[استغفرالله.]

اقتباس المشاركة الأساسية كتبها pink touch تيراميسو سريع ولذيذ تغمسين بسكوت الشاي بماء ونسكافيه وتصفينها بالصينية بالخلاط ظرفين دريم ويب 10 حبات كيري أو علبة فيلادلفيا وعلبتين قشطة وتصبين شوي من الخليط ثم بسكوت طبقة ثانية ثم باقي الخليط ورشي بودرة مرة عليه بس خليه بصينية صغيرة عشان تصير الطبقات سميكة

شكرا لكي حبيبتي وان شاء الله اجربه بقرب وقت

[استغفرالله.]

اقتباس المشاركة الأساسية كتبها بنت أبو خالد غمسي حبة بسكويت بالنستله بعدين غمسي الثانيه والصقيهن ببعض بعدين غمسيهن بَ سميد محموس شوي وحطيهن بالثلاجه طعمة يجنن وسهل ومايخرب ه

شكرا لكي حبيبتي وان شاء الله اجربه مشكورره من كل قلبي

[القلب الوردي]

اقتباس المشاركة الأساسية كتبها استغفرالله. يعطيكم العاافيه بنــات ابي حلا سهــــــــــل يصير بوه بسكويت لن عندي درزن بسكويت شاهي بليز بنات..؟

جربي هذي لذيذة مرررررة ماخذتها أنا من منتدى ثاني بصراحة طعمها خطير وتواجه
الله يجزى صاحبتها الجنة ووالديها والمسلين أجمعين

كيكة البسكوت بالتفاح

المقادير
نص كاس زيت
نص كآس موية
نص كآس سكر
2 بيض
فانيليآ
شويييييييية هيل
نخلطهم بالخلاط
وبعدين نضيف بيكنج بآودر و2 كآس بسكوت شآي اولكر مجروش
ندخلهآ الفرن مثل أي كيكة انا افضل اسويهآ ميني كب كيك
لمآ تستوي
و بعدين نحمرها من فوق شوية بس
الطبقة الثآنية
نص علبة حليب نستله
8 كيري نخلطهم ونحط فوق كل وحدة شوية من الخلطة
وندخلها الفرن على الحرارة بس مانشغله
لما تجمد الطبقة
وخلال هالوقت نسوي الطبقة الثآلثة
نص كآس سكر
1 موية
ملعقة نشآ وومكن تزيد شوي
م ص قرفة
تفاح مقطع صغاااااااااااار
نحركهم عالنار لما يجمد السآيل وتطلع بهالشكل
وبعدين بالملعقة الصغيرة وهو حآر نشيل ونحط عالكيك

وبالعافية

[سأكون يومآ ما أريد]

يسعدلي صباحكم / مسائكم جميعاً ..
اخباركم .. اخخبار رمضان معكم .. واجواء التنقل من سوق لسوق ؟
هههههه الله يسهل على الجميع يَ رب ..

بغيتكم الله لا يهينكم بـ طلب صغنون .. وعسى ما أكلف عليكم

حنا ان شاء الله بأيام العيد بنطلع مع عماني لأستراحه مثل ما اعتدنا كل عيد , وانا وبنات عماني متعودين نشتري لنا شوكلاتات للقهوه وهالاشياء , هالسنه قررنا نغير من هالنظام شوي
فقلنا بدال هالشوكلاتات كل وحده تجيب معهآ مقادير حلآ يكون سهل وما يحتاج لِـ فرن ولا لطاحونه <-- حششى
ومع كل قهوه نسوي حلا من هالحلويات اللي جايبينها , وأنا بصراحه توهقت مدري وش الحلى اللي ينفع اخذه ..
فَـ يآليت تساعدوني لاهنتوا بطريقه حلى تناسب ..
وبتكون لكم دعوه في ظهر الغيب
واخيرآ دمتم بوِد
اختكم .. سأكون يومآ ما أريد

[شجرة التوت]

هلا وسهلا والله الحمدلله بخيييييييير . والسوق ما عنه منشود


شوفي فيه حلا ام الجيران الله يسعده يجنن وسهل

اللي فيه بسكوت اريو و بسكوت جوزاء مطحون ونستله وجبن .

اللي يبي طحن اطحنيه في البيت وعلبيه ..

وبعد لو تسوين الحلى حق العجازات . بف باستري تحشينه كيري و تقلبينه في بيض ثم سميد

وفرزيه وبالاستراحه بس يبي قلي ماياخذ وقت ..كل شي جهزيه قبل في البيت


الله ييحيينا حياة طيبه ويتقبل منا والمسلمين.

[سأكون يومآ ما أريد]

يعطيگ العافيه اختي ماقصرتي ...
هو مو مسألة انه ياخذ وقت لااا ، بس حنا قصدنآ الفرن ما نضمنه يمكن يكون مليان قدور ومن شغلات هالحريم
فعشان كيذا نبي شيء سهل =)

[ٳثمڍ فرζ]

اقتباس المشاركة الأساسية كتبها سأكون يومآ ما أريد يعطيگ العافيه اختي ماقصرتي ... هو مو مسألة انه ياخذ وقت لااا ، بس حنا قصدنآ الفرن ما نضمنه يمكن يكون مليان قدور ومن شغلات هالحريم فعشان كيذا نبي شيء سهل =)

يآ اهلاً ’,
عندي لك حليات ولو انها قديمه شويآت لكن طعمها بالراس

بالأول عنك هذا :

http://www.buraydahcity.net/vb/showthread.php?t=252722

وتقدرين تستبدلين كيك اليمامه بـ سفن دايز وغيره ,’
وحطيه ملون مثل مآ قلت بأول رد ..

وثانياً :
كيك امريكانا الشوكلاته الرول قطعيه شرائح وغمسيه بـ نستله ومن بعدوا بجوز هند محموس .,

ثالثاً :
تعرفين بسكويت الجوزاء جيبي منه حبتين ولصقيها في بعض بنستله .,
وبعده غمسيها برضو بالنستله عقبه خليها تطافش شوي بـ سميد وجوز هند وسمسم محموسين جميعاً .’

رابعاً < ياكثرتس :
كسري بسكويت اولكر الى قطع صغيره .,
واخلطيها بيدك بـ خليط عباره عن قشطه وباودر شوكلا وسكر ,’

بعد الخلط .. جيبي قصدير وافرشي بالملعقه الخليط على شكل طولي ولفي القصدير كـ رول ,,
وعالفريز ساعه او ساعتين .,

^
احس طلع غبار
ايوه وبعد عنك ذا الحلا الموش بطال ,

مقاديره :
ك سكر
بياله ميه
ك حليب جاف
علبتين قشطه
2بكت دريم ويب
ملعقه نسكافيه
ملعقة باودر شوكلا
بكت بسكويت

وعلى الخلاط جميعاً , وتصبينها فـ كاسات صغيره < احياناً احنا نستعمل البلاستيك البونيات

وبس ’,

[ـالتُفاحة الورديّة]

بنات تعرفن طريقة المحلبية مادري مهلبية

أهلي جايبين قواطي يقولون زيني لنا قالت ميخالف بس ماعرف له

وبحثت بقوقل بس مادري مافهمت

اللي بتفيدين الله يجزآآآآه الف خير ويفرج له كل كربة يارب

[بنـــــــت عـــــــــــــــز]

المهلبيه...كاس حليب /فنجال سكر وملعقتين مليانات نشاء أو كسترد الي عندك
وحركيهم على النار لما تثقل بعدين صبيهم ببوادي>>>قرويــــه مابعد تطورت
ثم جمليهن بفستق اذا عندك

[ـالتُفاحة الورديّة]

اقتباس المشاركة الأساسية كتبها بنـــــــت عـــــــــــــــز المهلبيه...كاس حليب /فنجال سكر وملعقتين مليانات نشاء أو كسترد الي عندك وحركيهم على النار لما تثقل بعدين صبيهم ببوادي>>>قرويــــه مابعد تطورت ثم جمليهن بفستق اذا عندك

الله يفرج عنك كل كربة < أذكرك تقولين حامل الله يهون عليك قولي آمين

طيب كم مقداره من المهلبية؟؟ وكم مقدار الماء ؟؟

وش الحليب جاف والا سائل ؟؟ < اتوقع انه جاف

اول مرة ازينه

[عُباب]

بنات الله يعافيكن عندي عجينة بف باستري وش اسوي به غير البقلاوة و غير 2×1 لورديه لأني جربتهن

[القلب الوردي]

اقتباس المشاركة الأساسية كتبها سأكون يومآ ما أريد يسعدلي صباحكم / مسائكم جميعاً .. اخباركم .. اخخبار رمضان معكم .. واجواء التنقل من سوق لسوق ؟ هههههه الله يسهل على الجميع يَ رب .. بغيتكم الله لا يهينكم بـ طلب صغنون .. وعسى ما أكلف عليكم حنا ان شاء الله بأيام العيد بنطلع مع عماني لأستراحه مثل ما اعتدنا كل عيد , وانا وبنات عماني متعودين نشتري لنا شوكلاتات للقهوه وهالاشياء , هالسنه قررنا نغير من هالنظام شوي فقلنا بدال هالشوكلاتات كل وحده تجيب معهآ مقادير حلآ يكون سهل وما يحتاج لِـ فرن ولا لطاحونه <-- حششى ومع كل قهوه نسوي حلا من هالحلويات اللي جايبينها , وأنا بصراحه توهقت مدري وش الحلى اللي ينفع اخذه .. فَـ يآليت تساعدوني لاهنتوا بطريقه حلى تناسب .. وبتكون لكم دعوه في ظهر الغيب واخيرآ دمتم بوِد اختكم .. سأكون يومآ ما أريد

سوي لهم فوندو
اشتري مارشميلو , أناناس معلب , فراولة , أصابع ويفر , كيك ,
واشتري سطل الشكولاتة من ملتقى الخبازين وبس
إذا تبين صور من حفلتنا حطيت لك << يقالك منتي معنا

[القلب الوردي]

اقتباس المشاركة الأساسية كتبها عُباب بنات الله يعافيكن عندي عجينة بف باستري وش اسوي به غير البقلاوة و غير 2×1 لورديه لأني جربتهن

ياحبي لك عساه أعجبك بس
شسمه .. اقطعي كل شريحة أربع مربعات وحشيه جبن كيري وقفليه بيطلع لك هلى شكل مستطيل
غمسيه بحليب وبعدين سميد واقليه ثم صبي عليه نستلة وهيرشي .

ادهني شريحة كاملة بشوية نستلة ورشي عليه قرفة وغطيه بشريحة ثانية ممسوحة بعد بنستلة ( لا تكثرين شويييي بس عشان ماينحاس عليك ) وبعدين قطعيه لست شرايح طويلة وإبرمي كل شريحة وصفيهن بالصينية واخبزيه بالفرن وبعد ماتطلعينه صبي هيرشي ونستلة .

جربي البيتزاء بصراحة لذيذة وسهلة .

وبالعافية

[عُباب]

اقتباس المشاركة الأساسية كتبها القلب الوردي ياحبي لك عساه أعجبك بس شسمه .. اقطعي كل شريحة أربع مربعات وحشيه جبن كيري وقفليه بيطلع لك هلى شكل مستطيل غمسيه بحليب وبعدين سميد واقليه ثم صبي عليه نستلة وهيرشي . ادهني شريحة كاملة بشوية نستلة ورشي عليه قرفة وغطيه بشريحة ثانية ممسوحة بعد بنستلة ( لا تكثرين شويييي بس عشان ماينحاس عليك ) وبعدين قطعيه لست شرايح طويلة وإبرمي كل شريحة وصفيهن بالصينية واخبزيه بالفرن وبعد ماتطلعينه صبي هيرشي ونستلة . جربي البيتزاء بصراحة لذيذة وسهلة . وبالعافية

ماشاء الله تبارك الله روووووعه و لذيذ
و إن شاء الله أجرب الي قلتي بكرا
+ جزاتس الله خير ويسر أموركِ