[بحرالفكر]

اقتباس المشاركة الأساسية كتبها ياحبيلي ياسعدك فيني لابنت ولاغيره.............................؟ العمده على الرجل اذا فعلا رجل يبي يعيش معاها على مايبي حتى لو هي او امها فيهن شر راح يربيها من جديد . واذا رخمه وماعندك احد تبي تركب له لجام وتسوقه على ماتبي لو هي متربيه احسن تربيه ؟

هذي حياة زوجيه مب حرب يا انا يا هي

واشكر ابداء رايك

[بحرالفكر]

ترى ابو البنت محبوب عند الناس

بس الام كثير مشاكله

والبنت ما تأثرت بطبع امه

[بحرالفكر]

اقتباس المشاركة الأساسية كتبها تميمي وكلي فخر لكن إذا الأم ( حقنه ) هي الي تبي تتدخل بخصوصيات البنت . وبعدين تسوي مشاكل من لا مشاكل .

بس البنت اذا كانت ذكيه راح تعرف وشلون ما تدخل امه بحياتهم وتحط خطوط حمراء ترضي جميع الاطراف

[بحرالفكر]

اقتباس المشاركة الأساسية كتبها ضايق الصدر وش ذنب الفتاة اذا الأم شٌرانيه يعني ماتتزوج ! الزواج عندنا هنا شختك بختك الا اذا من الاقارب

كلامك صحيح 100%

[بحرالفكر]

اقتباس المشاركة الأساسية كتبها قانون السيطرة أختي الكريمة لا يمكن أن أعاير تلك الزوجة بأمها حتى لو أكثرت الأم تدخلاتها بحياتنا الزوجية مادامت الزوجة عاقلة وتمسك العصا بالمنتصف .. ترضي أمها بالقدر المعقول وترضي زوجها بنفس القدر . السؤال عن الأم مطلب ضروري ولكن هذا للذي يجهل أخلاق البنت جهلا كاملاً . ولكنك ذكرتِ بموضوعك أن البنت مشهود لها بالعقل والاتزان وربما هي ترفض سلوكيات أمها رفضا كاملا ً . فأنا كوني شاب مقبل على خطبتها وعندي إلمام واضح بعقلية البنت فلن تكون أمها عائقاً . طيب فرضا / تقدم شاب من أروع الشباب ( مثلي ) على خطبة فتاة ثم قالوا لها إنها تمام التمام ولكن أباه أو أمه حارّين شوي أو فيهم العيب الفلاني . وهلم جرّى . لا أعتقد أن بنتا عاقلة سترفضه لأنه يعتبر حسافة . ثم نصيحة أخيرة : لاتسمعين كلام الناس . يمكنهم يقولون عن أم البنت شيء مو فيها . أو ربما آخذين تصور خاطيء عن الأم أو بدافع الغيرة أو الحسد أو أو أو . كل ماعليك هو أن تجلسي مع تلك الأم ثم احكمي عليها من خلال تصرفاتها ليس من خلال كلام النــاس . هذا وإني قد أبرأت ذمتي .

كلامك مريح وعقلاني

اشكر تفاعلك

[بحرالفكر]

اقتباس المشاركة الأساسية كتبها صوت من الألم قوووووولي أمين عساك بالجنه ووالديك قسم بالله اللي يدخل هالمنتدى ويشوف مواضيع وردود بعض الاعضاء ان يجيه ابو وجد وام الاحباط والفشل يجيبون أشياء مدري من وين يطلعونه مواضيع وعيووب بالبنات لاحول ولاقوة الا بالله صار بي فوبيا ضد الرجال تراي مدري وشي الفوبيا بس من الحماس

اشكر تفاعلك اختي

[بحرالفكر]

اقتباس المشاركة الأساسية كتبها الورد الجوري أكييييد راح اتجنب البنت وادور غيره حتى ولو ملكة جمال ....... ولكن بالاول والاخير العمده على الرجال.... والله يوفق الجميع.هم وامهاتهم ....

بس البنت ملكه جمال وملكه اخلاق وعقل

[بحرالفكر]

اقتباس المشاركة الأساسية كتبها من الجماعة صراحتن ودي اشارك واكتب مالدي لكن اخاف ينقل الموضوع للقسم النسائي وتحذف جميع مشاركات الرجال . اعتقد ان البنت لا علاقة لها بوالدتها ومهما كانت الام فأنه لن يوقفني هذا الشيء اما مقولة إذا بغيت تضمه . . اسأل عن أمه .اعتقد انها للجيل الماضي حيث ان البنت تكون متعلقة بأمها اما من الناحية الطباع او الطاعة العمياء اما اليوم فلا يوجد هذا او قليل جدا

كلامك رائع ومقنع بس قليل الي يعترف بهالشيء

[جودالسمآء]

بصراحه الزواج قسمه ونصيب ...
وانا اعرف لك زوجة عمي اول ما خطبه عمي قالن له عماتي ترا ام البنت رجاليه وتوقف رجال بالمحاكم قال ما عليكم منه انا ابي البنت شاري البنت بأخلاقه مالي دخل بأمه ومير مشاء الله يعرس عليه والحين لهم سنتين عايشن مشاء الله بأستقرار على حسب ما اشوف بس ما نقصهم الا الذريه عسى الله يعود عليهم ..



والبنت اللي بالموقف هذا المفروض ما تسمع لكلام الناس ووش وجهة نظرهم المفروض تدعي ربه وان شاء الله ربي يرزقه من خيرة الشباب ويعينه على بر وطاعة امه ..

[قُنصـل ~]

//





ربما اكون بطرحِ مثاليه حينما اقول
لا لاذنب للفتاة وماشأنها بأمها..!

لكن حينما يأتي الواقع حتماً سئسأل عن أمها
ومدى تأثرها بوالدتها ؟ وهل أطباعها قريبةً من والدتها أم تختلف ؟!
فقد تكون الابنه الكبرى طبق الاصل من طبع والدتها والثانيه قد تختلف
إلا أن التأثير لابد أن يوجد..

كذلكَ الشاب يسأل عن أمه باهتمامٍ كبير !

لما للوالده من دور كبير في الحياة الزوجيه ليست
كالوالد..لكلا الزوجين..



شكري ياحبيبه ~ْ

[بحرالفكر]

اقتباس المشاركة الأساسية كتبها ورود المساء انا احس انها لها دور كبير والمثل الي يقول أسأل عن امه قبل تضمه ماقيل من فراغ لان في الغالب البنت تشاور امه في اموره....لكن في حالة نادره تكون البنت صاحيه وتعرف ان حركات امه غلط واحسن ماتقلدها...

الحين انتشر العلم يعني البنت تميز الصح قبل الخطأ مب مثل منول

[بحرالفكر]

اقتباس المشاركة الأساسية كتبها شاطى الامــــــاني امممممممممممممممم ما ادري وش اقول بس فعلا دار هذا الحديث مع اهلي قبل اياااام بس انا شخصيا اذا بخطب لخوي بنيه ماعليها بس دريت ان امها راعيه مشاكل لا والله لأهون ويقووول المثل(اسأل عن امه قبل تضمه)

اشكر مرورك

بس البنت وش ذنبه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[بحرالفكر]

اقتباس المشاركة الأساسية كتبها متصفحة مهما علت وأرتفعت وتفتحت أفكار البنات تظل عالقة بفكر مربياتهن .. فهي وإن لم تكن نسخه من والدتها لكن سوف تحمل الكثير من طبائعها .. بحكم التربية وجهة نظر

بس مب دايم البنت تاثر

[بحرالفكر]

اقتباس المشاركة الأساسية كتبها لندني با النسبه لي ماراح اقربها لااني ماراح انتهي من امها راح تطلع لي كل يوم بسالفه وصعبه حتى على البنت تعارض امها بكل شي او حتى اهلي صعبه يتعاملون معها

انا اعترض مع كلامك مع احترامي لوجهة نظرك لانه اذا كانت البنت عاقله تقدر ترضي الطرفين زوجه وامه