[الوساااام]

اقتباس المشاركة الأساسية كتبها مملكة المحترمين اخي الكريم هذا الدكتور انس نعنوع يسكن في منطقة جبلة نصااااااب لا ماياخذ الا باليورو ذكي على شأن يحولة الى ليرة بسعر خيالي وهو المستفيد بالأول والاخير واقسم بالله اني ذهبت الى سوريا مع احد اقربائي لدكتور اسنان في دمشق وتحديدآ في دوار كفر سوسة واسم الدكتور محمد وهو اكبر نصاب لما وصلنا له قام بالترحيب الحار بنا وضيفنا قهوة وشاي حليسة على قولتهم وقال لقريبي لاتخاف ان شاء الله ماراح نختلف في السعر ومن هذا الكلام الفاضي وقام وكشف على قريبي وقال راح يأخذ العمل في اسنانك اكثر شي 3 ايام واتفقنا على سعر 3000 الأف ريال وشرط انه مايأخذ فلوووس الا بالريال السعودي ولا يقبل بالليرة السورية وهذا اكبر غلط لأنه اول مايقولك انا مااتعامل بالليرة فهذا النصب بعينه وعلمه المهم بعد ماحذرت قريبي وقلت له هذا شكله بينصب علينا قالي لا الرجال حبيب قلت وين حبيب حنا مالنا الا الظاهر قالي لا وبعد زميلي في العمل يعرفه وموصيه علي قلت له براحتك المهم وبدا السباك يؤيؤيؤ قصدي الدكتور يشتغل بااسنان قريبي الدلخ الي طار من فرحة الترحيب فيه <<< مسكين اول مرة احد يرحب فيه ههههههههه المهم جلس السباك يشتغل باأسنان قريبي 11 يوم بالتمام والكمال وزود على كذا انه يعطينا موعد ولا يلتزم بالحضور واذا حضر تحصله معصب وخذ انواع الرص بالاستقبال والله انه يرصنا من 11 الصباح ولا نطلع الا بعد المغرب اللهم في هذا الوقت اني انا الي اطلع اروح اتغداء وارجع وقريبي يجلس في العيادة لأنه مايقدر يأكل شي بسب اعمال الصيانه في اسنانه ولما نقول للسباك وين الوعد انت قايل 3 ايام وحنا مخلصين يجيب لنا انواع الاعذار وان المعمل تبع الاسنان مقفل وان وان وووو الخ المهم وبعد اعمال الصيانه طلعنا بالأتي : 1 / اسنان كبار تقل بلك اقسم بالله لو تشوفهن كان هجيت 2 / لون بشرته سمراء والدكتور الدلخ حاط له اسنان لونهن ابيض ساطع بالمرة يعني الشكل مايركب كله غلط بغلط 3 / الدكتور النصاب كنا متفقين معاه بمبلغ 3000 الآف ريال اخذ 7000 الآف ريال وقام كل شوي يطلع عذر انت عندك ضرس فيه مدري وشو وانت عندك اعصاب مدري وش يبن وانت يبي لك حشو وانت وانت ومن هذا القبيل ونصيحتي لاتتعداء عيادة الحركان للأسنان الي بعنيزة وشكرآ ** اكثر الناس يقولون نروح لسوريا ارخص من السعودية بس هم مافكرو بتكلفة الذهاب والعودة سواء بالطائرة او بالسيارة ولا فكرو بالمبلغ الي بيدفعونة للسكن والاكل والشرب والتنقلات هناك بسوريا لو تسلم مايرد عليك السلام الا بخمسين ليرة لا وبعد خذ انواع النصب من المحلات التجارية السوري له سعر خاص والخليجي له سعر خاص دبل 10 مرات والمسجد لو تروح تصلي تطلع ماتحصل جزماتك وانتم بكرامة ولو دخلت سوق الحميدية ماراح تطلع الا وانت طالع لك قرون وجايك الضغط من هالسوريين الي يغصبونك على الشراء يحسبونك بنك سامبا المهم سوريا برئيي الشخصي لاتصلح للعوائل ابد ويفضل السكن والتمشية بالشمال السوري وتبي ترتاح هج عن دمشق ام المصايب والله اني دخلت انا وقريبي مطعم للفطور اسمه سحلول سحلله الله واخذنا صحن شكشوكة مالغة و2 شاي وصحن زيتون وصحن فول وصحن سلطة وصحن جبن والحساب طلع علينا 1100 ليرة يعني بحدود 85 ريال واجي واقول للمحاسب حنا نفطر في باريس مو في سوريا البوفيه المفتوح ماجاء هالسعر ليش انتم سعركم عالي بالمرة قلت له انا ماعندي استعداد ادفع هذه الفاتورة : ولا راح اتصل بالشرطة السياحية جاء مدير المطعم وقالي ماعليش اكيد فيه غلط بالفاتورة وقال للمحاسب روح راجع فاتورة ابو السعود << استهزاء بالسعوديين ورجع المحاسب بالفاتورة ومكتوب عليها السعر 260 ليرة بدال 1100 يعني وين ماتروح لسوريا لازم تضيع وقت في مثل هذه الامور ؟

والله معانات قاسيه حسبي الله عليهم ...
ذكرت شمال سوريا مش بطال
طيب وش الاماكن المناسبه بالضبط ياليت توضح اكثر ..
اما دمشق قاضين منها

[بدرالوابلي]

مع احترامي للمتخصصين بالأسنان هناك واهلها ... الى ان الأسنان تحتاج ادوات معقمه ونظيفه كيلا تنتقل العدوى كالأيدز والتهاب الكبد الوبائي عن طريق تلك الأدوات ومعظم عيادات الأسنان الخاصه في سوريا هي تجارة شنطه فهم يتعلمون المهنه في افواه السعوديين كما يتعلم الأتراك الحلاقه في روؤسنا ؟؟؟؟؟؟؟؟والبعض يجعل اسنانه حجه حتى يذهب هناك و..............................................؟؟؟ ؟؟؟؟؟؟؟؟؟؟؟؟؟ نسأل الله السلامة والعافيه .

[المودع]

اقتباس المشاركة الأساسية كتبها بنتصحراء أخي الكريم أنا لا أدافع عنه ولا عن موقعه أنا أكره التلفيق و الكلام بغير علم ، هل إتصل أحداً منكم به وعلم الحقيقة ، هل فكر أحداً منكم أكثر من مجرد أن يتهم ويدعي أن هذا الدكتور نصاب ولا غير ... كيف عرفتوا أنه نصاب ، هل ذهب أحداً منكم إليه ، ونسيتم كل الذي ذكرته من عنوان للموقع إلى ارقام وصور المتعالجين عنده ..... بعدين شو المكشلة في الموضوع إذا كان أكثر من شخص كتب عنه في الأنترنت يمتدح التجربة العلاجيه معه ، بالعكس تماماً هذا الكلام يضحض مزاعمكم

اخي بارك الله فيك
يبدو انك نسيت إن اول موضوعك كنت تستفسر وتطلب من يفيدك!!!
انت تقول :هل إتصل أحداً منكم به وعلم الحقيقة ،
ونحن نقول: انت اولى بالإتصال لانك صاحب الحاجة
انت تقول:كيف عرفتوا أنه نصاب ، هل ذهب أحداً منكم إليه ، ونسيتم كل الذي ذكرته من عنوان للموقع إلى ارقام وصور المتعالجين عنده .....
ونحن نقول: ان موضوعك دعاية مجانية للموقع بغض النظر إن كان نصاب او غيره
انت تقول:بعدين شو المكشلة في الموضوع
ونحن نقول: كلمة شو طلعت منك دون فلترة
وبيدو اننا بقربة منشقة لأن هدفك رفع الموضوع فهذا اخر تعليق لي على موضوعك
واعتذر عن كل إساءة واستغفر الله العظيم

[سكون اليل]

الثائر الاحمر
تستاهل بوووووووووووسه على خدك
لاتخليهم هالنصابين عليك بهم
والله تعجبني