[وفيه بطبعي]

بنات من عنده طبخة


جديدة والله ملينا الفطايروالبيتزاءوالقيمات

[ٳثمڍ فرζ]

اقتباس المشاركة الأساسية كتبها اني آغـردز =( هنا هنا اجل انا وانتي وكاريزما شخصه وحده هلا بييييك تحرينوه ؟ والله اول ماقمت اهوجس به بس صارت ماماتي عاجنه بسويه باقرب وقت ان شاء الله

شفتي شلون ’
وقسمن انصدمت وحلته بأقرب رد جابه عقلي السخيف ,

والله لو انا عبقرينوا عشان ادير ثلاث معرفات بهويات مختلفه ’
اهم حاجه اني اشبهكن ’

+
بينك ’
كانت تعني العجينه الذهبيه ابحثي عنه بقوقل يآ اخت ذهينه ’
الميهم كزي لنا من تجاربتس , بس ما ابي مطاريس

[ٳثمڍ فرζ]

اقتباس المشاركة الأساسية كتبها وفيه بطبعي بنات من عنده طبخة جديدة والله ملينا الفطايروالبيتزاءوالقيمات

امم ’
سوي اصابع العروس , مطبق بقرصان السمبوسه ’,
حشي لك خبز السلمان السعنونات بـ فلافل وبطاطس واية خضار خيار طماط بقدونس ’

وبعد زيني التوست اللي دوائر ثمن يدهن جبن وبعدو حشوه وغمسيه بالبيض والباقسماط ,
اقليه وقطيعه من النص < احس مابوه احد مايعرفه وعن نفسي أدمان عليه ’

عآد كوني بالأحتراء لطبقي المتواضع يوم ثمنيه ’

[» أوّاه !]

اقتباس المشاركة الأساسية كتبها ليندا اهلين بنـآآت طلببتكم وين القى شوكلاته خآم ابيض وبني

تلقينهم بالسوبر ماركت > شايفتهن ببنده ..

[» أوّاه !]

اقتباس المشاركة الأساسية كتبها ٳثمڍ فرζ امم ’ سوي اصابع العروس , مطبق بقرصان السمبوسه ’, حشي لك خبز السلمان السعنونات بـ فلافل وبطاطس واية خضار خيار طماط بقدونس ’ وبعد زيني التوست اللي دوائر ثمن يدهن جبن وبعدو حشوه وغمسيه بالبيض والباقسماط , اقليه وقطيعه من النص < احس مابوه احد مايعرفه وعن نفسي أدمان عليه ’ عآد كوني بالأحتراء لطبقي المتواضع يوم ثمنيه ’

يسسسسلمو عالطبخاات الحلوة

> كونوا بالأحتراء > طيب نحن بالإحتراء

>> وشسموه أنا عندي طبخة
خن أقوله لكن عاد جربنه وعلمنن

شفتوا شرايح السمبوسا لمّا تقطعون نهايتهن بيصير عندنا
عجينه مربعة طيب ؟ > روحي كشني دجاج مفرووم
مع جزر واللي تبين وأهم شي الحببببحر بعدين
حشي هالمربعة وحطيه بصينية وخلي نهاية اللفة
تحت مشان ماتنفتح رصيهن بصينية وبعدين سوي
كشنة الحمراء وتكون به حرارة أفضل وحطيه فوق الأصابع ورشي عليه
جبن موزريلا وحمريه بالفرن بتصير

....

[أم عماد]

كاكو خام تحصلينه ببندة والعليان وأي محل كبير

[أبتسم وكُلـ أمل ـي]

.

اقتباس المشاركة الأساسية كتبها سيلينا ^^^ يسلموووو حبيباتي ما قصرتو بصراحه اغلب اللي اسويه ينكب عاد قبل رمضان دايم اتحجج و اقوله راحت علي نومه و لا مالي خلق و لا ناقص اغراض عشان كذا ما سويت اكل عاد هو يا عمري يقولي ما يخالف و نطلع نتعشى برا و احيان يجي من الدوام و يجيبلي معاه غدا تقريبا ٤_٥ مرات بالاسبوع الله يعين بس و ان شاء الله مع الوقت يتحسن طبخي لان و الله حرااااام مقاضي البيت كلها تروح تجارب فاشله ان شاء الله بكرا بجرب العجينه و ياااارب تضبط

ياقلبي غريبة والله , يعني قبل تتزوجين ماعمرك دخلتي المطبخ أبد
شوفي حبيبتي اشري كتاب النخبة حق أمل الجهيمي صح أطباقه قديمة شوي بس سهلات مرة ومضمونات حلو جداً للي تبي تتعلم .
وتابعي قناة فتافيت ممتازة جداً وتفيدك كثير .
ترى الطبخ سهل وممتع ومايبي شي يومياً لافرغتي جربي لك طبق من كتاب أو من النت أو أي شي , واتركي العجينة على جنب لاتعلمتي الأساسيات تفرغي له .
مع مرور الزمن يبي يمل زوجك من الجاهز ويبي يعرف انك ماتعرفين للطبخ عاد الرجال تراهم يفرحون بالخطأ .
والبنات هنا ماقصرو تبارك الله سنع وفن فيه أطباق جداً ممتازة افتحي صفحات العام وشوفيهن

ربي يوفقك ويعينك ..

[أم عماد]

بنااات تعرفون الأقماع الصغيرة حقت الأرياف المحشية دجاج بخلطة سايلة
أكيد منهبلين على هالحشوة مثلي
تتوقعون كيف تسوى و كان فيه أحد منكم جرب يسويها وضبطت يعلمني



هذا طلب



والطلب الثاني للي جرب طباخة الرز
كيف؟
يعني تحطين كل شيء وهي تضبط الرز ولا كيف؟


والطلب الثالث والآخير
أبي سفرة ملونة سادة

[roosh]

اقتباس المشاركة الأساسية كتبها ٳثمڍ فرζ شفتي شلون ’ وقسمن انصدمت وحلته بأقرب رد جابه عقلي السخيف , والله لو انا عبقرينوا عشان ادير ثلاث معرفات بهويات مختلفه ’ اهم حاجه اني اشبهكن ’ + بينك ’ كانت تعني العجينه الذهبيه ابحثي عنه بقوقل يآ اخت ذهينه ’ الميهم كزي لنا من تجاربتس , بس ما ابي مطاريس

تحسبنا ق قصدي يحسبنا مثثله هالوسخ
<مادري وشلون طلعت
اي والله اهم حاجه اني اشبهكن
+
ببحث واشوف
مطاريس بخشتس

[roosh]

ام عماد
هههههههه سيم سيم
قد قالت لي وحده من عماتي طريقته وتمدحه تقول نفسه بالزبط والزبيط
تسلقين دجاج وبعدين تحطينه بالفرامه اليدويه اللي تشبيكينه بكهرب ي رب عرفتيه
وتحطين زبادي وثوم وكثري الثوم شويات بسس

[أم عماد]

إني أغردز .
بجرب طريقة عمتك .
ويارب تطلع سيم سيم الأرياف ..
سلفا لك شكري ولعمتك كذلك
لكن إن ماصارت سيم سيم الأرياف ..
بسحب الشكر > خخخ تسمع بالأخلاق ..

[ٳثمڍ فرζ]

اقتباس المشاركة الأساسية كتبها أم عماد بنااات تعرفون الأقماع الصغيرة حقت الأرياف المحشية دجاج بخلطة سايلة أكيد منهبلين على هالحشوة مثلي تتوقعون كيف تسوى و كان فيه أحد منكم جرب يسويها وضبطت يعلمني هذا طلب والطلب الثاني للي جرب طباخة الرز كيف؟ يعني تحطين كل شيء وهي تضبط الرز ولا كيف؟ والطلب الثالث والآخير أبي سفرة ملونة سادة

امم ’
اظن الحشوه تونه بهب دجاج وكن فيها مايونيز !’
حسيت من ريحتها

طباخة الرز ’’
ماتمدحه خيتي طبخة فيها مره ولاعاد جربته ثانيه ’’

السفره ’
تبينها أستعمال لمره واحده ؟؟,

فيه عند حقين البلاستيك الغيث وطقته سفره خضرا ,وسماوي, وبيج ’
حلويين مره ’
وبعد تلقينها عند السحيمان اللي بالسوق الداخلي ,

[عُباب]

بناااااااااااااااااااااات مشكورات يا أطلدز نفرات على أرض بريدة
ضبطت معي العجينة و استانست وتشققت الخشة
وقعدت ادعدع عن اخوي وأقول إني طباخة الطباخات
قال لي والله لو انتي مزينه جريش على المطاطى
جيت من زود الذهانة قلت وش انت يالجريش بسيط
قال اتحداتس بكرا تزينينه بدون ما تسألين أمي
أنا وجهي غدا تسذا
صدز بنات وشلون يزين الجريش

[ـالتُفاحة الورديّة]

صدق أخوك صعب قوووة الجريش لكن أنا اعلمك وشلون

تجيبين قدر < أحلفي

وتحطين فيه ماء على حسب كثر الجريش اللي معك

وتخلينه يغلي وبعده تقطعين فص بصل وكمون وملح وماجي و2 او 3 كأسات لبن

وتخلينه الين يغلي وبعده تغسلين الجريش وتحطين معه رز مصري ( سليق ) نسميه

وتنقعينه يمكن عشر دقايق وبعده تكبينه وتقصرين عليه الى آخر شي

ومااااقضيتي توك

اذا نشف الماء تصيرين طابخه لحم او دجاج تأخذين من العاقود او ماهن < ماء

وتتزودينه واذا نشف تزودينه واذا نشف تزودينه الين يمررررس

تخلينه يمكن حوالي 4 ساعات وهو يطبخ

واذا حسيتي انه خلاص أمرس طلع ابوه

تهرسينه بالمغرفه الين يصير سائل بس أثقل من شوربتكم بأشوي < إيقاله شايفته شوربتهم الحين

وبس

وتزينن مادري وش تسمى اللي تحط فوقه للتجميل

بصل تحمسينه مع زيت وتحطين صلصه ملعقه او نصف ملعقة وتحطين وليمون اسود

وتنقطين فوقه

وبس

هذا جريش امي وهي معلمتن أيااااه وكلن ماشاء الله ينهبل على جريشه

وعلمينا وش يصير عليك شكلك تبي تهونين اذا قريتي طريقته << امزح