[جـلـوكـوز]

السلام عليكم ورحمة الله وبركاته

صبّحكم (مسّيكم) الله بالخير يالعمالي العمالية & عطونا بنتكم الحلوة والفِرْثاء << رح اسأل امك وش معنى فرثاء بس لا تسأله وهي عنده زنْوباء
مانعطيك اياها الا بألف ومية & ننزل على موضوعكم وانْكسر اردودكم وهذه كشبارتنا : << كشبارة = تعَبّر بام شوشة لما تجيك المنقوشة
ياهلا والله بالطش والرش والبيض المفقش الموضوع موضوعي >> قل عساي اموت كل سنة
معاآآناتي الطفوولية وصروال ام نآآاصر >> لا يروح تفكيركم بعيد
تخيلته زي حق العجز اللي ياصل الركب
معاناتي تدور حول وشسسمه تصدقون مستحي أعلمكم الحياء للبنات وانتو وجهك يهالبنية حامضه على بوزك البنت >> مهب عاقل
ياحبيل اميمتي هي اللي سنّعتِن ووقفت معي مثل وقفة الرجال النشاما والقرمين رقى الأثل وتراه تقول سلملي على اخوياك اللي بالبِلّية >> تسمي اللاب توب بلِيّة
معاناتي من يوم انا الى ما وصلت ثاني ابتدائي تقريبا << والصدز يعني يوم الحريم يفتشن لي >> أيام البراءة ماله دخل
نبدأ بالمعاناة ولا تنسون سدوا اذانكم يمكن تنتشون ريحة تصرع الراس (مديّعة)
بعض المرات اذا نمت أحلم اني أروح لدورة المياه الله يتسرمكم ثمن وشسسمه أدخل جو شخ شخ شخ الله ياهي وناسة وتحس انك تشخ من قلب
ثمن اذا صحيت القى خرايط العالم على ثوبي والله ياهي احباط >> فهمتوها ولا اوضح زود وترى عندي صور يثبتن تبون اطشهن فيذا

يعني اطبع الدنيا كله المنمات واهدومي (صروالي والثوب واحيانا طرف الفنيلة ام اخطوط << على حسب الكمية والتقلب بالنوم )
حتى اعيال عماتي ما سلموا اذا أمرحوا عندنا ونمنا جميع ، لابد يجيهم رش << احمد ربك ان منتب تقربلي ولا تسان جاك من الأرزاق
وكل يوم امي ما غير تغسل الهدوم والمنمات >> تسيف أشغله هالزغيلة وبلاويه >> احترم نفسك أنت وياه لا تعيّرون تراي متعقد

قبل ما اعطيكم عمايلي الوعّة ابعطيكم الحلول وسروال ام ناصر اللي يمنع التسريبات الى الثوب والبطانية
مرة امي سمعت به صراويل عند ام ناصر خاصة للمبزرة اللي يشخون مثلي على ارواحهم
مواصفات الصروال عن غيره من السراويل >> طلع تقل سيارة
داخليه قطن ومن برا عازل تقل لصتك (يلمع) >> يخوف تقل من حقين الفضاء المنخارجي
فـآآآيـدتـه
يمنع خروج المياه الجوفية الى خارج الصروال علشان ما أطبع الثوب والمنام يعني كل البزوطة بوسط السروال ..
شاريته وتقيوسته وصار مزبوط ومير البسه هكالليلة وخبركم خربتها وانا نيم (كالعادة ) بس يوم قمت الصبح واثاريبه تسريبات << منقهر
مياه خاطمة خرجت من فوق مع الربتزة ومن تحت مع الصعاتزيل (الساق) >> مامن فايده من سروال ام ناصر ، بالعربي ما ستفدنا
عرضنا المشكلة على ام ناصر ومير الله يعدي عنه تعطين تحسينات جديدة ، حطت مشد مع الربتزه ومع الصعاقيل وطلع طرف السروال تقل طرف هيلا هوب
وعقب التحسينات طلع فيري قود ولا نقطة تطلع
فـاآآآصـل دعـاأأآيـات
سروال ام ناصر ليس مجرّد سروال
3×1 >> نظافة ، ريحة ، توفير
مع سروال ام ناصر تجدين الراحة لبزقتك
مع سروال ام ناصر لا تسريب بعد اليوم
سروال ام ناصر عالمٌ من السرعة والراحة
للحجز والاستفسار ارسل سرو الى 999 او زيارة موقعنا ثلاث دبليات اوم ناسير دات كوم
مـوآآقـف من مـعـاآآنـاآآتـي
1
المواقف هذه قبل ما أدري بسروال ام ناصر> مرة جايين من مكة على النقل ووخذ نومه الى ما وصلنا بريدة ستي >> وش رايكم بالغفوة بس تقل ما شبعت نوم
أخوي : قم قامت طحلك والعقارب تبطحلك ترانا وصلنا قم يا زغـ... (ماودي أقوله لأني أحس ان جلدي يمخشن )>> يحكحكن من المعيارة
المراد يوم قمت وأناظر الكرسي واثره يلثق >> واااوتس الله يعين اللي يبي يرْبض بعدي على الكرسي والله ياهو يبي يلعن
2
ومرت(ن) معزومين عند اعميمتي واهلي الله يهديهم ملّغوه شوي وسهروا (أبطوا ما مشو)
يوم بديت أنود والله واشوف هكالكنب الظاهر انه توهم جايبينه بقراطيسه يجنّنن يصلح منام للمعرسين
وأدبخه نومه الين مشوا اهلي ويوم قومت الله لا يوريكم واشوف الكنب واثره يرطش صار به بقعه كبر اقريح ابو زنّه
الطامة الكبرى يوم جيت أبركب السيارة شافن اخوي وشك بالمشية >> معروفه مشية وشسمه ذذ
قال ونا اخوك وراك ما تركب بالصندوق أزين لك وأدفا لك
مداخله >> تراي انا مسميه سروال ام ناصر لان ناسي اسم المرأه اللي تخيطه
ما يستفاآآد من الموضوع
1 - جهود الأم في حماية رضاعينه من التلوّث
2 - مع سروال ام ناصر امرح (نم) عند اقاربك وانت مرتاح
3 - عدم التنابز بالمعايير لانها ربما تؤدي الى انفصام في الشخصية عند البزر
4 - التفرقة بين البزران في المظاجع تفاديا للعدوى والتطبيع

يالله عن اذنكم ابروح احجزلي واحد قبل ما يخلصن << والله مهب بعيده
لنا عوده معكم بإذن اللي عينه ما تنام
الاسبوع الذهبي