[<..الحكيم..>]

هلا بأهل الرياض كلهم ..

كفو والله يالله شدوا حيلكم وإن جزمتوا حنا معكم ..

يالله هاه جزمتوا ..

يالله هذاي جاي ..


سلام عليكم ..

[خوي السرور]

بنكشت جمب بعض .. نصير مجموعتين .. ونشوف من أزين كشتة <<<< اولى ابتدائي


حنا بنجيب سنكرس وكندربوي وتويكس وحمضيات ومعمول وقحوة وشاهي المطعم بالجنزبيل وكثير من الفوشفاش .. وبعض الفستق والبندق والفندق <<< سلمان وأخوانه

[عـدنــان]

كفو ، سجل واحد قط

[د.قلم]

سجل معكم واحد فاضي وماعنده مشاكل بس اهم شيئ (الحقوق)

[هب لك مصيبة]

قدام الاخ الحكيم اقترح يكتشف اعضاء منتدى بريدة ستي ويبلغنا
والاخ د.قلم امر وش الحقوق اللي تبيها والفندق والبندق هذي يابو سر خلها مستورة

[عراوي]

اقتباس المشاركة الأساسية كتبها المسفهل 8 وقبل لا أنسى .. أسألك بالله يا عزوبي فيه أحد ينتظرك بالبيت ويشتاق لك .. ؟؟؟ الله مير يرحم ضعفكم .

الله يرجّك ،،
وقعت على الجرح ،،
إن تأخرت شف الهواش ..
وان سنترت بالبيت قالوا : وش مجلسك ؟

[وثــاق]

اقتباس المشاركة الأساسية كتبها عــدنـــان كفو ، سجل واحد قط

عديش تبع فريقي , من يخاوينا ..



[ تابع ملوك السرعه ] <

[غريب احساس]

اجل اغلب المشرفين ع المنتدى من الرياض وينهم

[Roony1]

هههههههههههههه



يا شباب ترى الموضوع جد موب تسذب وتنبله ..

[هب لك مصيبة]

قدام والله انا ماعندي مشكلة ويمكن تنسيق الطلعة والاتفاق على المكان والموعد من الان

وبحكم انك يا رووني طرحت الموضوع انا اقولك انت ابوها وسمها حدد الموعد والمكان واخبرنا قبلها بوقت عشان نستعد

وشكرا على هيك اقتراح..,,,,

[بدر بن عبدالله]

اقتباس من مشاركة المسفهل:
كل خرطك يا [ كربة النخلة ] ما يصلح

اقتباس والإختبار الأكيد هو عقب الأخير فشف من تنام عنده أنت يا عزوبي وشف من ينام عنده المتزوج وبحضن من ... ؟؟

أبو فهد أنت يا بعد أمك وأبوك أنا يا بعدي أنام بالبيت ياربي لك الحمد آكل شارب
متبطح، ما عندي هم عيال، هذا يصيح، وهذا تعبان، وهذا ما أدري وش به،
هذولاء العيال، أجل أم العيال يبي له يوم لحاله تبي تروح لفلانه وأنت جاي للبيت جب
معك ما أدري وشو، ومقاضي ما تقضي، هذا غير إذا صارت أم العيال تبي السوق واااوك
الله يعينك، وإن كان على أبوي وأمي طس متى ما بغيت وارجع متى بغيت أبد ما فيه أحد يشغلك،وإذا على الأحضان إذا بغينا<< فيه زواج مسيار.

اقتباس هذا غير الأكل اللي ما يصلحه ولا أطلق مطعم تلفي عليه يا عزوبي .. !!!

بالنسبة للأكل أنا أكلي قليل بالمطاعم، وبالنسبة لتصليح الأكل اللي يخلي لي الوالدة ما تقصر
تطبخ هاك الطبخ اللي تأكل أصابعك وراه، والحمد لله.

اقتباس وتراي ما تطرقت للثياب والبشاشة اللي تقابلك لا دخلت البيت إضافة

وبالنسبة للثياب الحمد لله المغاسل موجودة يالله من فضلك الغسيل والكوي ما هنا أرخص منه،
وأما البشاشة ما الظاهر إلا قل ملاس يحتريك تبي تلين به المدام ظهرك.

اقتباس إضافة وقبل لا أنسى .. أسألك بالله يا عزوبي فيه أحد ينتظرك بالبيت ويشتاق لك .. ؟؟؟ الله مير يرحم ضعفكم .

ما أبيه تحترين فكن من شره بس، الأهل إذا حصل شيء الجوال موجود.

لا زلت أقول لك يا أبو سر ما عليك من أبو فهد<< يا حبيلك يا أبو فهد بس.

[البواااسل]

بس من هو الامير علينا
ونقدر نقول بدل الامير - السفير - سفير بريدة لدى الرياض

احس ان الجميع بيرشحني - مادري ليش -

[الحلة464]

والله تستاهل الأمارة لكن ودنا إذا تشاوفوا الأخوان نشوف اللي يصلح
ماودنا يضحكون علينا اللي ببريدة لأننا نبي نسوي تقرير كامل عن كل طلعة
وتعرف ممكن يجي جواسيس منهم

[حبة فستق]

كربة النخلة
أمورك طيبة
ومرجهنّ ومستصحّ
أجل ماتبيه فكك من شرّه ~
أنت تخرّج ويصير خير
ونشوف إذا ماغيّرت معرّفك وطرقت موضوع
بساحة الفاهمين عن العرس

ياحبي لك بعد ..