[بدر بن عبدالله]

أبو إبراهيم:


الحين وراك إذا جيت لمنا يوم الثلاثاء ونزلت من السيارة تمعط الربتسه<< عليك سؤال

[مدحت شوقي بريده]

اقتباس المشاركة الأساسية كتبها الـصـمـصـام أبو إبراهيم مساء الخيرات .. أبسالك هل أنت تفحط إذا بغيت تكتب القريحة .. ولا تدر على طول <=== ديد مهب قريحه ذي .. وش العلاقة بينك و بين ( سي يو ) .. اعنبو دارك لو تكتب موضوع به عزاء حطيته .. السؤال الثالث : سلم لي على عمنا الكبير ( أبو محمود ) <== إيقاله سؤال .

الصمصام ..

مساء النوارات ..


يالبي يالقريحة .. <<((== هذي اخت قريح ..
بعدين وش قريحته يابعدي انت ..
الهمق مايحتاج لوه قواريح .. ولا قرايح .. <<((== والله ياهوا حاق الكلمة حوق ..

اكلف ماعليك تدودل هالبراطم .. وتمد هاللسان .. وتخلي اللي مايشتري يتفرق ..





سي يو ..

هذي رفيقة دربي ببريدة ستي .. لازم اكتبه عقب كل رد ..
هاللحين انت تقدر ( تتغر ) او ( تعطس ) ولا تقول الحمدلله ..
بعد كل تغرة او عطسة .. تقول الحمدلله ..

وانا بعد كل رد .. اقول سي يو ..





اما الثالث .. شكله سؤال راضعن من سلاااااااااااااام ..
ماأدري وش يبي .. هو سؤال والا سلام .. الله يستر لاتصفي بالأخير على تلعين ..
تلعين <<((== تلـ...ــعين وإلا مكع خشم ..



سلام ائليكم يالبي ..




سي يو ..

[أبو ريّـان]

أهلا أبوإبراهيـم ,,

أنا أبثبت للجميع إن مدحت عنده ثقافة غير شـكل ثقافة تاريخية توليفية يعني مايبلش بالجواب ..
لذا أسئلتي على فقرات متعددة مابين التاريخ والميكانيكا والأدب <<-- الميكانيكا خاطمه,

السؤال الأول في التاريخ /
وهو على ثلاث فقرات /
أ / (إذكر ثلاث أسماء لشخصيات جاهليّة
منذ العهد الجاهلي الغابر)
ب / ( ماذا تعرف عن سوق عكاظ الجاهلي , ومن هم أبرز الشعراء الموجودين)
جـ / (من هو أفضل شاعر جاهلي لديك ولماذا)
السؤال الثاني ,, في اللغة والأدب /
أ / (إكتب لنا ثلاث أبيات جزلة , وموزونة , واستخدم فيها اساليب البلاغة المعروفة .
ب/ إكتب لنا قصة أدبية لاتقل عن 8 أسطر )
ج/ ( لوكان لمدحت خمس دواوين شعرية , فماذا سيسميها ..)


تحلف إنه إختبار وزراة ..
عاد لاأوصيك أبو ابراهيم إجاباتك المعهودة باسلوبك الخاص .

ولعله لي عودة ..






.

[مدحت شوقي بريده]

اقتباس المشاركة الأساسية كتبها الـدعساوي أووووه دسم هالمرة <<< جحد اللي رآآحوا جآآآري البحث عن اسئله ,,, لكن هذا سؤال على الطآير .. مآآذا يعني لك هذان المعرفآن وبكل صدق [ الدعسآوي ] و [ الصبآخ ] ..؟

الدعساوي ..



يابعد معاليق ربقة سروال جدتي موضي انت ..
وين هالغيبة يالبي ..



الدعساوي .. تدري يالبي ..
شخصيتك تذكرني بالأعضاء الأولين ..
الصيوان والمرصاع الله يرحمهم والحليل وماكوم اكس وبقية الاعضاء الأولين ..
ولايهونون الحاضرين .. <<((== لاهنت لاهنت ..





الصباخ ..

ابو سليمان .. من الاعضاء اللي لهم مكانة خااااااصة بقلبي ..
قلب ابيض طاهر ..

وياعليه طول نفس بالنقاااااااااااااش .. احس انه ينفع محقق ..
والله يالمجرم ان يمل منه ويعترف لو هو ماسوا شي .. يبي الفكة ..




مشكور يالبي ..



سي يو ..

[الصباخ]

على طاري بريده ستي متى يابوابراهيم نخلص مشروعنا؟
الشيء الثاني لو كنت عند محافظة جـبّـة وش أول شيء يخطر ببالك؟
وماذا تعني لك العليم؟؟

[دعبل نجد]

ابو ابراهيم ..
ماهناش بس والله حبيت اسلم عليك وأسألك وش كان شعورك يوم طلبوا منك تنشد يوم الديوانية ووشو شعورك يوم تضيّع قدااام الربع

[مدحت شوقي بريده]

اقتباس المشاركة الأساسية كتبها مخاوي 7 الصمت بحكم أنك عزوبي مرة من المرات بعد صلاة الفجر لزم عليك أحد الزملاء أنك تنام عنده بالبيت وحلف عليك بحكم أنه يوم جمعة وتخاف أنك ما تقوم للصلاة وأنت وافقت نمتوا بالمجلس يوم صارت الساعة عشر صحى من النوم وما بغى يصحيك وطلع يشتري فطور ويجي قالت أم زمليك لبنتها اللي هي أخت زميلك قالت لها الأم روحي صحي أخوكي للصلاة نايم بالمجلس وهم ما يدرون أن معه أحد غريب جت البنت وصرخت عند باب المجلس تبيك تقوم على أساس أنك أخوها أنت هنا تنبهت وصادف أنك كنت متغطي بالشرشف وعلى طول أنت ما صدقت خبر تمسكت بالشرشف بأقوى ما عندك جت بنت الحلال وتسحب الشرشف وأنت متعنقط به بأقوى ما عنده وتصارخ عليك لكن أنت خرمس ما فيه أي ردة فعل ولا همسة ولا شي وفي الأخير قامت تقطع شعر سيقانك وأنت مسكت خرمس ما غير دموعك تنزل كل شعرة بدمعة وش تسوي ؟ - تنتظر حتى تروح ؟ - أو تقول أحم أحم يا بنت تراي منب أخوتس ؟ - تصيح حتى ترحمك وتطلع ؟ - أو وش تسوي شكراً لتعاونكم مع الخطوط العربية البريداوية الكشكولية

مخاوي الصمت ..


هاللحين كل مابغيت تسئل .. كود تحط قصة وفلم ..
الحمدلله اللي منتب مدرس .. والا كان اسئلة الامتحان 700 صفحة ..



الصرااااااااحة عليك خياااااااااااااااااااال ..

اعلمك بعد .. والله ياهو موقف ..

بس شف يالبي ..


اول ماتبدا تمعط بشعر سيقاني .. اخقله وانا مغطي خشتي ..

بعدين يالبي اول ماتشوف اصابعي تبي تدري اني مانيب اخوه ..

لأنه ماعمره شافت اصابع مربعة .. لأن اصابعي مربعات ..
عند ذلك .. ستعرف اني مانيب اخوه ..
وحينها .. ستطلق ساقيها للريح وستهج هجاً ..

همن ستعكرف لها الماصة فتمسط على جبهتها مسطة تنشق منها نواجذها ..


ثم اقولها .. سادة .. احسن ..


حينها ستمع صوتي وتعرف اني مانيب اخوه ..
فتهرول مطلقة ساقيها للريح ..
وهي تصارخ .. حرامي حرامي حرامي ..


همن يدخلون علي باقي اخوته ويعلكونن علك .. يحسبونن حرامي ..

وبالأخير اطلع بدورية ..



مشكور يالبي ..



سي يو ..

[الــمِــقــدآم]

السلام عليكم ..

ما هي أعمالك القادمة في الإنشاد ؟؟ وهل هي ستصدر قريبا ؟؟

إذا ما عليك أمر تحط كل أناشيدك هنا ..؟

[مدحت شوقي بريده]

اقتباس المشاركة الأساسية كتبها كايدهمـ يا هلا بك والله وياهلاء انت الي تنكت بس ودمك خفيف او كل العائلة كلها كذا ؟؟؟!؟؟؟ وانشودة البيك الي قلتها بالدوانية انت الي مئلفها او مساعدة من احد او مرسوله لك (( وش سالفتها طيب )) ممكن تعطينا كم وزنك يالنحيف انتهى السئوال الاول وباقي سئوالين الان

كايدهم ..


يابعد معاليق ثياب جدتي موضي ..


يابعدي انت .. انشودة البيك تأليف وقراشيع حضرتنا ..

وسالفته يالبي .. ابداً ماهنا سالفة .. نوع من أنواع التنسيم وسعة الصدر ..



أما وزني يابعدي فهو .. ( 180 ) بدون الزوائد ..

ياخي والله ياأنا ثقيل .. لو تشوف كرشتي وانا امشي ..
احس اني ( زامن ) واحد معي ..



كايدهم .. شكراً لك يالبي ..




سي يو ..

[مدحت شوقي بريده]

اقتباس المشاركة الأساسية كتبها Fast اووه الحمد للاه لحقت عليك تحبن__ .. ؟ طيب وش رايك بـ زد رصيدك ...؟ 3 ..؟ جاري البحث سي لو

فاست ..

يابعدي انت يافاست ..


اجل تحبن ..
ماتحس ان لوزك تعلقن بلاهاتك .. من قوة السؤال ..

اقتباس وش رايك بـ زد رصيدك ...؟

آه بس .. يازد راصيدك ..

لو تشوف امي عقب ماقضى هالبرنامج ..
والله ياهي بغت تعلق بنا ..


تصدق انه ضيعت اسامينا ..
انا تسمين ( غرم ) تقول حيث انك دربية مثله ..


واخوي عبدالله .. منول تدلعه ( عبودي ) ..
هاللحين اذا بغت تنادية تقولوه .. تعال ياسي عبدالله ..


وماغير تقلب بهالقنوات .. تقول احس انهم الي هاللحين ( بوه ) ماراحوا ..



فاست ..

أما سي لو .. هذي فلبينية تقول ( سعلو )

شكراً لك يالبي ..



سي يو ..

[مخاوي الصمت]

بحكم انك عزوبي
<<< ياليل العزوبية شكله يبي يجيب أم إبراهيم للبيت

المهم بحكم أنك عزوبي والصيف دخل وبعد صلاة العشاء بساعتين
قلت بنفسك هالليلة أربعاء وتبي تنفرد بنفسك وما تبي أحد يزعجك
وقلت لخوياك إذا لك خويا تطلع معهم الليلة مشغول ومنت طالع معكم
أنت طلعت للسطح لابسن المقوصر والفانيلة العلاق والسطح فاضي
أول ما طلعت فوق نسيت تحط المزلاج لباب السطح وجاء الهواء وسكره
وما به بالبيت إلا أنت والدنيا ليل ولا معك شي أبد ولا أحد ينتظرك
حتى من شين الحظ جيرانكم مسافرين

وش تسوي أنت وإصابعك المربعات ؟

[قلم جريء]

جاري التحجير ...

[يازين الحر]

انت تنشد؟
وشن اناشيدك

[مدحت شوقي بريده]

اقتباس المشاركة الأساسية كتبها الوابل الصيب مدحت أبسألك سؤال واحد فقط : مافطست جدك موضي , ومنهي شكيلة اللي أشغلتنا به . . !

الوابل الصيب ..


جدتي موضي .. ودك تشوفه وهي منبطحة بهالحوش .. ومتوسدة جلال صلاته ..

تقول مطب ..

لو تشوف اخوتي وهم يلعبون بالحوش بالسياكل .. ويرقون عليه كنه مطب ..
وهي ياويلي تزاعق وتهوش عليهم ..
هين اوريك انت يالبقطة ..
انت يهالدربية حول عن بغيت تموتن ..

ياهيلة .. تعالي جمعي ( ذرتس ) لا اقوم عليهم ادبغهم ..

عاد مرة بغت تموت علينا ..
نشب السيم حق كفر السيكل ( بسر ) جدتي موضي .. ومعط السيم السر ..
وهو يمعط سره وعيونه تدخل ..
عقبه درينا ان عيونه مربوطتن مع سره ..


ايه ياجدتي موضي .. ياحبيله بعد ..






اما شكيلة ..
هذي عمتك ياولد الذين ..






سي يو ..