[** حَـنيـنُ الأُخـوَّة **]

موضوع جميل جدا

أحب أن تفكر الفتيات في هذة المواضيع حتى تكون مستعدة لو حصل لها شيء من ذلك ..


ومع أنني قد فات عليّ الفوت - والحمدلله -

إلا لاانني سأدلي برأيي .. ورأيي مثل رأيك عزيزتي نجـــدية ..

ومن الأسباب التي تدفعني لموافقتك الرأي ما يلي على سبيل المثال :

أن هذة الفتاة بعد زواجها ملزمة بحضور اجتماعاتهم .. وحفلاتهم .. و هذا سيضطرها لأحد أمرين :

1- المقاطعة .. ولا اعتقد أن هذا شيء لطيف ابدا ..

2- الحضور ومشاركتهم المنكرات .. فإن حاولت النصح إما أنهم ستقبلون أو لا .. وحتى لو جاملوها مرة لن يجاملوها كثيرا .. حينها ستجد نفسها بين أمرين كلاهما مر .. السكوت على المنكر وهذا سيجعله مستساغا عندها .. أو مقاطعتهم وهذا أمر لا أحد يرضى به .. وللأسف بعض الناس - الفريييي - حتى لو صمتي ولم تنكري ولكنك لم تشاركيهم المنكر .. يرفضونك وقد يحاولون تطفيشك من حضور اجتماعاتهم !!!!

لذلك السلامة زينة .. ولكن طبعا لو اضطرت الفتاة لمثل هذا الزواج .. فلا أمنعها .. مادام خطيبها ملتزما ومحافظا وذو شخصية قوية .. لأنه سيساعدها حتما على الثبات ..

وبالتوفيق للجميع ..

[•°انكسار الأماني°•]

اقتباس أيضاً هي وجهة نظرك وأحترمها لكن أنا لم أقل أني سأأخذ رجل لأن أهله ملتزمين .. بل أريد الزوج والحمولة كلاهما متدينين ومناسبين ولّا وش الفايدة أجل ياحبيلك..؟

وأنا قلت إنك قلتِ ؟؟

اقتباس وبالنسبة لقولك أنهم قشران فلم أتطرق لهذا الموضوع ياحبيبة

أعلم وأنا قلت إنك تطرقتي ؟ مجرد توضيح للخاطب اللي أرده علشان أهله .
ترى ردي مستقل بي ولاعلاقة لي بما ورد بالموضوع لذا لاتحصرين الردود بأفكارك وحسب .

اقتباس وعن قولك أنك أول مرة تسمعين رجل متدين وأهله صيّع فأنا غالب محيطي كذا ياجعلهم للصلاح بس

لاعفواً مفهوم صيّع ليس كما تعتقدين .
لإن اللي وضحت صفاته أبداً مايسمى صايع وإذا الحكم جي عز الله كل العالم صيّع .

اقتباس هذا مفهوم الفرري عندي .. وش بقى أجل الله يصلحك

لايابعد قلبي مش ذول الفري , هذول طبيعين وكل بريدة كذا .
لعلمك ترى تعداد الملتزمين مايشكل شيء كعوائل .

اقتباس أكيد مافيه صعوبة بس أخاف على نفسي ولو كانوا عسولين وحبّابين البلشة هالاندامج هي اللي تبي تودين لستين داهية

وراه يعني معقولة ماتجلسين مع صديقات عندهن فضائيات ؟؟ ماأشوف فيه أي تأثر .
أنا من كنت في أولى متوسط وأنا لي صديقات فري الفري وإلى الآن ماغيرن بي شعره .
العمدة على قناعات الشخص اللي مقتنع مايتغير لو تحطينه في بانكوك .

اقتباس ليس على الله ببعيد ياغالية ... فما زال في الأمة الخير الكثير تفائلي ياحبيبتي موفقة

خلاص طيب إذا بالأمة خير ماعليك إلا تنتظرين الملتزم اللي أهله ملتزمين وإذا جاء متكامل , لك مليون وثلاثة أريل .
طول عمر البنات يفكرن بأمر الإلتزام والنهاية هن المتضررات لإن هالملتزمين مافكروا بمن يرتبطون ؟ وثلاث أرباعهم قشوا خمة بن قرشوع .
لذا خلن تفكيركن بالرجال الراكدين الواعين المثقفين ثم لله الحمد وبلاش ملتزمين وأهلهم ملتزمين والنهاية يخطبون أصيع بنت في الديرة .

موفقات ,

[أم بنتها]

الأساس على المرأه لو شخصيتها ثابته وواثقه من نفسه ماراح يغيرها أي أحد
أعرف لك أول لبسه عند حمولته وتجهيزه تنانير وطوااااااااااال
وماكملت سنتين إلا وهي لابسه بنطلون جنز والبلوزه قصييييره
لأن ماوراها رجال يضبطه وشخصيته الهواء يلعب به........
اللهم أني أسالك الثبات....

[أم بنتها]

سمعت أن وحده بتأدب بنات الناس هذولي خوات زوجك أحترامهن من أحترامك لزوجك
واخزيااااااااااااه أنتي الي صرتي شر موهن
الحين تاخذ أخوهن وتادبهن صدق الي أستحو ماتوا بعض الحريم مادري كيف تفكر .........

[نواعم غاليري]

شوفي يالغاليه
من الممكن يجيك رجل من اشد الناس صلاح
ويكون عياله مش ولابد على قولتك فري
لان الامر بيد الله اولا واخيرا
ثم بالمحاوله بالتربيه والنشئه التابعه لما يرضي الله
لكن هناك عوامل مؤثره
بعيد عن العايله
اهمها العالم الخارجي
من صحبه واختلاط وافكار وغيرها
والنظر لمثل هذه المسائل بالاكتمال مستحيل
والاهم محاولة ايجاد اقتناع بالدين
من اجل الحفاظ على النفس من العوامل التي ممكن ان تكون منافيه لما يرضينا تجاه الرب
فانا بالنسبه لي رجل صالح يعني لي الكثير لان ليس هناك مايمكن ان يكون اكتمال

[لنوني الحلوه]

عووووووووووووووده قوووووووووووويه
لصاحبة الموضوع قولي آمين عسى ربي يرزقتس رجل وحموله من احسن مايكونو من اخلاق
وادب ودييييييييين وهذا الاهم<<<بس إذا ماحصلو الاهل الشكوى لله يعني نفس كلامي سابقا
اهم شي الرجل واقري كلامي واحكمي عشان تعرفين وجهة نظري
بس اعرف وحده من قريباتي والله انه متدينه واخذه حموله على (قولتس فري)وانا مره شفت
اخت رجله لبسه بنطلون الله يهدينا ويستر علينا وياه وكل مسلم والحين ماادري عنهم يكمنه اثرت عليهم
بس الـــــــــــــــــــــــــــــــــــــــــعــــــ ـــــــــــــــــــــــــكسسولله الحمد والمنه
ومشاء الله تبارك الرحمن متمسكه بدينه عشان رجله مثله دين وكمان امام مسجد والحين معه اولاد
واللي اسمعوه عنه انه تبارك الرحمن عياله عليه وعلى ابوهم الله يثبتهم ويزيدهم إيمان وقوه

تقبلي مروري**لــــــــــــنوني الــــــــــحلوه**

[فـــجـــر]

اهله هم اللي ربووه
والحب مايطلع الا على بذره

[عاشقة الغد]

صرااااااااااااحه اسلوبك بالطرح جميل ومشوق ....من اجمل المواضيع تحليلا وتشخيصا..
بالنسبه لرائي الرجل هو المهم والاساس وزي ماقالت اختي فخر ان الحب يطلع
على بذره وعلى فكره رد فجر في غاية الذكاء
....وهذا يدل على بعد النظر والتروي بالامور

تقبلواااااااا مروررررررررري....

[•°انكسار الأماني°•]

اقتباس لا أحب التعميم ياعزيزتي .. قولي محيطي أو على الأقل من حولي هم هكذا أمّا عني .. فالحمدلله بيئتي متدينة ومن سكان بريدة أيضاً وإن لم تصدقي ذلك فهذا شأنك أنتي

لاياشيختي لو حكمي نزلته على محيطي كان فالي بخير وألف خير ومعهن باقة ورد .
لكوني أنتمي لعائلة ملتزمة ولأخواة جُلهم طلبة علم ودعاة ولاأزكي على الله أحد .
ولست أقول ذلك تفاخراً بكثر ماأن المجال حل للحديث عن المحيطات والبحار لذا بقولك محيطي .
صح إن الكثير يعتبرونني متشائمة وربما يحسبون أني ضمن دائرة مجتمع (بخ) لكنه العكس ولله الحمد .

اقتباس وأمّا عن قولك أنك لم تتأثري فوالله ماشاء الله عليك .. الشخصيات تختلف ياغالية فأنا تقريباَ سريعة التأثر بمن حولي لذا أخاف على نفسي كثيراً

هذه مشكلة فقط لإن الحياة لن تمنحنا مايتناسب معنا دائماً و أبداً لذا يتوجب علينا تدعيم الثقة داخلنا لكسب رهانها .

اقتباس أووووووهـ ... عرض مغري والله مليون و3 ريال .. لالا مابي ال3 ريال يامعودة تكفينا المليون بس المشكلة وشلون أعلمك لاعرست ذذ >> يخلف الله على الحياء

يعني ياكافي صفت على هالثلاثة ماتبينهن ؟؟ يبدو إنك ماسمعتي مسرحية الدغيري (وميتين)
ماللحياء داعي في هالزمان بس إرسلي رسالة برايفت متى ماتزوجتي هالعسوجي والمليون جاهز .

اقتباس سأنتظر ذلك الزوج الصالح الراكد الواعي المثقف والأهل الصالحين بإذن الله .. فأنا متفائلة وواثقة بربيّ أنه سيرزقني ماتمنيت وبنات المسلمين بأجمع .. فهو الجواد الكريم سبحانه وتعالى

طيب إحجزي لي مقعد << عز الله جانا شلل من كثر الجلوس

موفقة شيختنا طولة عمر يارب على عمل صالح .

,,

[نجديــــة]

عزيزتي إنكسار الأماني :
سأحاول أن لا أتأثر بالمجتمعات الأخرى .. بإذن الله
شكرا لمرورك

بالتـوفيـــــــــق

[هايين]

وه ياسعدي اذا جو يعرسون اعيالي
ان شاء الله ابصير خالة احبيبه
يارب ترزقهم البنت الصالحه المصلحه

امين

[نجدية حرة]

مرحبا آسفة اتأخرت بردي ماكان عندي اتصال..

ياقلبي لا افهمك ولا تفهميني!! استفتاءك مدري رايك تحول للغز ماصار مجرد ابداء لرأي عن شيئ اراه تافهآ ومايستحق كل هذا النقاش فالموضوع مو محتاج مني كل هذي الصعوبة بفهمه الي انتي صورتيها !!
بس نصيحتي لك ثقي بنفسك اكثر راح تشوفين الامور ابسط مماتتوقعين لاني لاحظتك معتمده على زوجك واهله في تربية ابنائك اين دورك وشخصيتك اذا؟!!
يكون في معلومك المرأه بستطاعتها تربية ابنائها لوحدها تربية فاضلة كريمة وتنتج ابناء ينشد فيهم الظهر وينتصبون مناصب مرموقة في الدولة كل ذالك لوحدها حتى لو كان الابناء ايتام الاب اوكان الاب مدمن او لاهي بملذات الدنيا!!

وانتي قاعدة تتكلمين عن اهل الزوج فري او مدري ايش؟!!

ولكن طاب لي ان احول موضوعك لموضوع آخر اراه اكثر اهمية ويستحق ان نلقي الضوء عليه اكثر الا وهو((مارأيكم بزوجة الاخ ضعيفة الشخصية سريعة التأثر؟! هل تعتقدون انها ستكون انسانة قادرة على تحمل اعباء ومسؤوليات الزواج و البيت وتربية الابناء؟!!))

اعتذر عن قسوتي لكن اتضايق كثيرا حين ارى امهات المستقبل سطحيات ضعيفات

[ما تَهَاب]

فيه ناس ماأدري مع وين يفهمون .. اللهم لااااااشماته ..

أعانك الله يانجـــدية "الأصلية " ..

[بقايا احساس]

اقووووووووووووووووووووووووووووول
وسعو صدوركم
اللي تبي تدقق كذا ماراح تزوج ابد