنه سارقن الموضوع من بريدة ستي .. واللي موب قايل .. تراي مانيب محلل :D .. [/CENTER]

إن شاااااااااااااااااااااء الله