[مبدعه بلا سند]

ليس كل من لديه شهادات قد اثر فيه العلم بل انا اعرف فتاة تزوجت بدكتوروالان هو متقاعد ولديها منه ثلاث اطفال يعاملها كالكلب ولايشتري لاطفاله (حفاظات)الا الاصغر منهم وحليبا لمرحله واحده لهم جميعا ... انظري الى هذه الدرجه قد بلغ فيه الشح يحسب ان ليس هناك من يحاسبه على ضلمه وهو المؤمن الذي يصلي ويصوم...ليس المهم من يملك الشهادات اذاكان لدينا مجتمع يلهث خلف العلم ليس لاجله وانما ليجني اموالا ويقتل نفسه من الجوع ليقتل اولاده بعدها بالتخمه!!!!؟؟؟

[☻مستانسين☻]

اقتباس المشاركة الأساسية كتبها ورد وبيلسان بس انتي خططي لحياتك وكيف تعيشين معاه ولايهمك هرج الفاضين هذاهن ميتات على العرس خخخخخخخخخخخخخخخخ اقول جبت العيد

اقتباس المشاركة الأساسية كتبها اهات الحزن لا مارخصنا اعمارنا بس بغض النظر اذا كنت تعيشين عند مجتمع يزوجون بناتهم صغار واذا تعديتي العشرين شقوى بك لما تزوجين مارح تفكرين الا برجال كفو مو بشهادته لا باخلاقه وتعامله مع الناس!! وبعدين وش يفيد اذا اخذت واحد معه دكتوراه وبالنهايه اخلاقه زززززفت

هههههههههههههههه ذي امس دريت به اما يشقون بي هههههههههههههههههههههه ليه يصرفون علي؟؟ موكلينن ؟ مشربينن ؟ ملبسينن؟ ولا تسذا بس يدورون لهم سالفه ... تخلف

يابعدي الاخلاق الزفت عند الجامعي والعطالي البطالي ومحو الاميه بعد
تكفين عاد ياللي معهم الثانويه عارفين قدرهم ويبارون الساس الا شين وقوي عين بعد

اقتباس المشاركة الأساسية كتبها ساعدوني ياوخيتي لايهمونك ههههههههه الحين في شح بالرجاجيل والبنات ياكثرهم بالبيوت قاعدين صدقيني كثير يتمنون لو معاه متوسط بس يكون رجال كفو وقد المسؤولية لكن ماهو حاصلهم

هههههههههههههههههههههههههههههههههههههههههه صدز شر البليه مايضحك
ياخزيااه من الله قبل خلقه.. ويييييييين يابو انتي وياه حسيت انكم معلنين بالجرايد لدينا فتيات للزواج هع هع
يااااخزياه اللي اقتبسته من ردودكم يفشلن بصراحه هههههههههههههههههه
اما انهن يبن يتزووجن اهم شي انه رجل هههههههههههههههههه بااااااع بس.. بقر ذولي مب بنات لاتضحكونن بالله .. انتن بالمتوسط؟؟ وعندكن نظرة الزواج حلو؟؟ يصير لتس بيت لحالتس ؟وتليفون لحالتس؟ وتروحين وتجين للي تبين ولا احد يقولتس لا؟ سلامي على هالتفكير الرايق بالحيل

برايفت لساعدوني..لايكون مسجله بهالمعرف تبينهم يساعدونتس تدورين رجل ههههههههه قولي لا تستحين

اقتباس المشاركة الأساسية كتبها •°انكسار الأماني°• شخصياً مستحيل أتزوج رجل معه فقط شهادة ثانوي .. جامعة وفوق كذا أحدد تخصصات معينة يعني مثلاً مهندس وإلا طبيب وإلا على الأقل محاضر بأي تخصص < هذا بعد التنازل

على هونه الاميره ديانا ارحمينا ياشيخه اامممممم صبر تسني سمعت اسمتس انتي اللي عدوتس الاولى بالطب ومعتس مرتبة الشرف

مناااااك بس لو بحلف انتس عربي ولا دراسات وتنجحين بالقوه عيب ياماما الفشخره خلاص حبيبتي ؟

ياكرهي للفخفخه اللي مدري وش تبي ودي احس بشعوتس تسلفينن اياه ؟؟

واضح انتس تسمعين بالطب والهندسه يااااقدمه تحسبهم للحين كشخه

اجل مهندس ولا طبيب <<طيب الطبيب اي تخصص تبين أطفال ولا أسنان ولا جراحه امري بس
اقول عن الق لقه الزايده والكلام اللي مايودي ولا يجيب مسويتلي فيها وهي من جنبه



الله يوفقتس وطلبتتس طلبه اعزمين على عرستس بشوف اخر الهياط وشو




:
:

صرااحه ردودكم اغلبيته مثااااااليه بقوه يعني لو تحطون نفسكم مكااانه مب كذا ردكم بيكون

الحين اللي معه شهاده جامعه وخاصه من جامعاتنا بالسعوديه مايسوى ولا بريال
اجل شلون اللي معه شهادة ثانوي صراحه ولا يابلاش مهب ابو ريالين

امممم شوفي ياوخيتي الناااس ماعليتس منهم وترا لو تاخذين الملك بيهرجون بتس حطي عليهم اكس احمر ..قصمان يابعدي وش تسوين

بس الوااااقع والصدز الي معه شهادة ثانوي مهب زين واللي يقولتس اخلاق ووظيفه ويبي يريحتس حتى اللي معهم شهادة جامعه مايقصرون يالله من فضلك وظيفه على سنع واخلاق وتوفيق من الله ان شاء الله <<على اني ما اظن بس اسمعه من اللي حولي

وانتي اذا استخرتي وربي ريحتس ماعليتس من احد حطي بأذن طين الثانيه عجين

الله يوفقتس ويسعدتس ويرزقتس على قد نيتتس
ويسهل دروبتس وين ماتروحين

لتس هدية زواجتس

[ريشة بمشاعري]

من رأيي :


أنه لو عنده وظيفة حلوه وتدر عليه راتب يمشي حاله ,, بكيف الشهادة لو كانت متوسط ماتهم ,,
ومدام أكتملت فيه الشروط اللي أنتي تبينها ,, خلاص وش يمنع؟؟
وياكثر اللي قاعد معه بكالوريوس ومالقى وظيفه مناسبه ..
قولي امين الله يوفقك بس ويوفقني واياك والمسلمين اجمعين

[•°انكسار الأماني°•]

وش تبي مستانسين

كل الناس صارت ردودهم مثالية إللي يقول أبي شهادة تقول على هونك وإللي يقول ماأبي تقول بلامثاليات
أنتِ أي صف بالبداية علشان أعرف كيف أخاطبك = أتحدث معك , مهب تحسبينه أخطبك وتكيفين

بعدين وراه كذا كلامك مرة تقولين لاأحلف إنك بعربي وإلا دراسات وتنجحين بالدف يعني ترينهن أقسام عادية .
ثم تقولين ياقدمك تحسبين طب وهندسة إلى اللحين كشخة , طيب وش التخصص الكشخة بوجهة نظرك ياهاي ماي ,
أجل طب وهندسة ياقدمي الأخت مصرية على غفلة يعني هم اللي كلية الطب والهندسة مثل كلية التربية عندنا من كثر الطلاب .

المهم لو صرت طبيبة أو مهندسة وتخصصي مهب كشخة شين يحوم الكبد المهم وشلون أثبت لك إني مش بعربي ولادراسات ولاأنجح بالدف

والله يالبزران مصيبة بعد المفروض الإشراف يشوفوا لنا حل معاهم يعني على سبيل المثال رد الأخت تجميع تايوان كل الردود إنقدتهن على إختلاف أرائهن .
وده تلفت الإنتباه وإلا تهايط وإلا وش السالفة على باله جالسة بين بزارينه بالفصل أولاه يالقوست بعد

[فوق مستواك]

اسمعين اذا راتبه فوق6 الاف زين والله يوفقك
لان اللحين الحياه صعبه جداا
وماتطلعين الا بفلوس


ام بالنسبه اللي تقول اخلاق ودين هذي اشياء اساسيه مستحيل الموافقه من دونهن

[☻مستانسين☻]

اقتباس المشاركة الأساسية كتبها •°انكسار الأماني°• وش تبي مستانسين

ابد يابعدي ابي سلامتس واهم شي تصيرون مستانسين

اقتباس كل الناس صارت ردودهم مثالية إللي يقول أبي شهادة تقول على هونك وإللي يقول ماأبي تقول بلامثاليات

اولاً: ارجعي لردي الله لا يهينتس وشوفي قايله اغلبيتكم هع هع يمدحونه نظارات فرزه (الكل يختلف عن الاغلب)
ثانياً: بردتس تقوليين ابي دكتور ومدري وش وهياط مال امه سنع اللي يقول الخطااااب سرا عند بابكم لدرجة ان جيرانكم مشتكين للبلديه من زحمة الشارع ويقولون الباقي انتظار هع هع تقول امي مالتس الا ولد عمتس وخوذي .... لايجيتس اللي اقرد منه

اقتباس أنتِ أي صف بالبداية علشان أعرف كيف أخاطبك = أتحدث معك , مهب تحسبينه أخطبك وتكيفين

هههههههههههههه اما اي صف الله يرجتس انا بزوجتس ولدي تراه مهندس هع هع... اجل اكيف اذا قلتي بتخطبينن هههههههه اصحاب العقول براحه هذي اللي تهايط وتقول ما ابي العرس مير الله يخلف

اقتباس بعدين وراه كذا كلامك مرة تقولين لاأحلف إنك بعربي وإلا دراسات وتنجحين بالدف يعني ترينهن أقسام عادية .

هههههه اما ترينهن حلوه الكلمه عجبتني .. تاكدت ان قسمتس عربي .. ايه بصراحه ارى يافتاة انهن اقسام ليست بالصعبه ولا تتطلب جهداً ومع ذلك لا تحصدين نتائج جيده =بالدف هع

اقتباس ثم تقولين ياقدمك تحسبين طب وهندسة إلى اللحين كشخة , طيب وش التخصص الكشخة بوجهة نظرك ياهاي ماي ,

هههههههههههههههه ايه صراحه قديم نظام اللي مايزوجون بناتهم غير دكاتره ومهندسين يقالنه اكشخ يعني جاء مع ردتس عجه وغبااار وانكتمت كح كح يسوونه بعام الف واربع ميه وحطبه بس اخبر مخلينه الحين

اقتباس أجل طب وهندسة ياقدمي الأخت مصرية على غفلة يعني هم اللي كلية الطب والهندسة مثل كلية التربية عندنا من كثر الطلاب .

هع هع الله يفشل العدو ههههههههههههههههه ماسمعتي ان بالجامعه حاطين اعداد محدوده للقبول بالطب ولا الهندسه ولا ياكثرهم اللي مايدخلون طب وهندسه لان العدد محدووود يعني صارت اقسام مستهلكه وجيبي اذنتس اقولتس حتى صارت بوه كليات اهليه تدرسهن يعني مب شي غريب ولا خيالي هع

اقتباس المهم لو صرت طبيبة أو مهندسة وتخصصي مهب كشخة شين يحوم الكبد المهم وشلون أثبت لك إني مش بعربي ولادراسات ولاأنجح بالدف

مافهمت شي ابد ابد من ذي النقطه بس اقول عيب اللي يتفشخر وهو مب قد الشي ومايحتاج تثبتين لي لانك بالاساس ماتهمين لو ان شاء الله معتس شهادة سادس ليلي هع هع ماتفرق ابد

اقتباس والله يالبزران مصيبة بعد المفروض الإشراف يشوفوا لنا حل معاهم يعني على سبيل المثال رد الأخت تجميع تايوان كل الردود إنقدتهن على إختلاف أرائهن .

اصبري خلين اصيح يوم قلتي لي بزران
هع اجل ردي تجميع تايوان ياثقاافة اجهزه انتي ... فيه ردود ما انتقدتها يالله حزري فزري تحداتس تطلعينهن؟ اللي ردهم سيدا يستاهلون اما الردود المخنبقه هذا جزاهم

اقتباس وده تلفت الإنتباه وإلا تهايط وإلا وش السالفة على باله جالسة بين بزارينه بالفصل أولاه يالقوست بعد

هههههههه اما المهايط ولفت الانتباه ذا احتكار لتس لا للتقليد هع هع
ايه صح ترانا ندور لأخوي دكتور الاسنان مره بالله رقمكم ارسليه لي رساله خاصه هع هع


لتس انكسار
وللباقين سوري طلعت عن الموضوع بس فيه ناس ماتفقه ولازم نعيد الكلام عليهم
العذر والسموحه منكم

[سمي الظبي]

معليش شوي خلونا نكون في صلب الموضوع

ونشوفه بكل واقعية ..

أكيد مما لاشك ان الجامعي أفضل لأنه بالآخر راح يتعين

أو على أقل تقدير راح يتوظف وظيفة مناسبة ...

لكن اذا كان حامل الثانوية معاه وظيفة حلوه

ممكن فيما بعد يكمل لو انتساب وكثير اشوفهم كملوا بعد الزواج

وتخرجوا

يجب اننا مانحصر أفكارنا بأشياء معينة

لأنه راح تستمر الحياة وهو شاب أكيد بيحاول يطور نفسه دورات دبلومات

مو ضروري يكون جامعي

وياما جامعيين ماعندهم ماعند جدتي

واذا على نظرة المجتمع

فيه ناس يزوجون الي معه ثانوي ومتوسط بعد

خاصة الي على مشارف الثلاثينات لأنه لازم تتنازل ولا بتطير الطيور بأرزاقه

وبالنهاية أهم شئ التوفيييييق والراحة مع هذا الشخص

تحياتي وبالتوفيق يارب ~~