[سيار نجد]

السلام عليكم ورحمة الله وبركاته ..
كلن أدلى بدلوه .. فأحببت أن أدلي بدلوي <<

اقتباس . . . المفروض اللي يبي يطلـع آهله يصير عنده غيره ..,, يعني مثلاً ليش أطلعهم للطرفـيه أرض الله وآسـعه ودهم آي نفود ليش عند التجمع ؟ ابـعد بهم عشآن آنت ترتآح وآلاهل يرتآحون بعيد عن النآس ومـشـكور علا موضوعك

أعجبني هذا الرد ..
وهذا الصحيح ..
أنا رأيت بأم عيني عوائل عند نفود التطعيس بالطرفية عوائل كاشتين ؟؟؟؟
وفيه عوائل بالنبقية بين الشباب اللي يطعسون ؟؟
وفيه عوائل كاشتين بين الشباب اللي يطعسون بنفود الربيعية ؟؟؟
أنا ما اقول لاتخلي أهلك يشوفون التطعيس ..
بالعكس ..
انا احب انهم يشوفون كل شئ بالمنطقة اللي انا طالع له ..
لكن مهب لازم اجلس اتفرج بينهم ..
ابعد شوي وانا بالسيارة ..
شافوا التطعيس عن بعد وبالسيارة .. الحمد لله ..
عاد الحين جا وقت الكشته ..
أصير واعي ورجل فاهم ..
آخذ العائلة ..
وأبعد عن التجمعات ..<< مهب يجي واحد يقول توديهم لمقطه خطر من الحرابة
لاياخوي ..
بدل منب ابجلس بالطرفية عند نفود التطعيس .. اروح سيدا مع السفلت كيلو أو أقل شوي وأدخل 200 متر .. والسلام عليكم ..
تلقى نفود نضيف وقريب .. ولاحولك أحد .. والنفود بجنبك .. لاصارن الحريم يبي يرقن ويتمشن ..وهذا من حقهن علينا .. ولا لنا فضل أصلا .. لأن من حقهن إن المسؤل عنهن يرفههن ..
والأفضل الواحد يروح للجراد .. ويتنقى المكان القريب والصّاد ..
كل عمرنا نكشت بعوائلنا .. ولاعمرنا شفنا شر والحمدلله ..
لكن بعض الناس الله يهدية يطب بين الشباب هو وبناته .. ويقول وش هالشباب الضايعين ..
وتجيك بنت تبط تسبدك .. وتقول وين الإنفتاح ..
حنا مع الإنفتاح بشرط واحد فقط .. أن لايخالف أمر الله ورسوله صلى الله عليه وسلم ..
والنفد واااااااااااااااااااااااااااجد ..عندك عسيلان .. والجراد .. والزريب .. وأم حصانه .. ونفود السويده اللي ورا الطرفيه .. وقبه .. والركية .. معقوله كل ذولي مابهن أماكن حلوه وتفتح النفس وصاده .. وأبعد واحد بهن 70 كيلو وبهن ..
ماتقول الا المشتهي يقطع المستوي ..

[assamer]

لا تعليق

.

.

[الوزير الفدرالي]

جزاااك الله خير ..

تذكرت يوم الخميس اللي راح بالنبقية طالعين شباب وحنا نمشي وفجاءة وقف عند تجمع الماء واحد معة فورد

ونزلن يمكن خمس بنات والله العظيم انه كنا موجودين قبل مايجون وكان المكان تقريبا فاضي نزل الولد اللي يسوق

بهم وكان زقرتي من لبسه ورقى فوق تندة السيارة وبداء يصور كل شي الى الحين عااادي

لكن كم وحدة من البنات رفعن عبايتهن الى نصف الساق وطلعن البناطيل ويبدون الشباب يتجمعون بنفس المكان

ويصورون البحيرة يعني وقفت على هالمكان ..

والله اني انقهرت موب كله اني مطوع _ الله يهدينا ويفتح على قلوبنا _ بس قهر سواقهم شبابي وجاي يرز خواته

احيانا تشوف شايب وتقول الله يستر عليهم شكله على نياته لكن هذا ولد يترك اهله ويرقى يصور

يااخي البحيرة ملياااااااااانه امكان راح لمكان صاد عن العالم وخلهم ينبسطون على كييفهم لكن قدااااام العالم

والله يااهي صعبة


والا اذا كان فيه تطعيس ابعد وشف على راحك موب لازم تحتهم ..

وحنا ماقلنا هالكلااام من باب الوصاية على بنات الناس لكن لاننا نعتبرهن زي خواتنا انقهرنا

والواحد مقصررر باشياء كثيرة لكن اذا شاف زي هالاشياء والله ينقهررررر

والله يستر على شباب وبنات المسلمين

[كليرز للمواعين]

السلام عليكم

ياشباب لاتحطون كل اللوم على البنات ولله بعض الشباب كنه بحياته ماشاف حريم تشوفه مبقق عيونه ولله لو ان البنت متغطيه عيونها

وبعد مالاوم الشباب بس في بنات الله يصلحهن يحبن الاستعراض
وهذا ولله مو مصلحتهن ولله لو اي ولد جدع عليه كلمه
او سوى حركه كان قومت الدنيا وقعدته

وعمووووووووم
الله يصلح شباب وبنات المسلمين

موضووووووووووع رائع
ويسلمووووووووووووووو

[مـــحمـــد]

للاسف ان كثيراً من البنات تتبرج في البر او في المنتزهات او في الاسواق واهلها يعرفون كأنها طالعه لزواج او مناسبه عائليه والبعض تمسك الجوال في ايدها او تجدها تصور قدام الشباب والمشكله ان اهلها يشفونها وهي متبرجه بس لو تكون قريب منهم على طول يطالعك ابوها او زوجها او اخوها بعين طيب يا اخي طالع اختك او بنتك او زوجتك يعني ما يعرف ان المره فتنه والله لو تشوف بنت متحشمه وغير متبرجه انك تستحي انك تطالع فيها
وشكراً اخي على هذا الموضوع والله يستر على نساء المسلمين

[دلوعـ بريده ـة]

أصلا ماغابـ إلا شي واااااااااااحد
هو الخوفـ من الله
فلقد أمِنوا العقوبه
وياحلم الحليم عليهنـ
الله يهدينه أو ياخذهنـ إن كان مابهن هدايه
وحنا في زمن القابضـ على دينه كالقابض على الجمر
وقسم برب الكون كنهن الي في برنامج ستار أكادمي
الحمدلله ماعندي دش بس أشوفه إذا صرتـ عند أهلي
مسنتراتـ عنده خواتي
اللهم لكـ الحمد
قمة التأثر الله يهدي بنات المسلمينـ

[نهال]

والله انك صادق حنا طلعنا للبر وضايقننا بنات مايستحن يركبن الدباب بدون حجاب يستر ولاحياء

[فراشة منحاشة]

احمدوا ربكم وحافظوا على بنتاكم وادعوا لشباب ونساء المسلمين بالهداية والصلاح

[دلوعـ بريده ـة]

اقتباس المشاركة الأساسية كتبها كليرز للمواعين السلام عليكم ياشباب لاتحطون كل اللوم على البنات ولله بعض الشباب كنه بحياته ماشاف حريم تشوفه مبقق عيونه ولله لو ان البنت متغطيه عيونها وبعد مالاوم الشباب بس في بنات الله يصلحهن يحبن الاستعراض وهذا ولله مو مصلحتهن ولله لو اي ولد جدع عليه كلمه او سوى حركه كان قومت الدنيا وقعدته وعمووووووووم الله يصلح شباب وبنات المسلمين موضووووووووووع رائع ويسلمووووووووووووووو

والله صدقتي يااااااااقليبي حتى هالصوره الرمزيه اللي أنتي حاطته ماينلمونـ الشبابـ لو تسنترو عندتسـ
لا تزعلينـ ياقلبـ أمتسـ هذا الوااااااااااقع المؤلم

[الباسق]

ياخي والله مصيبة ,, هل هذا شكر للنعمه , بدل مانتوب ونحمدالله على هالنعم .. نعصيه ..!!؟؟ ما أقول الله يصلح الأحوال ,,,

لكن أنا عندي تساؤل أين الغيرة من الرجال كيف يرضى أن تتكشف زوجته أو بنته أو أخته , الله يعافي المبتلى ولايبلانا , وهذي قصّه : الجمعه كنّا طالعين بنفود الربيعيه وفيه واحد معه دباب بانشي ومركّب معه بنت لابسه جنز وطالع الجنز واااضح ويمرمر من عندنا من الظهر حتّى حول مسيّان ولا بعد البنت تسلّم إذا مرّت من عندنا .. بالله عليكم هذا رجل ؟؟؟

[مستشار بريدة]

حسبي الله ونعم الوكيل

[ابوساج]

أنا هالحين قرأت أغلب الردود وهي ضد التبرج في البر(( ودي أدري من بناته ذولي ))[b]؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!![/b]

[11بريدة]

لا حول ولا قوة الا بالله ــــــــــــــــــــــــــــــــــــــــــ الوضع مخجل ومخزي الله يعافيهم ولا يبلانا !!

[شيخ الذهب]

اول شي الله يمحق التخلف واشكاله
ثاني شي انت ياللي تقول بنات والله انك داج فكرياً وعقلياً
البنات ماجنكم الا وهن مشبهات على انكم اقارب لهم
او شافو اللي معطيهن وجه
ولا تزعل علي اذا قلت لك انك انت اللي تغازلهن
هاذي نضرتي لك
مثل نضرتك لهن
الله يكفينا شر النفاااق ياناس
والله يهديك ويصلحك ترا البر من اليوم ورايح كله فسق في فسق بنضرك
فلذالك اقعد ببيتك الله لا يهينك