[ابو بشر]

ياحبي لبريدة

وياحبي للشمال

الا الزراعي

وياحبي لمسجد البليهي

ياحبي لحي البشر

اخي الكريم

اقول ان كان معك الاولاد

ازين شي جنوب التلفجن

شرق الامارة

شمال التخصصي

عينك ماتشوف الزحمة ابد

والهدوء مايحتاج

ولاتنسى الدعاء

اللهم اجعلنا مفاتيح للخير مغاليق للشر

[ريف]

لالالالا أجلس باالرياض أصرف لكــــ
ولا ترى حي المطا يطلعون عليك اهل القبور يغولونك
وإذا ملزم اتذكر باالضاحي فرنسين راعين ذبح وذبيحo1
ولا عاد اللغه كل حي لغه وعادات وتقاليد <<<<<<<مابقى إلا كذا
يعني وووووووووووووووش قالولك بتجي من بريطانيا ترى حدك الرياض <<<<مصدق>>>>>>

[العنزي]

انت يازائر من الرياض ترى بريده ماتستقبل ثقيل الدم ولا متكبر .
ويمدحون حي الجرديه ومنفوحه والغاله انسب سكن في الرياض ..

[زائر من الرياض]

اقتباس المشاركة الأساسية كتبها محروم في بحر الهوى حياك تنور بريدة بوجودك يا زائر الرياض أما بخصوص السكن الأماكن الحلوة بالشمال وخاصة الريان وصدقني أن احتجت شي أهل بريدة مايقصرون أنت بس أمر .......................................

الله يعطيك العافية وشاكر لك الاسلوب الحلو

[زائر من الرياض]

اقتباس المشاركة الأساسية كتبها العنزي انت يازائر من الرياض ترى بريده ماتستقبل ثقيل الدم ولا متكبر . ويمدحون حي الجرديه ومنفوحه والغاله انسب سكن في الرياض ..

شكراً على هالأسلوب بس ياحبيبي أنت تمثل نفسك ؟؟؟؟ ما تمثل بريدة وأهلها !!!!

[الوحيد المجهول]

تبي الراحه والرخيص ..رح لم الخبوب ..

الخبيبه ..

بس تبي تاكل تبن من التحويلات لمين يقضي الكبري

الحاره هاديه مره ما به إزعاج ..

وحولك حي مشعل "شارع الثمانين"

به كل شي هاك الطريق ..

وإن كنت دراهم وما يهمك الريال رح لحي الربوه الحقيقه انه حي ولا اروع ..

بسط الديره عنده كل بس شينته غالي مره ..يعني تخيل دور فوق ااجار بالسنه بـ19 ألف ..

اما اخر هرجك عن الكلمات فأتوقع انك تستهبل

حياك الله بلدك الثاني

[زائر من الرياض]

الوحيد المجهول شكراً طال عمرك

[المصدر]

واللهمن الورطه اللي جابنك لبريدة؟؟؟؟؟؟؟؟!!!!!!!!!!!!!!!

[قصيمي بالشرقية]

اوصيك بحي المليداء يصلح لك

[حر اليدين]

اقتباس المشاركة الأساسية كتبها قصيمي بالشرقية اوصيك بحي المليداء يصلح لك

وش فيه حي المليداء يا قصيمي أحسن حي قريب من المطار :

12
أخي زائر من الرياض الله يعينك على العنصريه

وحياك الله في ربوع بلادك .

[مجموعة مشاعر]

اقتباس المشاركة الأساسية كتبها زائر من الرياض السلام عليكم ورحمة الله وبركاته كيف حال الجميع في البداية أنا أعمل في الرياض وصدر تكليف لي بالعمل في مدينة بريدة بترقية طبعاً !!! ولم أزر في

مايغيرون ...هالتكليف ويحطونه بــــــــــ


بجازان

ولا القطيف

ولا يخيرونك بأحد احياء الرياض النظيم ولا التغيرة ........ يمكن لهجتهم قريبة من محيطكم ..

[ماجد بريدة]

تقول أنه تم تكليفك بالعمل وتمت ترقيتك ؟؟؟؟؟؟

اختر التكيلف او الترقية وهذه سقطة تؤكد انك تريد ان تستفزنا فقط لترفع مشاركتك !!!!

وتقول أنك لم تزور بريدة ولا تعرفها !!!!!!!


ولكنك عرفت لهجتمهم وبالمناسبة اكد لك انا إختلاف المصلحات وطرق الكلام في اللغة الواحدة يسمى (((( لهجة ))) وليس لغة وهذا مستواك ثقافياً واتمنى إعادة النظر في الترقيات من حيث إستحقاق الموظف للترقيه فالواجب عمل اختبار شامل ومنها الثقافة العامة للموظف لكي نحمي انفسنا من موظفي المرتبة الثالثة ومادون وبند الأجور فنحن في بريدة نرحب بالجميع ونفرح بمن يجعل شعاره (( ياغريب خلك أديب )) ،،،،،


أسلوبك فيه لمز واضح حيث تقول هل هي مزدحمة مثل المدن الرئيسية وهل يوجد فيها اسواق ومجمعات تجارية!!!!!!!!!! وهذا واضح انه تعريض في مدينة اولاد علي فالمعلوم ان القيادة في السعودية قالت في اخر زيارة للقصيم اننا قلب المملكة واعتقد هذا كلام واضح ومن اعلى سلطة في البلد وإن لم تكون بريدة من المدن الرئيسية فهي من أهم المدن في المملكة عند اهلها وهذا يكفي ؟؟؟؟؟

الا تعلم ايها الزائر ان الملك عبدالعزيز اعتمد على الله ثم على تجار بريدة في بداية التوحيد للملكة ولا ننكر انه اعتمد على غيرهم ايضا ،،
فأعلم يارعاك الله اننا في بريدة نمتلك اكبر وأرقى عقلية تجارية تاريخية في جزيرة العرب ومن الطبيعي ان تكون (( الجردة )) تاريخيا محور السوق التجاري ومايسمى الآن مؤشرات السوق فكانت البضاعة التي تجلب إلى (( الجردة )) تكون قد وصلت إلى اكبر تجار المنطقة ،،،،

فأعلم اننا بخير والحمدلله ونتطور مع تطور بلادنا وبمباركة من القيادة وفقهم الله

فإن كنت زائر فمرحبا بك فنحن تعودنا على اكرام الضيف ولا تثقل علينا بكلامك وتجريحك لنا فأعلم اننا نعشق بريدة وشعارنا (( ياحول ياللي ماله بريدة ))) ،،،،،

وبالنسبة لفزعتك فأولاد علي ماقصرو وقالو لك بس ما قلت انت ترقيتك او تكليفك وين فيه عشان نقدر نفيدك مع اني لاحظت من ردودك ان مركز على الربوة ما ادري ليه ؟؟؟؟


والسلام ختام وبدون توقيع وابي توقيع

[جودي-الرس]

هههههههههههههههههههههههههههههه
والله شكلك خااايف

حياك الله بالقصيم
أنا أنصحك تسكن بالفيصليه>>>>اللي يسمعني أدل في بريده

أسكن باللي تبي أذا ماشالتك الارض تشيلك عيونا

حياك الله

[هبوب الرياح]

اللي يسمعك يقول جايتك ترقية في الصين ماتفهم كلامهم ولاتعرف عن ديرتهم
غريبة!!!!!!!!!!!!!!!!!!!!1