[مخاوي الصمت]

مرة من المرات جاي من الرياض لبريدة
ونزلت مع طلعت الغاط وكانت الفرامل ما تمسك زين والوقت مطر ويمين الخط كان فيه باص متوقف وفيه وايت يمشي شوي شوي ويبي يسقط على الجيب ومسك المسار الأوسط وفيه قدامك يسار شايب معه جمس شكله له يومين يمشي مع طلعة الغاط من قوة إنه يمشي شوي شوي
أنت طبعاً جاي على سرعتك ومسكت فرامل لكن ما فيه فايدة وش تسوي وقتها ؟

شكراً لاستخدامكم فحمات الدعدعة للفرامل الذي كويس

[مخاوي الصمت]

الدعساوي أنت احسن واحد يطرح أسئلة


[ وش رايك بالدعساوي ؟ ] <<< لو تكرره مرتين زيادة يصير ماركة مسجلة بأسمك

[روقــآن]

س| أنت يوم الإربعاء أمس ببريده


متحدي واحد علشانك

[الصباخ]

اقتباس المشاركة الأساسية كتبها بندر 1430 السلام عليكم .. الصباخ .. علم من أعلام بريدة ستي .. يحق للمنتدى أن يفخر به وبأمثاله .. خلصنا من الشحط حبيبي لدي سؤال و سؤال آخر .. كلاهما مهم بالنسبة لي .. الأول: بما أنك خريج جامعة الملك سعود .. حديثاً .. ما هو إنطباعك عنها خاصة بعد التغييرات الحاصلة مؤخراً؟ الثاني: أنا رسمت لك موقف في حياتك اليومية في مخيلتي .. أرجو أن تتقبله بصدر رحب .. تذهب إلى البقالة لشراء بعض الأغراض وبعد أن تنتهي من تجميعها في سلّة التسوّق تذهب للمحاسب لدفع ثمنها .. و أثناء قيامه بفحص مشترياتك يرد إليه إتصال عبر الهاتف النقّال ممّا يضطره للخروج للشارع للتحدّث و تركك بدون أن يقوم بواجبه معك .. تذهب إليه أنت و تقول له .. خير إن شاء الله؟ وين يالحبيب؟ تمسكه مع أذنه وتسحبه للمحل حتى تخلص من دفع الحساب ..! ما رأيك؟ . . شكراً لك

هههههههههههه ياهلا والله، وعليكم السلام ورحمة الله.
يالله حي بندر، شرّفت ياحلو.
نجي عاد لأسئلتك:

اقتباس الأول: بما أنك خريج جامعة الملك سعود .. حديثاً .. ما هو إنطباعك عنها خاصة بعد التغييرات الحاصلة مؤخراً؟

ههههههههههه يارجال الجامعة رايحتن فيها، تهتم بالجانب البنياني والبهرجة الإعلامية، أما الاهتمام بالجانب العلمي والتدريسي فما عندك أحد، كوادر التدريس بالجامعة رايحتن فيها، كل فترة يكتشفون دكتور مزور شهادته أو دكتور مرتشي ويبيع الأسئلة، أو دكتور حيوان يرسب الطلاب بدون سبب.
يعني خذ هرج وكلام وبهرجه، لكن كطالب ما أشوف شيء بصراحة يسوى، لأني تخرجت وهذاي عاطل لا شغل ولا مشغله، الجامعة ما ساعدتني أبداً بالبحث عن وظيفه ولا هيئت لي فرص العمل، ولا دربتني قبل التخرج، لأن كل من رحت له سألني عندك تدريب أو شهاده خبره؟
ياناس من وين أجيب هالشهاده أو الخبره وأنا توي متخرج؟
المفروض على الجامعه إنه تراسل الشركات والمهتمين بهالجانب وتفتح آفاق التواصل بينهم وبين الطلاب، مهب يتخرج الطالب ولا يدري وين يروح؟ أو لمين يروح؟؟؟

اقتباس الثاني: أنا رسمت لك موقف في حياتك اليومية في مخيلتي .. أرجو أن تتقبله بصدر رحب .. تذهب إلى البقالة لشراء بعض الأغراض وبعد أن تنتهي من تجميعها في سلّة التسوّق تذهب للمحاسب لدفع ثمنها .. و أثناء قيامه بفحص مشترياتك يرد إليه إتصال عبر الهاتف النقّال ممّا يضطره للخروج للشارع للتحدّث و تركك بدون أن يقوم بواجبه معك .. تذهب إليه أنت و تقول له .. خير إن شاء الله؟ وين يالحبيب؟ تمسكه مع أذنه وتسحبه للمحل حتى تخلص من دفع الحساب ..! ما رأيك؟

ههههههههههههههههههههههههههههههه والله يانا مت من الضحك يوم قريت هالسؤال، شف أنا معك بكل الكلام إلا بجزئية وحده وهي: [تمسكه مع أذنه وتسحبه للمحل] أنا مستحيل أمد يدي على أحد، لكن أتكلم وآخذ حقي بالكلام.
ومو من طبعي أخطئ أو أتلفظ بألفاظ تسيء للشخص، ممكن أهزأه وأتكلم لكن ما أغلط أبداً.
منوّر ياحلو .

اقتباس المشاركة الأساسية كتبها بيتراك عليك اقتناء كلمات رائع جدا سجل اعجابي بقلمك وردودك

اقتباس المشاركة الأساسية كتبها wméédh ويقول منب أرعن بعد .. ياخي هذا رد تقوله لواحد جديد بالمنتدى جايّك ياويلي ودّه تشحطه شوي تعطيه أكبر من حجمه .. أظن أن هذا مارح تخسر شي لو قلت له أي كلمة حلوة بالعكس رح يزداد عدد جمهورك .. ولكنك تخسر الآن وبفعلك هذا أتصفت بالسخافة والغرور ولا يفعله أحد متعلّم ومثقّف كما تصف نفسك عفى الله عنك ~ قولك أني أنا انسان صريح وأقول اللي عندي لا يعفي هذا الخطأ .. أدري رح تخلي الموضوع نقاش .. ولكن جازلك كلامي ولّا ماجاز لك بكل الأحوال لاترد ~ برجائي

يارجال ما دريت لا عنك ولا عن غيرك.
دن مناااك بس.

اقتباس المشاركة الأساسية كتبها AL RAJHI . بالله حيه 1- يقآآل أنك متكبر هل هذا صحيح؟!! 2- هل انت في السابق مشرف ؟!! اذا كان صحيح لمذا تركته 3- لمذا أنت بهذا المنتدى مع أنك من سكآآن الرياض شكراً لك

ياهلا والله بولد الراجحي.

اقتباس 1- يقآآل أنك متكبر هل هذا صحيح؟!!

أعوذ بالله، هذا الكلام غير صحيح أبداً.

اقتباس 2- هل انت في السابق مشرف ؟!! اذا كان صحيح لمذا تركته

لا ماعمري صرت مشرف أبداً.

اقتباس 3- لمذا أنت بهذا المنتدى مع أنك من سكآآن الرياض

أنا من أهل بريدة، بس ساكن بالرياض وعايش فيها.

[الصباخ]

اقتباس المشاركة الأساسية كتبها هاوي الربع الصباخ؟؟؟؟؟؟:confuse d:منهو

صحيح، من هو الصباخ؟
تعرفه أنت؟

اقتباس المشاركة الأساسية كتبها خلفان وميض هذا مستصيح؟؟ الصبااااااخ هلا والله هل تعشق تربية الحيوانات او الطيور !! وإن كنت تعشق تربيتتهم ما هو الحيوان او الطير الذي تفضل تربيته اكثر من غيره ؟؟؟؟؟

هههههه هلا والله بخلفان.
لا والله ما أعشق تربية الحيوانات ولا الطيور، بالعكس ما أحبهن أصلاً.
ياخي قلق الحيوانات، لازم تناظرهن وتعطيهن أكل يومياً وماء ولا مرضن تشوف لهن حل.
وأنا إنسان مالي خلق أسوي هالأشياء أبداً.
تصدق ودي أربي ذيب وذيب أبيض أحس إنه فله .
منوّر .

اقتباس المشاركة الأساسية كتبها فتك والله أني متهاوش أنا وكاتب السؤال خايف تقول ما أعرف فتك ويضيع وجهي

وش دعوى، فتك علم من أعلام المنتدى << تم شحط المذكور .
منوّر ياحلو .

[كآيدهمـ]

هلا والله هلا بسكان ( حي الصحافة )

يالي يقول ان الصباخ مثقف مو منه !
من الحي الي ساكن فية ؟
جريدة الرياض و الجزيرة بحارتهم
ماتبونه يتثقف اجل !؟!؟!

طيب احبيبي وش الوظيفة الي تتمناها ؟

وكيف العطاله معاك ؟

وان عرضو عليك وظيفة تتطلب منك التنقل بين الدوائر
الحكومية توافق عليها والراتب اكثر من 3000 ريال توافق ؟

عرض بطريقه غير مباشرة للوظيفة لك !

[الصباخ]

اقتباس المشاركة الأساسية كتبها بدر بن عبدالله سؤال نمبر تو<< رجع النشبة بعض الأحيان يعطيك من يناقشك وجهة نظره ، وتقابلها في بعض الأحيان بالسخرية وكأنها لم تعجبك، مع أن لكلٍ وجهة نظره الخاصة به والتي يفترض أن تُحترم؟ عزيزي الصباخ ما السبب في ذلك، هل يا ترى لأنك مثقف والآخرون لم يصلوا إلى مستوى ثقافتك أم ماذا يا أبا سليمان؟ وما شاء الله عليك بطول نفسك بالنقاش<< علشان ما تقعد تقول بدر عطان عين

ههههههههههههههههههههههههههههه ماتحس إنك علّة؟
شف لا تهكمت أو سخرت من رد أو موضوع فأعرف إنه ماجاز لي .
تبين أسكت وأطلع صعبه شوي .
مافيه بصراحة سبب واضح، وخل عنك اللقافه يابدر ولا يكثر.
وحاول إنك ما ترجع ثانيه .

اقتباس المشاركة الأساسية كتبها موهوب المستقبل حبيبي الصباخ وش تسوي أذا صرت كاتب موضوع وتاعب عليه...قوة قوة... بعد ما كتبته وأثره محذوف وش تسوي... أحبك في الله...

غير صحيح هالكلام، لا صار فعلاً الموضوع جميل وأنت كاتبه ما أتوقع راح يحذف.
وأراهنك على هالشيء .

اقتباس المشاركة الأساسية كتبها إبراهــــــيم اهلين ابو ريم .. حبيت اسلم عليك وامسي عليك بالخير

هلاوين، الله يسلمك ويخليك يابراهيم.

[الصباخ]

اقتباس المشاركة الأساسية كتبها مخاوي 7 الصمت كنت تشتغل مدير تسويق بشركة كبيرة ومرة جاك المدير وقالك بكرا الصبح يبي يجيك الرئيس التنفيذي ولازم تشرح له منتجات الشركة شرح كافي ووافي وبلغك أنه شخص قليل الكلام وشبه معدوم الإبتسام أنت تجهزت ولبست ثوب ما تلبسه إلا بمناسبات خاصة وتعطرت بعطر أشتريته خصوصاً علشان هالمناسبة والعطر كان غالي بكرا جاك شخص يشوف المنتجات وأنت مشتغل تعرض المنتجات وتشرح له وتحاول توضح له بعض المنتجات بالإنجليزي حتى تحسن صورتك عنده وتتعب نفسك باختيار أجمل الكلمات الإنجليزية بشكل ممتازة ومرتب بعد ساعتين تقريباً و أنت شرحت كل المنتجات شرح ممتاز ووافي وكافي الرجل طلع من عندك وراح لموظف ثاني أنت ساعتها رحت للمدير وكنت تبي تقول له: ( إن الرئيس جاء وأنه أخذ الصورة كاملة وواضحة لأنه ما سأل أي سؤال فأكيد أنه فهم ) وكان المدير يكلم بالجوال بعد ما قفل الجوال تفاجأت أن المدير يقولك أن الرئيس التنفيذي اعتذر عن الحضور اليوم !أنت هنا شوي و تنصرع : قلت طيب هو جاني وشرحت له كل شي . قالك المدير : أنه هو الآن كان يكلم الرئيس التنفيذي وانه اعتذر بسبب عدم إقلاع الطائرة . يوم طلعت من المدير وشفت الشخص اللي كنت تشرح له قبل شوي رحت لمه تبي تسأله من هو و تفاجأت أنه أصم أخرس يعني أنت طول اليوم تهمق على واحد أصقه ساعتها وش تسوي ؟ تذكر أن الوظيفة راقية ومحترمة ولقيتها بالواسطة والغرابيل

ياعمي إذا هذي هي وظيفتي وراقية مثل ما تقول بانثبر وبسكت وببتسم.
بعدين مثل هالوظايف لازم تبتسم بكل الوجيه، سواءً صغير أو كبير، فقير أو غني، مجنون أو عاقل.
لأن كل شخص من هؤلاء تستطيع إنك تكسبه زبون لك، وراح يفيدك ويسوّق لك مجاناً.
المسوّق الناجح هو من يتعامل مع الجميع بسواسيه وأخلاق عالية.
ومادام إني مدير تسويق ومدير كبير وراتبي كبير وجاي بالحسر والغرابيل، فبقبل مواقف أردى من ذي .
من زينك عاد أنت وخشتك .

اقتباس المشاركة الأساسية كتبها الـدعساوي ^^^ جيت بالوقت المناسب تكفى اكتمه بهالاسئلة

ماتبي توت؟

اقتباس المشاركة الأساسية كتبها مخاوي 7 الصمت مرة من المرات جاي من الرياض لبريدة ونزلت مع طلعت الغاط وكانت الفرامل ما تمسك زين والوقت مطر ويمين الخط كان فيه باص متوقف وفيه وايت يمشي شوي شوي ويبي يسقط على الجيب ومسك المسار الأوسط وفيه قدامك يسار شايب معه جمس شكله له يومين يمشي مع طلعة الغاط من قوة إنه يمشي شوي شوي أنت طبعاً جاي على سرعتك ومسكت فرامل لكن ما فيه فايدة وش تسوي وقتها ؟ شكراً لاستخدامكم فحمات الدعدعة للفرامل الذي كويس

ههههههههههههههههههه هذي عاد مصيبة، والله شف ياحبيلك.
أول شيء لازم تعرف إني رابط حزام الأمان.
ثاني شيء الله لا يجيب هالموقف ويبعده عني وعن كل مسلم.
ثالث شي لو افترضنا جدلاً إنه حصل، فأقولك مالي إلا الرادميه اللي مابين الجمس والخط اللي يسار << تحس إنه كد صار له موقف مشابه.
مره من المرات صار لي موقف مشابه لهالموقف، كنت مثبت السرعه وماشي باليسار إلا ويطلع لي واحد من الوسط وجاء يسار، طبعاً مايمدين أربط فرامل، ولا يمدين أروح يمين لأن فيه سياره.
رحت يسار على الرادميه، والله يابغيت أخم لي صبه بس الحمدلله، ربي حفظني ومشت على سلام، وعقبه ما عمري ثبت السرعه ولا عمري أسرعت .
الحمدلله على سلامتي .

اقتباس المشاركة الأساسية كتبها مخاوي 7 الصمت الدعساوي أنت احسن واحد يطرح أسئلة [ وش رايك بالدعساوي ؟ ] <<< لو تكرره مرتين زيادة يصير ماركة مسجلة بأسمك

الدعساوي علّة ومالي خلقه .
ههههههههههه منوّر يابوغلا .

اقتباس المشاركة الأساسية كتبها فتك س| أنت يوم الإربعاء أمس ببريده متحدي واحد علشانك

لا، آخر مره جيت لبريده يمكن قبل شهر وجيت يوم واحد ورجعت بنفس اليوم.

[الصباخ]

اقتباس المشاركة الأساسية كتبها كايدهمـ هلا والله هلا بسكان ( حي الصحافة ) يالي يقول ان الصباخ مثقف مو منه ! من الحي الي ساكن فية ؟ جريدة الرياض و الجزيرة بحارتهم ماتبونه يتثقف اجل !؟!؟! طيب احبيبي وش الوظيفة الي تتمناها ؟ وكيف العطاله معاك ؟ وان عرضو عليك وظيفة تتطلب منك التنقل بين الدوائر الحكومية توافق عليها والراتب اكثر من 3000 ريال توافق ؟ عرض بطريقه غير مباشرة للوظيفة لك !

هلا بكايدهم، لا طبعاً ماراح أقبل.
تبي تسأل وتقول ليش؟
أقولك أنا إنسان درست وأحمل الحمدلله مؤهلات، مو معقول أبداً إني آخرتها أشتغل معقب وبراتب ثلاث آلاف ريال .

وأما العطاله، فبصراحة أنواع الكسل والملل، لكن لعل الله ييسر ونتوظف إن شاء الله.

أما الوظيفه، فأتمنى وظيفه تليق بي كإنسان وأطبق فيه اللي درسته بالجامعه، وأشتغل بمكان يناسب شهادتي.

منوّر.

[روقــآن]

س| ماشعورك وأنت تجاوب على آخر سوعال من الأسئلة اللي قبل

[الصباخ]

اقتباس المشاركة الأساسية كتبها فتك س| ماشعورك وأنت تجاوب على آخر سوعال من الأسئلة اللي قبل

ودي أجلد راعيه، يبين أشتغل معقب .

[الجادي المدوف]

اقتباس المشاركة الأساسية كتبها الصباخ يازين من جاء وحذف الموضوع، تتوقعون كم واحد يبي يطيرن نص مشاركاته؟ حاطين هالموضوع لتكثير مشاركات بعض المبزره .

هل تفسر هذا الرد بأنك ما شفت نفسك -على حد زعمك- ؟!!

[الصباخ]

اقتباس المشاركة الأساسية كتبها سواق تريلهـ ! هل تفسر هذا الرد بأنك ما شفت نفسك -على حد زعمك- ؟!!

السؤال الواضح/ هل تنكر إنه مافيه بزران؟
واللي على راسه بطحه يحسسها .

[الجادي المدوف]

اقتباس المشاركة الأساسية كتبها الصباخ السؤال الواضح/ هل تنكر إنه مافيه بزران؟ واللي على راسه بطحه يحسسها .

لا، لا أنكر، لكن أنت قلت تكثير مشاركات بعض المبزرة ونلاحظ إن أكثر المشاركين وأصحاب الردود الكثيرة ليسوا بزران كما تقول !!
وحتى لو كانوا بزران كما قلت فما الداعي أن تقول ذاك الكلام ؟!!
ولماذا تدعدع وتشوف نفسك وتقول بزران وتستحقرهم ؟!!